九記牛腩

營業中

休息中

第1次黎已經要倒數幾年前,一個朋友帶我黎食9記牛腩...d 牛腩好好味..真係咁大個都未試過o係第2 d 地方食到咁好味的牛腩面..不過..次次黎都未能食到牛腩河..有少少少少失望..但都值得推介!

麵唔爽，牛腩一般，的湯一味得個鹹字，另叫一個淨湯亦一樣，和以前奶白色的實在無得比，叫爽腩永遠都話話未有，至於伙記態度更加不用多說。話中午12點半開門，到35分仍未開，但見到伙記坐在凳子看報，話之你排長龍,原來要等亞姐返來擺好陣才開門.不會再來！

２４／１１／２００７　午專誠黎食下咁多人都話好食的牛腩，２個人叫左一個牛腩ｅ～我就要咖哩牛根腩麵，一人叫左一樣野飲咖哩牛根腩麵～麵係粗麵，幾彈牙，個咖哩辣辣地幾好食～牛根腩份量都唔少，而且有肉味～用個汁攪飯都唔錯牛腩ｅ～我覺得呢個好食好多，個ｅ煮得軟硬適中，而且個上湯都幾好飲，牛腩肥瘦適中，而且入味～令人想再食多一碗不過真係好死逼～埋單～＄６９

平日好少食牛腩依樣o野, 但九記貴為香港第一腩我點都要去試試ge. 係中環返工其中一個好處就係可以食到好多香港首屈一指的食店.自己一個人比較易找位, "我要一碗爽腩伊麵ar!" 回應係"有爽腩wor." 睇完咁多Openrice的食評我都估到ga la, 都係想碰一碰運氣o者.唔算好大碗, 但都有7-8舊腩肉的.係度食牛腩都好靠運ga, 因為我食一碗都有兩種, 有一隻"un" d d, 但係都唔會好似係街食o個d咁"鞋", 要撕開同埋"趙"極都"趙"唔完, 佢一咬就開la. 另一款就真係值香港第一腩的美名la, 充滿牛肉香味, 超淋, 一咬就開了. 肥的位置唔會太多, 滑滑的一"o雪"就入口la.但更令我喜愛的係佢個伊麵ar~~~~可能因為係街好少會食到湯伊, 少少的甜, 而且軟硬適中. 配合湯底係一流, 食淨伊都好ar, 但冇試過係其他地方食湯伊所以唔可以比較.見佢枱面放了辣醬, 就試少少la. 但永遠真正的美食係原汁原味才好.

排隊一心想吃好,拿來竟是一碗又肥又鹹又韌的腩衣.....,服務差,價錢貴,,又要等,環境劣......反胃。

第一次食,牛腩很"un"很肥,和很咸,貨式只係一般般,河粉只係普通貨仔,牛腩很"un".無人地講好食,湯底重味精.

一向都聽過九記牛腩很正, 但重未食過. 昨晚終於去食. 當見到一碗細牛腩粗麵後, 心想咁細碗…後來發現份量不少, 幾件牛腩加一個麵,很足料. 不過, 牛腩很”un”, 亦沒有太香的牛味, 有少少失望. 湯底很濃, 麵夠爽口,而且吸收了湯的精華, 很好吃. 不過, 食完後很口渴.

我幫襯過三次，次次都是：.爽腩：冇；.腩湯：味精水加一層肥油；.排隊：最少排15分鐘；.員工：對客呼喝、極無禮貌；.座位：超逼、手肘撞手肘；.牛腩：又韌又黐牙；.價錢：唔算平。

We arrived at 12:45pm, there are already people queuing. Actually we planned to go to 勝香園,but there're really too mnay ppl waiting besides those tables, just gave up.咖喱牛筋腩was very good. The sauce was hot but mild, beef is tender. the soup is neither too thick or watery. Good!清湯腩伊麵was good. The soup was good. 伊麵is just cooked. But some of the beef briskets are not good. Iced tea is well-done.

食左咖喱牛筋腩粗麵, 一上枱, 杰杰既咖喱汁呀~ 麵吸晒咖喱汁, 但依然好爽. 呢度既咖喱係帶辣既, 個人鍾意食辣咖喱, 咖喱要帶辣才是咖喱. 辣度適中, 越食好似越辣, 成碗麵味道可保持到尾, 好.牛筋牛腩份量足夠, 如鍾意食筋, 可以叫多筋, 牛筋只跟咖喱, 清湯是沒有的. 間唔中要來回味一番.

曾話過以後唔會再來，因為我不是熟客。今次因有親戚從澳洲回來希望一試九記，無法！入去叫爽腩，例牌一句----冇！！！！兩人叫腩米要啉Ｄ，腩米未到巳有一個客人搭枱。他不用order，同侍應打個招呼便坐下。我們兩碗當然會係普通腩啦! 但那位熟客, 一碗爽腩伊, 一碗咖喱汁, 一碟油菜, 一杯凍飲, Ｄ爽腩見到都知道正，不過i am sorry, 我不是熟客, 不能有要求，只能吃又un 的腩，喝精彩的湯。****************************************之所以九記好壞參半, 皆因生熟客有分別，常見gournet kc 大讚話正, 皆因他是熟客, 他吃的腩不是你吃的腩, 所以..............但試想一想, 個個吃正的腩, Ｕn 嗰Ｄ比邊個食先?????????????????????????????????????????????

每次經過上環或中環，都會心思思想去食番碗牛腩伊麵，佢地ｄ牛腩真係好好味，有肥有瘦，就算係瘦個ｄ都易入口，一碗份量又唔會話太少，加上佢地的湯底好特別..好清甜,配合伊麵一齊吃真是超good呀...細食的人吃一碗都應該好飽喇...大食的人當下午茶都ok...$25一碗好似好貴,不過都值得的!!

呢間食店咁出名，當然亦都係要排隊等候入座啦。今次係樓上雅座。我哋叫左一個清湯既牛腩粗麵同埋一個咖喱牛腩粗麵。叫完嘢食，望下周圍，咦，好似好多人食伊麵喎，唔通伊麵好食啲？好彩，我覺得我哋都冇選擇錯呀。同埋我幾鐘意個SIZE，唔會太大碗。食食吓，有兩個日本人坐埋嚟，啲侍應就即刻拎個日文餐牌過嚟俾佢地睇。最攪笑係落單既時候，個侍應將個食物既中文名講歪個音複述一次就當係，哈哈哈，忍笑忍到我吖。

第一次去,一坐低,立刻問有吾爽腩,答案是沒有,失望只好要一碗腩粗和淨腩牛腩並不是太淋,但口感不錯個人認為服務態度並不是太差

終於都去左試九記牛腩. 之前好多人話九記名過於實, 又要排隊, 所以一直都無去試. 早排個朋友話其實唔駛等好耐, 所以就一齊去食. 我叫左腩河加碗咖喱汁, d牛腩唔係我喜愛果種腩, 但都幾好食. 至於服務都ok 啦, 粉麵舖嘅 service 係咁上下.