九町屋

營業中

休息中

餐廳: 九町屋 (牛頭角)地址: 牛頭角牛頭角道3號得寶商場地下123號舖我同朋友今日都放假 相約出黎食下嘢周圍閒逛 經過呢間 午餐連飲品 價錢相當吸引 飲品仲要係大大杯 所以就入去卡位坐低 我地坐低冇耐 其他食客都陸續進入 好快整間餐廳都坐滿了客人. 我地點了:溫泉蛋肉醬飯 ($42) 連飲品這碗溫泉蛋肉醬飯的呈現十分誘人，讓人一看就想品嚐。主角是柔滑的白飯，米粒分明，散發著淡淡的米香，為整碗飯打下了良好的基礎。飯的上方鋪滿了肉醬，色澤鮮豔，可能是由絞肉、洋蔥、蒜和多種調味料熬煮而成，醬汁濃稠，香氣四溢。肉醬的色澤呈現出紅褐色，散發著誘人的香料味，讓人忍不住想要大口品嚐。在肉醬之上，恰好放著一顆溫泉蛋，蛋黃微微流動，呈現出金黃色，與肉醬的顏色形成鮮明的對比。當用勺子輕輕切開溫泉蛋，流出的蛋黃與肉醬融合在一起，形成濃郁的醬汁，讓整碗飯更加美味。飯旁邊還有幾片新鮮的配菜，為整體增添了清新的色彩和口感，平衡了醬汁的濃厚感。整體上，這碗溫泉蛋肉醬飯色香味俱全，不僅讓人垂涎，更是一道充滿層次感的美味佳餚。咖哩豬扒飯 ($59) 連飲品這碗咖哩豬扒飯的呈現令人食指大動。主角是金黃酥脆的豬扒，表面

我20:00左右入坐我叫左個$88豚肉火鍋同埋fd 叫左$62餃子拉麵，個火鍋啲火唔夠大，所以要好耐先熟，因為工作關係fd急住食完走，我食火鍋啲野食好耐都未夠熟，所以我21:00都未食完，但就比人催去埋左單先，驚死你食霸王餐，收錢姐姐仲話可以慢慢食，結果我出左去埋單，明明餐廳22:00先收工，咁急催人做乜？返到黎就收走倒晒啲野食，啲丸冬菇菜同飯我都未食晒，搞到我成個晚餐都未食飽，仲一肚氣，最後淨係俾返20幾蚊打發你走

今日 又嚟到九龍灣 搵好嘢食， 搵到 距離地鐵站大約五分鐘路程 嘅得寶商場，入面一間 平民日式小店， 店內 裝修 有特色 牆上壁畫全部日本風格， 餐廳兩邊都係卡位， 坐得舒服。今日嚟到時段啱啱有下午茶， 超抵食❤️， 我叫咗個肉醬溫泉蛋唐揚雞丼飯+前菜+飲品 都只係39蚊👍唐揚雞 炸得香脆， 雞肉嫩滑， 飲品方便有好多選擇， 除咗咖啡奶茶仲有 台式奶綠 及水果茶選擇， 我揀咗炭燒咖啡，有香濃咖啡味， 不過記得要嗌小甜，因為呢間 小店嘅嘢飲我覺得係偏甜 👍 ，前菜都包有三款， 中華沙律 豆腐 同小番薯， 不過 個小豆腐就有少少雪味 佢唔係新鮮豆腐係啲雪藏豆腐， 係呢樣稍為美中不足

之後想去試另一間，但果間多人就轉試呢間九町屋。叫左個拉麵地獄湯同長崎奶茶，點知又幾好味喎～ 所以今次打完波又黎食多次，今次試牛板腱定食，再飲長崎奶茶，再食埋個牛舌。奶茶唔駛講啦～ 個牛舌好好味，熟既程度啱啱好，唔會韌。牛板腱都好味，不過有幾塊有d韌。已經點左少飯，但我都係食唔晒，哈哈。成個餐仲有小食，湯同甜品，好完美！

今日去九龍灣睇戲之前就去咗食呢一間，之前已經喺北角食過佢哋，發覺佢哋嘅出品好用心，而且價錢一啲都唔貴，應該佢哋搬咗嚟牛頭角，就專登過嚟幫襯佢哋，雖然而家好多人返大陸消費，貪佢哋平，但係呢一間價錢都好抵，係良心小店。我哋叫咗個壽喜燒鍋，牛肉一啲都唔少，而且唔係啲好普通嘅貨色，個壽喜燒汁都好好食，仲要唔使$70有一個套餐，如果食烏冬就要加多$10 ，個烏冬係彈牙嘅烏冬。雖然自己都有返大陸玩，但係都不忘支持香港本土嘅小店，如果唔係香港嘅經濟真係搞唔掂。呢間真心好食👍🏻

位於得寶花園地下。位置非常容易搵到。呢間餐廳就好似自己讀書時候lunch time會去嘅飯堂。食物選擇多，會有學生餐，就算大人，午市套餐除咗有主食，仲包埋一杯好大嘅飲品，通常飲完都會好飽，但係又好飲。今次叫咗照燒雞便當，入邊除咗有照燒雞之外，仲有和菓子、日式沙律、椒鹽豆腐粒、冬菇。飲品方面，叫咗芒果綠茶走冰走甜。鍾意佢走冰走甜，唔會話完全冇晒味，仲有淡淡嘅芒果香。仲有芒果粒會喺杯底，飲完就可以食埋佢啦。

🧑‍🏫性價比評分：🟢🟢🟢🟢🟢🧭美食體驗：由炮台山搬左去九龍灣的狸貓主題拉麵店。烏冬好好食，定食都好有心思📸打咭體驗：店主好重視室內設計，成個感覺比去左日本更加有和式味。

呢間係喺九龍灣嘅一間平民日本餐廳，入面有貍貓做主題嘅壁畫，🐾更加有食日本野嘅氣氛！午餐同下午茶都比較平，少budget但又想食日本野嘅朋友都推介！-今次就試咗牛肉壽喜燒，都算足料，粉絲同娃娃菜好食🥹。最特別嘅係呢間餐廳嘅飲品都非常大杯，好適合鍾意飲嘢嘅朋友🤣個人比較推介佢哋嘅招牌咖啡同抹茶奶茶，不過冇特別好嗜甜嘅朋友嗌抹茶嘅話建議少甜/走甜～個人覺得正常糖嘅話好甜😋

性價比高日式料理小店🍱📍九龍灣 九町屋今日途徑九龍灣得寶食午餐，係門口見到價錢都幾經濟就試試佢。吉列豬扒烏冬加手打蜂蜜檸檬茶$59吉利豬扒新鮮炸脆卜卜，豬扒件數都多，炸到比較乾身唔會好油膩，吉列豬扒推薦👍👍👍👍烏冬質地都滑，但是豬骨湯底唔算好濃，整體來講都正常發揮。炭燒雞手扒便當加百香果綠茶$66炭燒汁好好味😋便當類型都多，甜品蜜瓜大福好香蜜瓜味⭐️⭐️⭐️⭐️兩杯餐飲超大杯勁抵食，個人推薦百香果綠茶好清新，蜂蜜檸檬都可以，兩杯比較陳生陳太都一致認為百香果綠茶好飲啲。總結：午餐係一個唔錯嘅選擇人均$62.5（總數$125）無加一10分滿分）價錢：8/10味道：8/10環境：8/10

相約差不多成年沒見既朋友見面加飯聚朋友介紹呢間本來係北角 依家搬左黎九龍灣既小店 九町屋九町屋位於九龍灣一個小型商場內眼見大多都係附近街坊居民幫襯為多餐廳舖面裝潢富有濃厚日本風牆身仲有一大幅壁畫 日本味道就更濃舖內座位都不算少 而且座位間亦算寬敞望望餐牌 大多以主食同小食為多而餐飲大多以優惠價加拼 不過價錢實惠牛肉小火鍋成個鍋裝滿各式各樣食材 份量十足食材整體新鮮好食 配搭亦非常恰好牛肉性價比很高 食落唔會多筋似橡膠般朋友選了壽喜燒湯底 貪其味道濃厚菇同菜食到最後可以吸盡壽喜燒湯底味道好入味之餘仲好淋滑隨鍋附送既白飯唔會太多水氣食落軟硬剛好而且好有米香總括而言 呢個價錢絕對係一流水準之選鰻魚便當便當份量不大亦不細 對於正在修身減食既n_cc來說是剛好鰻魚不算薄有一定厚度 而且亦不算細小 餐廳好重本哦醬汁惹味食落嫩滑無乜細小橫骨配菜亦相當有驚喜 蘿蔔腍甜無渣豆腐香酥 冬菇腍滑 小薯香甜軟糯仲有玉子卷、中華沙律 同小甜品都甚有驚喜燒牛舌 同 三文魚腩牛舌燒得剛好唔會太乾 入口細嫩但多汁三文魚燒得香脆可口 沾點檸檬汁同醬汁令魚肉更提鮮黑糖奶茶 / 百香果紅茶黑糖味濃 奶香滑順 是有點甜 不過

前天山長水遠由中環長徵到牛頭角😆再由牛頭角長徵回新界🥲因為本人住新界，為了這間餐廳我一天去了港島，九龍和新界🤨 這間餐廳性價比超高🥘一去到已經有不少人等位，建議必點軟殼蟹🍴真是真是超好吃，我到現在都深深回味😍 加上那裡有超多特色飲料，每一 種都超想試的🤗加10多元就可以轉特色飲料了🥂我們點了2個主食，轉了特色飲料，再加一個小食，人均只是100元😍一定會再黎食囉，因為真係超級抵食，呢間邊到仲有平既餐廳

嚟開九龍灣行街又想醫肚，就揀咗間街坊價日本嘢坐低食飯。一行二人嗌咗2個主食配野飲，同埋2個小食，埋單約莫200蚊，都幾抵食👍🏼叫咗一個牛肉壽喜燒 ($68)，配埋一個大白飯，咁嘅價錢出面好難搵到，餐廳都算有誠意用個鐵鍋上，保留熱度等你慢慢食，正常壽喜燒湯底，屬於偏甜的，有一般壽喜燒配料，如大蔥、洋蔥、青菜同金針菇，另外牛肉分量正常，肉質就一般般，只能說對得住個價錢😂 之後再嗌咗個溫泉蛋雞扒飯 ($53)，淋咗肉醬底，伴飯食還可以，而雞扒就有約3件。飲食份量好大杯，跟餐嗌仲有優惠，分別係葡萄檸檬綠🍇🍋同手打蜂蜜檸檬水🍋🍯比較有驚喜嘅係小食 - 芥末脆魚柳配wasabi沙津醬 ($36)，睇得出係有心機炸的👍🏼👍🏼👍🏼 剛上菜時好鬆脆，魚肉肉質都嫰滑，點埋 wasabi沙津醬味道好夾。至於枝豆 ($19) 上碟時係熱嘅，灑上鹽再有少少薑味。

呢間日式小店都喺得寶開咗一段日子而我今次係第二次食午市特惠套餐- 豚肉壽喜燒配飯+手打蜂蜜檸檬茶 $66份量巨大 配料豐富 有 金針菇 小棠菜 娃娃菜 豆腐 粉條 巨量豚肉 生雞蛋味道鹹甜鹹甜 以生雞蛋配上些少湯汁撈飯 味道一流而美中不足味道有點過濃 娃娃菜很老很碎豚肉太肥 7成肥3成瘦手打蜂蜜檸檬茶 (走甜)超級無敵大杯 味道酸酸甜甜另外 小妹仲有叫過佢地外賣辛味軟殼蟹煎飯配肉醬汁+ 百香果綠茶 $70賣相可觀 飯煎得外脆 原隻軟殼蟹煎得香脆再配上小蕃茄 生菜解膩味道上配上肉醬汁 酸酸甜甜 因辛味粉所以有少少辣有驚喜嘅 軟殼蟹唔會好腥唯份量較細 唔太夠飽百香果綠茶 (走甜)正正常常 好大杯百香果果醬配上綠茶整體服務態度良好選擇好多質素以價錢嚟講正常

呢間係新開嘅小店，之前都冇留意到。今日放學同阿仔行過，見到有下午茶餐食，好似幾抵，一於同佢試吓呢間新嘅日式小店。呢間店舖唔大，但乾淨企理，仲有免費Wi-Fi俾你用，可以舒舒服服食個Tea.關東煮配烏冬+百香果綠茶關東煮都幾足料，熱辣辣上枱，內有腐皮角、蘿蔔、冬菇、魚蛋、豆腐、獅子狗，蘿蔔最推介，食落清甜，烏冬彈牙。百香果綠茶甜左少少，。餃子拉麵+前菜+芒果綠茶拉麵夠爽口，餃子煎得香脆，烤小甜薯甘甜，中華沙律好食，肉丸味道不錯，整體美味。芒果綠茶清新解渴。

今日嚟左第四次，之前只係食下午茶的套餐的伴面和肉醬飯，今日因為時間尚早，所以叫左個午餐的炭燒雞扒便當。真係估唔到一樣咁好食，雞扒好滑，份量足夠。自於飲品，自從第一次叫樓面留意下後，之後都有進步過👍👍👍23/10 今日兩位帶眼鏡的樓面姐姐，好好人❤️，亦都要一贊，因為我囡囡無學生證，姐姐都話可以照比我囡囡。雖然盲盒唔係貴重，但我感受佢的服務態度好好。👍#提提，第一次食，洗碗姐姐都好好，原本只係比自己同事，眼見到我同老婆的時候，笑容滿面的姐姐都話請埋我們食🥰好有心祝生意興隆