九町屋

營業中

休息中

位於得寶花園地下。位置非常容易搵到。呢間餐廳就好似自己讀書時候lunch time會去嘅飯堂。食物選擇多，會有學生餐，就算大人，午市套餐除咗有主食，仲包埋一杯好大嘅飲品，通常飲完都會好飽，但係又好飲。今次叫咗照燒雞便當，入邊除咗有照燒雞之外，仲有和菓子、日式沙律、椒鹽豆腐粒、冬菇。飲品方面，叫咗芒果綠茶走冰走甜。鍾意佢走冰走甜，唔會話完全冇晒味，仲有淡淡嘅芒果香。仲有芒果粒會喺杯底，飲完就可以食埋佢啦。