九份飽 (屯門時代廣場南翼)

營業中

休息中

九份飽（Tuen Mun)行過屯市 呢間細細地嘅台灣嘢望落幾吸引🇹🇼 誰不知七點幾開始出邊就開始有人排隊等位啦😮😮 唔想等就早少少到嚕～⌖ 香酥雞扒魯肉飯💰$52雞扒大大件🐔 攤凍咗都依然脆口 炸衣好薄 味道唔錯👍 唔會好乾身 但滷肉飯肥豬肉部份較多🤥 食落有啲油膩感💦⌖ 紅燒牛腩油麵💰$52湯底牛腩汁濃郁🤤 牛腩有四大件 件件嫩滑 肥瘦比例適中😗😗 配埋油麵好夾～⌖ 肉鬆起司蛋餅💰$36😌有驚喜嘅蛋餅！較平時食嘅蛋餅煙韌 肉鬆同芝士無得輸 推薦🥰🥰⌖ 滷味拼盤（豆腐、雞蛋、豬耳朵、雞翼、牛肚）💰$36豆腐味道奇怪 有啲變壞嘅感覺🥵🥵 雞蛋偏乾同硬身 雞翼得一隻 味道算係中規中矩 豬耳同牛肚比例就較多 味道都係正常發揮😅⌖ 冬瓜茶（3分甜、走冰）💰$10（跟set）強烈唔建議嗌3分甜嘅冬瓜茶 因為未到完全變咗🥲🥲 超級淡（小編表示下次唔敢了🙌🏻🙌🏻）⌖ 鳳梨綠茶（3分甜、少冰）🍍💰$10（跟set）酸酸地嘅一款 飲到鳳梨嘅味道 可以一試！😛⌖ 九份芋圓（冷）💰$38超失望嘅甜品😬 賣相完全唔得 仙草簡直係超市龜苓膏嘅味道🥶🥶 成碗嘅水就似係超市龜苓膏食完剩低嘅水。。 三色芋圓同埋珍珠算

裝修幾懷舊，似八十年代既feel原來係食台灣野😆無得拎飛，要係門外排隊等鋪頭唔算大，十張枱左右好彩都唔駛排太耐就入得😌• 香酥排骨飯 $48排骨硽得入味炸得香脆，唔會入口油笠笠可惜個飯無乜汁，食落有啲淡口最後撈左啲牛肉湯黎食，即刻惹味左🤣• 紅燒牛腩油麵 $52湯底幾濃，偏鹹牛腩唔算冧，無乜筋，有啲靭😕但佢又無牛筋腩揀😞• 滷味拼盤 $36有🐂肚，🐖耳，🐥蛋，🐔翼同豆腐份量ok，滷得入味，唔算死鹹送飯食幾好

之前叫左一個擔仔麵外賣，攞返公司食。但係食食下麵，突然發現有張膠紙，即刻變得無晒胃口😑😑之後當日大概下午兩點左右嘅時間，我去到同食市反映返個問題，目的想叫返佢哋留意返、下一次小心啲。去到同門口個店員話想見經理，但個店員話可以同佢講。我講完成件事，但係個店員淨係答「哦哦哦」，企係度郁都無郁，完全無正面回應過我嘅投訴。完全無諗住同廚房或者其他同事講返要注意返，完全唔想理件事😑對佢哋嘅處理手法好失望😑

上個禮拜同朋友行街行到攰，突然間想食啲小食，所以就嚟咗呢間～店內裝修行懷舊風，環境舒適，風格好有特色🦦今次都叫咗唔少嘢食，全部都好好味呀！！-QQ地瓜球地瓜球上面有梅子粉，第一啖會食到酸味，然後就係地瓜嘅甜了～佢哋用咗紫+黃地瓜，令到成個地瓜球食落口感更加豐富，外脆內軟，超級好味😋而且份量好足👍🏻-鹽酥雞 也是好好味！！外脆內軟，炸到啱啱好唔會太乾，味道同喺台灣食過嘅一模一樣，好多汁👍🏻-肉鬆芝士蛋餅係下單即叫即做的，熱辣辣，芝士仲要係流心，正～☺️-九份芋圓 唔會太甜，份量很夠，食落好清新，芋圓都很好有咬口🫶🏻💜

今日黎到屯門搵食，估唔到屯門終於有一間咁方便就腳又有水準既台灣菜啦😍 裝修充滿心思，好飲去左台灣九份一轉咁，天花掛滿橙紅色既天燈，好有feel呀🥹1️⃣紅燒牛腩刀削麵🥩🫕黎食台灣菜，點可以唔叫紅燒牛腩麵呢！我覺得牛肉麵係最可以測試到台灣舖頭嘅水準😎 紅燒湯底濃郁，唔會油膩，味道適中，恰到好處，出色！最鍾意係個刀削麵，咬落去每條都煙銀彈牙，麵條有番一定厚度，好有口感！主角牛腩：軟腍入味，肥瘦適中，有驚喜😍 不論係湯底、麵條同埋牛腩，三者都配合得好好！2️⃣香酥雞扒滷肉飯🍗🍚雞扒大件，件數都幾多；炸得外脆內軟，炸粉唔會好厚，咬落塊幾juicy，炸得不錯～ 飯都係粒粒分明，加埋滷肉汁一齊食好開胃🤩3️⃣🆕月亮蝦餅🌙🦐新出嘅當然要試試。用薄薄既腐皮，包住蝦餅，再拎去炸，外脆內有咬口，比一般既蝦餅無咁油膩。4️⃣叫左兩杯野飲，分別係仙草奶茶同埋胚芽奶茶🧋兩杯都充滿台式奶茶既幼滑同微甜☺️5️⃣九份芋圓 溫🍡最後食埋個甜品，黑糖湯底不會太甜，芋圓煙銀Q彈，有加左啲豆花同仙草，層次感🆙🆙🆙😝間唔時心思思想食台灣嘢，呢間都會係👍🏻既選擇🥳🥳

已經不知何年才能有機會飛台灣一趟，唯有繼續光顧台式餐廳以解思念之情。去年年底已到訪過「九份飽」，今次再訪，食客依舊籠絡不絕，可見受歡迎程度不減。雞扒有4件，口感脆身啖啖肉，咀嚼間滲出陣陣鹹香味。魯肉飯用上珍珠米，粒粒分明；魯肉以五花肉條製成，肥瘦相間，進食時油香四溢，非常香口。刀削麵口感煙韌，湯頭味道在把肉燥拌勻後十分濃郁。配餸分別有半隻滷蛋、蝦一集和一粒貢丸，如果份量再多一點就更好。酥炸魷魚除了鹹香，還有明顯的九層塔香味，完全就是台灣炸物的特有味道。入口香酥，味道惹味，好有夜市的感覺。非常足料的甜品，有芋圓、珍珠、紅豆和仙草，浸著豆奶。芋圓煙韌有𡁻勁，三色之中最喜歡芋頭味那顆，因為明顯吃到芋頭粒粒的口感。最後當然少不得來一杯台式飲品。冬瓜檸檬蘆薈清新解渴，還可以根據自己的口味選擇甜度。

最近屯門市廣場地下開咗間台灣食品 九份飽 餐廳裝修好有特色 用咗好多懷舊裝飾品去營造氣氛打卡影相一流呀鹽酥雞 大大粒分量都幾多 外皮脆卜卜入面仲係爆汁 加埋被制嘅香料真係食唔停口肉鬆起司蛋餅 超懷念嘅台灣地道小食 蛋餅皮煙煙靭靭 芝士 蛋 肉鬆仲係流心狀態 呢個配搭超甲呀台灣香腸 已經切咗片 配埋蒜片一啲都唔油膩滷味拼盤 香酥雞扒滷肉飯 雞扒仲係保持到香脆 入面嫩滑多汁 滷肉炆得夠曬入味 用嚟撈飯一流 同時唔太肥啱曬健康嘅人士呀黑糖珍珠鮮奶

平時假期好多人等好耐，今日係平日唔洗等就入得好幸運。兩個人食，嗌咗QQ地瓜球、起司蛋餅同台灣擔仔米粉加珍珠奶茶。地瓜球好少地方有，今日冇晒紫色果隻，平時係紫色同黃色兩款一齊，炸得超煙韌，入面軟心熱辣辣，成日經過都忍唔住買包返屋企食。起司蛋餅就整得少少硬唔夠juicy，之前去台灣呢個係必食早餐，好味又夠飽。擔仔米粉隻滷蛋好入味，隻蝦爽口，粒丸都juicy，加埋酸菜同肉碎都幾惹味，略嫌全部餸得一嚿，冇得畀朋友試味🤣另外發生咗件好搞笑嘅事，聽到隔離枱個呀媽見牆上有張電影poster同售票處，佢問個女套戲幾時上映，個女好無奈，笑死😂

其實叫左幾次外賣🥡今次終於記得影相📸️忍唔住想寫個食評😃屯門真係有好幾間台灣美食店但得九份飽我係會重複不停食甜不辣：就算外賣依然好好食😋未打開袋聞到好香，椒鹽包住每一塊甜不辣，配上酸辣醬，口感Q彈扎實必食魯肉飯：味道正常，不過不失，不過對我來講，肥豬肉少d會更好紅燒牛肉刀削麵同飯都有叫， 我鐘意食佢既刀削麵多d, 牛肉好林，好好食😋面條有彈性和滑溜，配上香濃牛肉湯，口感一流大腸包小腸呢個迷你版超級好唔多唔少，份量剛剛好，食左都無咁大罪惡感我好鐘意食

今日外賣左一個香酥雞扒滷肉飯，價錢49元，等左成15分鐘先等到個飯，算正常時間。至於味道方便呢，佢嘅雞扒，味道幾香，炸得都幾脆，仲要有成五舊咁多，都幾好味。飯再加埋啲滷肉，有油香味。但如果滷肉份量再多啲就好啦。

無耐之前先去九份飽到試過佢嘅堂食，今次決定買買佢嘅外賣，睇吓質素係咪保持到。總共叫咗三個餐同一份小食，額外比多$10加多一份滷肉。講咗個紅燒牛腩刀削麵先， 麵質Q彈配埋啲芽菜口感爽得來彈牙唔錯！牛腩軟淋煮得夠味。跟住到香酥雞扒滷肉飯因為外賣關係香酥雞扒有少少林左，呢度好可惜但係都係外賣嘅一個經常遇到嘅問題。 盒飯整體份量都大，仲有有半隻滷蛋。 不過我略嫌滷肉份量唔夠如果可以多啲撈埋個飯仲正。到香酥排骨飯同香酥雞扒問題一樣都係個皮淋左，但係食得出佢嘅調味夠鹹，同樣都有半隻滷蛋，雖然佢冇滷肉但係都加咗少少滷肉汁，令到個飯唔太乾身。 超鍾意食滷肉嘅我特登加多左$10嗌一份滷肉黎撈飯。 極度建議大家叫，食後感爭好遠。 原本冇乜顏色嘅飯即刻變到好濕潤，淡淡油香，滷肉粒入口即溶，正！玉米起司蛋餅， 本身食完一個餐都已經好飽，但係呢份打名都令我忍唔住食晒。 我得佢最貼心嘅位係加咗辣醬， 如果唔係個蛋餅略嫌淡咗少少。 粟米粒唔算多芝士就係平時嘅片裝芝士味道，蛋皮煎到好薄，而外層餅亦都幾煙韌。我覺得外賣比起堂食有樣嘢好就係可以自己返屋企叮，控制返嗰個溫度，始終熱辣辣嘅嘢食點都好食啲嘛😆

我叫了外賣綜合湯，雖然我知道分量應該不多，但都唔係咁少呀，得一粒魚丸，一粒貢丸，一塊豆腐，食咗等如無食。沒錯，價錢是$28，心想分量應該不多，但係比我想像中還少很多，好令人失望。寧願你收貴少少整多些分量，起碼唔飽都會有口感，覺得自己有食過。你價錢低但分量咁少叫人點食呢？我覺得中伏。做生意講誠信，唔好小小家家，我第一次見魚丸湯得一粒豆腐，一粒魚丸和貢丸沒有其他，好小家。普通魚蛋檔食碗淨魚丸都有4，5粒啦，更何況你地連鎖店

17.03.2022 星期四九份飽今日幫同事farewell，宜家開supermini party只能自己一人一份，唔可以分享；同事介紹咗呢間「九份飽」，完全唔知道開咗呢間台灣餐廳，睇佢啲餐單又唔貴，所以大家齊齊試吓。餐單都幾豐富、幾多選擇，主餐包括有魯肉/排骨/牛腩/台灣擔仔，分別有飯、米粉、油麵同刀削麵；多種起司蛋餅和各款小食；仲有甜品和飲料。紅燒紅蘿蔔牛腩刀削麵：我自己就揀咗紅燒紅蘿蔔牛腩刀削麵，紅蘿蔔和牛腩都好入味和濃味，刀削麵睇落不太多，但食起嚟都夠晒飽。可能因為咁濃味，成個下午都幾飽同幾口乾。海苔肉鬆起司蛋餅我跟同事一人半份蛋餅，本身已經分成四件，所以可以一人一半，我自己好鍾意食海苔肉鬆，份量夠哂多，好好味；蛋餅外賣始終會淋，相信堂食會好食好多，有機會要去餐廳再試。 滷青菜$20，有折，份量唔算少，抵食；因為刀削麵湯底夠味，所以我叫餐廳走汁，食嘅時候放湯食好好味。香酥雞扒魯肉飯：同事叫呢個飯，話好食芋圓仙草豆奶甜品九份芋圓同芋圓仙草豆奶比較受歡迎，同事食芋圓仙草豆奶都話好味，下次想試吓粟米起司蛋餅同事話較淡味，我估海苔肉鬆會好味啲蜂蜜綠茶熱、荔枝鳳梨冷、百香果紅茶 熱、伯爵

雙層起司蛋餅 $32粟米起司蛋餅 $32兩款蛋餅都好香嫩，雙層芝士滋味加倍，粟米就夠甜，小孩愛吃。鹽酥雞$38有台灣感覺，雞肉嫩嘅，調味都好，可惜係外賣返嚟，擺得耐左，炸皮會稔，幾時有堂食🥺紅燒牛腩米粉$49湯底濃郁，有芽菜、酸菜。蔬菜都俾足2款，新鮮爽甜，呢個時勢有菜食係珍惜嘅🤣。牛肉份量都好多，厚肉嫩身。米粉咬落索索聲，幼身好索湯。仙草奶茶 $23豆花胚芽奶茶 $28食台式嘢一定要跟埋杯奶茶先圓滿，兩杯嘅奶同茶都夠味道，嗌咗半糖，甜度啱啱好。

已經係佢哋既常客🤣無論邊區都食過哂😂真係冇一次係失水準😂-💕 紅燒牛腩刀削麵 $59💕 香酥雞扒魯肉飯 $48💕 起司蛋餅 $28💕 (新)月亮蝦餅 $32💕 茉香綠茶 $20💕 蜂蜜綠茶 $20✨ 主食+$10可換購飲品✨即叫即整，預15-20分鐘取喔～-💕 紅燒牛腩刀削麵 $59👅好味指數：9/10記得以前係冇刀削麵，估唔到咁好食😂係好食過我最愛，每星期要食一次個間刀削麵😨刀削麵粉感唔重，厚實得黎又有嚼勁，好煙韌😍而且外賣放咁長時間都唔易斷開，湯底清甜濃郁，牛腩都炆得夠腍，吸收哂湯既鮮甜！🥰-💕 香酥雞扒魯肉飯 $48👅好味指數：8/10雞扒炸得好香脆，肉質嫩滑好juicy！😍魯肉飯超入味，充滿醬油香氣，如果醬汁多啲就更好！-💕 起司蛋餅 $28👅好味指數：8/10芝士滿滿🥰每啖都食到芝士淨係芝士同蛋依個配搭我覺得已經足夠🤤又唔會膩又滿足😚-💕 (新)月亮蝦餅 $32👅好味指數：8/10試下佢既新野🤣外皮炸得脆口，內竟然有小小彈牙煙韌口感😳幾似甜不辣😂蝦味都好岀！