丼丼屋 (創紀之城五期(apm))

營業中

休息中

唔係第一次泥呢度食晏晝飯，食物選擇唔多，但勝在每次menu都有所變動，就算泥多幾次都唔覺悶😆😆😆一睇menu就比金黃色嘅親子丼吸引住，實在太美喇。同友人二話不說，一齊點左呢個餐。到食物泥嘅時候，都哇左一聲呀😲😲😲😲滑luud luud嘅炒蛋，夾雜住雞肉塊，面頭仲有一隻生蛋！😍😍😍 真係好夠金黃。輕輕撩爛個蛋黃，再撈埋啲飯，話咁快成碗飯都變得好金黃。滑蛋煮得剛剛好，連同生蛋，每一粒飯都沾上黃色的蛋同蛋汁。😶😶😶 個人有點怕啲生蛋味，但撈埋炒蛋 香味濃郁 易入口。😌😌😌 同時我都好怕唔夠飯，但太多生蛋，啲飯會變得滑孱孱，但呢個飯份量剛好，所以口感好😁😁😁 唯可改善係雞塊，份量相對碗飯有點少，同埋細細粒雞塊已經有好厚嘅皮😢😢😢 建議用心多一點，去左雞皮再serve

黎開觀塘做野，收工同同事黎apm食飯，就揀左丼丼屋！八九點都有好多人排隊，好旺場👍🏼叫左個小食SHARE，正正常常天婦羅飯，賣相一流👍🏼好食👍🏼可能因為太晚食飯好肚餓！食乜都VERY GOOD同事點左烏冬食，好CREAMY好味道！

香港人很愛日本食物，丼丼屋相信不陌生！其實我也是日本野食fans，丼丼屋其實很久之前食過一次。今次光顧了位於觀塘APM的分店！中午1點半左右，等了一張台。我們兩人卡邦尼溫泉蛋烏冬，牛肉壽喜鍋，三文魚和帶子刺身share。卡邦尼溫泉蛋烏冬，好食！經典卡邦尼醬汁，很稠，不會稀。內有煙肉，洋蔥和黑椒粒作配料，還有一隻溫泉蛋！我和朋友將溫泉蛋撈埋烏冬，但可惜卡邦尼味太濃，食落沒有什麼蛋味！下次將溫泉蛋放再一邊弄串，然後用烏冬沾來食會好D。整體食落，口感豐富，烏冬唔會太軟，好食！牛肉壽喜鍋，一set有個飯，沙律，湯。個鍋略嫌分量少，因為個鍋底好淺。味道還是不錯的！珍珠米白飯好食，不會太痴，有飯香！牛肉鍋雖然只有3塊牛肉，但配料也不少，送飯還是夠的。湯底是正宗壽喜鍋湯底，有少少甜！刺身就當然好新鮮，不夠食就對了😆

夜晚去APM睇戲，唔想行太遠而又唔想等位，丼丼屋係個好選擇。星期五晚預左多人，6:00 pm 左右就入坐，而限時90分鐘交檯都係合理的。今次落完單先發現叫左兩個都係豬肉飯，不過都係唔同Style 的。十勝豚丼-並盛 。因為太早食唔算餓，試左細碗D個款。菜方面成碗其實係有4粒豆甘多架!之後就係得半肥瘦豬肉，豬肉質感還可以，但肥肉比例都唔少。日式醬汁加珍珠米味道一流，但就略嫌太多油。果然好食同健康係好難平衡。咖喱吉列豬扒飯。吉列豬扒好厚好大塊，外皮炸得爽脆，可惜豬扒可能太厚，容易整得太熟，豬扒中間有點乾身。咖喱汁才是精華，日式咖喱夠香甜而唔辣，送飯一流。整體而言，價錢偏貴但坐得舒服。食物方面真係可以加返多D菜，兩個飯都係唔夠菜，最出色都係靠個汁去送飯真係好唔平衡，見到就算跟餐有沙律都係得好少菜。就算出街食飯，均衡飲食都係好重要的!

除夕夜黎咗apm食野原本想食Table 18點知佢做緊除夕夜set dinner要$400一位，個set又無咩特別野食好想食，實在唔抵於是就黎咗丼丼屋朋友A點咗泡菜牛肉飯定食有積物、沙律同麵鼓湯我試咗一細啖燒牛肉，覺得其實燒得幾好味只不過牛肉份量不算太多小食香草牛油雜菌香草牛油係指個牛油有香草我原本仲以為另外有d香草添鐵板上嘅時候好似好熱咁，但係舊牛油要自己撈如果唔係會唔勻本身好鍾意食菇，所以覺得都OK我點嘅泡菜湯牛肉飯好似係期間限定上嘅時候，碗中間係一隻生蛋同埋生嘅碎牛肉侍應係我面前倒入湯然後自己撈熟d蛋同牛肉泡菜幾好味所以湯嘅味道都好足夠辣度可接受，仲有d泡菜嘅酸但係牛肉可能太碎，食嘅時候完全唔覺有牛肉嘅存在總體而言，除夕夜的一餐，經濟實惠，唔駛等太耐，坐得都OK舒服，其實大型連鎖店都唔係真係咁差啫

中咗Openrice 戲票，約了好友收工一齊去睇！時間唔多，換好票再去同層餐廳排隊，幾間都人多，好在等幾張就入座，店員提醒限時個半鐘（我只有45分鐘咋，坐下來，地方大，桌椅唔迫，幾開揚！即刻落單！再同店員講想盡快上菜，佢問咗廚房後話最快要15分鐘，其實好快到！辛辣海鮮三味石鍋烏冬（$83）石鍋上，店員上菜就淋上辛辣湯，連殻蝦爽口，蜆肉嫩口唔腥，不過一兩隻有沙！魷魚圈最差，又淋又無味！橡皮筋圈！湯汁微辣正常，但時間太短唔入味！扁身烏冬煙韌彈牙！幾好味！整體一般大分雞肉天婦羅（$78）雞肉炸得香脆唔乾，炸衣薄！珍珠米飯彈牙！加上椰菜絲同醬汁！微甜好味！玫瑰雜莓茶（$40）賣相贏咗所以叫！透明玻璃茶壺，材料全部睇晒，花花加啲莓乾，另上有蜜糖調味！有蠟燭熱住夠熱！而且可以添水！酸酸地開胃，唔落蜜糖會微澀！店員有禮斯文，又會比適當意見，好似我哋趕睇戲，叫佢盡快，男店員會問廚房再回答最快都要15分鐘，莓茶加水，佢會解釋只可以加兩次，因為會太淡！態度幾好地方好坐，食物唔錯！可以一試！

同屋企人行行下街，肚餓就去食個下午茶，呢度有烏冬，飯同甜品，我都好想食，不過肚餓當然食飯最好啦，我食左牛肉飯，餐飲就係熱柚子茶，牛肉飯好吃，加埋牛肉汁拌混食好夾，加上甜甜柚子茶，甜度剛好，份量適中，而且環境好舒服，我地坐幾耐都冇人催埋單，服務很滿意！

原本想食元氣，但apm嘅元氣實在太多人了，先7點已經要等70幾張飛，唯有屈就下行過隔離食丼丼屋。其實我平時麻麻地食刺身丼，亦麻麻地食吞拿魚，因為我唔鍾意口感太淋嘅野食，但今次我又罕有地亂點咗呢個辛辣牛油果吞拿魚丼，而佢又比我想像中好味！因為佢係吞拿魚粒，所以每粒都沾滿辛辣醬汁，要黎送飯一流。而牛油果又中和番辛辣吞拿魚粒嘅濃味，同時佢亦令成個飯有多重口感，成件事幾夾。至於友人點嘅十勝帶廣名物豚丼亦唔差，豚肉係半肥瘦，口感唔會好鞋，日式醬汁亦加分，但就略嫌有點太油。宜家係apm foodcourt食個飯都要60 70蚊，但又唔係特別好味，所以丼丼屋之後都可以係我喺apm嘅其中一個飯堂喇！

觀塘搵野食，離不apm😁😁又想食日本野喎🍡🍢上餐快，味道一般啦，樣子都肯定係靚，岩晒相機食先既朋友👬👭👫最喜愛雞蛋撈烏冬，增加滑度，烏冬夠彈牙，烤豬排唔乾可入口😋😋

見佢算新開就試試佢。環境不錯，光猛，座位舒服，下午茶時段冇乜人唔需要等位。叫左個忌廉煙肉玉子烏冬。忌廉creamy，煙肉香口，烏冬煙un。略嫌份量比較少，唔太夠食。而價值算中上但食物不算特出，作為學生哥唔會經常選擇此店

放工同同事去apm揾食決定去試下好耐冇食嘅丼丼屋記得當初apm分店剛開時有去食過當時可能因為新開，所有店員都好新所以所有嘢都好似好混亂叫三個set錯足三個set時隔咁耐決定俾多次機會佢！果然overall都進步咗好多牛肉壽喜燒見到好似都好多人食就試下啦果然又唔錯喎雖然牛肉厚左少少但係湯底好夠味平時唔大食嘅我都將成個set清得乾乾淨淨哈哈哈哈

2016年8月10日 (星期三) 5:00pm 不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 全新概念店揉合了現代與傳統的日式料理概念，裝潢以時尚樸實為本，感覺舒適和優閑。加上一整排的窗戶，令室內陽光充足，可節省能源，合乎環保的大趨勢。 什錦刺身丼 - 三文魚、吞拿魚、帶子都十分新鮮，肉質軟滑，款款厚切，完全沒有冷凍感覺和雪藏味道；在拌勻蟹籽及青瓜片後進食，感覺爽口清新。唯一美中不足的是材料比午市為少。【推介之選】❤❤❤ 凍日式炭燒咖啡 - 曾經在其他食店飲過炭燒咖啡，印象味道苦澀；但發現丼丼屋的炭燒咖啡不苦，喜出望外。【溫馨提示】：❶ 提供下午茶套餐❷ 每款食品都是即叫即製，必須等候20分鐘。❸ 另加 HK$10 可轉奶茶❹ 另收加一服務費❺ 結帳付款須自行到收銀處

關東煮冇味，難食，價格可以。滑蛋雞肉丼，滑蛋雞肉冇問題，旦米飯如食湯飯最大問題為什麼只有35分鍾食飯，仲要坐好服務員先同你講，真的不知走定唔走，所以食得非常不開心

見到Apm 開咗間丼丼屋，諗住公司放假，揾個平曰去食個午餐。但又想避開辨工室1:00至2:00嘅lunch hour. 去到大约2點，好容易就有位啦。睇咗個menu ,就叫咗個豚肉丼，呢個飯都有d貴，一大碗飯。但入面只有4塊肉，呢個餐係包沙律，前菜同飲品嘅。。好少份糧嘅沙律小到得幾條嘅前菜4塊豚肉嘅丼，肉質好硬真係唔係好夠飽喎，追加咗個三文魚帯子三文魚唔太新鲜，又薄又唔新鲜，睇牌display 時，就好以好得，但真係好唔得囉食個咁嘅lunch ,就要成127元，真係唔抵呀加多幾十元，就可以夜晩去食過放题啦！！無下次

最近屋企做左無飯煮婦，差唔多每一日都有飯局/出去食飯😂😂😂😂😂 食飯時間APM差唔多間間都要等位, 估唔到平日都要等位, 實在係有d誇張。丼丼屋位於高層,而且位置都比較開揚, 如果唔係坐入面既出面食飯感覺好似成日比人望住咁咖哩吉列🐽扒滑蛋飯 $103 (定食)上枱賣相都幾吸引! 咖哩香傳到去我朋友個位度係咁話好香好香~~ 吉列豬扒好厚好大塊, 可惜豬扒處理得過熟, 食落豬扒已經沒有肉汁, 感覺有點干身.🙁食落咖哩真係好香而且幾濃味, 因為係日本咖哩所以唔辣, 味濃佐唔會太咸, 濃傑適中。👍🏻雞蛋食落好滑身, 配埋白飯咖哩一齊食真係幾好食!燒牛肉🐮泡菜他他丼 $93 (定食)燒牛肉雖然上面有照燒汁係面, 但牛肉好香而且咬落有肉汁, 食落好juicy😍👍🏻泡菜碎微微帶酸配埋燒牛肉一齊食更能吊起牛肉既香味!燒汁感覺唔算太多, 對於我中意撈汁既人感覺有點少, 整體呢個他他丼比較好食!👏🏻份量都幾多, 肚子餓的我都食唔晒. 🍱另外定食配有沙律, 前菜 & 麵豉湯, 味道一般唔算有太大驚喜。