丼丼屋 (創紀之城五期(apm))

營業中

休息中

Dondonya is a Japanese food chain. Last time tried the dessert molten chocolate cake and found it really bad. So we didn’t go there for long time. This time we came here for lunch and the environment is so neat. I ordered fried pork with ginger & poached egg don set. The set comes with salad dishes and miso soup. Stirring poached egg into fried pork rice and it’s such a good combination. With ginger, seaweed, sesame and other seasoning, it’s so yummy and appetizing. I normally can’t finish a who

同朋友一行4人黎到觀塘搵野食，見到好多間都人頭湧湧，黎到呢間都唔例外，但好好彩，等左一陣就有位啦！打開餐牌每樣都好吸引咁，最後叫左一個鰻魚飯、滑蛋牛肉飯、雞肉飯同溫泉蛋豚肉飯。仲追加左玉子卷、魚生同芝士豚肉薯餅，佢追加都好正，有埋前菜、沙律同湯。本身仲想嗌甜品，但太飽冇叫到！整體濃味左少少，但都好好食！抵食之選～

事關觀塘食日本野都算多選擇，今次終於排到丼丼屋！四個人食大約$700，價錢唔平，但勝在水準有保障！因為食日本野太容易中伏！魚生飯啲刺身就算新鮮嘅，不過魚生份量就唔係好夠喉囉。食晒啲魚生但仲有大半碗飯。呢個石版燒牛肉反而有啲驚喜！牛肉比想像中有肉味！燒完都唔覺得老！初頭驚塊熱石去到最後唔夠熱燒最後嗰啲肉，但其實係我諗多左！自己可以控制啲牛肉嘅生熟程度！有得食！有得玩！滑蛋鰻魚飯就最穩陣之選！有成半條鰻魚！零失手！

我係丼丼屋十勝豚肉丼嘅忠實fans，所以每次去丼丼屋食飯， 我都會叫佢嘅十勝豚肉丼。 今日同朋友一齊去食lunch， 有啲朋友未食過丼丼屋， 所以我就極力推介去食十勝豚肉丼。 而我自己呢， 因為見到佢哋有新產品： 二重貝烏冬定食， 所以就決定要試下新產品。十勝豚肉丼一上枱， 就聞到非常香嘅醬油同埋豚肉味道， 嗰下我即刻有少少後悔自己冇叫到豚肉丼， 啲同事一食就即刻話好好味，仲一路食一路講咗幾次好味添， 見到啲同事 咁滿意， 我自己都覺得開心。 十勝豚肉丼一如既往嘅好味， 醬汁香甜好味，豚肉又香又淋， 用嚟送飯就啱曬。而二重貝烏冬定食裏面就有兩款唔同嘅貝殼類，一種係平時食開嘅蜆，而另一款就係不知名嘅貝殼。 蜆肉鮮甜冇腥味，而另外嘅貝殼類嘅肉， 味道就比較濃烈，味道都幾特別。 而下面嘅烏冬， 煮得非常有咬口， 湯底既鮮且香， 忍唔住飲咗好多。 而set lunch嘅定食仲包埋湯、沙律同埋鮮果茶。 整體而言，質素好，非常滿足，值得推介。今日仲有個熊本file送添，真係喜出望外。

已經9:30了，apm丼丼屋仍然咁多人，要排六張枱，呢度唔係第一次幫襯，上次食過刺身好新鮮，所以今次再嚟食，今次叫了三色海鮮刺身丼定食， 天婦羅烏冬先講三色海鮮刺身丼定食，海鮮仍然係咁鮮甜，飯做得好好，酸醋落得好適中，不錯天婦羅烏冬，我朋友話烏冬好煙韌，但係天婦羅睇樣睇外貌已經覺做得不好，炸得不夠靚，好油膩嘅感覺，食落口更加成口油，做得好差整體嚟講，丼丼屋食刺身真的不錯，但天婦羅 。。。。算了，以後都不會再選擇

呢間丼丼屋喺商場頂層，其實唔係好方便，平日都唔會上到咁高，不過今晚唔同，今晚因為要就時間睇電影，丼丼屋同戲院的距離一分鐘都唔使，所以就揀呢間。平日時段，晚市周圍都要等位，呢度等十餘分鐘好合理環境幾舒服，餐牌都多野食個人喜歡滑蛋所以叫了親子丼，友人就叫了滑蛋和牛丼唔知名古屋的雞有乜特別，食落好食就可以了。喺我心目中，滑蛋撈飯點都係好食的，和牛我都唔知係咪和牛，都係果句，好食就是了。份量唔太多，女孩子都食得哂一個丼。另外叫了咖哩牛肉薯餅，呢個唔好食，中間得一pat 咖哩，好空虛無口感。最特別喺呢個。餐牌照片同實物係match 的。叫Koey s pink sunset 38蚊。好有美感的荔枝梳打，紅色粒粒的店員話我知係玫瑰花乾，可食用，我食落口就似係士多啤梨乾，算啦我又無理由質疑人地，整體好飲就得，其實都係荔枝梳打姐，但妳咪理，靚咪得。呃likeable 。整體價錢都叫合理，商場麻。

今天逛apm有點累，想坐低休息食日式餐，所以選擇了丼丼屋～入到去，人很少很靜，好似包場咁。三文魚親子丼厚切的三文魚粒鮮味濃郁，三文魚籽充滿光澤，一咬即破，味道清甜，配上日本珍珠圓潤飽滿，口感不錯～可惜，整體份量略少，未如宣傳單張般豐盛，價錢略貴，唔算好抵食。

有次夜晚響apm找吃，見間間都好似要等位，唯有揀間比較冇排得甘耐嘅！加上諗起上次食過個烏冬幾正，於是揀返丼丼屋！排隊都快，可能我一個人關係啦！入到去一打開個menu就心諗😣😣冇左個烏冬嘅，莫非間間menu 吾同！甘冇法啦！咪揀樣想試嘅！天婦羅餅烏冬！賣相吾錯～但味道🙈🙈🙈淨係覺得好熱氣，冇乜味，好炸嘅感覺！個烏冬又🤦🏻‍♀️🤦🏻‍♀️🤦🏻‍♀️係冇乜味！結果我食吾唒走人，重要覺得吾平😨下次都係睇左menu 先入去lu~

唔知有冇人同我一樣，以前細個唔識讀丼丼，所以會叫左井井屋，哈哈！今日Happy Friday，和同事去左丼丼屋食lunch。環境寬闊，坐得舒服，職員服務態度有禮，而且仲好體貼，擺個籃係座位旁的地下俾我地放袋。滑蛋和牛丼定食完全冇加filter！牛肉親子丼！蛋真係好滑，好重蛋味，睇顔色就知，撈飯食好正！牛肉份量算多，不過就冇滑蛋咁突出，唔韌嘅，味道中規中矩。午餐餐配沙律和湯。餐配飲料係果茶，優點係唔太甜，缺點係果味好淡好淡好淡。二重貝烏冬定食同事話唔太肚餓，所以點在左烏冬食。d貝多到好誇張，佢話好似食極都食唔完咁，而且貝好鮮甜，配彈牙讚岐烏冬！

睇八點戲前去食晚餐，等左九張枱，大概20分鐘到，唔算太耐。兩個人點咗一個滑蛋吉列豬扒丼，一個叫了炙燒海鮮丼。飲品點了抹茶梳打，另一個叫了蘋果汁。滑蛋吉列豬扒丼滑蛋效果做得唔錯，且分量十足，吉列豬扒外層炸得酥脆，豬扒肉質尚算鬆軟。炙燒海鮮丼有一隻大蝦，蝦頭啲膏好多，新鮮鮮味，蝦肉爽口。另外，有幾片三文魚，但係比較薄身，燒過後都不太肥美，另外有少量蟹子，及一隻帶子，質素不過不失。質素平平，但係價錢合理，所以都收貨。

午飯心思思想吃日本料理，但是同行有小朋友，要揀一間大小通吃的日本餐廳確實有點煩惱。看看水牌，發現這個商場有丼丼屋，非常合適我自己點了個三個迷你丼組合。分別有三文魚籽，呑拿魚蓉及帆立貝配蟹籽丼，一次過滿足了三個願望，正呀！組合丼到了，三個迷你丼好可愛！吃下去所有魚生都很新鮮。配上醬油和芥末，更提升鮮味！別看這三個迷你丼似乎很迷你，但其實份量很多呢！個人覺得足夠兩個胃口較少的女生吃到最後我吃光了魚生卻剩下很多飯。

呢排顧住同O先生一齊煲《延X攻略》，搞到食野都唔想點諗去邊度食（幾乎街都唔想出😆）！美味子因為要去觀塘拎d野既原故，唯有拿拿臨搵個近地鐵站既地方食野，O先生又想食日本野吸下d（壽）司味，咁我地就揀左丼丼屋啦，貪佢位於APM高層叫做排隊小人d，易d攞位又入坐得舒服。滑蛋牛肉丼- O先生叫左個滑蛋牛肉丼，加$38就可以叫set 有幾塊刺身食，抵食過叫刺身丼，因為魚生數量都係一樣。O先生果然精打細算😘😋溫泉蛋牛肉丼-美味子我就突然好想食溫泉蛋，又唔係好肚餓，所以就冇叫set，淨係叫碗溫泉蛋牛肉丼，都已經好飽飽啦，啖啖肉，溫泉蛋軟熟度剛好，一切開d蛋汁就溜晒出嚟，超正😍👍🏻係牛肉淡左小小同食落去d筋有d難哨，整體上係唔錯架👍🏻美味子食完就覺得「吉X家」d牛肉飯真係太多味精啦！丼都係要食返d小味精既先夠和風🇯🇵

呢間餐廳係APM 撞正星期六夜晚所以等位都等左成半個鐘仲有因為太多人所以限時用餐兩個鐘 食完都仲好多人排隊😂餐廳啲座位都幾闊落坐得幾舒服唐揚雞丼配溫泉玉子 $65 雞充滿燒汁香味燒得好香 再加上面灑上蔥花同埋少量芝麻 而且份量好多有成五大嚿🤤 最欣賞嘅溫泉玉子真係做到半山熟嘅溫泉蛋味噌吉列豬扒丼溫泉玉子 $88 味噌外型有點奇怪 被同行朋友取笑像糞便🤣 吉列豬扒炸得香脆內裏肉質結實 但較乾身 還有紫菜同香蔥可以撈飯 溫泉玉子亦係半生熟 三樣撈埋飯一齊食美味可口😋

丼丼屋幾乎係我同屋企人常日聚腳的地方，鍾意APM個度坐得適服食物質素又ok。。。當然必點的係佢地的炸物-炸豬扒包，未轉餐牌之前，最鍾意點滑蛋咖哩千層吉列豬扒飯，但依家冇晒咖哩系列的食物。。。唯有點滑蛋豬扒飯，好好味，脆脆的豬扒加滑滑的蛋。另外必點的係芝麻雞翼，知道好多地方都有得食。但都會叫。。。但自從冇晒咖哩食之後，我媽媽（素食）就冇野可以叫黎食，只可以叫一個淨烏冬加個小食玉子卷。。。整體黎講係好味好味，係餐牌冇冇肉菜式，係有D失望。去的次數會減少。。。

假期嘅apm真係好多人，尤其撞正食飯時間，都等左15分鐘先安排入座。同男朋友叫左一人一個飯☺️名古屋鳥開親子丼 - $83Menu上面嘅推介系列🤤份量十足，滿滿嘅雞肉同雞蛋鋪滿整個飯，而且個汁唔會令人越食越滯。炙燒海鮮丼 - $88有幾款刺身，包括蝦、帶子同三文魚，鮮甜!新鮮!Yummy