丼丼屋 (創紀之城五期(apm))

營業中

休息中

作為蛋黃哥迷，本來是為了蛋黃哥主題才去丼丼屋，但去到才覺得中伏了...如果是為了朝聖而去嘅朋友大概會失望了😟講番野食先，我地見佢啲石燒系列都幾吸引，就決定試哂兩款～和牛石燒定食 $165和牛幾好食，香而不膩～ 可以自己控制生熟度呢點唔錯，建議唔好煎得太熟～ 沙律、湯呢類配菜味道都唔錯～海鮮石燒定食 $138刺身都被預先塗上食油，以防煎嘅時候黐底，幾貼心👍🏻 海鮮幾有鮮味，同樣地不宜燒得過熟～ 呢個沙律有炸蝦頭，幾香脆惹味～日式炸豆腐 我地仲加 $28 試左個日式炸豆腐，包埋湯、沙律、薯蓉～ 我地都幾中意呢個炸豆腐，內裡豆腐夠軟滑！ 薯蓉加入左粟米、蔬菜、沙律醬等食材混合而成，幾好味😋整體來講，味道唔錯，但性價比唔算高，我覺得市面上會有其他更實惠嘅選擇～

呢間分店係蛋黃哥做主題, 有蛋黃哥LOGO GE 食物。叫左個泡菜豚肉飯, 好多泡菜, 5會太咸太辣, 岩我, 豚肉都好多, 個飯正正常常LA。叫左個蛋黃哥玉子燒一件, 有蛋黃哥個樣GE, 暖暖的,少少甜, 又有少少上湯味, 好食。另叫埋蛋黃哥個千層CAKE, 係普通CREAM GE 味道, 但無蛋黃哥個樣....BTW,佢地服務同上菜都快

平時經過APM六樓，晚飯時間都見到好多人等位，今次六點幾去，輕鬆入座。限時90分鐘，我地入座之後冇幾耐就見到等位既人龍。炭燒風味雞肉丼 ($58)好多醬汁，絕對夠撈成碗飯炭燒味不重，不過雞肉調得好好味只要惠顧主食就可以加配其他定食我加左 輕盈定食 玉子卷 ($25)玉子卷甜甜地都好食，一定要趁熱食有個沙律球入面有唔同既配菜，口感不錯，岩我口味另外仲有沙律菜同昆布湯，睇落都覺得豐富友人就叫左三文魚飯，厚切三文魚飯量適中，但胃口大既朋友可能要加配其他食品選擇

其實上一次係食過，不過上次叫左個"信州風味醬汁吉列豚丼定食"，真心伏😑D汁唔好食，吉列豚肉炸到好乾，汁少更乾。。。唔啱我食😑不過都決定再試另一樣心目中想試既，所以今次再去一次🤣叫左個"十勝帶廣名物豚丼定食"，油香既醬汁燒一塊塊薄身豚肉，唔流好好味🥰個汁送飯一流👍不過D青豆就。。。🤡其實一係比多少少，一係就算數，幾粒咁你話伴碟又唔係好睇🤣🤣當然仲要係無調味加工過放落去，感覺係食之無味棄之可惜，都食左佢唔好浪費食物😗加左UPGRADE去刺身定食，三文魚無味（雪到無味），已經唔可以話鮮唔鮮甜，個蝦就都無乜甜味，所以下次可以只食丼飯唔洗加錢食呢個細刺身🤔不過個豚肉丼飯係值得去試既🙆‍♀️

晚飯時間嚟到APM，間間餐廳都排曬長龍，拎完票要等成80個位都有😥要揀一間少人d但食物質素都唔差嘅，揀咗丼丼屋就啱啱好啦👍🏻之前都有食過佢哋嘅午餐，個人認為都唔差架👍🏻價錢唔算好貴，質素都ok！個人認為加錢變刺生套餐就唔太抵食，但就咁叫個飯就非常高質👍🏻不論係豚肉丼定係親子丼嘅味道都好好😋另外今次仲叫多咗一條鹽燒鯖魚，個人認為味道鹹咗少少，不過都唔算太差👍🏻午市嚟食嘅話性價比就最高啦👍🏻

周末陪媽媽食中午飯，攞位等十分鐘左右不算耐。餐廳坐位闊落坐得舒適，菜單有好多選擇，樣樣都好吸引，點左兩個主食加$25多個輕量定食，要收加一價錢尚算合理。鰻重 ($98)鰻魚飯賣相吸引，鰻魚肉厚肥美無腥味，而且大份好有滿足感，甜甜地鰻魚汁濃令鰻魚肉好入味感覺好多汁，飯粒飽滿沾上鰻魚汁更食得滋味。另外，可自行撒上少許山椒粉，增加多份香味，但山椒太搶不宜撒多，以免搶走鰻魚味。鰻重定食確係有質素價錢合理，所以次次來都總會點來食。滑蛋吉列豬扒丼 ($98)吉列豬扒炸得幾好，炸粉不厚，有外脆內嫩感，份量十足確抵食，豬扒已切成六塊食起上來方便，滑蛋好嫩滑鋪滿成碗，好有蛋味撈飯食好正。輕量定食 (+$25)和風湯清清地湯料有昆布金針菇，個人比較喜歡麵豉湯濃味，薯蓉食完唔覺有食。沙律用左柚子汁食起來開胃嫌份量較少。玉子卷大件質較實，做得一般而已。前菜定食做得不算出色，但加少少錢就有，叫下亦無妨。

平日午飯時間， 有很多人取票等侯。天氣炎熱 ，坐近窗邊，冷氣不夠清涼。滑蛋和牛丼定食$78滑溜的雞蛋融合了惹味的和牛肉， 配以香甜洋蔥，蓋在米飯上， 內層珍珠米軟綿， 夠熱度 ，有飯香， 大大碗， 好豐富！沙律菜車厘茄、粟米粒、蟹柳， 沙律生菜……湯有香菇 、昆布、 金菇、 蔥花， 日式味道， 好飲。凍果茶午餐定食可免費餐飲有茶香味， 甜甜地， 不錯。價錢超值午市定食餐單 ，提供不同加配的選擇，加配優惠:A. +$5轉橙汁、汽水、咖啡或茶B. +$13 迷你泡芙(3件)C. +$15花畑牧場芝士豚肉薯餅(1件)D. +$18 炸芝麻雞翼(2件)E. +$28 是日刺身(4件)

星期五晚想係APM搵餐廳食飯真係一件難食....本來以為金記冰室會有位，點知去到勁多人排隊元氣壽司就更加唔洗諗，平日都勁多人去，今日星期五又點會少呢?經過丼丼屋見到入面有張兩人枱得一位女仕坐，就問下門口嘅侍應一個人嘅話可唔可以搭枱。果然可以即時入座辛勞左幾日，難得今日星期五可以準時收工，一於食好少少慰勞下自己於是乎就叫咗和牛石燒定食等左10分鐘左右就上餐啦~有六大片牛肉，望落都幾靚仔下餐湯完全飲唔出係咩味道....入面有少少海澡同金菇，個湯係好淡好淡嘅咸味....除此之外都諗唔到點形容好牛肉兩面各燒兩分鐘左右就OK，一邊燒一邊聞到牛肉嘅香味真係流哂口水....牛肉食落好淋好有肉味，仲帶有少少油脂香點埋佢配嘅汁食都好正！不過可能我大食啦....食完成個SET都係啱啱好夠飽

Donburi❤️ Suji Mayo Don Set🍱🥢 with Kimchi✨..「名物牛筋丼」定食 配韓式酸辣泡菜配泡菜🥬 / 溫泉玉子🥚`沙律`和風湯行街見到丼丼屋又有新餐點🍴。來自大阪🇯🇵 拉麵店 既人氣丼物 ，於三屆 獲得金賞🏆，亦深受大阪👘 當地人歡迎。既然講到咁犀利，而一向鍾意食牛筋 又係一枚飯筒既我👻 當然唔會錯過呢。呢款充滿大阪特色🇯🇵 既日式牛筋肉，用秘製醬汁炒香`肉質柔軟`帶有嚼勁。同平時食既牛筋好唔同，肉連住筋比例均勻 香口又惹味。再配上蛋黃醬，再按自己偏好 選配韓式🇰🇷酸辣泡菜🥬 或溫泉玉子🥚，特別有韓日風味 好豐富 岩晒丼迷既我😋。..簡簡單單食個丼 都係一個唔錯既選擇。..

今日食午飯嘅時間，諗唔到食乜嘢行吓行吓就嚟到丼丼屋。一坐低發現個裝修唔同咗，多咗一排比一個人坐嘅單人位，感覺就算一個人食都唔會好尷尬。今日睇住個餐牌諗左一陣試吓佢個魚生飯啦，仲有一杯凍嘅果茶送。等左一陣嘢食終於嚟啦，試吓啲魚生飯先都幾新鮮喎，仲有個蟹柳沙律同埋有個海帶湯送埋比你，都算抵食。食物質素OK魚生都算鮮甜，個海帶湯有少少菇所以飲落都幾鮮甜。食完仲有杯凍嘅果茶飲吓，果茶唔算太甜小小酸酸甜甜咁幾開胃。今次食嘢整體感覺都唔錯，下次會再嚟食。

I haven't been exactly active on the foodblogging recently, and I am quite surprised this is the dish that brings me back to the ge again. I went to the Kwun Tong #dondonya to have the premium steak rice, only to find out they only carry it at more premium locations like the element (Has that one closed down though? Someone pls correct me)Anyways I settled for the close second, a grass fed Australian beef bowl with onions. The beef is on par with the price tag, and the money for value is A game

星期五晚喺大商場搵食都唔易，周圍都人山人海，見到呢間日本野比較少人等位就決定試下！menu幾特別！介紹左日本不同地方嘅特別美食。第一個上嘅係十和田燒和牛洋蔥丼飯，就咁望差唔多牛肉仲多過飯！牛肉同洋蔥嘅份量好多，絕對夠食哂成碗飯。味道亦幾濃，不錯！第二個叫嘅係滑蛋吉列大蝦丼。蝦幾大隻，亦係即炸，所以好脆。蛋嘅部分真係幾滑，半生熟撈飯口感很不錯👍🏻。另外加左玉子卷，但唔係新鮮整的，所以麻麻，沙律同湯就中規中矩啦！

丼丼屋一向都是走較中上路線的日本餐廳，食物簡單但質素唔錯。十勝帶廣名物䐁丼定食，Large 有6片䐁肉。叫了Regular 有4片䐁肉，䐁肉大大的薄薄一片一片，伴有肥肉。肉質鬆軟無乜彈性，個醬汁亦沒有特別，並不能做到提鮮的作用。配有沙律、湯，味道正常。加$可任轉飲料或加食品，A 至E都可全部點的。加了$28，有刺身：2片三文魚、2片北寄貝，新鮮但以此價錢就有些貴了。加$18，炸芝麻雞翼，炸得香脆，如採用更香口的芝麻，那這雞翼便更可口。附送凍果茶，一入口嚐到淡淡桃味，唔甜。

呢間已有一段時間無幫襯，今晚經過門口見唔駛等好耐就食！呢客特上盛鮮蝦海鮮丼賣相吸引，加＄15有湯，沙律及薯泥！湯有昆布雜菇，非常清，用來送飯都唔錯！講返個丼，有三文魚、吞拿魚、帶子、大蝦及甜蛋，材料幾豐富，三文魚及吞拿魚薄切，帶子少少鮮甜！隻蝦確係大隻，食起黎相當彈牙又有口感！飯份量唔少又帶少醋味，食完飽曬！

終於有新丼啦！ 推出來自日本大阪老店「喝鈍」嘅人氣美食「滑蛋吉列豬扒丼」😆 開立至今已有36年歴史。 創辦人渡邊國雄先生知道兒子兩兄弟鍾意食滑蛋豬扒丼，於是開始咗炮製滑蛋吉列豬扒丼，希望將最好味嘅丼物帶俾兩兄弟同食客😌 「喝鈍」丼物最近更獲得金賞丼物嘅美譽👏🏻 足見佢嘅吸引力！。滑蛋吉列豬扒丼以秘製高湯炮製，配上日本產豚肉及雞蛋，食材簡單但滋味十足～ 吉列豬扒外脆內嫩，配上滑蛋味道層次豐富，一啖豬扒蛋一啖飯好滿足！另外見咗兩款特別口味，芝士番茄滑蛋吉列豬扒丼同泡菜滑蛋吉列豬扒丼～芝士蕃茄味道濃郁，泡菜配吉列豬扒原來都好夾！別有一番風味😋