丸·茶手作 (大河道) (已結業)

丸茶手作係我去荃灣必飲嘅台式飲品店最主要當然係因為佢地係良心小店啦💛同埋佢地嘅飲品真係好足料 唔會偷工減料早前芋頭癮又發作 知道佢哋有賣芋頭鮮奶即刻去叫咗一杯熱嘅芋頭鮮奶：) 佢地寫明係採用大甲芋頭製成所以飲落芋頭香味特別濃仲食到有粒粒嘅芋泥呢$29 一杯 呢個價錢嚟講真係好抵飲！值得大家多多支持呢P.S. 荃灣區嘅良心小店已經好多都支持唔住希望佢地可以撐到落去 我會繼續支持佢地 希望多啲同路人可以支持佢地啦！

丸·茶手作💛柳橙鮮綠(M) $26*有得儲Mee積分💛人均消費: $43 (2人)-甜度fix死咗不過又真係唔會好鬼甜🤣佢仲有啲橙嘅果粒喺入邊👻-16/4/2022 drank當日舖頭有得拎collar成員嘅應援😚而家佢哋仲同 和順記X團日式拉麵X嚐辛 合作優惠詳情 可以留意返佢哋嘅IG👻-好味程度：🌕🌕🌕🌑🌑抵食程度：🌕🌕🌑🌑🌑環境靚靚：🌕🌕🌕🌕🌑服務態度：🌕🌕🌕🌑🌑會回頭率：🌕🌕🌕🌑🌑希望疫情快啲完結啦💛大家都要身體健康💛

8-5-2021 (Sat)晚,因為太飽要消滯,就同老公行喺荃灣行一圈,而呢晚天氣太熱,老公話買珍珠奶茶飲,我記起呢間,於是行嚟.我哋要咗$28.00嘅凍大甲芋頭鮮奶同$18.00凍,中嘅烏龍奶茶,加$6.00要桂花珍珠少冰.等幾分鐘,兩杯嘢攪掂,我哋坐低飲啦.我杯桂花珍珠烏龍奶茶飲到淡淡桂花同烏龍茶味,黑糖珍珠味道同口感正常,而且都幾多,飲完成杯成個人都解晒熱.味道: 5分老公嗰杯凍大甲芋頭鮮奶呢?芋頭切到好細粒,ok正常冇問題.味道: 3分而兩杯嘢都唔太甜,啱啱好.抵食係2.75分

天氣愈來愈熱💦，出街都忍唔住要叫杯凍飲。我地平時鍾意飲純茶無咁heavy，點左頂級茉莉綠茶，身為珍珠控另外加左桂花珍珠，呢到嘅桂花珍珠聲稱全球首創😝，珍珠份量唔少架，口感煙韌桂花味唔算話好出，叫左少糖對於唔鐘意飲太甜嘅我地甜度啱啱好，茉莉綠茶同桂花珍珠兩個加埋成件事好清香解渴，夏天飲幾適合好爽👍🏻，同杯上面嘅設計都幾襯

一直都覺得呢一間嘅珍珠好特別，所以路過又忍唔住去試😂市面上多數都係得黑糖珍珠，但佢呢間係有好多味揀，桂花、芒果、荔枝個啲都有😳所以次次都會試唔同味嘅珍珠，睇下有啲咩唔同🤤雖然舖頭個個位唔算好多人行過，但都有唔少人係附近掃完街過黎😉入面亦都有好多黃色經濟圈嘅野可以比人買，可以留意下，支持同路人🥰即使我係咁心大心細，個職員都好有耐性，無黑面🤫==============================🍧 丸·茶手作 (大河道) @bubbleteawork.tsuenwan📍荃灣大河道91-97號天保大廈地下B號舖（港鐵荃灣站 A1出口, 步行約8分鐘）⏰ 星期一至日12:00 -22:00==============================1️⃣ 【蜂蜜綠茶 加桂花珍珠】 $23小編又係例牌嘅微糖，但佢無得走冰，所以只好少冰😣蜂蜜綠茶因為叫左微糖，所以加少左蜂蜜，甜度岩岩好！桂花珍珠雖然聽落好女人、好養生嘅野，變左做珍珠講即刻年輕化左佢😂咬落好QQ，好煙韌，同埋勁有桂花味，但又唔會好假😳珍珠入面仲有少少花辮，所以好正🥲整體黎講，桂花嘅甜味加落微糖嘅蜂蜜綠茶好夾😭（🔥 怒食指數：8.5

黑糖珍珠咖啡拿鐵👍🏻👍🏻無諗過台灣飲品店買咖啡可以咁好飲！😍😍好夠濃！勁香咖啡味！☕️而且糖度岩岩好。加埋黑糖珍珠勁有咬口，好正！$36 唔算貴！真心推介！唔錯！

珍珠有好多款簡，最鐘意桂花珍珠！😍😍茶味都ok!之前我知道葵芳有間，經過都會買，今日買餸經過見到先知荃灣原來都開左間，毫不考慮咁入左去買🤣😆，不過位置一般，希望疫情下佢捱得住、有生意，咁我就唔洗去葵芳先有得飲🥺

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗26.11 - 29.11.2020 係懲罰祭，今日係第一日呀！下晝鬼糞咁熱，梗係即刻嚟買返杯嘢飲先😚🍴烏龍奶茶 (L) 微糖少冰 + 桂花珍珠 ($27)全球首創桂花珍珠真係好出色😋😋😋 好香桂花味，甜度剛剛好，唔會太甜或太淡味，非常之煙韌！正呀！烏龍茶味好香，奶味未夠濃郁，如果可以濃少少就perfect 啦！P.S. 阿姐勁好禮貌！🥰

荃灣數數埋埋都有十幾間珍珠奶茶舖，間間都差唔多試過晒，行去荃新天地嘅時候，見到呢間野新開張，之前都聽過，所以即刻試下先。入到去門口係細左啲，如果多人嘅話應該就無位企。佢地有幾款珍珠我都未試過，職員就推介我試下桂花珍珠加皇室奶茶，話好香好好味，咁我當信佢啦。等左幾分鐘，奶茶岀爐，第一啖飲，奶茶嘅味都係ok的，之後就飲到好香嘅桂花味，同奶茶嘅味道岀奇地夾，真係估佢唔到。所以我都極度推介呢個配搭。下次會再試埋其他味