丸·茶手作 (已結業)

同男朋友行行下街，見到呢間珍珠奶茶，平時飲開嘅都飲過晒啦，不如試吓新野啦！呢度都幾多唔同珍珠口味！唔會黎黎去去都黑糖珍珠。呢排天氣都凍，我叫咗熱飲，桂花珍珠奶綠 超驚喜der~ 叫咗少甜，所以唔會甜到糖尿，珍珠有淡淡桂花香，同奶綠好夾 覺得幾清香好味道！男朋友叫凍嘅烏龍奶茶加黑芝麻珍珠！ 睇落啲珍珠無咁圓 但食落好重黑芝麻味，超香啊！ 鍾意芝麻香嘅一定好鍾意烏龍奶茶不會太苦而且好香 (呢個自創配搭都幾好飲)希望會係港島開返啲店，等我地平時都買到

到佐敦吃完澳牛之後，看見新開的台式飲品店，於是便一試。裝修以自然系為主，地面刻了店舖的名字。產品都以茶為主調，大熱的台式飲品亦有很多款選擇。我們最後點了桂花珍珠奶綠和紫薯珍珠奶茶。桂花珍珠奶綠值得一推，桂花味香濃，白玉珍珠有咬口，配上清新的牛奶綠茶，組合配搭得很融洽，而且桂花珍珠比較特別，是一個不錯的珍珠口味。至於紫薯珍珠奶茶，奶茶充滿烘培的味道，紫薯珍珠十分煙韌，珍珠味道與眾不同。總括而言，個人還是喜愛桂花珍珠奶綠，奶茶較適合喜歡烘培味道的朋友。

太喜歡芋圓&和芋頭有關的食物～所以 丸茶手作的芋香奶茶深得我心❤️再加芋頭珍珠真係冇得輸！整杯都超香濃，但又不會過份甜！重點是他們採用鮮牛奶而非奶精製作飲品～味道很鮮、很真。另外喜歡較清淡的話，可以一嚐櫻花珍珠奶茶～頭幾啖會覺得味道略淡～但意想不到的是—它居然會回甘！多喝幾口會覺得有股淡淡的麥茶味湧上來，超解渴！而且珍珠們都好有咬口～珍珠的款式很多，我只嘗過芋頭珍珠&櫻花珍珠，下次一定要再試試別的！

宜家周圍都係呢d手搖飲料，開到成行成市，個個都話自己果間係最好飲既，我就揀左呢間去飲，佢最大既特色就係有好多款唔同既珍珠比你揀，唔係淨係得黑糖珍珠一個款，而今次我就揀左鐵觀音奶茶加上呢個紫薯珍珠同埋雞蛋布丁🍮，飲落去真係享受黎，個茶好香，唔會比d配料影響左個茶香，而且珍珠夠好趙口，滿足到我呢個中意飲台式手搖飲料既人。

同朋友響廟街睇跌打，睇完有少少肚餓同口渴就去搵嘢飲, 經過見到一間丸茶手作見到佢哋現成做珍珠非常吸引所以買杯嚟飲.佢個牌有一些新品上市嘅特色飲品, 例如有芒果芋頭百香果等等嘅特飲. 我點左瘋芒畢露, 用上一啲好香濃嘅芒果加上一啲碎冰攪起變成軟綿綿嘅芒果冰沙上面溝咗一啲超級濃嘅奶泡, 有啲似好輕嘅芝士層, 解渴之園仲有飽足感~另外一杯叫咗抹茶拿鐵加黑糖珍珠, 抹茶拿鐵充滿奶香味, 抹茶味道剛剛好唔會太濃或太淡, 而且唔甜, 不過如果熱啲就好喇. 黑糖珍珠夠曬煙韌, 一粒粒唔會黏在一起亦唔會槊住個口.地點尚算方便, 味道都幾合意，珍珠見住佢整出嚟好夠新鮮, 唔會太化學！下次去覆診都可以呢飲番杯!

約jor friend去食煲仔飯，行經lei間台灣飲品店，見佢以不同味道ge珍珠做主打，好得意lei!!!menu上都有好多choices，總有一款啱你!!獨家唔同口味ge珍珠，櫻花同桂花味都有ar!!!店長推介仲有擂茶系列!!!思前想後，我始終揀jor my favourite熱黑糖珍珠鮮奶!!!!! 白色ge奶泡打到好綿密。攪拌之後，鮮奶變成黑糖ge味道，ng太甜，好好飲!!!! 珍珠都不容忽視，好QQ lei!!! friend佢鍾情黑芝麻，叫jor藜麥黑芝麻擂茶，佢話好正lei，黑芝麻味道好香濃，而且好足料lei，佢話下次要試埋其他味道tim!!!

今晚同朋友食完晚飯經開佐敦道，見到呢間新開的丸茶手作飲品店，就好想買黎飲，試下佢個多款味道珍珠，有得揀特別味道的珍珠，例如桂花，櫻花，紫薯等。佢有多款招牌台式飲品，我同朋友各揀咗一款。桂花珍珠奶綠，冰凍可口，有淡淡的茉莉花香味，綠茶底香濃，桂花珍珠味道特別，咬落好彈牙。黑糖珍珠撞奶，甜度同冰份量都係固定的，撞奶的味道鮮甜香滑，同黑糖味道好夾，唔會太甜，珍珠煮得夠稔，入口煙韌易咬，黑糖紋掛在杯邊，賣相吸引。

經常聽到這店的好評，想試好久，公司附近終於開了間分店，太好了。口味款式不少，價錢還比較便宜。連熱飲都有，賣相吸引。新店優惠第二杯半價好抵！這店自家首創多款口味珍珠，例如具人氣的櫻花、桂花、紫薯還有黑芝麻珍珠，好有特色。芋香奶綠配桂花珍珠頗大杯，每一口都是清香的芋頭味，濃郁而不像人工香精味。奶味亦好香濃厚重，芋香與奶綠兩者比例恰到好處，不會互相蓋風頭，比一般的芋香奶更出色。招牌桂花珍珠超有驚喜，口感煙韌彈牙而帶軟身，桂花味很突出，花味極清香，嚼珍珠時香味會彌漫在口中，味道還滲入奶綠裡，再加上不少桂花粒，好像邊吃桂花糕邊喝奶綠般，兩者的配搭出奇地夾。朋友被海報吸引點了新品上市的瘋芒畢露，原來是芒果沙冰，質感夠濃，不會好稀，啖啖香甜的芒果味，還加有芝士奶蓋，令口感更香滑。

近排茶飲店愈開愈多，每每行街行到好口渴的時候都會想飲番杯。丸茶手作係其中一間我幾中意既茶飲店~ 原因除左好飲之外，係佢地有不同款式的珍珠，可以按住挑選的茶自由配搭~左手邊係黑芝麻珍珠，桂花珍惜，黑糖珍珠。右邊就係紫薯，櫻花珍珠同芒果寒天蒟蒻。我叫左水蜜桃🍑烏龍茶正當我苦惱加什麼配料時，店員就向我推介加芒果寒天蒟蒻球。一飲落去好清新喔，個配搭好夾！店員冇介紹錯☺️☺️十分喜歡💕我點的是少甜～ 清清爽爽又不蓋過茶味🍵睇雜誌報導留意到佢地的珍珠全部都係手製。無添加防腐劑、人造色素或塑化劑。一向注重健康的我都可以放心飲了！朋友果杯係黑糖珍珠撞奶佢話飲落係有啲似Creme Brulee 依杯唔會過甜，甜度剛剛好~~順便把它們店的熱門飲品拍下來。下次再去試試其他的~~ 🤗

丸茶主打手作各種珍珠（桂花、紫薯、黑芝麻、櫻花味......）比其他飲品店多口味變相都多d選擇。 桂花珍珠奶綠，茶底比較清，桂花珍珠有桂花淡淡清香味，口感好彈好Q，而且都係第一次食到新口味珍珠，無傳統珍珠咁甜，好岩我。👍而朋友簡紫薯珍珠奶茶，但我好少飲奶茶，因為腸胃唔太接受奶飲品，只可以偷偷飲少少，滿足好奇自己，試左淡，比起桂花奶綠會甜d，紫薯珍珠同樣好彈，奶味香濃，好正呀。個人意見買完最好係黃金半小時左右飲哂呀！😁

去佐敦同朋友食完野行咗陣街想飲啲嘢解下渴途經丸茶手作據聞好好飲一於走咗入嚟叫番杯勝在夠多丸選擇有桂花珍珠、黑糖珍珠、櫻花珍珠、黑芝麻珍珠、蒟蒻球等七彩繽紛所以好出名號稱全世界最貴的百毫烏龍茶白毫烏龍又稱「東方美人」、「福壽茶」、「膨風茶」白毫烏龍茶含豐富之氨基酸，所以茶湯具有明顯的甘甜爽口之滋味，再者由於采重發酵處理，兒茶素幾乎一半以上被氧化，所以不苦不澀，入口甜茶湯輕盈細緻，中、輕度茶體冬瓜茶好香冬瓜味雖則冬瓜好平但係製作繁複冬瓜經選瓜、削皮、去籽、切條塊，與糖熬煮攪動，配合冬瓜、砂糖、水、焦糖的比例，熬煮數個鐘頭以上所以冬瓜茶是解渴清涼聖品生津止渴我仲加埋桂花珍珠估唔到桂花珍珠會有咁濃郁嘅桂花味非常清香

前幾日由柯士甸站行去佐敦行行經過見到呢間台式飲品店朋友話好耐冇飲過芝士奶蓋決定試試佢😯朋友叫咗呢杯「瘋芒畢露」嘩！佢陣芝士好濃，味道好特別同出面嘅芝士奶蓋好唔同濃濃嘅忌廉芝士味濃到好似食緊芝士餅♥️好令人回味配香甜嘅芒果🥭係絕配而我就揀咗呢杯珍珠奶茶我揀咗要「櫻花🌸珍珠」同「紫薯珍珠」佢嘅珍珠係自家手作👍🏻好大粒好彈牙珍珠好有驚喜🤩櫻花味好香好香好香紫薯味都好濃郁奶茶唔會太甜好適中下次想試埋桂花♥️同黑糖珍珠

途經佐敦，試下呢間幾新淨嘅台式飲品店。以台式飲品店黎講，門面都幾寬敞，八點零鐘黎買野飲嘅人流都唔少。店員用心推介呢幾杯熱選飲品，仲同我地介紹自家製唔同口味嘅珍珠，價錢都幾平！我地兩個人一人一杯桂花珍珠奶綠同黑糖珍珠撞奶。桂花珍珠奶綠個樣雖然無圖片咁靚，但飲落味道都無失望，飲落幾香桂花味，除左有桂花珍珠，仲有啲啲桂花花瓣吪杯野飲到。茶味比奶味較濃。黑糖珍珠撞奶就細杯少少，飲落唔太甜幾岩我口味，飲完都冇咁大罪惡感。奶味都幾夠濃郁。

上次經過TST見幾多人，所以最後無試。今次行開佐敦，見又有一間，所以試下。我同fd一人一杯。我就叫左黑糖珍珠撞奶。雖然無得少甜，但佢出奇地唔覺得太甜！黑糖味，奶味，珍珠味，層次分明！真心覺得好飲！而且有老虎堂個種花花用黎打卡既效果。佢D珍珠有甜品，但唔over, 好煙韌，但唔膠，我覺得都幾好食。個fd叫左杯櫻花珍珠奶茶，本身諗住會有D粉紅珍珠呃下like, 但隻色原來都幾淡。飲左一啖，個珍珠係有櫻花味既，不過我都係鍾意我個杯多D，感覺佢個茶味可以再濃D。下次呃like應該叫紫薯！

唔知有冇人好似我咁就算望住地圖都一樣成日行錯路所以想話比大家知丸茶既位置就係澳牛既斜對面不過如果連澳牛都吾知係邊就真係幫你吾到😂今次試左全港首創既桂花珍珠奶綠珍珠每日新鮮製造，所以食落好有咬口怕肥既人可以揀少甜，減低罪惡感🤣第一啖飲落去同平時飲開既奶綠冇分別但之後桂花味會慢慢滲返出黎而且會愈黎愈濃呢啲係咪叫做”回甘”?另一杯叫左藜麥芝麻擂茶呢杯真係岩哂養生減肥既人飲飲落知味有啲似芝麻糊不過又冇芝麻糊甘甜有好香既芝麻味之餘仲有一粒粒既藜麥係入面真係有得飲又有得食冬天飲返杯即刻成身暖哂😋另外丸茶仲有外賣專線吾想排隊等候既人打個電話就有得飲真係夠哂方便而且仲有學生優惠真係好抵飲🤩