串燒兄妹 (華景大廈)

營業中

休息中

二訪串燒兄妹上次介紹過串燒兄妹既串燒有幾抵食，今日心思思去咗土瓜灣嘅分店，一於再去食多次一如既往咁抵食，$100有10串，另外叫咗蒜蓉燒生蠔，同埋燒羊架，燒羊架上次冇試過，今次就一於試埋啦😂🤤今次仍然有叫到我最愛嘅豬大腸，牛舌，台灣香腸，燒雞翼等嘅串燒，豬大腸同埋牛舌都係魚之前咁好食，雞翼之前未叫過，今次試埋，一串有兩隻好抵食！燒羊架味道好濃，但又唔會太羶，好羊嘅朋友仔真係要試👍🏻👍🏻而且肉質鮮嫩，咬落去好淋！正！蒜蓉燒生蠔，依然係咁鮮味咁好食，再加埋蒜蓉嘅香味，真係冇得頂🤤🤤🤤土瓜灣分店其實都幾近地鐵站，行過去都係兩三分鐘，好近好方便，想試嘅朋友都可以留意吓呢間分店！🤤🤤😍

經過見到幾多人食，就入去試下，發現原來餐牌都幾抵！唔怪之得咁多人食樣樣都想試，就一口氣叫咗$100/10串大部份都好岩我胃口，用上惹味的調味，一個人食10串都冇問題👍冬菇非常推介！味道香口之餘仲好有菇嘅香味，做到外脆內軟！韭菜本身自己中意食燒既蔬菜，燒得幾乾身，好岩我口味雞皮幾有驚喜，做到脆口的感覺雞軟骨正常發揮，香口唔油膩鴨舌第一次食燒鴨舌，味道幾特別，如果份量可以多啲就好多春魚正常發揮，香口唔油膩雞腎有驚喜，內臟黎講，無腥味得黎仲幾有口感魷魚燒得好乾身，但又唔會覺得乾，略嫌份量太少菠蘿幾好食！唔會太乾，咬落口仲有汁泌出黎！

💡抵食串燒經開土瓜灣，見到呢間串燒店好抵食，串燒種類款式有好多，有肉類、海鮮同蔬菜，佢地主打都係做外賣，亦都可以選擇堂食，即叫即燒！而且價錢係1串$12, 5串$55同10串$100。好抵食。🍽肉類🍖叫左牛舌、羊肉、豬腩肉、豬大腸、雞腎、雞翼 ，花枝丸，啲肉類係經過醃製而唔同食材會有唔同味道，加入左味椒鹽、孜然粉，更能將味道提昇。羊肉香口且肉質夠嫩。花枝丸燒到有焦香面，正。🍽蔬菜類🥗叫左菠蘿及韭菜，菠蘿好juicy，仲好爽甜，可以解下油膩。韭菜仲保持鮮嫩多汁，加入了孜然粉及椒鹽，好香口。🍽海鮮類🦐八爪魚串及燒白鱔，八爪魚串夠彈牙，白鱔厚肉得黎仲好惹味。串燒可以選擇辣度：唔辣/小辣/ 中辣/大辣/魔鬼辣。外賣拎到番屋企都仲熱。

成日經過’串燒兄妹’，就聞到極香既串燒味，終於引唔住入左去試。呢間係一間街坊小店，唔好期望地方有幾靚，企理，坐得舒服就可以了。呢到支持外賣，堂食座位唔多。.食物方面，串燒既款式頗多，有肉類、海鮮同蔬菜。我被佢$100蚊10串串燒吸引，平均$10蚊串，真係非常抵呀，而且可以揀既款都幾多。🔹牛舌、五花腩肉、豬頸肉、雞肉、雞中翼和雞腎🔹我鐘意佢一次過用盤上，唔會話食完一串要等好耐先有下一串，每種肉都燒得幾出色，調味唔會太鹹，不過都算重口味，送啤酒汽水一流。🔹韭菜、魷魚鬚、燒秋刀魚 、燒原條茄子 🔹燒韭菜係我至愛，燒過後仍然好juicy，食落去又非常爽口，再配上自家製調味料，口感豐富又非常惹味。魷魚鬚好有口感，愈咬愈香；秋刀魚唔會腥之餘，加少少檸檬汁上去，更加突出佢既鮮味。大力推介燒原條茄子，茄子面頭舖滿蒜蓉同埋辣粉，仲有芝麻同埋蔥花調味，非常入味。整體黎講，$100蚊可以食到10串有質素既串燒，係真係抵到難，同埋離地鐵站只係5分鐘路程，真係值得大家黎一試。.

📌自選串燒 $100/10串1️⃣牛肉2️⃣牛舌👍🏻3️⃣羊肉肉質嫩，又香口，平均$10就有一串，瘋狂咁嗌都唔怕4️⃣五花腩片食落去似煙肉，好香脆5️⃣雞腎👍🏻好惹味6️⃣花枝丸👍🏻燒到有焦香面，正7️⃣日本麻吉燒👍🏻中間有麻糬，煙煙韌韌，飽肚感重啲8️⃣台灣原味腸同平時食開嗰啲台灣腸一樣，堂食呢個價錢抵食9️⃣多春魚（2串）細細條，香脆冇苦澀味🔟菠蘿清甜解下油膩廚師推介🍖肉類椒鹽脆脆燒賣 $14👍🏻好似炸燒賣咁，熱辣辣，外脆內軟🦐海鮮類蒜蓉金菇花甲 $48/份👍🏻花甲鮮甜冇沙，啲金菇吸哂啲蒜蓉，好惹味🍆蔬菜類燒原條茄子 $38/條👍🏻爆多蒜蓉，茄子軟腍入味串燒可以選擇辣度：唔辣/小辣/ 中辣/大辣/魔鬼辣，店員會主動問清楚🥤白桃冷泡茶 $10自家冷泡菜，馥郁茶香，回甘，又可以清清味蕾小店位置唔多，但就滿滿嘅港式串燒風味，值得支持

好抵食呀，今日喺土瓜灣出沒，行過下鄉道見到呢間叫串燒兄妹既小店有好多款串燒賣，仲要只係賣$100 有十串串燒🥰🥰我同朋友唔執輸去買番十串醫下肚先🥳🥳唔會睇$100有十串咁平以為無乜野揀，實際上你想食既都接近應有盡有😃 有肉類、蔬菜類、丸類和海鮮類🥰🥰我地叫咗十串串燒(牛肉、菠蘿、秋葵、翠玉瓜、韮菜、雞中翼、花枝丸、魷魚🦑鬚、秋刀魚、大蝦和一串白鱔share 😃串燒兄妹 (華景大廈) (土瓜灣)土瓜灣下鄉道38-54號華景大廈地下G2號舖

串燒店香氣四溢，經過按不住買了外賣回家享用。選擇繁多，即叫即燒，非常惹味平均$10/串，價錢相當親民。蒜蓉金菇花甲大推！花甲鮮甜味美，無砂，蒜蓉混合金菇倍添鮮味，份量亦算多，抵食之選！串燒 $100/10串肉類燒物豬頸肉、雞肉、雞翼，全部即叫即燒，即使外賣，錫紙包裝有助保溫，非常貼心！串燒外層微焦肉質嫩滑，加上香料，份外惹味! 花枝丸切半，內有墨魚肉粒，美味多春魚香口，微乾身，脆口魷魚鬚推介，非常馥香，有嚼勁，愈𡁻愈香魷魚味台灣原味腸是整條原腸，不是得數薄片！台灣腸帶點蜜糖味，啖啖肉，爽爽菠蘿菠蘿去皮，果肉香甜清新，解油膩感串燒兄妹(土瓜灣店) 📍土瓜灣下鄉道38-54號華景大廈地下G2號舖

收工行過呢間串燒店，俾D香味吸引左，屋企又煮左飯，決定買少少返去加餸。肉類燒物：牛肉、牛舌、豬頸肉、豬大腸、雞軟骨、羊肉及香草燒羊架全部即叫即燒，夠曬新鮮熱辣辣，拎返屋仲都仲熱。打開好香，屋企人都即刻圍埋過來搶食，哈哈。牛肉和羊肉好外焦肉嫩，牛舌軟腍，加埋配料香料，真係好惹味！豬頸肉及豬腸，燒到外脆內軟，完全唔韌，豬腸清得好乾淨。雞軟骨爽脆香口，好食到停唔到口！羊架的香草味唔會濃郁，份量都OK，食落好正！海鮮：多春魚（2條）、八爪魚串多春魚燒得好香酥，連骨都好香，食埋都無問題。八爪魚串夠新鮮啲肉彈牙，加埋個調味粉好好味蔬菜燒物：菠蘿我一向都好鍾意食燒菠蘿，但好怕燒菠蘿沾上其他燒物的味道，特別係魚味，但好彩呢間唔會，菠蘿燒得好香甜，多汁，好👌外賣質素算唔錯！下次可以試下堂食。

自從開左屯馬線之後，去九龍城土瓜灣地區方便左好多！土瓜灣地鐵站行去呢間抵食串燒小店都係5-10分鐘路程。最平都係平均$10/串咋🙈又多選擇🍢.🥣串燒🥣：💰$100/10串1. 牛舌：有3片煙韌入味牛舌2. 雞軟骨：燒到好香，粒粒都脆卜卜3. 豬頸肉：都算大片，好香口4. 豬大腸：外皮燒到夠脆夾雜埋入面油香👍🏽5. 鴨舌：燒到香脆，燒到軟骨脆都食到6. 花枝丸：切半花枝丸外脆內軟呀7. 多春魚：兩條多春魚都香口又多春8. 八爪魚：第一次食有八瓜魚串燒，似燒魷魚鬚咁香口9. 台灣腸：蜜味燒台灣腸都係最好味10. 菠蘿：淨菠蘿肉，冇皮冇渣，啖啖肉又香甜🍍🥣燒原條茄子🥣：💰$38串燒店必食燒原條茄子🍆超多蒜茸同調味，辣辣地，一絲絲燒到好念茄子肉，夠晒惹味呀！

有印象之前經過佢其他分店，已經話想食😂但太飽就冇買，今日想食串燒先發現佢土瓜灣都有店，就過左去買宵夜番去食😍。-💕 串燒 $100/10串👅好味指數：7.9/10即叫即燒🥰叫左小辣，一打開已經有強烈香氣滲出，調味好香孜然味且略帶小辣口感，好川式好惹味😍牛丸:好爽彈好入味,推薦!牛肉:唔韌唔鞋有牛味豬大腸:有嚼勁但唔難咬開又有汁雞肉:雞肉軟腍入味雞翼:比較瘦小但皮滑有肉汁雞軟骨:細細粒夠爽脆雞皮:皮滑有咬口冇油膩感烤煙鴨胸:好軟腍,調味粉+原鹹香好惹味!!台灣原味腸:一咬就爆汁!!好香好正魷魚鬚串:比較細小,有爽口感覺💕 燒雞泡魚干 $38👅好味指數：8.2/10燒到好香，微微焦脆有咬口😚甜甜咸咸🫶🏻唔配沙律醬都夠正夠惹味！-環境：7/10服務：8/10整體味道：8/10回頭率：7.8/10

餐廳：串燒兄妹 (華景大廈) (土瓜灣)地址：土瓜灣下鄉道38-54號華景大廈地下G2號舖1️⃣ 自選$100/十串全部即叫即燒，而且選擇都幾多，真係好抵食。我就叫咗牛肉、豬腩肉、豬頸肉、五花腩肉、花枝丸、八爪魚串、雞軟骨、雞肉、雞皮同埋雞中翼(2隻)。全部都燒到好香，我自己就特別鍾意雞肉同豬頸肉，肉嫩多汁。另外仲可以自選辣度，我就揀咗小辣，辣度適中，如果喜歡食辣，又想挑戰下，亦有魔鬼辣可以揀。2️⃣ 原條司華力腸 $18/條大大條，啖啖肉，口感爽脆，外脆內軟，加上獨特嘅調味，非常惹味。3️⃣ 汁燒牛仔骨 $38/份牛仔骨肉質軟嫩，入口即化，帶有濃郁嘅醬汁味道，口感煙韌而有彈性。4️⃣ 燒原條茄子 $38/條茄子都幾大份，燒到好香口，而且蒜香味道濃郁，真係食到停唔到口。5️⃣ 王老吉 $10/罐

👩🏻‍🍳串燒兄妹🧑🏻‍🍳👣值得科勞指數：🏃🏻‍♂️🏃🏻🏃🏻‍♀️🏃🏻🏃🏻‍♂️今天來到位於土瓜灣的串燒兄妹，一間非常特別的燒烤店。店名即是口號，即叫即燒，香味撲鼻。🍽️首先係佢嘅燒牛舌。肉質非常柔軟，帶有濃郁的牛肉味，真是讓人想一再回味，同行友人更分享自己曾吃過昂貴餐廳的燒牛舌也不及這裏的質素呢！🍽️不過，最讓我驚艷的是他們的蒜蓉金菇花甲。當你點了這道菜後，店員會馬上點燃桌上的燭台，等待大約10分鐘左右，熱騰騰的金菇花甲就食得啦。這道菜非常特別，因為金菇和花甲的完美搭配，再加上蒜蓉的香氣，真的是美味極了。🍽️烤雞翅非常入味，肉質鮮嫩多汁，烤得恰到好處。🍽️烤羊肉串也很好吃，肉質鮮嫩，切片非常薄，吃起來非常有口感。此外，他們還有烤鮮魷和烤魚片等海鮮類燒烤菜品，都非常鮮美。總之，串燒兄妹不僅價格實惠，而且食材新鮮，口味道地，各種燒烤菜品都非常美味。如果你是燒烤愛好者，這家店絕對值得一試！串燒兄妹的服務也非常好，店員很熱情，讓你感覺像是來到朋友家做客一樣。整個用餐體驗非常愉快，肚子也吃得飽飽的。📍地點：土瓜灣下鄉道

貼地街坊串燒小店｜串燒兄妹竟然俾我搵到土瓜灣有間平民貼地街坊串燒小店😍平時食開一串串燒最平都要成$20-$30/串，串燒兄妹竟然賣到$100/10串，會唔會太抵食？餐廳除咗外賣，同時提供堂食座位㗎👍🏻即刻試10串，叫咗包括牛肉、五花腩片、雞中翼、雞軟骨、日本麻吉燒、台灣原味腸、魷魚鬚串、同菠蘿❤️辣度都可以揀，我揀咗小辣😋另外仲要咗份$48嘅蒜蓉金菇花甲，蒜蓉香味十足👍🏻串燒兄妹咁高CP值，一定要去試吓‼️Bible rating: 7.5/10📍地址：串燒兄妹 (華景大廈) (土瓜灣)土瓜灣下鄉道38-54號華景大廈地下G2號舖

阿女自從跟左朋友去土瓜灣食過串燒之後，成日提住話好抵食又好味，終於忍唔住話要同我再去食過。位於下鄉道嘅串燒兄妹在土瓜灣地鐵站附近，行過嚟都係幾分鐘路程，非常方便。店內地方雖然不大，但都整潔乾淨。串燒即叫即燒，其中有100元10串，非常抵食。我哋10串揀咗：大蝦、豬腩肉、豬大腸、雞肉雞中翼、花枝丸、台灣原味腸、燒秋刀魚。另外重叫咗燒白鱔，白鱔肉質鮮嫩有彈性。大蝦肉質彈牙，灑上少許椒鹽和孜然粉，味道更香濃。燒花枝丸口感紮實Q彈。秋刀魚燒過後能夠令魚油的甘香充分發揮出來，加上特別調味粉，味道更佳更惹味！燒雞翼我鍾意食，串燒必叫，皮脆肉嫩嘅雞中翼，加咗香料，味道充滿層次。燒豬腩肉亦肥瘦適中，瘦肉與脂肪間有油分及肉汁，味道濃郁。燒豬大腸吃起來不油膩，口感煙韌。燒台灣原味腸脆口滋味、皮脆肉香、肉汁豐富。燒雞肉嫩滑口感，再加入少調味粉，味道更惹味！

今日要去土瓜灣同事家拎野，佢又懶得煮飯，咁我地附近搵啲嘢食下就算，行行下見到門面閃亮既串燒店，睇左下餐牌都幾抵食,。有一部份既串燒1串$12, 5串$55同10串$100。小店唔算好多座位，入去坐低叫左10串再加左一份蒜蓉金菇花甲。辣度就全部揀左小辣，仲叫左$10杯既白桃冷泡茶，杯茶大大杯，超抵。10串入面揀左牛肉，牛舌, 雞肉，雞中翼，羊肉，豬頸肉，菠蘿，日本麻吉燒，花枝丸，魷魚鬚串，最後再追加左條司華力腸同椒鹽燒賣。上菜都算燒得快，每串都食到有孜然粉同辣粉既味道，小辣唔算太辣，好惹味。串燒熱辣辣上枱，而且火喉掌握得幾好，食物唔會太燶同乾身。蒜蓉金菇花甲好好食，好鮮甜，用小窩上幾特別。大量香濃既蒜蓉係入面，配上金菇放底，吸哂蒜蓉同埋花甲嘅鮮味，推介一定要試下。