串燒兄妹 (華景大廈)

營業中

休息中

收工行過呢間串燒店，俾D香味吸引左，屋企又煮左飯，決定買少少返去加餸。肉類燒物：牛肉、牛舌、豬頸肉、豬大腸、雞軟骨、羊肉及香草燒羊架全部即叫即燒，夠曬新鮮熱辣辣，拎返屋仲都仲熱。打開好香，屋企人都即刻圍埋過來搶食，哈哈。牛肉和羊肉好外焦肉嫩，牛舌軟腍，加埋配料香料，真係好惹味！豬頸肉及豬腸，燒到外脆內軟，完全唔韌，豬腸清得好乾淨。雞軟骨爽脆香口，好食到停唔到口！羊架的香草味唔會濃郁，份量都OK，食落好正！海鮮：多春魚（2條）、八爪魚串多春魚燒得好香酥，連骨都好香，食埋都無問題。八爪魚串夠新鮮啲肉彈牙，加埋個調味粉好好味蔬菜燒物：菠蘿我一向都好鍾意食燒菠蘿，但好怕燒菠蘿沾上其他燒物的味道，特別係魚味，但好彩呢間唔會，菠蘿燒得好香甜，多汁，好👌外賣質素算唔錯！下次可以試下堂食。