中村屋

營業中

休息中

經過天后有間性價比高嘅壽司小店-中村屋 凍櫃有唔少整好左嘅壽司拼盤比大家選擇 望落都好吸引🤩今次我就揀左個吞拿魚蓉卷($38)🍣上面鋪左啲蔥同辣椒 見到個牌寫住地嶽辣 食得辣嘅我都即刻問店員係咪真係咁辣 佢就話食開辣嘅人都ok 所以試下食落每舊都幾多吞拿魚蓉 配小少蔥同辣椒都幾過癮👍🏻四舊嘅份量岩岩好 可以頂下肚 除左整好左嘅壽司拼盤之外 仲可以即刻選擇單件壽司 師傅會係入面即叫即整架～～

今日心血來潮想搵啲搭哂味嘅野黎填填肚，就揀左間日式小店我的天啊，第一啖嘅壽司，入口即化嘅米粒，跟住係溫柔滑嫩嘅三文魚，好似輕輕咬住片雲咁軟綿綿，真係夠晒滿足。講真，嗰隻炸雞好過癮，脆卜卜骨脆嘴，啖啖肉感都話你知，佢真係唔係蓋嘅！加上啲特製醬汁，鹹香得嚟唔會好似海水咁鹹，簡直係黃金拍檔。唔少得嗰碗味增湯，輕輕嘅一啖，啲豆腐伴隨住啲紫菜踏着美味嘅汁水呵呵游過，暖笠笠嘅，飲完有種由裏到外嘅暖意。講到甜品，個綠茶雪糕就真係畫龍點睛，啲甜味啱啱好，唔會過於突出，但又夠哂層次。總之，呢次食嘅每樣嘢都係心頭好，啖啖都夾雜住日式嘅細緻同新鮮。下次我仲要帶埋屋企人一齊黎試，分享下我搵到嘅呢一寶藏！👏🎌🍱

上次去左朋友屋企開party，朋友狂推佢屋企附近間好正壽司舖，聽聞全部人手即制，好有日本職人feel！呢度可以單點壽司或者直接叫套餐，唔洗諗甘多，套餐全部以日本地方名黎命名，有唔同嘅款式同50/52件比客人選擇。惠比壽 EBISU （$598）壽司有八款，包括墨魚、赤海蝦、北寄貝、帶子、鰻魚、三文魚、三文魚腩、吞拿魚壽司，另外仲有兩款軍艦，三文魚籽同飛魚籽軍艦，每款有五件，個個都有得食唔洗爭！每樣料都係食得出嘅新鮮，個人好鐘意赤海蝦同三文魚籽！我哋今次揀左外賣自取，唔想等太耐記得打定電話或者WhatsApp落定單，下次要再試埋其他款先！

🍣中村屋🍱我哋喺天后買埋中村屋壽司返去開餐原來中村屋係日本師傅主理一入到去聽到師傅同客人用日文溝通成件事好日本呀‧˚₊*̥(∗︎*⁰͈꒨⁰͈)‧˚₊*̥搞到我地掛住日本呀壽司方面除咗有現成整好方便裝一去到就可以選購到你想食既野如果現成嗰啲唔啱你口味仲有得即叫即整佢哋嘅出品都算幾新鮮好似啲魚喺個口到開party咁特別推介要食炙燒左口魚邊(՞ټ՞☝︎老老實實我係左口魚控食過咁多次左口魚以嚟最厚身嘅一間壽司店有啲壽司店嘅左口魚得罪講句好似肌肉萎縮咁囉(๑ ˭̴̵̶᷄൧̑ ˭̴̵̶᷅๑)另外赤貝都好新鮮爽口帶甜池魚食落鮮味唔腥總括嚟講絕對對得住個價錢平靚正 仲要係日本師傅整充滿住日本既味道呀去開嗰頭一定要try try!

去朋友屋企玩，天氣熱，又想不到想吃什麼，所以決定買壽司去探訪。天后的中村屋，是很有水準的外賣壽司店。因為人多，所以點了一個叫釧路的大拼盤，足足有50件，有中拖羅、海膽、帶子、深海池魚、油金魚、三文魚子、碎葱呑拿魚等等。基本上想吃的都有齊了。全部都係即叫即做，好新鮮！因為有小朋友，所以也叫了一些青瓜卷、蟹柳卷我加州卷等卷物，大人小朋友都吃得很高興。員工的服務態度很好，解釋得很詳細，而且水準非常穩定，所以客人多，食物就自然新鮮啦!

以前初初食中村屋的時候，喜歡這店的食材比較新鮮和份量不錯。但是最近幾次食材沒有之前那麼新鮮，間中也帶一點魚腥味。今次的香蔥吞拿魚比以前簡直是兩回事。以前蔥花滿滿吞拿魚也不少，看不到飯的。現在香蔥好像只是點綴一點顏色，真的太少了，已經沒有了蔥花的香味，實在太失望。希望見到評語會改善吧。還有最近已經加價，但是食材份量有減少，還沒有以前那麼新鮮，怎樣對得住我們這些街坊呢😢希望日後能夠保住我們這班街坊食客吧🥴另外，menu 已經很耐沒有變化，如果有點新驚喜會更加好！

琴晚放工7點左右已經超級餓... 但距離同朋友約好咗嘅食晚飯時間仲有成個幾鐘🥲 真係好尷尬，但唔食少少野頂住真係搞唔掂。經過中村屋，本身諗住叫個三文魚帶子手卷就好，但見到個凍櫃啲赤夢又好吸引.. 再望望塊板.. 嘩又有赤身又有深海池魚🤤 叫返幾舊食打底都好合情合理啫😆😆結果叫咗5舊，舊舊都好厚呀😆 火灸左口魚邊壽司入口即溶🥰 赤貝超大粒又爽 🥰 最正係深海池魚同赤身。如果唔係約咗人一定會叫多round 食埋海膽、帶子同赤夢。

💖中村屋近天后站位置一間唔太起眼嘅日本外賣店🥡但係食物係絕對有質素！💰人均$150-200 takeout每日都有唔同嘅壽司拼盤同魚生丼飯選擇🤤佢通常都會有啲大滿足壽司！例如我食呢個就係吞拿魚加海膽加甜蝦🥰聽到都滿足是不是都會有其他配搭例如三文魚子配帆立貝之類🤤如果唔想要拼盤或者佢配搭好嘅亦都有單件壽司選擇!應有盡有💖

午餐 · 2人聽講天后有間由日本人主理嘅壽司店，非常想念日本野食嘅我梗係要黎試下啦～壽司店環境比較細，似係專做外賣嘅店，店內只有四個位可以俾客人企喺度進食。雖然只係小店，但呢度嘅食品種類唔算少，尤其有唔同組合嘅壽司set、刺身丼，好岩想一次試多啲款式嘅人 (例如:我)~特上壽司 ($298)揀呢盒壽司最大嘅原因係因為拖羅同海膽~真心好食! 絕對有日本壽司嘅感覺~雖然拖羅唔夠肥美，但仍然好好食，而海膽亦都好新鮮。總括嚟講，係一間好有日本味道嘅壽司店～十分推薦！

已經食過幾次，壽司質素仍保持水準。😚壽司全是日本師傅主理，又好有禮貌。有時會問下客人食評，佢哋對製作品很有熱誠﹐要盡量做到最好。特別推薦拖羅壽司，入口即溶，油份高，食完會感動🥺😋 ＊建議唔好買雪櫃款，要買即做的。

因為疫情關係，都好耐冇得去日本，心思思想食日本嘢，嚟到呢個區內享負勝名嘅壽司專門店以下估思鄉之隱呢間位於天后電氣道嘅壽司小店，細細間平時可能留意唔到，但你到附近記得一定要試吓，佢每日中午12點新鮮即製，另外有可以到場即叫即整，值得留意嘅係每晚九點後有特價時段，住附近嘅街坊不容錯過小樽set $118火炙壽司組合$62中村卷 $46一共叫咗三盒壽司，魚生好新鮮，由其我最愛既帆立貝，鮮甜又厚肉，好高質👍🏻👍🏻火炙壽司都好高質好食😋，一個字正👍🏻👍🏻

某日，去開天后，男人就話買返黎啦，唔好煮啦～ 本來想買焰手卷，點知佢無開，男人order要日本野，所以就買左呢間啦！一早知佢係日本人主理，有買過既，但已經係好耐之前，今次去到聽到有日本朋友點餐，足可證明佢質素有番咁上下!赤夢 $72個個海膽蝦好鬼好食! 小樽 $118雖然個樣唔算太靚仔，但魚生好新鮮，同個量都唔少，都有十幾舊極上刺身丼 $98呢個刺身係睇當日有咩靚野喎，所以當日都係好新鮮啦～仲有仲有，個湯好好飲，好魚~ 蘿蔔好甜!不過佢唔記得收我錢，佢後加，所以我唔記得幾錢，好似都係around 10蚊，真係好好飲~

自從搬到大坑後，我便是中村屋的大粉絲，雖然價錢不算是很便宜，但也不貴，重點是性價比高，那魚生不只是新鮮，你還可以吃到一點在日本才吃到的味道。而且我最喜歡它的有火炙的拼盤，一次滿足許多願望的感覺。*三文魚海膽丼 $110近來發現它們在外賣平台點餐有八折，喜歡上它們的三文魚海膽丼。海膽是給的非常慷慨，應該每次點的海膽來源也不同（？），我也不是太有研究，但沒一次是令我失望的。三文魚也有好幾片，我覺得是半肥瘦拌飯剛好，旁邊也有些三文魚籽，我平常不太喜歡吃但蠻好吃的。

疫情期間想食壽司，於是搵左呢間可以外賣，而且係由日本人開嘅壽司店一入到去見到店面細細，但係都好整齊。左邊係一排雪櫃，放左即日整好嘅一d壽司拼盤我揀左三款壽司拼盤同一盤三文魚帆立貝刺身壽司拼盤有：火灸壽司拼盤、是日雜錦壽司拼盤、海膽吞拿魚腩魚子甜蝦拼盤d刺身全部好新鮮，吞拿魚赤身唔會有平時出去食連鎖店果d血腥味，拖羅又入口即溶個海膽吞拿魚腩魚子甜蝦拼盤都好好味，呢個海膽真係甜嘅，配埋其他配料，口感真係勁豐富個人覺得最驚喜係個火灸壽司拼盤！可能望落唔多靚，但係佢面頭搽左d秘製醬汁，配埋浸火灸壽司獨有嘅火燒味，真係超好食！呢間真心可一可再多款壽司拼盤

相信住天后嘅街坊都一定有食過呢間位於天后地鐵站A2出口附近嘅外賣壽司店🤗 每次去都會見到有人買，證明生意幾唔錯😉 周不時仲會見到啲日本人喺店入邊傾偈添😆店舖入邊有已經整定左嘅壽司，可以即刻俾錢就食。但如果想食新鮮壽司嘅話，可以問店員攞一張餐牌然後tick自己想食嘅壽司。另外，店舖仲設有三至四個堂食嘅企位。我選擇咗要tick餐牌嘅即叫即整～等待時間大概15分鐘😉壽司味道整體感覺良好特別欣賞火炙三文魚，三文魚腩，同蛋壽司全部都非常新鮮😉天后嘅街坊唔好錯過呀～