中意仿

營業中

休息中

這裡D 甜品好好, 裝修很簡潔, 點了粟米魚塊,有湯,菜及甜品, 味道唔錯, 味精少. 加左30蚊要多6款. blue berry甜品最好.

見到之前食評照片上的甜品, 我這個甜品愛好者又怎能不到這裡一試. 環境很簡潔而且比較西式, 單看裝修, 真的估不到是吃中式套餐. 點了回鍋肉及粟米魚塊, 仲有湯,菜,白飯及甜品, 味道都唔錯, 雖然沒有荼餐廳煮得咁香口, 但相對地味精也少. 當然今餐甜品先至係主角, 加左38蚊要多6款. 我好欣賞佢地個甜品menu, 係成盤咁放係面前每一樣咁介紹, 睇到你好開心. 最鍾意係blue berry mousse同椰青涷糕, 其他幾款都唔錯. 下次一定會去試埋另外8款.

今次係我第一次o係度比comment~ 因為太中意呢間野喇~ haha~~~ 首先位置幾好啦~ o係鯉景灣近酒邊~我係去食lunch o既~ 選擇都幾多~ 第一次去~ d waiters 服務好好呀~ 全部一個tone o既d 人~ haha~~ 勁talkative~ 最鍾意係佢講解d野食講解得好好lor~ 我個人係比較注重健康ge~ 有湯有飯~ 最緊要係原來d餐係有菜ge~ haha~~ 我地3個人食~ 佢比左兜3人份量o既菜我地~ 早知唔駛另外叫菜都得~~ 仲要全部野食無味精~ arm 哂我~~~ d野食幾特別~ 乜菜式都有d咁~ 有d自家款式~~ 我地叫左3個set lunch~ 其中一個係wasabi汁之類的西蘭花魚柳~ 個人覺得幾得意~ wasabi味ge 菜~ 仲叫左佢招牌菜紅燒肋排~ 都幾ok~ 最最中意都係d 靚靚dessert~!!(見附圖) 好中意佢地逐款咁介紹d甜品~~ total 有16款~ 1個set lunch包1款~ 加多$30 可以要6款~~ 好抵呀~ 全部都好好食~ haha~~

今晚同媽咪食生日飯, 1行7人其中一個小朋友, 呢間餐廰係朋友介紹, 因為佢覺得食物幾好, 所以決定係度食生日飯. 而我地食左以下食物:-- 紅燒肋骨: 幾好味, 咁多樣最好呢樣- 海蝦粉絲煲: 雪蝦幾隻, 粉絲同菜幾乎碎濕濕一煲- 粟米魚塊: 都ok- 海鹽雞(半隻): 半隻份量都無, 極之失望, 都賣成百蚊, 佢話用法國海鹽喎, 唔覺有乜唔同- 炒通菜: ok- 蝦子豆腐: ok, 豆腐越細件味道ok, 但份量越少, 價錢唔平, 以上幾個餸加埋幾個飯同粥六百幾蚊, 唔抵食最激氣就係我朋友拎左個生日旦糕去到, 交比個waiter 放入雪櫃入面諗住食完飯可以食, 由個waiter 拎入去0既時候直至到我地拎個旦糕出0黎切, 無一個waiter 同我地講話要收切餅費, 直至媽咪係個旦糕度切左一下, 先有個waiter 話我地知要切餅費80蚊, 當堂個個呆左係度. 然後大家都覺得"有無搞錯", 點解一早唔講明我地知, 要等到我地切左個旦糕先同我地講, 如果佢地要收錢,應該一早講, 但係佢地真係唔老實囉, 開天殺價, 80蚊切餅費, 加多幾十蚊我可以買多個旦糕, 我不如唔食好過啦. 成餐飯,

鯉景灣的食店中,這間是我唯一常常再幫襯。甜品好味有酒店水準,食物份量小但無味精,服務好,燉湯正。

今次是第二次在此吃晚飯.食物看似有特色但味道一般,而收費更不便宜.我坐的位置不停有冷氣倒汗水滴下來,待應抹了３幾次水仍不斷滴在我身上.自携2支紅酒,店主說第1支免開瓶費,第２支收$100. 我們４人是好食之徒,建議如可免第２支開瓶費,我們答應盡吃(事實是我們埋單共吃了$10xx),但被拒絕. 算! 食飯求開心! 吃得興起便打算order餐廳１支紅酒. 我們提議(經待應向身形肥胖的男店主請示)如免剛才的$100的開瓶費,我們order１支「靚d」的酒,大家高興,而我們一班好飲好食之徒以後多個地方「聚腳」. 店主拒絕說這是規矩,不能減價(???),因酒價沒有mark up太多. 吓?! 減什麽價呀? 奇怪也不明! 我們極感掃興,打消order多１支酒的念頭,失望的說如此不靈活的生意模式和服務,恐怕會再有興趣光顧...店主竟說「隨便你哋」. 如此的生意人和服務態度真是大開眼界!! 怕怕!!

朋友極力推介,而且佢話上個星期同其他朋友食過,憑收據仲有discount,所以去試吓。點知真係有驚喜,菜色好特別,有創意,我個朋友推介後好似樣樣都好好味,最後兩個人叫咗5個餸全部都冇令我失望,仲清碟添(不過portion就細咗小小)。到食甜品時,職員攞個盤嚟,嘩有成過10款,簡直花多眼亂，不過好在細細件,試多幾件都得.雖然地方唔算好坐,但職員服務態度好好,食物質素好,可以補返數.

約左朋友去鯉景灣食野，啱啱去完大陸旅行食左幾日中餐，所以當朋友提議去食中餐時都有少少保留，不過見佢highly recommend就一於去試下。朋友應該係點左個二人套餐，有二碗湯﹑二碟前菜﹑三個餸﹑最後有六款少甜品。另外我地每人叫左兩杯豆漿﹑一碗飯&一碗粥。首先兩杯豆漿好新鮮，冇加糖都夠甜; 前菜分別係魚子漿豆腐同埋雞絲拉皮，魚子豆腐好清好好味，雞絲拉皮都ok^^ 個湯冇落味精勁好飲，好有屋企既感覺~~主菜有個類似炆排骨之餘既野，好lum好入味!! 炸蝦都ok，個上湯菜心亦好甜好新鮮。我自己叫個碗粥，d粥加左粟米，好清甜。最驚喜都係最後可以自選6款唔同既甜品，啱哂一d想試多幾隻味又怕食得多會肥既女仔~~^^最鐘意其中燉李中間有落香賓既甜品，同埋一個coffee既幾層cake……so far 6款甜品都好好味，亦唔算太甜……下次only食甜品都good呀~~^^最後一提既係果度d人既服務態度真係好好，解釋又好清楚，係值得一試再試既餐廳呢~~~^^

其實中意仿的小菜都ok嫁,菜式比較特別,同一般廣東菜有別,中西合璧,味道又幾夾喎!燉湯都唔錯,好似飲到燉湯果個人的一份誠意.但會令我再幫襯的原因係......甜品,好特別,好得意,又有心思.呢part我比滿分.每次可選6款,大部份甜品我都食過,味道不錯,size細細,試多幾款仲得.其實味道係80分噤上下,得到滿分係因為覺得佢了解食客的心..."貪心"是也,女士多愛吃甜品,又愛花款多,味道多,所以我比佢100分!

上完堂同傻鬼去食晚飯, 佢帶我來此店試新野. 2個人叫左個168元套餐. 佢地有好多款菜俾你自己選.我地選左咸檸7喜雞及xo醬炒牛月利, 送一碟菜(選豆豉油麥菜, 2碗湯及白飯及自選甜品.各款食送都好味唔錯, 出面都幾難搵到這些菜式, 個雞真係幾好酸酸地幾開胃. 牛月利都幾好味. 最難得佢地d野無咩落味精唔錯.p.s服務都好好, 介紹食物都好有水準又唔會有迫你既感覺

上星期六同女友去鯉景灣搵食, 原本想去多人推介o既西餐廳, 但去到門口見d野食唔係好o岩胃口, 價錢又唔係特別吸引. 正想走人時經過呢間舖頭, 女友話望落都ok wow, 乾淨又光猛. 一於去試試啦. 個時7 點9, 埋去問有位無, 佢地就話都起碼預半個鐘(後尾知道佢地可能有預鬆d時間), 而且出面都有d 人係店等, 留低電話後就係附近散散步. 點知唔使15分鐘, 就話有檯. (或者當中有d人等唔切走o左, 所以咁快啦)坐底之後, 望o下餐牌, 都真係豐儉由人. 由富豪餐(前面有人提過o既大塊肉, 大塊魚, 鵝肝) 至家常小菜(2 -6人餐) 都有.一輪研究後, 最後都係叫套餐算. 點知準備叫時, 其中一位侍應(或者係老闆娘?) 就話套餐都有特色- 除o左寫出黎o既菜式外, 仲有幾款每日精選, 仲淨係靠"佢把講, 你隻耳聽"去記住. 當中都會有d 特別野. 結果就點o左"粉紅汁肉丸" 同"腐竹豆腐". 味道其實就好主觀o既, 我個人黎講, 鮮味比較重要, 就算淡味d 都可以煮/食得精采. 好似我叫個兩個菜咁, 就食得出材料o既原味(例如粉紅汁裡面o既鮮茄味). 如果平時你食味精都食到

星期日中午和仔仔及友人到此吃午餐，感覺幾好。其實這是第二次來吃午餐，因為上次食完覺得幾好，所以encore！我地三大一小点了三份set lunch：秘制排骨；鮮竹豆腐甜豆；白豆花生炆朱手。食物味道幾好，好住家feel，不過portion細咗啲。最欣賞佢地既服務，非常親切！

The restaurant is mid-price (not cheap) and size of dish is small compared to most restaurant.The taste is not particularly good. The outlook of the dishes is home-like.But taste like FAST FOOD.Some roasted meat is not good and they use a lot of honey to cover this.The waiter is seemingly polite but they have no heart or ethics.I saw them give table to some walk-in customersbut those tables are actually reserved by others.Always people waiting outside because they promise people to reserve table

呢次係我第3次去, 上兩次都唔駛錢....連menu都未睇過, 一坐抵就有野食, 可能係請我o既人識佢老闆吧, 又飲酒又大食, 埋單幾錢我又唔駛理, 開心得很.(我好cheap 吧).今次等我豪一次啦, 鵝肝,黑醋生菜,肉眼,意大利飯加house red, 重想要多個豉油皇少麵(必叫),可惜對面個話要減肥, 我一個食又太多....留下次啦. 埋單連+1,$600有找, 照計就貴少少, 但那個肉眼係外焦內生的, 脆脆皮的, 另外個risotto, 話係之前一晚用汁煮個飯, 隻蘑係好大隻瞓係度, 佢講得太快, 唔記得係邊度黎, 有名堂的, 好貴吧.個鵝肝, 我做咩唔提下? 叫俾對面那個食, 自己興趣不大(冇文化). 埋單後仲有張八十幾蚊的贈券下次可用.總之唔好當我呢個係咩食評, 又唔好信晒我寫d野, 我只係想同人地分享下我一個開心的晚上.

因為家在附近，鯉景灣的食肆大部分也都品嘗過。老實說，到SOHO EAST 食飯，都是食個FEEL，冇乜邊間D野食真係好正（加上又幾貴）。中意仿起初開舖的時候，聽別人說是以前TIMES SQUARE 的金飯館變身的。不過見到裡面不太多食客，想它只會獲得其他食肆的同樣命運－拍烏蠅～試過一次之後真的很喜歡，雖然好像一般住家菜（阿媽話齋返屋企都食得），但食物的味道、心思絕對不是媽媽可以煮得到。尤其一天繁忙的工作後，厭倦了油膩的茶餐廳，便被中意仿的「無味精」所吸引。我愛的菜色有許多：烤肋排、黑椒牛仔骨（一點也不韌）；粟米魚塊簡直正，甜甜地可以送哂成碗飯；南瓜煮金菇有創意；所有湯類好好飲...不可不提是甜品，吃過飯後總是十分期待侍應捧著十多款迷你甜品任君選擇。一款＄8，食多D都唔怕肥。原來他們捧出來的不是模型，是真的甜品呀～服務態度一流，令你覺得好WARM，雖然相信服務員不是一家人，但不知道是否工作得開心，他們的親切和笑容令你有一種屋企FEEL。最佩服是他們的工作模式，星期一齊齊放假。不像其他食肆般一至日，年中無休。放假的時候經過餐廳，見到他們竟然放了一些有趣的卡通人物／模型在窗邊（還寫上有趣的字