中意仿

營業中

休息中

又一家有情意結的店, 由時代金飯館開始, 吃過了好多次, 還記得某年除夕來個二人團年. 再著, 這店的頭二個食評係由文迪(那時還叫樹熊!)同小弟包辦的, 又真係好多往事.是晚係四個人的局, 文迪兩姊妹加上姊妹J, 雖然得小弟一個男士, 但也吃了不少食物. 先要個二人份的相識在童年餐, 再加兩碟小菜, 另外補兩個飯同湯.媽媽靚湯: 9分, 是日例湯係煲合掌瓜, 繼續的無味精, 熱辣辣, 清清的帶點甜味, 也真的好有住家感覺.枝竹牛腩: 8分, 枝竹同牛腩都係炆得好淋, 個汁好入味, 撈飯一流, 但係吃著吃著, 又嫌牛腩口感一般, 或許係太淋了, 無乜咬口.好立克汁焗椰菜花豬扒: 7分, 要了個新嘗試, 但係出來的效果似乎係一般. 個好立克汁基本上係不太出到, 令到味道係偏淡, 豬扒的肉質麻麻地, 也好像焗得過了點火. 不過椰菜花都幾好, 挽回點分數.蒜蓉炒油麥菜: 8分, 只係二人份的菜, 都相當大碟, 夠四個人吃. 油麥菜夠鮮, 炒得香口, 不俗.紅燒肋排$68: 7分, 是晚想試回一些好久沒吃過的菜色, 不在相識在童年餐入面, 只有散叫. 其中一個係紅燒肋排, 時代那時係相當出色的一

上次睇完食評就好想食,因為我係一個甜品狂徒今日同小天使叫左3個餸,北非羊肉,咖哩薯仔蛋同招牌菜紅燒肋排 首先講招牌菜啦,味道OK,好淋但係唔覺得可以做招牌菜,因為今日點左3個餸有2個比佢好食 北非羊肉,係侍應推介的,好好味,一上枱就聞到勁香,羊肉一D都唔,再+上白飯直頭係一流的選擇 最後係咖哩薯仔蛋,佢一上枱我就有D後悔,實在太香了,但係剛剛的羊肉太好食,攪到我D白飯差唔多食晒,叫多碗又食唔晒>.<佢的薯仔係炸過的,好好食,水準同咖哩餐廳差唔多,勁正 食完正餐緊係食甜品啦,好靚呀差唔多有20款俾我地選,我真係想食晒佢,最後選左6款,分別係咖啡果凍,香賓梨,蛋(云尼拿),朱古力,玫瑰紅茶同焦糖燉蛋 而且最正的係侍應勁好人,勁攪笑,但係大家點甜品時最好搵男侍應,因為佢地會好攪笑咁介紹甜品,但係我聽到女侍應介紹時只係講清楚佢同咩整,冇男侍應介紹得咁好

翻閱筆下食評，羞見錯字百出，冬波罪該萬死！冬波自小害怕國文，高考撰文顛佬正傳，無情考官不予評級，洋文譯作Uncle。幸好生於大英殖民年代，略懂鬼語猶可苟且偷生。對食，冬波則無偏好，中西佳餚通不放過。昨夜一試這裡Fusion菜，感覺是．．．先來湯水小吃。例火煲老耦，時候未夠！東瀛豆腐放上法蘭西魚子，蠻有趣的。再試雞絲粉皮，夠膽用上聖誕火雞？主菜三款。肉鬆粉絲微辣家常水準，豉汁鱈魚竟配半碟豆腐，串燒牛柳似用椰奶醃製。無驚喜但也給冬波愛人全吃光！全晚重點推介甜品，十六款式任擇其六。每款趣緻可人，看得出主理人的體貼細心。值得一提是這裡有位頭髮筆挺的美男店員，他會以山歌情心獻唱餐牌中的每道菜。套餐價＄３１８，連白飯茶芥加一貼士＄３８０。我倆赤貧，殊不便宜。

當晚因為食評關係，book 咗呢間。到場睇完餐\牌發現係家常餸又唔平，真係想走。不過算，見好評多，試下值唔值口甘貴。坐低後有個女侍應招呼，好熟練口甘講低點叫野食。最後叫咗粟米白粥、牛腩、什麼什麼青瓜卷，六款甜品。粟米白粥好綿，最值得叫。牛腩好淋，入口即溶，雖然味道甜甜地。六款甜品係係近20款甜品任揀，個樣好精緻，由女侍應好熟練口甘介紹。不過每款甜品都有自己既缺點，未算好吸引。食完後再叫紅豆沙，都算好食，用料足。

０８－１２－０７見到食評個甜品咁靚咪去睇下（因男友喜歡食甜品）ＬＵＮＣＨ叫左兩個餐食．．送左個湯好味冇味精的．．我個個係咩雞（唔記得個名）如果唔點薑蓉食就勁咸．．點左就唔咸．．我都覺得好奇怪＠＠．．男友個飯都ＯＫ．．好喇．．之後侍應行來介紹甜品．．我地都係選左個香檳梨同個奇異蛋．．兩個都好得意．．但就味道淡左Ｄ．．要扣分了！！但值得一提的事．．係服務態度真的好好～我會再去的

「中意坊」位處於鯉景灣，家庭小菜中規中矩，「雞有雞味、魚有魚味」，不過，它的「甜點」絕對是來個絕地反擊、成功取分。驚奇蛋（甜品）小肥大師：「點解甜品是雞蛋？」小肥大師：「敲開蛋殼，熟雞蛋出現了。」小肥大師試食一啖之後，發現蛋白用雲呢拿來製作，蛋黃用芒果奶油製作，總之是十分美味！香檳梨細菌小子：「將梨沐浴在法國香檳內，成為一道簡單而美味的法式甜點。」細菌小子（小肥大師外甥女）：「甜品才是中意坊的主菜～」小肥大師絕對同意。後補資料(1) 侍應會以攪笑、爛gag 手法向新來的客人介紹各款甜點，你可以從中選擇。(2) 午餐套餐（包例湯、白飯、小菜、甜品）

來到Soho東, 大多是西餐廰, 這一間中國菜館也像其西餐廰都是開放式的。落地窗打開後, 把腳伸出已是街外, 吃飽後就可從窗邊離開。雖然餐廳向內街(另一邊的餐廳向海, 雖有一條馬路之隔, 也算是海景), 面向公園, 沒有海景, 但因為沒有車, 較靜, 感覺上空氣也較好, 天氣好時, 坐在單邊位, 可曬曬太陽, 看看藍天白雲和花草樹木, 來個寫意午飯, 對繁忙的都市人來說, 忙裡偷閒, 是一個不錯的選擇。午市時, 人不太多,可能位置靠近民居, 最近的寫字樓都在太古城, 不用怕人多要等位。食物方面, 餐牌上寫上不含味精, 感覺上像一間小型的私房菜, 店員大多親切有禮。午餐方面有湯, 當日是眉豆雞腳豬骨, 喝後不覺有味精亦不油, 有白飯或粟米粥, 瓜或菜跟甜品; 有,。普通菜式如我們選了的蘿蔔牛腩是四十多元, 牛腩很稔, 味道亦很好; 較特別的菜式要五十多元, 我們選了葡汁翠玉瓜焗魚塊, 中西合壁, 魚塊是先炸好的, 加上翠玉瓜、芋頭和洋, 用葡汁焗, 有心思又有創意, 而且味道很好, 兩都是”飯”的上佳之選, 尤其是那些汁。午餐都跟一碟冬瓜粒粉絲, 很清, 跟主菜剛好中和了, 又健康。白飯

August 28, 2008 ~ 中意坊連逐吃了多餐hardcore西餐，來到男友正日生日，反而選澤來這間頗有口卑的中式小館。中意坊位置頗隱閉，裝修簡單清雅，主打傳统健康小菜以及西式甜品。是晚點了6個course的$338元的二人餐，食評如下：魚子醬豆腐，全晚最好吃之作，咸咸的魚子醬配以冷豆腐和特製醬汁，很清新。接着是鴨絲粉皮，鴨味不夠濃，肉質偏鞋，粉皮很粗糙，吃不出深度。招牌菜-爆蝦球和京都骨都令人極失望，蝦球沒鑊氣兼口感粉稔；京都骨不夠肥美多肉，獻汁蒂有魚腥味，這配搭，錯哂！浸莧菜都算嫰，OK啦！甜品亦是這裡的賣點，套餐跟6度甜品，可由圖示的那甜品堆中挑選自己的喜好。椰青糕非常清淡，椰青味不夠香，抵讚的是那些新鮮椰青肉。燉奶很滑，可惜一點甜味也沒有，香檳梨算最出色，梨的質感不稔不爽，甜度適中，藏在中間的香檳啫哩略帶酒味。招牌焗芒果酥皮一點也不脆，芒果又酸，no good！那cookies and cream cheese cake味道濃得嚟怪，不合個人口味。最後的咖啡凍都算有水準，不過就唔啱怕苦的男友。Service很好，但小菜水準有點強差人意，來吃甜品就還可以。走時經過網球場去

在Openrice search 到中意仿, 見到好多good 食評&甜品樣子好正, 於是跟朋友到這店一試. 結果我們都沒想像中好& quite disappointed!我們點了一個二人餐+ 招牌海鹽雞.二人餐只有西蘭花和炸虾 好味, 其他的一般(eg.魚子豆腐都ok, but very little size, 炆排骨& 粉皮~very 油!!!)最吾開心係那招牌海鹽雞, 只得半隻~~~而且好難食too salt! 又貴, 要成百元. 在落order 時, 店員還吹水說招牌海鹽雞係用正宗的海鹽造的~~~ 真係hardsell~ 令我們有點被騙感覺书 真係好難食, 平時任何一間燒味店的雞都滑&好食d!!!!最後跟二人餐可選6款甜品. 店員真的會向你介紹每款甜品, 有誠意! 我們order 的6款甜品都ok, (可能size 小!),but 我們覺得甜品的樣子&味道都有水準! (甜品可以一試. $9/pic, $48 for 6 pics, $80 for 10pics)埋單$450. 向我們介紹甜品的那位女店員告訴我們, 可以憑是次發票於一個月內再來享discount, 我們出

呢間餐廳, 可能好多香港人會唔慣。餐牌好隨意, 服務很家庭式, 你點一個菜, 佢諗一諗, 跟你說今日很忙, 沒時間煮, 不如你點另一道菜啦。轉頭又說今日客人好多, 你幾點幾點記得交枱, 但我們要聊天, 不想交枱, 佢就話:「咁盡量囉.」一般來說, 這叫差的服務, 但佢地做起上黎, 又覺得好街坊。間中佢地煮了一道餐牌上沒有的菜，會好招積show 畀大家睇: 「你睇下! 黑松露海膽豆腐呀! 」你想食呀, 原來無你份, 想食就預訂啦。真係唔知好嬲定好笑。與其話佢係餐廳, 不如話佢係食物實驗室。打出來的招是中國、意大利fushion, 但那是虛幌子。實際是師傅見有乜o岩煮、味道match 到, 就會拎出黎畀你。好似我吃過一條清蒸紅鮋, 上面放了酸菜, 不中不西, 竟又出奇地好食。甜品是這裡的賣點。味道過得去, 唔駛期望好高, 但賣相令人興奮。十幾杯甜品放晒你面前, 叫你揀幾款, 精緻得像手辦模型。揀甜品時, 記得隨便問一位伙記: 「可唔可以介紹下? 」佢會答:「Well... 我無乜時間介紹, 咁唯有長話短說, 好快咁介紹一下.」之後, 佢地就會開始搞gag, 爛得黎又幾搞鬼。(唔講佢地玩乜

聽講哩度ｄ員工麻麻地，服務一般，不過ｄ野食又唔錯．前兩日，J.A.M.黎食下甜品，個老細突然咁好既，ｄ員工係度笑騎騎放毒蛇．不時為我地加茶，唔錯．阿J.的甜品：椰青糕，清清地；香檳梨，有ｄ酒味，裡面有一pat custard，出面個梨好焾；cookies n' cream mousse，唔錯．阿A.的甜品：水密桃果凍，煙煙靭靭，好味；蕉糖布甸，幾好．阿M.的甜品：椰青糕，好清甜；芒果壽司，ｄ芒果熟過頭，麻麻地．我地三個不約而同都揀咗，玫瑰花啫喱伯爵茶果凍，好香既rose味，配合埋earl grey黎食，正．

某日晚上八點幾，第一次去食甜品，老闆話：九點半先可以有甜品食啊！走人．．．某日下午打電話問幾點有得食甜品，有一接聽者無禮貌話：九點半先有甜品，如果多人都唔會俾你地淨係食甜品．其實佢講多句收幾點都唔會死既！答多一句都費事，又死咁寸．心諗：我睇你寸得幾耐！！！服務分可否有零分選擇呢？某日晚上十點鐘，第二次去食甜品，老闆話：我地已經關門，你地下次打黎問下我地既收工時間喇！再走人．．．有句話，無三不成禮，唔通要到第三次先有得食？

第一次來此晚飯，要找了一陣子！二人餐A很是吸引，但你不能吃炸蝦，散叫啦！中意凍魚-集合潮式與意式煮法的凍食魚，驚喜之作，值得一試紅燒肋排-味道不錯，但其他地方都吃到此水準金菇日本南瓜-很清新，Good不太甜的甜品是my favourite-總共要了十款(很crazy嗎？)每一款也有特式如有機會，一定會再來試其他菜式！p.s.三年前和你認識後的第一次晚餐就是鯉景灣，三年後第二次重遊舊地，關係變了，但仍開心！

第一次來西灣河. 旁邊是嘉亨灣(對住海景觀一流), 還有一些地產經紀站在樓下.餐廳是在SOHO 區, 回看相片, 相信夜晚景致會更佳.湯味道不錯. 點了南瓜直菇肉排. 肉排沾滿濃濃的南瓜茸, 別有一番風味. 直菇很有鮮味, 但我自己嫌太淡. 附送的生菜是清蒸的, 有些苦澀, 個人喜歡用油炒香...不過餐廳的主題是健康+ FUSION, 看到很多都是一家大細來的.甜品挑了香檳梨. 賣相一流! 店主/店員應該很喜歡深圳A 貨蛋, 推介得非常落力...呵~賣單餐$54 + 豆漿$6 + 加一= $66. 對比附近不算便宜, 不過這裏有甜品!

星期二的晚上, 即興的飯局, 跟文迪兩姊妹去了蘇豪東. 要約的可能要搞好耐, 都唔知成唔成, 有時即興的局反而更加精彩.來到蘇豪東, 當然係再來一次中意仿.八點幾來到, 相當多人, 都要等一會先有位. 三個人, 就要了個三位的彷彿在童年餐.三個小菜, 一碟菜, 一人一大碗湯, 再加上甜品, 今次九式.好豐富的一餐.西洋菜煲瘦肉: 9分, 無味精的湯, 一飲落口係好熱, 亞妹仲辣到, 西洋菜算幾淋., 湯就好清, 大大碗, 由開始飲到尾, 份量十足..粟米魚塊: 9分, 依然係小弟心愛的魚塊. 粟米汁係好像奶一樣, 撈汁一流. 當然魚塊唔係甚麼新鮮貨色, 粟米汁跟平日吃開的亦不太相同. 但係我就係喜歡這種奶油的感覺.係個隻喜歡的就好喜歡, 不喜的就完全不愛. 我們三個當中, 亞妹同我都鍾意, 文迪就不喜歡.咖哩雞: 8分, 亞妹揀的, 喜出望外, 個汁又係好得, 又係好好撈飯的. 小弟食了兩件雞都係比較老的, 但係文迪食的那件又唔老. 不過雞肉就麻麻入味, 薯仔就好正.紅酒番茄燴牛尾: 8分, 又一個汁去撈飯, 紅酒汁都唔錯, 真係食到成碗飯都係汁. 牛尾煮得未算好入味, 不過幾淋.蒜蓉