中央飯店

營業中

休息中

地方污糟食材唔新鮮難食到嘔， 出名嘅梅菜套完全冇特色， 點心材料 唔新鮮， 地方有一陣怪味， 完全係頹食， 所謂嘅推車仔 其實根本上啲點心係凍嘅， 唔知點解啲人話好食， 絕對係我近年你食過最難食嘅舖頭

諗住打電話訂枱 電話響了很久 才有人接聽對方超冇禮貌 冇尾音的語氣回覆「自己落嚟」收線時 諗住有禮貌同佢講聲拜拜。對方竟然「卜」一聲便已經收線 超無奈其實我都冇諗住要打電話book位 是因為上次第一次食 職員說下次要book 我才這樣做未食已經飽了

返聖堂 , 教慕道班前 , 同家人在教堂附近的「中央飯店」吃晚飯 ~香脆腰肝卷 : 又是一道好久沒吃過的懷舊菜式 , 外皮酥脆香口 , 內餡的腰肝 , 香口油潤又夠味 , 認真正斗 ~芭堤雅軟殼蟹 : fusion 菜有夠特別 , 個 sauce 係用芒果乾煮成的 , 酸酸甜甜勁香口勁惹味 , 軟殼蟹香脆有蟹味 , 軟殼蟹根個sauce 的味道非常配合 , 真係超特別 ~東江鹽焗雞 : 皮香肉滑 , 雞肉鹹香滑嫩夠入味 , 雞有鷄味 , 夠功夫，好食 ~蜆肉蒸肉餅 : 吃得出肉餅是手剁且手打出來的，肉質有彈性，豬肉配上蜆肉，這配搭出乎意外地合拍，口感和味道層次高，有驚喜的 ~本篇完 ~

友人特然提起深水埗有間懷舊點心店，便興致勃勃來到這間中央飯店飲杯茶，食下點心；一入到這間店，見到樓面姐姐推着一架架點心車，經過便向茶客推介點心，令我想起小時候跟嫲嫲到茶樓時的歲月，呢類型既懷舊點心店，真的越來越少了。我們叫了牛肉，燒賣、叉燒腸；牛肉比坊間大部分牛肉都實肉，好味。不過今次想試的點心，如排骨、蝦餃和排骨飯都賣晒了😅；唯有下次再來試食其他點心。

去好似中央飯店呢啲懷舊茶樓飲茶真係好好feel，叫咗5個點心飽到上心口，好彩都食得晒無做大嘥鬼。懷舊臘腸卷真係好似好耐無食過，味道OK的，不過如果條臘腸大啲或者個包細啲應該會再balance啲好味啲。雞札中規中矩都唔錯，塊腐皮幾好味。蝦腸都好食，蝦算新鮮，腸粉皮質感都唔錯。蝦餃皮薄餡靚，雖然唔係好似出面好多酒樓追求嘅巨型大隻蝦嘅蝦餃，但係勝在性價比高。最後一樣就係鳳爪，呢個就真係比較一般啲，都收貨嘅。

呢間應該係一間歷史非常悠久嘅酒家，因為竟然仲有得推點心車，真係令人開心。點心味道整體都唔錯，地方係有少少污糟嘅，不過主要食佢嘅風味啦。懷舊點心佢又唔算多，勉強入圍嘅就有魚肚燒賣同埋金錢肚。魚肚燒賣嘅魚肚同埋舊肉都好食，金錢肚係橙色嗰種細個食到嘅款式，味道都OK。其實鴨腳扎算唔算懷舊點心呢？不過出面確係比較少見，所以都有叫，味道都係OK。午市時間佢有一個特色印度炒麵，因為唔知係乜所以專登叫黎試吓，其實佢係類似星洲炒米，材料基本上一樣，不過佢就真係用麵炒唔係米粉，另外星洲炒米係用黃咖喱粉而呢個印度炒麵就用紅咖喱粉，我覺得個味道唔錯，試新嘢冇中伏好難得。

·椒鹽鮮魷 HK$75好味指數：8/10炸漿非常之薄，鮮魷🦑大大嚿啖啖肉，炸得非常鬆脆，外層脆卜卜，入邊肉質煙韌，食到鮮魷嘅🤤鮮味，而且份量都對得住個價錢，估唔到舊式小店都有大排檔嘅🔥鑊氣。·蜜餞合桃黑椒牛仔粒 HK$90好味指數：8/10黑椒薯仔🐮牛柳粒就食得多，見到佢係蜜餞合桃諗住叫嚟試吓，味道又幾好，佢利用咗蜜餞嘅🍬甜甜地，但係唔會膩，加埋黑椒去提升餸菜味道，我覺得好食過出邊大部份嘅舖頭只係用蜜糖🍯去調個醬汁。仲有好多合桃同西芹，每一啖咬落去都好☄️爽口。·宮保炒雞丁 HK$65好味指數：9/10雞粒🐔當然係用冰鮮啦，但係又唔太食到冰鮮味，雞粒size好平均，混合左大量腰果同埋西芹去炒，用嚟撈飯🍚食好開胃，鹹鹹地。·西米焗布甸 HK$20好味指數：9/10嚟到一定要試吓舊式甜品，Size好大兜，建議可以同人share，西米買布甸🥧焗到熱辣辣，表面有少少焦香，但係入邊充滿💜芋蓉，我非常喜歡，因為唔太甜。·紅荳沙 飯後附送好味指數：9/10呢樣係最有驚喜嘅菜式，雖然佢係贈品，只要你光臨佢哋嘅晚市每人都會送🥣一碗，但係冇諗過咁出色，因為佢嘅紅豆沙煲得🫠好綿，仲好香陳皮味添，佢嘅質素高過好

一間歷史悠久的餐廳，午飯時間食客不絕，食客大多數是銀髮族，而員工都是上了年紀的。雖然是懷舊餐廳，但竟然有免費Wi-Fi ，及接受八達通付款。餐廳基本上是半自助式，食客需自行出去取點心，亦有小數員工會推著碩果僅存的點心車叫賣。食物性價比高，充滿人情味及懷舊的味道。用餐人數 1人用餐時間14:00食品：1）皮蛋瘦肉粥 - 這個價錢當然不會預計是什麼明火靚粥，但味道是正常質素，只有皮蛋碎，瘦肉不是一般粥店的柴皮瘦肉，而是用上菜乾豬骨粥的那種豬骨，而成個粥最畫龍點睛的，就是那個簿脆，滿滿兒時的回憶。2）雞包仔 - 正常質素，無特別。

10月9號,就同朋友去咗深水埗行街,咁啱大家突然想飲舊式嘅港式茶樓,就去咗試深水埗嘅中央飯店,因為多人嘅關係所以就要同其他食客搭枱,咁啱我哋搭嗰張枱嗰個老人家就係飯店嘅老闆,咁我哋就好似普通茶咁一齊傾計飲茶,呢個都係好特別嘅巧合,我就要咗一個鳳爪,燒賣,蝦餃,珍珠雞！味道就普通但係唔係太鹹,啱曬呢老人上咗年紀嘅人客！

已經食過唔係第一次啦！上次都有跟朋友嚟食，因為太好食所以今次專登帶屋企人嚟！屋企人一見到間飯店，即刻覺得好懷念，好有舊年代酒樓feel!!我哋一嚟就叫咗個香酥鴨，嚟到熱辣辣，勁香脆，同埋濃郁嘅芋頭蓉加埋鴨香，真係超好食！跟住就係白果腐竹豬肚湯，我係一個好鍾意飲湯嘅人，可以講，呢個湯頂級好飲。白果腐竹味好香好出，超級足料！最後我哋叫咗個涼瓜炒牛肉，好有鑊氣，又係熱辣辣上枱。重點係牛肉煮得超冧！我爸爸啲牙冇力，有時啲牛肉太多筋，太韌佢會食唔到。但呢碟牛肉就完全冇問題！總括而言，呢間飯店餸菜份量超多，而且價錢便宜，係性價比超高！

今日嚟到過半百年歷史嘅中央飯店 有蓮香樓大榮華相繼結業之下 呢度嘅地理位置環境裝修雖然冇咁方便同富麗堂皇 但勝在夠地道親民 座上客全部都係上咗年紀住附近嘅公公婆婆👴🏻👴🏻👵🏻👵🏻 或者放食晏嘅地盤工人👨🏻‍🔧👨🏻‍🔧厘度仍然有住昔日飲茶嘅風味 保留著推車仔點心 姐姐一路推一路叫賣有乜嘢點心特別懷舊😍 唔似得而家嘅酒樓或者點心專門店咁現代化😆 飲茶最緊要水滾茶濃 厘到有🥰🥰🥰點心大部分都係傳統冇花巧👍🏻👍🏻蝦餃皮薄不過唔夠滑 蝦肉鮮甜一口size😋😋😋包類嚟講叉燒包一定係首選😆😋😋😋點心嚟講山竹牛肉肯定係首選 大大粒牛肉豬肉比例平均 加埋個喼汁冇得輸😍😍😍😍😍食完飽肚嘢例牌嗌啲嘢吮下 排骨鳳爪二揀一今日揀咗鳳爪 口感軟硬適中😋😋😋午市有炒粉麵飯 見好耐冇出街飲茶食晏所以特別好胃口 今日加多碟雪菜肉絲炆米 大大碟 正🥰🥰🥰🥰中央飯店有咁多年歷史 希望唔好因為股東爭拗而結業收場 等住喺附近嘅公公婆婆有個老地方聚腳地 對佢哋嚟講可以飲下茶食下點心傾下偈開開心心係好重要😊😊

位於大埔道東廬大廈內的中央飯店，至今已有61年，它沒有富麗堂皇的裝飾，仍保存著用手推車的方式叫點心，不單是大部分員工都在此工作了數十年，連食客也是多年擁躉，每天都在此一盅兩件，就如老朋友一樣。今天到此品嚐一頓午餐，伙記很醒目快捷的招呼你坐下，然後奉上濃濃的茶，比起時下的酒樓改用茶包，你會覺得用茶葉泡的茶是特別香濃有茶味，接著的便叫了幾款點心，山竹牛肉除了大件外，配上喼汁食下去，香軟和滑，蝦餃的皮略厚，但餡料十足而且有汁，蝦肉彈牙，雞包仔比其他酒樓的包點大，餡料多，還有就是豉汁鳳爪，非常入味，而且有花生墊底，除了點心，還叫了一道雪菜肉絲炆米，第一料足，而每一啖的米粉都多汁和有雪菜味，所以這一餐吃得很滿足，價錢相對其他酒樓就算很便宜，可以用大眾化價錢享用經濟實惠的午餐，不妨去試試。

返聖堂 , 出席完學生的「收錄禮」，我和太座 & 三女 就前往這間在區內屬於老牌的 "中央飯店" 吃午餐 ~這間 "中央飯店" 我們還是第一次幫襯 , 門面並不顯眼，而且感覺老派，但氣氛還不錯的，而且也都乾淨企理 ~值得一讚的是，這間飯店竟然還保留了，"推車仔賣點心" 真是叫人懷念 ~不同的點心當然各具特色又各具其味 , 雖然不是即叫即蒸的那一種，但全都是手工貨， 點心不算太多味精，亦是懷舊的味道 ~福建炒飯 : 勁夠鑊氣 , 吃得出這個炒飯的炒飯底 , 廚師是落足心機去炒 , 芡汁的稀杰度和味道都煮得不錯 , 食材可以用豐盛來形容 , 有蝦粒、雞肉粒、冬菇粒、瑤柱絲、蔬菜粒 , 很有水準 ~揚州窩麵 : 伊麵底 , 看上去有種似 80年代 "鴻圖窩麵" 的外貌和感覺 , 吃落去也根本是鴻圖窩麵 , 材料堅豐富，有 蝦、豬膶、魷魚、雞肉、豬肚，蝦球爽口彈牙 , 蝦有蝦味 , 其他肉料都好有鮮味，伊麵爽口Q彈 , 上湯的味道也是不俗 ~本篇完 ~

Centre Restaurant, established in 1961, is an traditional Cantonese restaurant with dim sum carts. This time we went there for dinner. The price was cheap in general. Most dishes were below $100 in big portions. Five-Willow Fish was perfectly cooked. $75 for half of a fish, head or tail part of your choice. The sauce was vinegary and not too sweet. The head and fins were very crispy and edible. Even the fish had been deep fried, it still maintained a smooth texture inside.Gold and Silver Egg wit

一間開業近60年歷史的老字號茶樓，食客大多是老人家或附近街坊，室內裝修還保留當年老一輩的香港風味，現在真係買少見少了！相對出面酒樓的價錢，這𥚃顯得更加親民；食物水準中規中矩，如不要求什麼擺盆，其實一點也不差。叫咗四個菜及一窩湯，除咗湯差啲之外，小菜各有特色，尤其喜歡梅菜扣肉，雖然外貌不大吸引，但豬肉肥瘦相間，梅菜惹味非常，送飯更是一流。想回味一下「香港舊日的足跡」，這裡是一個幾不錯的地方。#香酥荔蓉鴨#白果腐竹豬肚湯#梅菜扣肉#紫蘿炒雞片#油泡生魚球#紅豆沙#不收切餅費#中央飯店地址: 深水埗大埔道140號東廬大廈地下電話: 27776888