不倒翁中日火鍋料理

營業中

休息中

In the midst of the chilly weather, a craving for something hot and spicy led me to try the Hainanese Chicken Hot Pot set, featuring a diverse Global Seafood Platter. The star of the hot pot is the Hainanese chicken, with tender and succulent meat that carries a delightful freshness. Its low fat content ensures the broth remains light, avoiding any greasiness. The chicken skin is exceptionally crisp and thin.The South African abalone, meticulously cleaned and thick in flesh, boasts a sweet and f

呢排咁鬼凍，都想成日食番熱辣辣既野。最後點左文昌雞鍋套餐，入面包左環球海鮮盤有好多海鮮。感覺性價比多一點就二話不說叫左黎試下。 文昌雞係成個火鍋既主打，雞肉好嫩滑之外肉質好鮮甜。佢既油脂唔會太高、唔會令湯底變得油膩。佢既雞皮好爽脆同比較薄。 南非鮑魚，洗到好乾淨肉厚，原全無黑邊。而且切到起晒花，鮑魚好鮮甜。鮮元貝都相當不錯鮮甜大粒。靚桶蠔，蠔肉好肥好厚，蠔味香脆入口軟滑唔會醒。熟左之後，蠔身又唔會縮水，同之前大小一樣。係海鮮當中比較驚喜了我。班片，條班本身應該就好大條所以好厚肉，魚皮好滑好膠口，魚肉比較結實有魚肉鮮味。海蝦，鮮甜新鮮有4支，食過反尋味有多幾隻會更好。生菜好脆嫩，店鋪選擇左生菜量好好生鮮的部份。所以覺得食落幾乾淨青綠同都幾甜。轉左大既安格斯手切肥牛，質素相當不錯。每片肉都好鮮嫩油脂分佈相當平均，下鍋幾秒後就食得，入口淋滑有一定的有牛肉味。食落唔會太油外份量都相當足夠3-4人分。水餃皇，果然名符其實。不能不點。水餃入面有4大隻爽彈大蝦，還有木耳相當脆口。味道好鮮味大蝦鮮甜。係當日食過出驚喜。竹借茅根，唔會太甜暖暖都，竹借味濃相當好飲。椰青好香椰子味，入面好甜好解喝同好解辣。

我地預早訂位時順便order埋點心，一黎到點心就黎得7788。但仍然可以享受到食物的新鮮度和熱度，不得不讚餐廳的效率同安排!不倒翁中日火鍋料理雖然唔係專做點心，但所有點心都好高質素同多樣化，煎、炸、蒸、烤樣樣都有。而且有D仲好食過集團式的酒樓。--我心中的頭3 (Top 3)鮮蝦燒賣王：午市每人送一粒，叫都唔洗叫~燒賣王結合左鮮蝦和豬肉的鮮美，外皮薄，內餡豐滿。大大粒好正。椒鹽鮮魷：鮮魷唔係好大雪藏味，都算彈牙同入味。椒鹽的調味岩岩好，而炸得唔錯，外層酥脆，無論係邊個角度咬都唔會只係咬到炸粉。海鮮炒烏冬：好足料，海鮮係是這道菜的靈魂，有蝦、大量帶子、魷魚等，都有一定的海鮮份量。而烏冬保持了一定的嚼勁，亦比一般酒樓幼身少少。多料好食。-不錯(OKAY)不倒翁蝦餃王炸賽螃春捲蜜汁叉燒腸粉瑤柱珍珠雞香滑牛肉腸粉-麻麻 (so far So good)香煎蘿蔔糕醬皇蒸鳳爪家鄉鹹水角碧綠菜苗餃

之前曾幫襯過該集團的食肆，今日（25/10/2023）路過佐敦，居然見到“不倒翁”，之前以為全部都結業，便在附近逛逛，時間到便來食下午茶。下來茶選擇都幾多點咗2個下午茶孖寶1.叉燒湯瀨+煎蘿蔔糕宜家好少食到粗既瀨粉，好多時都係幼既，好似檬粉咁，瀨粉正蘿蔔糕好好食，煎得香脆，糕內好多蘿蔔絲 臘味及蝦米，好鬆軟2.燒鵝湯瀨+潮州粉果粉果皮薄晶瑩另加多2個點心燒賣皇，足料鮮蝦腸粉，每條腸粉都有原隻蝦2隻，好食侍應態度好好，一定有下次再來。

裝修大氣得體而且食材又新鮮的火鍋料理👍🏻✔️東星斑點單後在店裡面的水缸即撈起來的，好大條好生猛活潑！新鮮的肉質就是嫩滑，放在椰子雞湯裡面真的太正了！✔️海鮮拼盤（象拔蚌、龍蝦）這個加拿大象拔蚌刺身和龍蝦也是新鮮切的！👉🏻剩下的龍蝦頭肉和東星斑一起椒鹽炸來吃了，新鮮蝦肉好彈牙🦞✔️招牌水餃皇🦐每隻水餃裡面都有4只蝦！和魚肉豬肉一起就是大🈵️足😋✔️響鈴：和外面那些火鍋店的響鈴太不一樣了，這個不是批發來貨的，而且店裡面自制然後新鮮炸起的，上桌時還是熱氣騰騰！

飲中式茶食點心，都係幫襯壹點甜同日月茶點居多，好味又夠平! 今次走嚟廟街幫襯，相信唔敢再嚟幫襯.哩間不倒翁好特別，首先裝修環境唔係光光猛猛，而係玩情調，環境紛紛暗暗，食物方面又有日式壽司又有中式點心又有小炒又有火鍋又有海鮮大包圍咩都有!我就同女友小熊嚟食點心啫.....點咗牛肉球，叉燒腸，蝦餃，珍珠雞，流沙包，灌湯餃同鳳爪.特別想講... 叉燒腸外層又薄又滑，薄到好易斷，而餡料足夠，無偷工減料，流沙包小心辣咀，只係內餡流沙口感唔夠沙，灌湯餃嘅雞湯，一入口就知係D現成嘅雞湯，唔係D用心淆制嘅雞湯，鳳爪外層入口好糊口，唔係我欣賞嘅口感.再加上，價錢一共三百幾，比我平時係土瓜灣埋單只需百六百七蚊多成二百蚊，價錢較貴之餘，質素又唔夠土瓜灣好，諗唔到再幫襯理由囉.最後，明明得我同小熊兩個人飲茶，點解單上打三位茶介? 唔通發生靈異事件… 待應見到D我地見唔到嘅人客坐係到?定係小熊維尼都收一位?

湯底無咩特別，不過不失。菜式方面，水餃皇大推，好大隻，好足料，皮又薄，相當唔錯。牛肉方面，無失望，點了安格斯牛肉，肥度剛好，很怕食太肥的牛肉，這個剛好，店內環境都不錯

還記得在iSquare的不倒翁是我吃過, 其中一間景觀最好的火鍋店, 在大廈的二十多層可以欣賞到維港的景色, 當然價錢也不算便宜. 時移世易, 現在不倒翁就只有佐敦的店面維持着生意, 當然也是以火鍋為主軸, 但是和老友聚餐, 一路打邊爐一路傾偈就有點辛苦, 所以還是吃這裏的小, 當然被打邊爐實惠不少.小菜水準不錯, 燒鵝肉厚皮脆, 肉汁不錯, 少了一些烤香, 但上枱時還是熱辣辣的, 夠熱的燒味不會難吃到那裡去! 另外小炒皇也夠鑊氣, 魷魚和蝦乾配合香口而少油的韮菜, 是風味甚佳的佐酒小食. 沙嗲牛肉粉絲煲的沙嗲醬甜香微辣, 肥牛份量夠, 一家中高檔的火鍋店肥牛質素不會差到那裡, 粉絲吸汁, 基本上也不用白飯. 唯一要批評的是豉汁蒸大鱔, 不是味道問題, 但太薄身, 吃起來不夠盡興.Bu Dao Weng is focused on hot pot but the Cantonese dishes are nice. The roasted goose and the satay beef rice noodles pots are traditional dishes that hav

同屋企人打邊爐想坐得舒服慢慢食， 不倒翁中日火鍋料理 係唔錯選擇～ 出名火鍋用嘅優質靚料，宵夜火鍋配料仲有優惠添！2人套餐 $980 送酸梅湯 一渣刺身拼盤是日有甜蝦、北寄貝、吞拿、希靈魚揀左 冬瓜瑤柱鍋 清清地又有瑤柱味海鮮：蟶子 新鮮爽甜！金牌手切肥牛肉 必選推介！剩叫呢碟都接近$300鎮店水餃皇 自家製必食推介，咬開超過4隻原隻爽彈大蝦，超滿足羊肉片：大大片，羊味夠少少羶四寶丸：牛肉丸、鯪魚、蝦、墨魚每款4粒墨魚滑：墨魚丸嘅大粒版竹笙：吸湯汁一流～

今晚去了佐敦食中日火鍋，見有個2人套餐，有魚生刺身、海鮮，配料,湯底叫了雙併湯底，冬瓜瑤柱鍋和胡椒豬肚鍋，湯底好足料，胡椒豬肚鍋，大量豬肚，唔會好肥，仲有枝竹，白果，先飲啖湯，不是太胡椒，配上火鍋料味道剛好。另一邊係冬瓜瑤柱鍋，冬瓜片大大塊，見到有瑤柱，湯底清甜。先嚟一盤魚生，有北寄貝、希靈魚、吞拿魚、和甜蝦，新鮮。2人套餐選了手切肥牛肉，肉質有嚼口，牛肉味香濃，雖然係（小），但都好大碟，海鮮也可自選，有海蝦、蟶子、龍躉片和桶蠔，我選了海蝦，竹籤穿住容易烚，好大隻，好新鮮，爽口。配菜叫了四寶丸和墨魚滑，好彈牙、配料都有海鮮點，叫了珊瑚蚌，爽口，脆鯇骨腩片，爽脆，又唔腥。加埋大大碟的竹笙，好滿足。臨走見到一大個魚虹，好多生猛海鮮，下次要再來食海鮮先得。

心隱起 但又想近近地,揾到有粥底火鍋, 所以收工就直接過黎嚕~ 目標好明確, 我 想食粥底, 想食魚魚, 佢 想食肥牛 想食一丁, 好! 直接叫個二人套餐就好了~落柯打後, 呀開心仔先亨受佢嘅混醬時刻~ 先以 日式魚生拼盤 ( 2人餐有 12件)開始~ 金牌手切肥牛 (小) 靚仔喎, 特地簡新鮮淮山黎放粥, 感覺綿滑養生嘛~ 生猛龍躉片四寶丸韭菜餃原裝桶蠔嘻嘻…新鮮淮山粥底好了, 未放其他配料時 棉滑清淡淡 薑味比較重, 稍後時段 當然會更鮮味啦~ 手切肥牛肉味濃香 口感恰好, 來個 肥牛一丁 好幸福啊~!意外驚喜啊!呢個 生猛龍躉片 係全晚最好味架!!!軟棉棉嘅豐富口感 零腥味 完全無碎骨感, 我好鐘意啊! 韭菜餃 足料鮮味, 唔錯唔錯~真滿足!

喺香港一年四季都可以打邊爐，真係好幸福。約朋友出嚟食飯，打邊爐就可以一路烚一路傾偈，暢談一晚。今晚揀咗佐敦嘅不倒翁中日火鍋料理，地方開揚、座位寬敞，店員都熱情有禮。叫咗個二人餐☺️先嚟日式魚生拼盤有四款刺身，冰鎮住，幾新鮮。食完刺身就開始打邊爐，全部嘢食好快上齊，先嚟個合照先！酸梅湯生津止渴又開胃。冬瓜瑤柱鍋一放上枱已經聞到好香嘅瑤柱味，見到咁多瑤柱，就知用料十足。加上清甜嘅冬瓜，清潤美味，即刻要飲返一碗先。金牌手切肥牛鮮紅色，雪花紋靚，片片都係起雙飛切法，特別大片，入口仲要好好食，好有牛味。四寶丸 本來係手打牛丸、墨魚丸、蝦丸、鯪魚丸，唔想食鯪魚丸，店員特別好人幫我轉咗蝦丸，服務貼心。每款都好彈牙，真係似即打比較少見嘅火鍋料-駝鳥肉，低脂肪低膽固醇，但仍然係入口嫩滑，質地軟腍。松露牛根丸無乜松露味但係牛味濃又彈牙。生猛蟶子洗得乾淨無內臟，鮮甜十足。珊瑚蚌爽脆彈牙，我一路以為係蚌類，朋友話我知係海參嘅腸臟最後仲有小甜品送添。

「不倒翁」火鍋想食好耐了，朋友介紹了這裡有2人套餐，抵食！而且不但有火鍋，餐內仲有魚生刺身☺️「冬瓜瑤柱鍋」足料！冬瓜大大舊，食到尾聲，冬瓜入哂味，正呀😍「生猛勝子」size中型，夠新鮮！淥一陣就食，正呀！👍🏻「頂級雪花肥牛」賣相麻麻地，但口味也不錯！ 易咬口，有牛香😋「鎮店水餃皇」果然係鎮店之寶，好大隻！全粒也是蝦，大蝦爽口👍🏻👍🏻「九肚魚」好滑的九肚魚，可以食到爍爍聲🤣「萵筍片」近年食火鍋我喜歡了點這味，取代菜是最好的，不會似生菜索哂了油😋「炸魚皮」夠脆口，如果大塊會更好🤭「墨魚滑」爽口彈牙墨魚滑，加入少好許蟹子，令更有咬口🤣備註：🔺4人套餐會更多選擇😎🔺海鮮生猛，也不錯之選🤭🔺地方寬敞，裝修高尚👍🏻

周日夜晚約朋友打邊爐🥘，選擇不倒翁中日火鍋料理，因為交通幾方便，環境舒適。💜 叫了2人套餐，$980，每位醬油 $25，另外有加一服務費。套餐內容豐富，我地食得飽飽。❤️🥤竹蔗水非常清潤，好好飲唔會過甜。🍣首先嚟咗盤魚生，有希靈魚、吞拿魚、赤貝及甜蝦，都幾新鮮。揀咗瑤柱白粥鍋底，清清地，突顯食材嘅味道😋套餐配料可以自選，揀咗手切肥牛肉🐂，肉味濃郁，肉質嫩滑。海鮮有蟶子、龍躉片，新鮮肥美😍😍脆鯇骨腩片爽口嫩滑。😚加埋烏冬、娃娃菜及四寶丸，好滿足。

爸爸出名饞嘴，鍾意食好西，限時喜歡周圍飲茶，最近話想去佐敦 不倒翁中日火鍋料理 食火鍋，佢話試過質素好好。我都聽過不倒翁高質，特選新鮮食材美鐉，主打用心熬製嘅湯底，最近天氣涼涼哋，好有深秋嘅感覺，一於週末陪佢撐枱腳，去食個火鍋配不倒翁靚牛肉啊！果然有驚喜。火鍋 2人套餐 $980餐廳上至經理下至服務員都一樣好好禮貌，服務殷勤，卡位闊落有空間感，裝修充滿中式傳統風格，店長推介了招牌菜式，所有特色我都好想食，散叫份量實在太大，所以最後我哋決定火鍋 2人套餐 ，可以一次過食晒不倒翁金牌手切肥牛、招牌龍躉片、自家製水餃皇、生猛花竹蝦⋯等，食得好開懷！日式魚生拼盆 一碟日式魚生拼盆有齊吞拿魚、希靈魚、北寄貝，爽口又彈牙，肉質夠鮮甜美味。瑤柱白粥鍋好少見到粥底火鍋，軟綿綿又滑的瑤柱白粥鍋，配搭不倒翁唔同嘅靚海鮮，一於品嚐下食物的原汁原味。配上獨特調配嘅麻辣醬汁及醬油，令到食物特別惹味，入口特別過癮。生猛蟶子拍得住頂級蟶子皇，厚肉又彈牙，入口無沙，味道好鮮甜。金牌手切肥牛肉果然係金牌，手切肥牛肉油花滿滿，入口甘香，高質火鍋必備。肥牛雪花豐富，油花分佈均勻，肉質細緻，肉色紅潤，感受到接近入口即溶！鎮