不倒翁中日火鍋料理

營業中

休息中

平時呢度係食火鍋,日頭就係食點心飲茶既一個人黎食午餐 燒鵝瀨粉係呢度既招牌之一 茶位費每人15蚊奶黃包$23.8 埋單收加一奶黃流心包 咬開見到如湯水一樣既咸蛋流沙餡, 咸咸地又夠甜!個包好鬆軟招牌燒鵝瀨粉 斬左脾位比我,個皮好薄好脆 鵝肉鮮嫩美味 底下既瀨粉吸滿鵝油香氣連湯都飲埋呀! 值得一試!!佐敦佐敦道23-29號新寶廣場2樓消費$80

我們四姊妹來此吃晚飯 已經 N 咁多次了,  因為近港鐵站, 坐得舒適又無限時交還枱,  枱與枱之間又有距離感。這次一入坐, 覺得張枱好大,  是6 人枱, 其實坐8 人都卓卓有餘, 是兩個爐頭的大枱, 我要求換卡位, 因為四姊妹想close 一點傾計, 但其實服務員都提了我們會很迫的了。沒錯, 我不介意迫, 但原來卡位真的不太舒服, 因為沒cushion 供應,  張sofa 好深, 背脊靠不了椅背,  要家姐們陪我不太舒服,  有點不太安樂, 但又不好意思再轉枱..... 但十多分鐘後, 二家姐最後入坐時, 突然提出想吃火鍋,  (我和大家姐及三家姐本來預了叫餸吃飯的) , 於是都要再轉枱了,  因為卡位放不下四人份量的火鍋配料了, 最後轉的枱比第一張細少許, 是一爐頭的, 而且椅子有手臂位, 又有cushion , 實在太好了。 食物方面是貴的, 但我們不太吃肉, 只喜歡菜類, 而且家姐們胃口細, 叫了七份配料及椰子雞湯底, 椰香陣陣,  湯底清純,  喝了也不口渴, 沒多大味精吧 !  火鍋始終湯底最重要, 菜類好難會差啦, 埋單時配料全是8 折,  都唔貴。

農曆年期間與親友午市光顧，老人家點菜有誤會，被女高級待應發惡把誤點單紙怒擲到鄰桌，便忿忿地走開兩步，但再轉身怒視一番。事件向男部長投訴，但愛理不理。親友結帳離開時， 另一女侍應向衆親友禮貌地說再見，但男部長向女侍應示意不需送行，還說衆親友從今以後也不再光顧， 不需禮貌看待。

現在的年代，出街打邊爐是有要求的，第一講湯底先，香港有各式各樣招牌湯 真材實料，但在呢間不倒翁的只是很一般的湯底，平淡無味，加湯的只是滾水，真令人失望。食物沒有很多啱大家口味的，其餘食物沒有大驚喜。但環境同服務是不錯。我地11人叫左12人套餐，每人$600，真是唔係好值得。

辛勞一年，年尾最後星期日，當然要食好d。和友人們到了佐敦這間火鍋店。其實火鍋今年好少食，加上蝦蟹過敏，每次食都要大家遷就。開場白講完，說回食物先。今次大部份係食肉獸，所以都點了兩碟牛一碟豬。手切肥牛好味，另一款牛味更濃。另外還有打邊爐會叫的丸、魚片、響鈴...火鍋料重要，但打邊爐最重都係湯底。叫了一個鴛鴦鍋沙爹芫茜，沙爹味好夠，芫茜都夠味；另一鍋係胡椒豬肚，有期望但好失望，諗住天氣凍飲完暖暖地，點知淡過水，湯底係有齊料，但食到最後湯底係冇胡椒豬肚湯應有的味。同埋冇俾湯勺，想飲湯只能用細匙。店內冷氣充足，坐到有d凍添。總結一下，食物ok，個別湯底冇味，服務都算可以，但再火鍋我會揀其他。

花膠雞煲味道比較清淡， 配上各種藥材。手切牛肉質素高，可配上沙嗲醬一齊食, 龍躉魚同水餃都唔錯， 水餃裏面有原隻蝦肉，值得推介。餐後配有水果同小糕點，幾貼心。有機會會再尼食

一家人來打邊爐，已來過數次，爸爸很喜歡這店的牛肉，說質素很高，店舖亦寬敞，坐得舒服。點了牛肉和手打蝦丸，還有一些海產類(珊瑚蚌)和豬潤，材料很新鮮，價錢還算合理。最後阿姐送生果糖水，吃得很飽。

放假好想去飲杯茶食個包，好好朋友搵左呢間試。午市唔駛等位，唔算好多人，但全場近8成枱都有客。座位舒服，叫左壼鐵觀音，水滾茶靚。點心令我地喜出望外，蒸籠點心熱呼呼，一路食一路話好味。猶豫食邊種腸粉，見到個春風得意腸，職員話好好食就跟住試。原來係腸粉包住個春卷，外面滑，裡面香脆，果然好鬼得意。其他點心都好食啊，兩個人叫左六個點心，最後飽到食唔到包包了呢間酒樓特點點心要成近$40，有返咁上下付出，味道係有啲保證，放假嘆一下既好選擇。我地見到晚市有打邊爐，好似好吸引搵晚試下先

早日約咗多年無見朋友係佐敦聚舊,原先唸住去樓上嘅"海洋超級漁港",後來朋友話佢經常去"不倒翁",不如試吓。早到後攞位發覺都唔簡單,知客安排坐門口果一張圓檯🙄,好在啱啱有人埋單有空檯。等到人齊點咗幾款點心。蝦餃~啲蝦好爽口义燒腸粉及小籠包~不過不失。燒腩卷~唔肥膩又香口朋友推介籠仔蒸龍躉片飯$188~好得蒸得啱啱好濕潤,龍躉片厚肉大塊好鮮味,飯粒都帶有魚香。茶嘅水準都唔錯😁

前個星期去大紅袍食咗今年第一餐火鍋，實在失望.....意猶未盡下今年的結婚紀念日決定去不倒翁再來一餐火鍋！光顧了不倒翁這麼多年，每次都很滿意，今次尤其滿足，因為有另一間的比較嘛⋯⋯其實價錢同前一間差不多，但牛脊肉勁有肉味、厚切、肥肉不多，我們兩人點了例牌，份量多到差啲食唔哂。今次同樣點了蟶子（另加珊瑚蚌及桂花蚌各半份），全部大隻、肥美、有鮮味。蔬菜籃、水餃、響鈴....份量足、夠新鮮。服務亦不錯，我們坐最入的房，得三枱客共6人，侍應都有間中來查看需否加湯；我們點蟶子時，侍應建議我們點兩隻便可，不會hard sell。是晚用餐很滿足，以後會再來。

為咗賀一賀我自己被人炒魷魚，於是就決定搵間貴野來食午餐，佐敦有很多酒樓，今日就去了不倒翁。雖然價格比隔離左右的酒樓貴，估唔到午市時間都幾乎全滿，好彩牆角仲有張對碰檯比我，雖則話賀自己，但胃口麻麻，所以只叫了三個點心。牛肉腸，非常熱，唔似拉定，腸粉皮厚，有咬口，牛肉稔滑。小籠包，包皮略厚，冇乜肉汁，肉味一般，唔算係好選擇。蝦餃好掂，又大隻又鮮味，心水推薦。食完埋單，雖然我一支公兼生面口，都送我蕃薯糖口，心裏感謝。

星期日同屋企人飲茶，好彩一早攞左位，因為呢度比起其他酒樓細好多一眼睇晒，出面勁多人等。呢度檯與檯之間唔算迫，但其實得一條路出入去門口及洗手間位置，極唔方便。如果有一大班人行得慢塞住，有排未行到出去。服務方面就一般，普通酒樓服務。食物方面，點心係好食嘅，但我遲左，所以有d點心凍了，咁不能作評論。其中三文魚炒飯都只係覺得十分普通。如果計食左熱上嘅食物，似乎呢個價錢又唔算值回票價。希望下次可以食晚市火鍋，聽聞係好正。

A small foot print restaurant. Good service and great food. Afternoon tea is definitely a bargain!

昨天約了朋友在不倒翁午茶，喜歡在這裏茶聚，招待不錯，食品也不賴！先來煎南瓜餅，煎南瓜餅不油膩，糯米粉包裹南瓜蓉，黏黏靭靭的外皮，南瓜蓉吃起來有點像蓮蓉，一人一件剛剛好。春風得意腸粉，內脆外滑，又是一人一條剛剛好。銀杏枝竹豬肚，我就吃不到銀杏了！枝竹吸收了湯很好味道，豬肚和鹹酸菜都爽口，在家烹煮豬肚太費時，又只得自己捧場，不如和朋友在餐館分享更好了！帶子海皇肉崧泡飯，好濃好味道的海鮮魚湯泡著飯吃，吃到帶子、肉崧、鮮蝦、蚌肉、翠玉瓜.....一大窩，吃得三位美女飽飽的！很爽脆的珊瑚蚌！有喳咋、麥米粥糖水奉客，三位都揀麥米粥糖水，好綿，麥米有咀嚼感，很滿足！

去過飲茶同食火窩食物偏貴點心閒閒地20蚊以上 走中上價路線就自然會對食物質素及服務有要求話說點了燒鵝瀨 瀨粉好硬 燒鵝亦很老食到77 88 仲發現有條大蟲。。話俾部長知。。佢地只係推波 唔認我其實唔係要你退錢乜野只係想佢地留意返佢地高姿態地話同你取消佢law..到結賬既時候丟張單埋黎在擺姿態。。 真係無言如果係睇唔起人地消費200 幾蚊既茶市咁真係唔好做服務行業不過講到尾 有咩老闆 結果管理d 咩下屬出黎嗯。。其實有錢消費既唔洗揀e 間 ;3