上野鐵板燒專門店

營業中

休息中

鐵板燒好介紹，生日飯！五人餐，按人頭份量。首先前菜刺身，夠厚夠新鮮既三文魚。一Set的有蝦，鮑魚，牛扒，菇，蔬菜。鮑魚成隻煮，師傅當場系你面前為你服務，新鮮熱辣，仲切埋再炒下，調味，靚靚擺盤，擺系你面前，彈牙爽口既鮑魚，切左仲易入口。惹味無骨嫩口的魚。配蔬菇。蝦好有鮮味爽口，服務為人有心細。呢個牛肉卷超讚，不過油左啲，但好好味！之後有炒飯，師傅用蛋液寫岀生日快樂字眼為客人慶生！每款份量少少一兩件，但食埋食埋就好飽！仲有一啲高質啲既日本海鮮定扒類會額外寫系板上，任君選擇！

鐵板帶子皇套餐 (二人前)，連加一大$600，就有下列10道款式，既抵食亦好滿足，仲有店員服務好好，經常幫忙倒茶，又有禮貌。套餐包括豆腐和風沙律, 北寄貝刺身, 鐵板配菜, 北海道帶子皇, 日本原隻魷魚筒,美國頂級牛柳, 三文魚炒烏冬, 日式炒時菜, 活蜆離菇麵豉湯, 甜品，十分豐富。帶子皇超大粒, 炒到剛剛好熟，唔會太乾身。廚師燒完後切成小粒，方便進食。帶子皇伴上葱花、蟹籽增添口感及味覺, juicy!師傅將牛柳燒到剛剛好5成熟，可以煮到外層熟透，裡面依然粉嫩肉色，鎖住肉汁，牛味亦好香濃。日本原隻魷魚筒很惹味，不需點任何醬汁，伴隨有冬菇同脆肉瓜，每款一片，燒完都仲好多汁, 好煮功!豆腐沙律新鮮爽口&活蜆雜菇麵豉湯幾鮮甜北寄貝刺身，較為鮮甜、彈牙三文魚炒飯，order時候，店員問選擇要炒飯或是炒烏冬。

店員熱情招待。介紹不同款鐵板套餐，最後order鐵板帶子皇套餐(二人前)$528。店員隨即奉上麵豉湯及豆腐和風沙律,麵豉湯入面有蜆肉&雜菇，麵豉湯又唔會太濃味，鮮味十足﹗沙律方面，新鮮的沙律菜和滑嫩豆腐，加上特製沙津醬，口感非常豐富﹗北寄貝刺身，新鮮又爽口﹗帶子燒到好香口，落醬汁都入哂味。原隻魷魚筒，師傳姐姐精細刀功，切魷魚每條size均等，加上秘製醬汁鐵板燒，惹味香口。燒牛柳粒時侯，師傳姐姐已經預告有燒火表現。鐵板上倒酒，好在團火燒起，好刺激！我們點了7成熟燒牛柳粒，牛味郁，易咬﹗炒飯入面有蛋、煙肉＆蟹子，炒飯炒得粒粒分明，香氣十足﹗炒椰菜，配有豆芽，好爽脆﹗最後就係鮮奶雞蛋布甸，軟滑香甜，心滿意足﹗

可能walkin 既關係, 性價比無想像中高.入席時候餐廳都未坐滿, 但係上菜速度特別慢同次序亂, 刺身>沙律>鮑魚>湯>銀雪魚>安格斯牛>炒飯>炒時菜>甜品(煉奶雞蛋布丁)仲要每道菜都係食哂等好耐先有下一道結果最後先食菜, 同無野送飯真係好奇怪...三文魚刺身 (雪得太耐, 未解凍)鐵板活鮑魚 (味道尚可, 但無咩鮑魚味)香煎銀雪魚+翠肉瓜 (銀雪魚比較多骨)煙肉黃金炒飯 (最正路,但其實好細碗)美國安格斯薄燒 (入面包住大量炸蒜同蔥, 炸蒜味蓋左肉味, 都埋比較乾身)其實呢餐食完都係7成飽左右, 以咁既價錢值唔值呢個價真係見仁見智, 眼見有熟客仔既, 坐係BAR台同師傅一路吹水一路睇住燒係幾有人情味但係如果又睇唔到師傅燒, 份量又唔夠兩個人食, 就未必會再揀lu只能說係一間親民版鐵版燒

以為鐵板燒入門門檻一定很高？在旺角就有一間親民的鐵板燒餐廳，店內裝潢也是平實風格，提供的食物和貴價的鐵板燒店其實差不多。點了個2人餐，首先有沙律和魚生，三文魚質素不錯，鮮甜沒雪藏味，味噌湯味道亦夠鮮。第一道鐵板燒是銀鱈魚加配菜如冬菇，翠肉瓜，銀鱈魚滑溜，菜類味道也不錯。鮑魚非常新鮮，在鐵板上還在動，鮮味十足而且很彈牙，一點都不會韌，師傅夠功力。美國安格斯薄燒，可以選擇熟度，內包炸蒜粒，蔥花，特別香口。煙肉黃金炒飯，飯粒粒粒分明夠乾身，而且不會很油，很甘香，而且看到師傅炒飯整個過程而值回票價。另外炒雜菜份量多，其實已經吃不下了，菜不會過淋，口感爽脆，而且燒板燒雜菜最怕油多，這裡卻不會。最後還有甜品，口感滑而豐富

今日去完旺角做嘢時間有啲夜 好在女人街側邊嘅食店仲未關門 於是就食下呢間上野鐵板燒啦餐廳中央有好大面積嘅鐵板燒吧枱 我哋坐咗喺上面 可以邊睇廚師煮嘢食邊進食 非常賞心悅目睇睇餐牌 二人套餐都係500至600蚊 以鐵板燒嚟講非常抵食 我哋叫咗個鮑魚銀雪魚套餐首先會有沙律同埋刺身 沙律冇乜特別 刺身有厚切三文魚刺身 油花靚 魚味濃 幾新鮮鮑魚極度生猛 喺落鐵板前仲係喐喐下好新鮮 師傅將佢燒熟仲加上醬汁去炒 非常惹味鮮甜得黎仲有醬汁嘅味道 口質夠曬彈牙到我最期待嘅銀鱈魚 銀鱈魚唔係度度都有 做得好食更加係少之又少 師傅將佢嘅魚皮拆出嚟仲煎得香脆 好似薯片咁 魚肉外脆內軟一咬落去 魚油即刻爆 出嚟技術高超薄燒牛肉 牛肉非常香牛油味 入面包上海量嘅蔥粒 一啲都唔油膩黄金煙肉炒飯 炒飯要做到粒粒分明好難 呢度就做到炒野菜 好多椰菜 多油 二人餐份量唔大不過有飯有菜都幾跑

同朋友慶祝想食餐好嘢，揀咗呢間鐵板燒鋪頭感覺好光猛乾淨，仲有大大塊鏡增加空間感我同朋友揀咗坐吧檯，貪佢可以望住廚師係鐵板上嘅料理先嚟嘅係豆腐沙律同麵豉湯，沙律酸酸甜甜個湯仲有啲菇，豆腐同蜆肉，味道都好濃郁第一樣上嘅菜係北寄貝刺身，刺身新鮮，食落爽口彈牙然後就有個海鮮拼盤，有大大粒帶子，同埋原隻魷魚，就咁望已經覺得好豐富啲帶子好厚肉，而且每粒都好飽滿當師傅將啲帶子放落鐵板燒，滋滋聲好吸引，加上少少油，煎到金黃色好靚，帶子表面仲有pan-seared嘅痕跡煎到咁上下師傅就將啲帶子切粒，將啲肉放上扇貝殼上面，仲淋上白酒最後加上蟹籽同一點綠點綴，旁邊仲有檸檬可以自行調味食落口感好豐富，而且帶子肉厚鮮甜，烹調得新鮮味美之後仲睇到師傅表演燒魷魚，佢先將魷魚鬚煎香，然後再仔細將魷魚剖開切絲然後佢就用兩個剷，炒香啲魷魚絲最後仲落咗啲醬汁，蔥花同蒜片，蔬菜擺盤都好講究，翠玉瓜同冬菇都燒得好香

朋友極力推介的鐵板燒店，其實都好耐無食過鐵板燒，朋友果然係無介紹錯呀由於落住超大雨的關係，一入門口職員已經二話不說安頓好我們。見到餐牌其實有好多款不同的套餐，大概猜測到能大飽口福的同時亦能大飽眼福在職員哥哥的建議下，點了一個鐵板大蝦套餐，真係好抵食$600幾蚊的份量同質素真係多到你唔信首先，每人有一客蟹子沙律、然後仲有一份刺身。跟住就黎一個香草龍利柳，份量係每人一條呀。再到主角，老虎大蝦蝦嘅口感好彈牙，而且好新鮮，食到出係好有質素嘅大蝦！睇住廚師細心的等你食完先再整下一道菜畀你食，呢種服務簡直係細心到一流！而且睇住佢整嘅同時亦好似睇緊表演咁，視覺嘅滿足簡直就係一流呀再黎就係美國安格斯肉眼扒，廚師有介紹過牛扒，但唔記得左係咩品種，類似日本和牛之類，牛肉入口即融咁濟，牛味好香好濃，本人好鐘意食牛，因此覺得極正去到呢個moment，其實已經係飽架喇，但接住落黎嘅炒飯又係好香，於是食下食下又不知不覺咁食哂了最後仲有個炒雜菜同甜品就真係食唔哂，所以雞蛋布丁就只係食左一個，仲要係二人share呢間鐵板燒真係極力推薦，貼地價錢，高質食物呀P.S. 個餐仲有每人一客麵豉湯，而且佢個洋蔥汁都唔錯呀

聽同事介紹呢間cp值高既鐵板燒，今晚一於同老公黎試下，黎到見到好多都係熟客，同店員有傾有講，餐廳設有bar檯或卡位，我地當然選擇坐bar檯，可以一邊食一邊睇住師傅烹調，鐵板燒既好處就係師傅會按你既進食進度而煮下一道菜，食完一道先上另一道，咁樣每道菜都可以保持新鮮滾熱辣。鐵板帶子皇套餐 (二人前) $528豆腐和風沙律北寄貝剌身刺身新鮮，食落有口感。鐵板配菜：冬菇、翠肉瓜北海道帶子皇果然係帶子皇，帶子超大粒，師傅煎到剛剛熟，外層煎得香，內層好軟熟，食落好鮮甜。日本原隻魷魚筒魷魚筒食落超有口感，而且師傅調到好惹味，不需點任何醬汁。美國頂級牛柳牛柳我們要求5成熟，師傅剛剛好可以煮到外層熟透，裡面仲係粉紅色，咁樣就可以鎖住肉汁，牛味亦好香濃。三文魚炒烏冬烏冬夠彈牙，配埋煎熟既三文魚，味道剛剛好。日式炒時菜活蜆雜菇麵豉湯甜品 – 雞蛋布丁布丁好滑，雞蛋味好香，亦唔會太甜。

基本上食鐵板燒, 所有食物都係面前即叫即煎, 只要材料新鮮, 一定好食.今晚黎到旺角鐵板燒店, 相當唔錯, 食材新鮮, 大廚手勢熟練, 一邊食, 一邊睇佢煮, 雙重享受.鐵板帶子皇套餐 (二人前)豆腐和風沙律, 北寄貝刺身, 鐵板配菜, 北海道帶子皇, 日本原隻魷魚筒, 美國頂級牛柳, 三文魚炒烏冬, 日式炒時菜, 活蜆離菇麵豉湯, 甜品.日本原隻魷魚筒好爽口, 好鮮味, 完全唔韌.北海道帶子皇果然係帶子皇, 超大粒, 炒到啱啱好, 唔會太乾身, 裡面好juicy! 北海道帶子已經係一個保證, 必定鮮味.美國頂級牛柳大廚問我地要幾成熟, 一向食牛都係5成, 今次都唔例外. 其實大廚只係煎左一陣已經上枱, 好冧好香, 好多時食扒餐叫5成熟, 黎到都變左7-8成熟, 但係呢個牛真係5成, 好滿意!鐵板配菜冬菇同脆肉瓜煎完都仲好多汁, 好煮功!

鐵板燒其實香港地都有好多間，但係要好食嘅通常價錢都係好貴好貴，今日介紹嘅鐵板燒就係又好食又唔係好貴嘅上野鐵板燒專門店，佢坐落喺旺角通菜街，地方方便就唔在講，兩個人去食都係五百幾嘅鐵板燒邊度搵得到，最重要嘅就係食材新鮮，有海鮮有牛柳，保證食到你飽先俾你走，又有前菜又有糖水，真係飽到上心口咖，有相為證龍蝦新鮮到係鐵板都仲郁緊，仲有嘅就係佢哋嘅服務態度係一流嘅，細心嘅照顧，更加令你食得舒服！所以呢間上野鐵板燒專門店係值得推介嘅！

揀左鐵板大蝦套餐 2人前 有好多款食物 本身以為沙律係細細碟2份分點知係一人一碟好開心啊食鐵板燒前仲有刺身食 仲要係厚切真係估唔到 仲好新鮮 麵豉湯真係有蜆嫁 唔係求其用熱水沖果種好好飲！一點都不馬虎一見到盆食物 我就心心眼喇樣樣都好大件隻蝦好大隻！大過我手板呀😨真係估唔到6百幾蚊有咁大既蝦食龍利柳燒得好香啊唔洗點調味料都已經好好味仲無腥味 又滑又香老虎大蝦 🍤蝦超彈牙真係好爽 好小有咁好食既蝦真係好推薦最後燒牛既時候 會放火嫁真係係正面前放😍好勁呀美國安格斯牛扒 廚師話佢地係用最頂級既牛扒嘩！原來無吹水呢真係好好味呀！唔係平平牛扒平時有食既牛扒既朋友一定分別到係唔同一般餐廳既牛扒咁平既價錢食到咁高質數既扒真係好抵仲有好香既炒飯煙肉都好香就算食飽都仲想食最後仲有甜品😏真係好豐富呢

隻豬最近忙到氣都無得抖🥺🐷適逢我同佢又好鍾意鐵板燒☺️👨🏻‍🍳🔥望住師傅即燒即上碟感覺好過癮👨🏻‍🍳🤤趁隻豬可以夾到時間出街街一於俾啲小驚喜佢😜🐷破下費帶佢食下我倆最愛啦☺️🔥👨🏻‍🍳🐷位於旺角通菜街既上野🤤👨🏻‍🍳喺旺角站D3出口經亞皆老街轉入黎都好方便😆呢間小肥其實都幫襯左呢間成10年☺️受盡風吹雨打日曬雨淋都依然屹立不到😆🤤(但小肥都係食開午市反而晚市第一次食😆)呢度甚有格調暴走東瀛風既環境😆🇯🇵周圍都放左好多日式擺設之餘☺️開放式鐵板燒爐俾客人圍住坐😆好有特色之餘亦同師傅有更親近既接觸👨🏻‍🍳😆空間寬敞一啲都唔會覺得焗促且油煙味亦要一讚的☺️🔥作為鐵板燒粉絲既我倆😆🔥見隻豬勤力辛苦努力工作🐷☺️💪🏻一於俾個驚喜佢食返餐好的☺️是晚亦有好親切既師傅幫我地烹調👨🏻‍🍳🔥🤤而叫左鐵板大蝦套餐既我倆👫🐷😚🤤🔥細心同我地講我地有咩材料特別靚亦盡顯親切😆☺️雙色刺身雙色刺身以三文魚刺身及甜蝦刺身作配合😋🦐🐟三文魚肉質滑嫩夠哂新鮮鮮甜🐟脂肪比例亦均勻好有油香之餘☺️甜蝦肉質厚身滑嫩甚為鮮甜的🤤🦐美國安格斯肉眼扒師傅邊煮扒扒邊玩火盡顯功架🔥👨🏻‍🍳🤪五成熟既肉眼扒扒係剛剛好☺️🐮肉眼扒比西冷扒較少脂肪😆脂肪比較更

星期日嘅晚上去咗屋企附近的「上野鐵板燒專門店」吃晚餐，此店已經喺旺角開業多年，終於第一次食，滿心期待呀小店面積雖然不大，但都有各式各類嘅鐵板燒套餐，選擇都幾豐富。我就揀左二人前鐵板大蝦套餐，價值$658木魚絲蟹子沙律碧綠又新鮮嘅生菜同青瓜絲好爽脆，蟹籽同蟹柳令到個沙律更加滋味雙色刺身三文魚同甜蝦大小適中，都幾鮮甜味美老虎大蝦虎蝦又長又大隻，好厚肉呢！美女師傅已經貼心地將虎蝦去除外殼同內臟，可以啖啖肉食，更方便～ 蝦肉爽口彈牙，蝦頭裏面嘅蝦膏都好豐富，好邪惡啊香草三文魚扒三文魚扒灑上香草後煎香，外脆內嫩，魚肉油潤肥美，品嚐到三文魚嘅原汁原味，滿口魚油及魚鮮香味美國安格斯肉眼扒師傅將肉眼扒煎煮至五成熟，鎖住肉汁，牛肉味濃郁！肉眼扒肥瘦適中，所以入口香軟！煙肉黃金炒飯日本珍珠飯加入雞蛋同煙肉炒香，米飯粒粒分明，有米香，乾身香口不油膩，同時亦帶有鹹香煙肉味，好出色啊日式炒時菜椰菜絲、甘筍、芽菜等等時蔬加入蒜蓉粒後炒香，好清甜又爽脆，美味又健康呢甜品最後甜品仲有雞蛋布甸作結尾，甜甜的，味道不錯

Omakase！相信好多人都唔會對呢個字感到陌生，呢個日文解廚師發板。今次帶左心儀對象去食呢間上野鐵板燒。黎到問老闆有咩介紹，老闆二話不說就推介我地食鐵板活鮑魚套餐，2人份量都只係$668！唔太傷荷包又唔失體對方！呢個套餐分前菜、主菜、湯、甜品。廚師每製作一道菜既時候都會問清楚客人有冇野唔食，或者食物敏感之類，非常貼心！最先上既係前菜，豆腐和風沙律，醬汁獨特，酸酸甜甜，好開胃！值得一提係老闆話呢個醬汁係佢地自己調製，第二到食唔到架！到主角主菜，主菜有七道，包括三文魚刺身、鐵板活鮑魚、香煎銀鱈魚、美國安格斯牛肉薄燒、煙肉黃金炒飯、日式炒椰菜。一面食廚師就會繼續準備下一道菜，每道菜之間既等候時間並唔長，但足夠同身邊人談心❤三文魚刺身有6片，而且係厚切既三文魚，非常足料！每人可以分到3片，非常滿足！鐵板活鮑魚未放上鐵板前鮑魚居然仲識郁！鮑魚睇落相當新鮮，唔需要太多調味已經鮮味十足！香煎銀鱈魚製作時，望見廚師將魚皮煎香，再用牛油、鹽同埋少許醬汁去調味。望到我都流晒口水，急不及待想即刻試一啖！美國安格斯牛肉薄燒係燒之前廚師會問客人牛肉想煎幾成熟？我反問廚師幾成熟佢覺得最好食，廚師回答大約煎到7-