上海香港麵家

營業中

休息中

呢間位於銅鑼灣閙市的上海菜，或者經常行過都未必留意到，因為門面似普通茶餐廳，但卻是一間歷史悠久的上海菜老字號。基本上每次到銅鑼灣都會拜訪。價錢親民，味道OK，平靚正！咸粢飯必食之選，暖粒粒的咸粢飯，包住肉鬆、油炸鬼同榨菜，糯米飯煙煙韌韌，飽肚又好味。咸豆漿咸咸地、酸酸地的口感，配料有油炸鬼、榨菜、？蝦毛同攪爛的豆花，愈食愈開胃，又唔會太咸，幾特別。小龍包熱辣辣的小龍包，肉嫩多汁，皮簿餡靚。而且頂部咬落唔會好硬好麵粉，係軟淋淋的。凍豆腐花凍食來講都夠滑，反而豆味好似唔夠濃。

這家麵家是我中學和好友的回憶，我們會一放學便會相約到銅鑼灣這家餐廳吃粢飯豆漿。朋友教曉我吃甜粢飯，即是砂糖餡料的糯米飯，口味獨特。而我們經常前來餐廳，主要是因為這裡的食物比較便宜，而且飽肚，重點是很味道不錯，適合學生時期的我們。今天我們俩都要加班，到晚上11點還未吃晚餐，而這家餐廳營業時間比較長，便再次相約前來懷緬過去。我們這次選擇了咸粢飯，以肉鬆，油條和炸菜作為餡料，調味適中，肉鬆夠香口，味道和以前一樣。另外，我們還點了一客鍋貼，鍋貼的肉汁鮮味，又夠飽滿，再加上香脆的外皮，非常可口。再喝一杯凍的甜豆漿，是夏天的消暑良品，喝完超級滿足。雖然味道不變，但百物騰貴，價錢已經上升不少。

邊個話食上海野一定要去高級餐館？今次介紹呢間上海餐館係位於銅鑼灣渣甸街，價錢經濟實惠咖！今次介紹嘅全部都你小食，但其實店內仲有好多唔同嘅主菜！睇完之後如果大家對呢間小店有興趣的話，都可去試下咖！呢間上海餐館嘅店內環境同普通大排檔差不多，價位相對都會較平。座位唔多，但人數都算多！由於入面嘅小食份量唔算大，價錢都合理！今次都試咗幾多樣嘅小食咖，逐樣介紹比大家先！首先要講下個餈飯，店內有兩種；有甜餈飯同咸餈飯。今次呢款係咸餈飯，內餡有肉鬆同油條，口感扎實，唔算太咸，份量都幾大份咖！蔥油餅，有點太硬太乾，食落有少少油膩感，但係大件夾抵食，有淡淡嘅葱香！生煎包，新鮮熱辣，有肉汁，咬落去個包都幾鬆軟，唔會dry！小籠包，唔知係咪蒸得太耐，外皮好易夾爛，內裡有湯汁但係因為好易夾穿，而汁就會倒曬出黎，但味道總算ok！豆沙鍋餅，呢個我幾中意，上枱嘅時候剛剛炸起，佢外脆中間有少少麻糬同埋豆沙，唔會太甜，口感幾豐富，不過望落去油咗少少！相信大家都好少試過咸豆漿呢樣野，我初時都好好奇，於是就嗌咗一碗！咸豆漿大概係水狀豆腐花+蔥花+油條，食落咸咸地，有少少酸味，平時好少見，係一個幾特別嘅小食！另外，仲嗌咗豆腐花

每次去銅鑼灣上堂, 唔想食麥當勞就會去呢間食！ 人流黎講, 都好多！ 每次都會嗌一個粢飯同豆漿！ 今次再叫多一個小籠包試下～ 其實小籠包就不過不失～  其實不算是特別好味～ 不過食落去都有肉汁～而都係鍾情那個粢飯！ 大大件！ 每次咬落去都好多肉鬆 ！ 必飽！ 而地點好就腳～ 而且通宵開～  宵夜食都可以！！！

香港貴為美食天堂，高中低價位都有不少美食選擇，即便在銅鑼灣這旺區，名店林立，也可揾到價廉物美的食物。這天想吃上海菜，便來了這裡。已經是第3次來，我喜歡這裡價錢相宜，食物分量夠，味道不錯 豬排菜飯($42)：原來菜飯是包2碗飯這安排很好，食量大的人夠飽足；食量小的可退回一碗給廚房，不至浪費；二人同行開心share不用自己動手分飯菜飯有很香的菜乾味，豬排不肥，但略嫌過油，不過整體味道不錯另外還配中湯。$42，CP值很高。有時候，簡單平凡的一頓飯，不用大魚大肉，都很令人滿足

夜晚同寶寶游完水去銅鑼灣食飯，忽然好想吃上海菜，就記得上次經過見 forever 21 隔離有間就入去試下。每次食上海嘢我都必定嗌豆漿，今晩也不例外。豆漿十分冰凍，但有點偏甜但甜度還可接受。寶寶嗌了醉雞菜飯，貪佢俾兩碗飯，仲有湯跟。我試咗件醉雞，唔錯喎，夠酒味又啖啖肉，份量都唔錯。我就嗌咗個豬扒麵，喜岀望外！麵質竟然唔係淋而係有咬口，而豬扒並不是成舊粉係表面，味道什佳，份量又多，下次必定再 encore。係銅鑼灣有呢啲價錢同質素既餐廳十分掋食呀！

I have been here for pork chop noodle long time ago, I remembered the pic was super good but I forgot the taste. Due to the pic I came back to tried again.I ordered the same pork chop noodles, it cost $52, which was a bit expensive, I added a $10 soya bean drink.The soup was so thin like I was having normal wanton soup. It had no taste at all, I could not describe it, no spicy no taste of peanut. The pork chop was small, no crispy, very soft.It completely broke my dream and I will not come bac

我並不是一個純正上海仔，不過一開始來這裏吃的時候，上海粢飯只賣＄8-12。時至今日，這裏的粢飯已經要$22一個。由此可以知道我幫襯了這間店多久。不知不覺日月如梭，亦都不得不慨嘆物價租金狂升帶來對市民的影響。尤其對這間開業幾十年的老店更巨挑戰。今日中午去了銅鑼灣，所以就坐下來吃個簡便午餐：熏魚菜飯。以前小時候不懂欣賞熏魚，因為多骨。人越大越來越喜歡食熏魚，亦都吃過好多不同做法的：有酥炸香脆的、有軟諗的丶有偏豉油咸的丶有偏甜的...說不出哪種才是真正上海傳統，不過我想應該各有捧場客。叫一客熏魚菜飯，你會得到兩碗菜飯丶一碟熏魚、跟一碗黃豆排骨湯。這裏的熏魚屬於比較乾身同偏甜，係我非常喜歡的質感。另外作為一個飯桶我特別喜歡食菜飯，兩個酒樓碗仔的菜飯對我來說簡直濕濕碎。不過對一般女士來講應該已經足夠有餘。意猶未盡，我食完個飯飲完湯都仲係想食多少少。就叫左呢個菜肉雲吞，感覺清淡而不失菜肉雲吞嘅鮮味。隔離一位老太太叫了「咸粢飯」，唔好以為係一個鹹味粢飯，佢其實係一個術語。「咸粢飯」即係鹹豆漿加粢飯。下次可以試試。要試這間老店要留意環境會比較地方淺窄侷促也有一點不太衛生，繁忙時間都好有可能需要搭枱，敬

呀姐落單態度十分差 明明佢係我面前 我叫左唔該幫我落單講哂要食咩 居然叫我搵第二個落單 話你可以搵其他人落 唔一定要叫我已經唔該前唔該後仲要態度咁差野又唔係好食 比錢買難受以後唔會再幫襯

「我中學的時候，每逢學校的派對後，例如聖誕聯校派對後，我和一班同學會專程到這裏來。我會叫一杯豆漿和一客醉雞菜飯......」每次我的先生帶我來，也會把這個故事重新說一遍。這裏充滿着他的那些年回憶。豆漿 豆味不夠 豆香也欠奉但是吃上海菜總不能少了豆漿豬扒菜飯（新鮮豬扒）$42豬扒是新鮮的 而且弄得甘香鬆軟 雖然偏鹹 但配上餸菜飯很滋味這裏的菜飯套餐是跟兩碗菜飯 菜飯甘香像是用上湯煮一樣清炒有機小棠菜 $27這個小棠菜出奇地好吃 清脆爽口 一定是炒鍋夠熱才可造成這個效果花雕醉雞（新鮮雞） $6x醉雞用上新鮮雞，雞肉軟綿綿滑嫩，酒香可以再香濃一些蔥油海蜇 $6x不過不失食物的質素或許不是頂級，但是，我們還是會不定期回來，一起尋找他那些年的味道。

食完下午茶有啲飽就skip左晚餐，大約11點就去左銅鑼灣食宵夜。揀左呢間上海野黎食，因為上次食過粢飯覺得好好食，今次就再黎食多一次。首先黎既係凍甜豆漿，個豆漿唔算太甜又無渣，我覺得好清好好味。小籠包好多汁，個皮唔厚又唔會好易穿。入面啲肉好新鮮，我覺得最正係夠哂多汁。我最鍾意先喺個頂到咬個窿，然後飲哂入面啲汁，再食埋個小籠包。啲汁好香甜呢個一到嘅時候先嚇一嚇，因為見到佢啲牛肉切到好薄...... 初初仲以為會好難食，點知食落係勁勁勁勁勁好食！雖然佢切到個牛肉好薄，不過其實有好多片，好似食極都仲有咁。同埋個牛肉好香好腍，少少肥，諗起都仲好掛住個牛肉。至於個麵同個湯都好不錯，麵唔會好腍，湯本身好清香，加埋牛肉味超正，我都不敢飲左好多啖。超級推介呢個菜，因為好抵食。呢碟菜只係$10，一啲都唔貴，望落唔好食又細碟。不過又係食落超正呀！佢啲通菜超嫩，唔會好多油又唔太鹹，啲腐乳都好香。如果點太多腐乳就太咸，點少少腐乳就fit到漏。

細個放學之後媽媽會帶我黎食粢飯加豆漿，今日帶男友來懷舊下。一個餐跟一碗黃豆排骨湯同兩個菜飯。菜飯唔熱，菜焗到黃曬，飯太爛又唔香。湯有好多黃豆，好淋好香。紅燒獅子頭客飯 $46 獅子頭好咸，肥瘦豬肉各半，幾鬆軟。排骨客飯 $42食左幾啖先見到豬扒邊粉紅色未熟透，俾返佢，隔一陣俾返我咬過塊豬扒番炸俾我。嗯，好衞生喎？ 豬扒入味，幾爽口。另外，男友喺飯裡面搵到一粒不知名的藍色粒粒。甜豆漿 $10甜度適中，夠熱！因當日年30，好多人去行花市，本店生意超好，服務態度不太好，有點呼喝客人嘅感覺。食物質素同服務都比連鎖快餐店差。

呢晚去維園行年宵，打算喺附近快快趣食個簡單嘅晚餐然後行過去。記得上次嚟過嘅呢間上海麵店唔錯，就選擇喺到食。餐廳地方不大，會有少少迫，但影響不大。因為預計之後喺年宵都會食嘢，所以唔係點咗好多食物，包括我菜肉包、嫩雞煨麵、小籠包、熱豆漿。菜肉包，$18/2個。個包都幾大，幾抵食。入面餡料好足，好多菜，調味啱啱好，推介！去親食上海嘢都會食嫩食煨麵，上次嚟都有食。記憶中係唔錯的，但今次稍為失色，麵唔夠淋，雞有d硬。小籠包，皮唔算薄，但個餡唔錯，唔會好肥好溜咁。雖然唔係點咗好多食物，但係都OK飽。埋單$103，以呢個價錢2個人喺銅鑼灣食晚飯確實幾抵。呢2次嚟都見到隔離枱食獅子頭菜飯，望落幾吸引咁，下次嚟會試試

不知不覺吃了這家粢飯已經10年有多，第一次去是媽媽帶我去的。總是一個粢飯加一杯熱豆漿，就一餐。讓我認識到有咸豆漿嘅都是這裡，還記得咸豆漿的味道不太好，因為一直都是喝甜嘅，特然變了咸，可能接受不了吧。又或是小孩的時候太多喜歡吃甜的，咸留給媽媽吧，哈哈。在有記憶時，粢飯的價格是11元，現在都22元了，歲月不饒人。但我還是喜歡吃咸味粢飯，走榨菜，加糖。為何不索性點甜粢飯加肉鬆？因為這要多加一樣東西，聽起來叫咸味，走了一樣，再加回一樣，都未為過吧，哈哈。不過現在都不能這樣了，老闆都不准。只好叫一個鹹味，自己加點糖吧。味道和從前的一樣，沒有變，份量依然。糯米還是煙韌，油炸鬼還是凍的，哈哈。但還是熱熱的，即包即食。豆漿，還是沒變，一切如舊。自己喜歡的就請叫服務員多加點糖。小籠包，從前不大吃它。只有一兩次。今次吃的是皮厚厚的，還有點乾身。但奈何包子內的肉汁都很多，味道很有上海的風味，鮮肉香，軟，肥瘦剛好。十多年前陪伴我來的總是媽媽，然後就是手抱的弟弟，再來是身邊的一半又或是朋友。閑來無事的，我也會一個人來，懷念一下。

- 小籠包- 咸豆漿 x2Ordered the two items and total cost is HK$59 ... the taste was really bland and probably mostly MSG. Good for a quick snack if you can find a seat. Make sure you bring your own tissue paper to clean the utensils.