上海萬家村小館

營業中

休息中

細個三叔帶我喺深水埗揾食，就食過呢一間做上海菜嘅萬家村。當然時隔咁多年，仍然可以屹立喺深水埗相信有一定實力，感覺裝修靚咗，燈火猛咗，至於手勢有無好咗今日要食下先知！見到佢其實除咗散叫之外，套餐都好著數，不過今次想試下食多啲上海特色嘅小食，所以就散叫。適逢踏入蟹季，所以都嗌咗一個蟹粉豆腐羹、兩籠鮮肉小籠包、一碟鍋貼同一碗豬扒拉麵。平時去酒樓飲都會有湯羹，一大兜分通常只會食到一兩碗，諗住138呢個價錢都唔會俾得多。點知一拎上來時，嘩，份量真係多唔係講笑。本身呢日開OT有少少餓，揀咗呢個羹真係啱哂。每一羹都有豆腐豐富口感，又滑又嫰，再加埋蟹黃蛋黃，間唔中又食到一兩條蟹絲，無得彈！最重要食完兩碗都唔覺得滯，真係好啱用來開胃，而且仲有剩！可以食完成餐之後再飲，好有住家飯餐前餐後一碗湯嘅感覺。喺店家推介排行榜名列第一嘅小籠包嗌咗兩籠，同友人一人五隻。小籠包呢樣嘢唔單止上海菜，好多其他地方都有得食，但整得好唔好又係另一回事了。食落去有肉汁係基本常識，然之後個皮就當然越薄越好。不過有啲舖頭一味追求皮薄，用筷子一夾個包就穿窿漏哂啲汁，咁都係Fail嘅。不過喺呢度就唔使擔心，夾上手無穿，食落去肉汁爆出來，

呢排心思思想食上海野，今次來開深水埗呢頭睇電腦嘢，一於就食吓呢間喺黃金附近嘅上海萬家村小館啦，聽講性價比仲要好高添，梗係要即刻來食返籠小籠包～招牌鮮肉爆汁小籠包(5隻)💰HK$48外皮非常之薄，口感柔軟細緻，一咬落去內裡嘅湯汁就爆哂出來，內餡充滿豐富嘅肉香，香氣四溢～爆汁蟹粉小籠包(5隻)💰HK$118個人覺得蟹粉小籠包更加優秀，除咗有豬肉嘅香味，仲多咗一種蟹肉嘅鮮甜味，令人回味無窮～香煎鮮肉鍋貼(5隻)💰HK$47鮮肉鍋貼外皮煎到金黃酥脆，內餡豐滿多汁，可以一次過享受哂雙重嘅口感～紅油抄手💰HK$50餃子皮薄得來又好滑，餡料多汁，配搭埋紅油酸酸辣辣，令人好開胃～螞蟻上樹💰HK$78粉絲軟滑得來又夠哂入味，味道微微辣好惹味！豬肉碎亦為粉絲增添咗豐富嘅口感，令人食慾大開忍唔住食晒成兜～✨豆漿入口順滑，豆味香濃～

今日嚟深水埗鴨寮街買電子產品，夜晚嚟咗一間叫做上海萬家村小館嘅中菜館食叫咗酸甜咕嚕肉、西蘭花炒鮮魷配兩碗菜飯，兩碟餸都好大碟，咕嚕肉菠蘿食得出唔係罐頭貨，酸酸甜甜好惹味，熱咕嚕肉炸得香脆可口，配埋特調嘅醬汁，令人食得津津有味；至於西蘭花炒得爽脆可口，鮮魷亦都爽口彈牙，好新鮮之後叫咗我最鍾意食嘅瑤柱賽螃蟹同雪菜肉絲炒年糕，賽螃蟹上面嘅瑤柱份量好慷慨，而蛋白都炒得好滑；至於雪菜年糕煙靭彈牙，雪菜充滿鹹香，好高質呢間餐廳地點方便，位於深水埗鬧市，而食物份量充足，味道出色，性價比十足，推薦#上海萬家村小館

今日去咗深水埗一間上海菜餐館平日晚市7點差唔多滿座 都幾旺場首先試咗鮮肉生煎包個皮金黃香脆 裡面嘅肉餡鮮嫩 咬落去有肉汁流出如果個底煎得再脆啲更好另外叫咗蟹粉扒豆苗蟹粉好鮮甜唔腥同埋豆苗炒得恰到好處保持住原汁原味 豆苗嘅清香同蟹肉嘅鮮味完全融晒埋一齊食到一口接一口松子黃花魚 魚肉鮮嫩 松子嘅香氣更添風味甜甜酸酸幾開胃雖然係炸 但唔會太油膩加上一啖白飯，真係絕配！最後仲飲咗一碗豆漿，味道滑順甘甜唔膩 豆香濃郁完美作為呢頓豐富嘅結尾整體嚟講，今餐真係好滿意食材新鮮、味道正宗下次再黎一定要試多啲其他菜式！

今日放咗工陪朋友去黃金買電腦零件 好耐無過嚟深水埗呢頭都唔知食咩好 朋友就話帶我試下佢之前食過覺得幾好食嘅上海菜招牌鮮肉爆汁小籠包5隻食上海野就緊係要嗌小籠包 皮薄多汁唔怪之得係招牌 仲有一碟薑絲醋可以自行選擇點唔點涼拌雙併(蒜泥白肉、雞絲粉皮)涼拌菜嘅選擇幾多 可以揀雙併三併或者四併 啱晒心大心細嘅人 不過估唔到雙併嘅份量都幾多 蒜泥白肉嘅豬肉片肥瘦相宜 配埋醬料食辣辣地好惹味 雞絲粉皮嘅雞絲都唔少 撈埋滑嘟嘟嘅粉皮同埋麻醬食好開胃蟹粉賽螃蟹第一次食賽螃蟹 蛋白炒到好嫩滑 面頭鋪滿哂蟹粉令到蛋白吸晒蟹嘅鮮味 我地仲另外叫咗個菜飯share食 呢個餸超級下飯阿油豆腐粉絲湯有唔少嘅豆卜 豬肉條 白菜仔同粉絲係入面 湯底唔會太鹹豆漿正正常常飲落唔會太甜

上海萬家村小館最近都好中意周圍揾上海菜食，今次又被我發掘到好食geh上海菜館——上海萬家村小館！上海菜最不能錯過geh就係小籠包！！-D小籠包新鮮滾熱辣剛剛蒸好，香噴噴！皮薄餡多！鮮嫩多汁！大家食geh時候要小心，以免一咬落去比d湯熱親個嘴啊~ 食完一籠，忍唔住想叫多一籠 >.< jeng！生煎包都係每次都一定會叫geh基本上海菜😉-外層金黃酥脆,咬下去餡料飽滿多汁,肉質鮮嫩彈牙,配上軟糯的麵皮,層次豐富,口感完美！這就是上海菜中的經典代表,值得一再回味!開胃酸辣湯-酸辣湯,湯汁濃郁香醇,酸甜微辣！驚喜geh係加左鮮蝦~所以食落去多左重口感同鮮甜geh味道~ 瑤柱賽螃蟹-賽螃蟹主要係以蛋白模仿蟹肉，所以千萬唔好誤會係真蟹肉啊 😀~ 食落去口感都真係好似食緊蟹肉咁，食geh時候加埋d醋一齊，味道就更好！整道菜撈飯食就最正！而且啲瑤柱好香，為道菜增添不少色彩！螞蟻上樹-螞蟻上樹好香豆瓣醬味~作爲豆瓣醬fans真係好滿足！豆瓣醬炒香肉碎同粉絲，成道菜都好有風味~辣辣地好開胃~以上加埋都係$200尾，仲有送兩支飲品。Overall 味道都係不錯！所以呢個價格真係CP值好高！好推

哩個週末我去咗深水埗一間叫上海萬家村小館嘅餐廳食飯，嗰度真係好正！呢間小店主打上海菜，從環境到食物都非常實惠。當晚我哋點咗瑤柱賽螃蟹 ($108) 和砂鍋雲吞雞二人套餐 ($288)，包括1/4隻砂鍋雲吞雞、川式酸菜魚片荣飯和招牌鮮肉爆汁小籠包。最後仲加多咗高力豆沙 (4隻)，總共消費$396.先講下瑤柱賽螃蟹，同樣係值得推薦 (😋：8/10)。啲蛋白好滑，而且份量足夠，味道調得剛剛好唔會太鹹或太淡，用料都非常新鮮。至於個二人套餐，砂鍋雲吞雞真係可以一試（😋：7/10）。湯底超級濃郁，可以飲好多碗，但後來會稍微偏鹹。雞肉就算煲完都依然保持嫩滑，加上入味嘅娃娃菜，非常美味。川式酸菜魚片榮飯亦表現不俗，每口都有驚喜，好有風味。而且招牌鮮肉爆汁小籠包真係名副其實，一口咬落去滿嘴都是鮮美的湯汁，不過就稍嫌皮有啲厚(😢)。最後不得不提下作為甜品的高力豆沙💯💯（😋: 10/10），外脆內軟紅豆餡填得恰到好處，不會太甜，是一個令人驚喜中式甜品結尾。當日大約夜晚6:30pm去但全場仍然座無虛席，客流多所以往往開放至11:30pm,職員態度亦十分友善完全唔趕客👏整體嚟講, 呢次喺"上海萬家村"用餐經驗相

好耐冇行過深水埗，今日心血來潮諗住去深水埗食傳統的麵店。不知是不是時間太早的關係，想食的麵店未開門，經過見到一間上食上海菜的食肆。好似係OpenRice見到食評都唔錯，一於試吓。裝修比較傳統，但乾淨。午市套餐選擇都幾多，價錢有平有貴。一個套餐包一個餐前小菜，青瓜偏硬味道酸酸辣辣，木耳爽口。上海豬扒擔擔麵 $44炸豬扒有三大塊，熱辣辣，炸得非常香脆。擔擔面也不錯。回鍋肉炒年糕 58回鍋肉都幾多，年糕口感煙靭，炒得很香口，但感覺有少少偏油。招牌鮮肉包汁小籠包5隻 $46上海菜怎能不叫小籠包，小籠包皮薄汁多，果然可以叫得上是招牌。每個套餐都送一杯飲品，可以揀汽水或者豆漿，食上海菜當然配豆漿，豆漿豆味濃郁，味道不是太甜，唔錯。三個餐埋單148 ，價錢真的不算貴，而且老闆人感覺非常好，見到有客人入店買外賣，全身都是汁，還請他飲凍豆漿。

餐廳規模唔算好大，但長期坐滿人，好多人排隊等食🤣🤣餐牌選擇好多，有各種上海菜，連小籠包都有好幾款可以揀！雞絲粉皮 $55好好味！雞絲份量唔少，粉皮好細滑，撈埋麻醬一齊食，酸酸甜甜，好開胃！蟹粉小籠包 $118一籠有5隻，皮薄餡靚，蟹粉好突出，相對味道較濃，估唔到配搭小籠包食咁好食，正！鮮肉小籠包 $48推薦！！同樣一籠有5隻，每隻小籠包咬落去都爆多汁，鮮肉超嫩口，點汁食勁好食！蟹粉黃金炒飯 $108 蟹粉份量超級多，完全唔怕食到最後得翻啲飯，黃金炒飯比預期中炒得出色，粒粒均衡，好香口，唔錯！高力豆沙 $52一碟有4隻，可以當飯後甜品食，而且幾飽肚，好抵

今日想食上海野，就點咗獅子頭、魚香茄子煲和小籠包，食物質素都好好。可惜職員大聲嘈架，執碗時發脾氣勁大聲，十分影響食慾🤬🤬🤬想講都算高級餐廳，點解員工質素咁差，一邊傳菜一邊鬧，d口水噴晒落餸度，完全食得唔開心😑😑😑如果職員有問題，我覺得佢地可以私底下傾下，不應該在客人面前嘈架………………………………………………………………………………..

我想推介嘅係佢哋嘅炸豬扒。呢款炸豬扒真係無得挑剔，外皮炸得金黃酥脆，入口就係一個鮮嫩多汁嘅豬肉。而且佢哋係用啲新鮮嘅豬肉，所以味道更加香濃，令人回味無窮。而乾煸四季豆味道好正宗，四季豆炒得剛剛好，保持住豆嘅脆度同鮮甜味道。而且佢哋加咗啲蒜蓉同辣椒，增加咗味道嘅層次感，好開胃又下飯。如果你係甜品迷，咁一定要試下佢哋嘅高力豆沙。高力豆沙係一種傳統嘅甜品，佢哋嘅做法非常細緻，豆沙餡鬆軟滑溜，甜度適中，一口咬落去，豆香同甜味嘅結合真係好撩人。而佢哋嘅糖醋魚片炸得金黃酥脆，再加上糖醋醬汁，酸甜味道好平衡，好開胃。魚片都好鮮嫩，一咬就斷，真係好好味。最後，水煮海鱸係一道川菜，佢哋嘅做法非常獨特。魚肉煮得鮮嫩多汁，配上辣椒粉同花椒，味道麻辣香濃，真係一道辣得過癮嘅菜式。如果你想食啲簡單又好味嘅飯，咁佢哋嘅菜飯絕對係一個好選擇。菜飯裡面有啲炒菜同炸豬扒，飯粒鬆軟，配料豐富，食落去好滿足。推介！

深水埗嘅上海菜館上海萬家村小館，走親民路線，晚市主食都係幾十蚊就有交易，難怪長期滿座！招牌鮮肉爆汁小籠包5隻 $48｜香煎鮮肉鍋貼唔隻 $48食上海嘢又點可以冇小籠包同埋鍋貼？上海萬家村小館標榜用鮮肉製造，小籠包果然隻隻爆汁，不愧為招牌菜！瑤柱蛋白炒飯 $88炒到粒粒分明，而且都幾大碟，十分抵食！上海豬扒擔擔麵 $68豬扒炸到香口，可選上湯麵、酸菜湯麵或者擔擔麵！高力豆沙4隻 $52｜豆漿 $10高力豆沙口感軟綿而且甜度適中，再飲返杯豆漿！

深水埗福榮街出名多野食，食肆選擇又多，要決定今晚食乜都要抓下頭😂 最後決定食上海菜，因為香港越嚟越少上海菜館。「上海萬家村小館」就是我哋今晚落腳地方，之前係Openrice search過，口碑唔錯，好多食客都讚佢口味正宗又抵食👍 1-招牌酸辣湯（例） $58好足料，有木耳絲、蝦、肉絲、筍，蛋絲和豆腐，酸辣調味剛剛好，一大湯碗，兩人都可以分到3 至4碗，抵食👍 2-回鍋肉粗炒 $78又係大大碟，鋪滿椰菜和五花腩，加埋醬油、辣椒🌶️粗麵一齊炒，顏色均勻各樣都炒得出色，香口惹味👍 3-招牌鮮肉爆汁小籠包 5隻 $48即叫即蒸熱辣辣，外皮不是很薄，但厚薄適中，足夠包住肉饀和滿滿嘅肉汁，食時要小心爆汁 4-紅燒獅子頭客飯 $90（白飯/菜飯+飲品）獅子頭有兩大粒，咬落全是豬肉，真材實料，唔鞋有肉汁，拌菜索埋肉汁非常入味，配菜飯食超正，另外豆漿有淡淡豆味，好飲 5-醒胃涼拌三拼 $92麻油海蜇 ： 咬落索索聲，爽口彈牙有麻油香五香牛𦟌： 肉質唔韌帶滷水香味上海燻魚 ： 魚炸得香脆，加埋店家調配嘅醬油，甜甜的，好惹味涼拌菜選擇多，又可以自由配搭，夠靈活👍 6-豆沙鍋餅 $42係即叫

話說心郁郁有啲想食吓上海嘢，但又唔知食邊間，屋企人就叫我去試吓呢間上海嘢，一入到去已經勁多人，我同我朋友就叫咗個黃魚二人餐佢呢個黃魚二人餐真係好多嘢食！！！我哋叫咗：前菜：麻油海蜇、小籠包五隻煮食：有黃魚餐湯：酸辣湯小菜：爆炒回鍋肉炒飯：楊州炒飯甜品：豆沙窩餅飲品：豆漿兩杯雖然話就話係小食，但個麻油海蜇份量都好多，非常爽口個小籠包大大隻，即叫即蒸個魚就超級大條，炸到蘇蘇脆脆好好食，而且仲有好多隻蝦個酸辣湯份量多到嚇死人，我哋每人飲咗三四碗，酸酸辣辣好開胃，而且又有好多隻蝦楊州炒飯飽到差啲食唔晒個回鍋肉份量好多，豬腩肉肥瘦適中，啲菜炒得好爽口豆沙窩餅即叫即煎，所以上菜嘅時候好脆口豆漿就凍冰冰啦，唔會太甜

深水埗性價比唔錯上海嘢💵😋📍地點：深水埗🍽️菜式：上海菜💰人均消費：晚餐 HK$100~200🔖服務費：❎🧻餐巾/ 濕紙巾：❎ / ❎🪑座位類型：方枱📝落單方式：侍應生落單.晚餐散叫：1/4 砂鍋雲吞雞、紅燒獅子頭、金銀炒鱔糊、菜飯、鮮肉小籠包【1/4 砂鍋雲吞雞 】💰HK$881/4 雞唔算細隻，雲吞都有4大粒，夠2至3人食。.【紅燒獅子頭】💰HK$98獅子頭好大個球，表面有炸過嘅口感，裡面係鬆軟，芡汁味道剛好。.【金銀炒鱔糊 】💰HK$ 128芽菜、鱔條、冬菇、韭黃。鱔條夠粗，其他配料份量適中。..上海萬家村小館🏷️ 深水埗福榮街117號地舖