上海萬家村小館

營業中

休息中

朋友早前去深水埗行街見到萬家村重開，雖然得一個人，但都抵唔住，走左入去食個下午茶餐，睇下可唔可以尋回以前的味道，他說不單保持以前水準，還經濟實惠，三、四十元有碗麵不特止，還有2個生煎包及豆漿或汽水送。話要約埋我地幾個朋友再去試多D嘢食，有好嘢食我當然一口答應囉。晚上收工去到，人未齊就食住等，叫咗個花雕醉雞、蒜泥白肉試下，花雕醉雞酒香雞肉嫩滑。蒜泥白肉看上去好像有點肥，但入口就很爽一點肥的感覺也沒有，，不消一會已將它們KO了。等齊人就上菜，一陣間熱騰騰的小籠包就來到眼前，皮薄汁多餡料不會太肥，但吃時不要太心急，咪會比肉汁燙到舌頭。上海粗炒很有鑊氣，一吃便知是即叫即炒的，不像一些食店會將多人叫的食品預製定。黑醋話梅骨這個用來送飯是絶配，甜甜酸酸有好香的話梅味道。脆皮素鵝，很鬆脆口感一流，雖然怕熱氣，但都忍不住多吃幾塊。松子桂花魚就真的超值，條魚很大配料很多，而且皮脆肉嫩，吃到魚的鮮味，雖然很飽，但都忍不住多吃幾口。店面不是很大，菜色選擇很多，下次會再同朋友去試埋其他想吃的。

同幾個舊同事約食飯，其中一個話距屋企附近冇上海菜喔，所以咪揀咗呢間咯。四個人，叫咗八個餸。系有D誇張。1.醉雞，好夠花雕味。2.松子魚，好大條，好脆。師奶舊同事系度系咁講，去街市桂花魚買都好貴啊，呢個價錢值啦。3.蒜泥白肉，我的最愛。擺碟都好好睇。4.素鵝，一個字，超脆。5.小籠包，皮薄足餡，夠多汁。6.上海粗炒，夠獲氣。兩個師奶傾咗好耐揀咗粗炒，冇要年糕，仲話下次要專門黎食年糕。7.話梅骨，好味，D汁好濃，有拔絲嘅效果。8.豆沙鍋貼，都唔錯。用師奶朋友講法，好味又抵食。

收工之後同老婆都唔想再買餸煮飯，所以到附近行下搵食。七點幾嚟到萬家村，要拎飛等位。大概十幾分鐘就有位，位置都唔會太窄。叫左兩個客飯，京蔥爆牛肉同九王炒鱔糊，我地都揀菜飯。中意碟牛肉，因為京蔥爆得夠鍋氣，而且汁夠個茨打得晏晏好。牛肉唔會太老，亦都冇乜蘇打漂過嘅味，所以好得。個鱔糊就好脆，份量好夠。每一條都有醬汁包住。食完肉，老婆當然係要叫個甜品，揀左豆沙鍋帖。豆沙好多，而且唔會太甜，晏晏好。好飽好滿足，而且唔使買餸煮飯洗碗，食完仲有時間同老婆散步添。十分推薦。

跟著朋友過來深水埗找吃的。以前一直以為深水埗只有賣電腦產品，這次才發現吃得東西很多。整條街都是食肆，都沒吃過；所以挑選的準則是看起來乾淨的、人多的、但又不需要大排長龍的。所以最後選擇了這一家上海菜。吃上海菜必定要點的小籠包。看起來很多汁，朋友夾起來想要我拍出肉汁滿溢的感覺，可惜手機不給力，效果出不來。小籠包皮很薄，比某家賣點是很多顏色很多口味餡料的小籠包還要薄；肉汁很多，差點燙到舌頭；肉也很嫩。可以給滿分。因為看了別人點的東西，感覺份量都挺多的所以我們兩個人再叫了魚香茄子和菜飯就夠了。茄子一點都不老，連皮吃都很嫩滑。裡面的肉絲也很嫩滑，肥瘦剛剛好。

尋晚收工，因為要幫朋友去深水埗拎嘢，所以好順理成章就係深水埗搵食啦。上次已經黎過萬家村，今次咁岩唔使等位，梗系要再幫襯啦。因為今次得自己一個，所以冇睇小菜嘅餐牌，淨系睇晚市嘅客飯套餐。原本打算叫川椒雞，樓面嘅阿姐提醒我辣辣地嘅。我諗一諗都係唔要啦。最後揀咗酸酸甜甜嘅黑醋小排骨。（我覺得自己真係揀得好岩！！絕對正確！！）份量一D都唔細，而且唔係淨瘦肉或者好肥嘅排骨。每一件排骨都岩岩好痴住D醬汁，所以入口唔會好乾。因為晚上唔想食太多飯，所以叫了菜飯小飯。繼續講翻D排骨先，斬得唔會太大件（好多食肆D排骨大件到遮住成個嘴，都唔知點落口，不過呢間唔會，可以好港女咁扮優雅，哈哈。）D肉一D都唔難咬，唔會硬唔會韌。而且酸酸甜甜，真係好好送飯。雖然我係叫小飯，但係呢一碟排骨真係可以食多幾碗都可以。Btw，最後淨低差唔多三分一嘅排骨，打包走了，作為今日係公司嘅午餐。依然好好味。呢個下次可以再叫！！

十幾年前幫襯開萬家村，呢兩年因為結業。今年終於重開喺福榮街我當然要試試。鋪位就搬咗喇，但係食物依然咁好食。而且下午茶餐同兩年前一樣咁抵食。一個豬扒擔擔麵。足足有成兩塊豬扒分開上。仲有兩個三煎包仔。加多一杯大大杯的豆漿才38元。係今時今日的香港呢個價錢呢個份量呢個質素絕對係物超所值。首先講呢，兩塊大大塊豬扒係物超所值。豬扒厚身肉質豐滿。咬落大牙，絕對係抵食。那兩個生煎包係即煎的，又亂啲麵粉皮包住豬肉。肉汁滲透在麵粉中，絕對係抵食之選。

嗰日中午老公帶我過嚟食飯，佢話我知人地係重開嘅，以前好好食，今次想試吓有冇keep返以前嘅水準。蔥油餅我本身以為佢嘅蔥油餅會係扁身好似薄餅嗰啲，咁樣嘅我未試過。外面鬆化而且唔算厚皮，入面好多蔥好足料喎。小籠包佢個皮好薄，好多湯汁😁啲肉餡肥瘦適中，好好味。蟮糊擔擔面係一個我冇食過嘅餸😂啲蟮好惹味，肉質夠淋，芽菜夠爽，唔會話煮到出水👍🏻擔擔面就面身偏軟，湯汁夠濃但唔夠香，應該係因為唔夠花生最後叫多咗碗飯配蟮糊食😋😋 整體唔錯但稍為覺得飯唔夠油餐廳入邊坐得都幾舒服，從此深水埗食飯又多個選擇嚕😚😚

經過福榮街，見面，見到久違了，上海萬家村重開。心情十分興奮。 記得小時候媽媽已經帶我到這間舊店吃上海菜。好懷念他們餸菜的味道。一問之下，原來以前的上海店老闆重開。他仍然經常帶著慈祥的笑容。新店裝修比舊店靚得多，但所有餸菜仍然保持著正宗上海菜的味道及有著濃烈人情味。小菜選擇太多，一時間只能嘗試了幾款。份量很大，基本上一個客飯的份量是吃不完的。我點了鱔糊及酸辣湯。十分足料的黃鱔，非常野味。仲有一大碗菜飯及免費既飲品。一個字來形容，正！！！

我最欣賞這裏的小籠包, 皮薄又多汁...令一款菜式最值得介紹上海炒年糕...它們的年糕非常滑及好有囗感。其實想試多兩款菜式，但他們的份量比較大，兩個人不能試得太多。這裡唯一的缺點是地方太窄及排隊等位的人太多，不能輕鬆地嘆我的美食。

去深水埗搵食，經過呢間上海菜就好想食小籠包。見到裡面坐滿曬，而且附近好似得呢一間有人排隊，咁熱鬧一定唔會走寶啦。拎咗籌，等十分鐘就有位啦。唔記得影餐牌，不過選擇真係好多。小籠包係必點嘅，因為自己好中意食，而且見好多枱都有叫。熱辣辣小籠包。睇落冇乜特別，估距唔到裡面好多汁，而且餡料好足。第一啖就真係唔小心流咗好多汁出黎，浪費曬。即刻提醒D朋友要小心。而且D汁好好味，好清甜。跟住上咗炒年糕。D年糕好‘煙印’，而且一D都唔會硬。算得上係甘耐以來口感最滿意嘅年糕。我覺得味道岩岩好，不過朋友就覺得唔夠咸。唔會好油。本來想食水煮魚，但係驚太辣，最後叫咗酸菜桂花魚。睇到都胃口大開，份量一D都唔細，絕冇欺場。魚好新鮮，而且都幾多下。酸菜夠酸，而且唔會切得太幼，好爽口。朋友一黎就飲湯先，然後大讃。我都跟住飲翻碗，酸味岩岩好，一D都唔咸，而且有魚嘅鮮味。裡面仲有薯粉，都幾好味。仲有叫咗個花雕雞。好似過年出街食嘢都會習慣叫一碟雞。中意花雕或者酒味嘅朋友千祈唔好錯過呢個菜。花雕味入曬雞度，雞肉又滑。最後係回鍋牛肉。肉同菜都好多。味道偏甜。D菜好吸引，菜值5分，牛肉反而稍稍遜色，得4分著。個人覺得呢間鋪人多係有

經過深水埗見到呢一間新開嘅上海菜人山人海，即管入去試試。 小籠包皮薄多汁。冼湖入味 但份量比較少。干扁四季豆 份量比較多但係就比較淡口. 奇味雞煲，雞肉份量都係比較少，雞肉入味嫩滑。 2 人 $4xx 埋單。 ok 啦！