上海萬家村小館

營業中

休息中

收工之後同老婆都唔想再買餸煮飯，所以到附近行下搵食。七點幾嚟到萬家村，要拎飛等位。大概十幾分鐘就有位，位置都唔會太窄。叫左兩個客飯，京蔥爆牛肉同九王炒鱔糊，我地都揀菜飯。中意碟牛肉，因為京蔥爆得夠鍋氣，而且汁夠個茨打得晏晏好。牛肉唔會太老，亦都冇乜蘇打漂過嘅味，所以好得。個鱔糊就好脆，份量好夠。每一條都有醬汁包住。食完肉，老婆當然係要叫個甜品，揀左豆沙鍋帖。豆沙好多，而且唔會太甜，晏晏好。好飽好滿足，而且唔使買餸煮飯洗碗，食完仲有時間同老婆散步添。十分推薦。