上海弄堂菜肉餛飩 (電氣道)

營業中

休息中

乜嘢服務都冇，要收茶錢，再收加一。到底係咩玩法 你價錢收貴啲都唔緊要。咁樣真係好反感。不如你收貴一倍，請番個人落單，斟下水，俾番啲正服務，我俾加一都俾得順啲。我自己落單斟水，係咪應該俾番加一我。要執趁早

叫左一個嫩雞煨面$88小籠包4隻$54無叫野飲埋單$191加一十幾蚊茶位兩個人共$24蚊杯茶係茶記比你一個膠杯用黎浸住筷子嘅樣子，飲晒杯茶要你嗌先會加比你咁嘅款野食的話，正常小店，無驚喜亦都無失望你會問我，喂人地個menu一定有寫要加一要茶位，你自己唔睇戇居姐但戇居同有common sense都應該可以共存掛。我嘅common sense係，地鋪小店大約十二個位，木板凳，QR code落單，普通新式冰室裝修及感覺。QR code落完上菜食完行去櫃位埋單。咁嘅體驗要收加一仲要$12蚊茶錢一位？ 合唔合理先？

我們於11/7（二）13:15左右到達餐廳，內裡都有不少客人，而餐廳樓面不大，故感覺小小擁擠。用QR code落單。我們叫了五色素菜餛飩及上海湯蒟蒻麵，飲品則是凍豆漿及茅根甘蔗水（本來想叫酸梅湯，可惜沒有🥲）。等了約10分鐘就上菜五色素菜餛飩（$59/8只）：湯好鹹，餛飩比想像中細隻，入邊吃到有有豆腐乾及一些蔬菜。上海湯蒟蒻麵（$70）：有菜及肉和蒟蒻麵，蒟蒻麵煙煙韌韌，一般般，勝在好大碗。由於地方擁擠，所以如果有各種屬于自己的大包包，沒有太多位置放置，要問店員比籃子🧺放置。

承上回，明明手機落單，埋單貴左咁多，睇返其他人負評先知，原來又要茶位又加一🙄明明就冇加過茶，杯野似水多啲，加一？又要手機點餐，埋單自己出去埋。全區得呢間因為服務差所以整體差

見到門口寫住手工雲吞，外面望入去裝修都ok就入去試吓。叫左主打雲吞竟然唔熱透心，咬落去係暖，個湯咸到呢，似倒豉油溝水，失望中伏，樓面服務態度差，唔掂！趕客！冇下次

今個星期和媽咪來了上海弄堂吃上海菜，這裡的午市套餐有多款選擇，由於有多款菜式都想食，於是叫了三個午市套餐。我們叫了醉雞、烤麩、湯年糕三個套餐，跟餐飲品可選豆漿、酸梅湯或竹庶茅根水，加$18 配小棠菜。～ 醉雞：醉雞是媽咪的至愛，一上枱已聞到陣陣的酒味，雞肉大大件，肉質鮮嫩入味，跟餐揀了白飯。～ 烤麩：我就比較喜歡烤麩，素食者都可以選擇，味道清新，口感鬆軟有彈性，跟餐揀了菜飯。～ 湯年糕：湯底濃郁，年糕有咬口，黃芽白入味，整體份量十足。～ 小棠菜：加$18 配小棠菜，白烚健康，一點都不油膩。～ 餐飲：我們選了豆漿及竹庶茅根水，豆漿有鈣質，茅根水消暑，兩款都不甜，最適合夏天飲用。整體來說，午市套餐性價比超高，款式多選擇，味道夠地道，下次會再來！

之前食過中環同跑馬地分店都好鍾意佢D飯餸佢D Lunch Set係開正我鍾意嘅選擇Lunch menu都好豐富選擇又多要飯定麵都可以叫左個醉雞菜飯不過佢酒味比我以往響其他分店食嘅淡左D同埋今日嘅菜飯偏硬加左$18 要多個酸辣湯不過今次D料 又係少左D我印象中 其他分店食嘅再多D料呢度環境吾大同跑馬地差唔多 整體來講我覺得其他2間分店好似好D呢度只係不過不失

I was planning to try this restaurant for so long, literally years! Mention to try it whenever passing by but always pick whatever in front. I was thinking of a local Shanghai lunch today, immediately thought of this restaurant. No matter how far I was, I came all the way here. We ordered deep fried pork chop with golden garlic served with dan dan noodle and pork and bak choi dumplings with shredded pork and pickled cabbage in noodle soup. For drinks, we picked cold soy milk and cold sugar cane

上星期日跟朋友到這上海店 想吃一點輕食進食中途一隻手指般長的大曱甴從天花板降落在朋友頭上她尖叫並用手撥開最後曱甴落在她的長boot裏面情況非常驚悚食店出現曱甴 可能對店家是很尋常的事 所以店員的態度非常冷漠完全沒有打算幫助 或安慰受害人這是很過份的事事情太震驚沒有拍片/相但希望各位客人知道真相反覆思量還是要post上來讓大家知道情況

天后上海弄堂餛飩每次經過鋪頭都會見到好多人等位及等外賣，而住附近朋友都說這家的餛飩很不錯👍🏻今次我終於有時間去等位試吓喇😆好彩5分鐘唔使就有位😆好幸運哦👏店舖小小，但也坐得舒服👍🏻我今次同朋友選了$168一人套餐及小籠包。$168一人套餐食物相當豐富，選了-酸辣湯 - 味道剛好不會太酸太辣👍🏻-燻魚 - 甜甜的醬油味道😋我至愛的涼菜-香煎鮮肉餃 - 餃子皮薄，煎得香口，咬一口仲會有肉汁流出👍🏻🤭-砂鍋餛飩雞 - 湯底濃很鮮味，餛飩真係好正👍🏻諗起又想再食😋-菜飯 - 飯同菜的配合味道剛好，不會太油膩。當晚仲加了一個小籠包，小籠包皮薄多汁，熱辣辣蒸出來要即刻品嚐就係最正👍🏻😋*晚餐整體都很好👍🏻有時間會再黎食過，餛飩係我最愛的😋👍🏻

港島如果想去小店食滬菜，會介紹呢一間，天后站一出行三分鐘左右就到。第一次黎堂食，6:00食晚餐有點早，所以冇咩人。不過陸續見有街坊買外賣同都多堂食客。兩位女士若唔太肚餓，我覺得可以點「豐盛一人餐」另外加添點心 或直接點「極品一人餐」，都夠食。同朋友想食鍋貼加小龍包，決定點「豐盛一人套餐」加一籠小龍包及芝麻湯圓。豐盛一人餐有湯，小食，點心，主食，及飲品，共五款。我哋叫左酸辣湯，醉雞，蝦仁跑蛋（即係蝦仁煎蛋），鍋貼及豆漿。1.蝦仁跑蛋：蛋煎得香，蝦仁夠夠同爽口。2.鍋貼：煎得乾身，肉汁鎖左係入面。即叫即煎要啲時間等，都確保唔會淋唒。3.小籠包：同鍋貼一樣，肉汁包住，皮唔係最薄，但厚度可接受，重點冇爛皮！最鍾意咬穿少少皮再啜肉汁，不過熱辣辣小心燙口。4.芝麻湯圓配薑茶底：習慣咗每餐飯都要食甜品，黑芝麻湯圓啱晒。一碗五小粒，一口一粒，皮薄包住粒粒黑芝麻，正！薑茶唔會太辣，唔嗆口，好岩秋冬暖胃。呢間有三間分店都係港島區，呢個價錢想食滬菜，都係不二之選

走進電氣道，食肆林立，偏偏位於小巷裡有一間不起眼的上海菜館，之前喺中環嗰間食過唔錯，今次同媽媽嚟呢間試試弄堂乃上海小巷，餐廳選址電氣道轉入的橫街，幾貼切，也有另一番風味有午市套餐由11:00食到5:00，選擇了五色素菜餛飩 (8只) $58餛飩沒有肉也不錯啊，幾清新， 尤其媽媽不太嗜肉，佢幾滿意， 包飲品，揀咗豆漿，豆味濃另外叫了一人套餐 $168包六款食物，好豐富湯有酸辣湯同自家養身湯供選擇，聽見養身零舍吸引，原來係椰子雞湯，好香椰子同雞味。涼菜，小食，主菜全部都係四揀一涼菜揀咗鎮江肴肉，加上薑絲同醋，爽口不油膩小食揀咗小籠包一碟兩隻，食上海菜點可以唔食小籠包，皮夠薄，咬落去又有餡汁。主菜就選擇咗砂鍋雲吞雞呢個一人份量唔會話好多，個湯好清甜，餛飩飽滿，食咗成身暖曬主食可以配白飯，菜飯同陽春麵，我哋揀咗陽春麵，麵質彈牙，我自行加咗啲雞湯落去，增加鮮味同樣配豆漿，食上海嘢好似一定要配豆漿咁見有街坊過嚟買生餛飩，唔使自己包又食到手工餛飩，幾好呀！

嗌咗一個套餐， 首先嚟做一個椰子煲雞湯， 你嗰陣時以為好好飲， 嘩， 我嘗試形容下嗰種味道， 史雲生清雞湯加水加味精， 完全冇椰子味， 之後呢一個上海餃子同素菜飯， 花雕雞正常， 另外叫咗菜膽個獅子頭, 呢個簡直係戲肉, 啲菜浸都梅曬, 嗰個獅子頭鹹到食咗一啖已經唔想再食, 我好懷疑個廚師自己有冇試過先。 但係我相信如果純粹入去食過餃子， 湯餃之類係冇問題， 勉強可以接受， 其他嘢就唔好嗌啦😫😫😫

以前幫襯過這家上海菜， 印象很好，經過天后， 所以特登來吃個菜飯， 點了紅燒肉。 星期六晚上竟然只有我一人， 意外見到廚房把東西放入微波爐， 幾分鐘後， 我的紅燒肉菜飯到了， 看上已經知道它受了微波了。 入口如老火湯煲完的豬肉， 鞋口 乾 😩， 肥肉和皮被叮乾了吧。 $96 吃了叮叮上海菜😶‍🌫️, 忍不坐登入好耐無登入嘅Openrice 寫個食評， 有些過份。

呢間上海餐廳原來有分店喺天后，今日心癢癢想食小籠包，見門口有人等位，不過好快就可以入座。用QR Code落單好方便揀咗 <豐盛一人餐>套餐一次過點哂我想食嘅野，5款菜式+飲品✨小籠包即叫即蒸，湯汁好豐富，好清甜唔會太油膩套餐跟兩隻唔夠喉，再叫多籠就FIT哂✨酸辣湯酸酸辣辣夠惹味，好足料✨鎮江肴肉必食肴肉，滑嘟嘟嘅外層，包裹著嘅肉質好有口感，配合少火少薑絲一齊食更正✨雲吞雞必食全人手製作，無添加嘅雲吞，外皮滑嘟嘟，包住飽滿嘅菜肉加埋雞肉，仲有用金華火腿熬製嘅清湯，好味✨擔膽麵湯底好香濃，花生味好香，入口仲有粒粒花生碎，令口感更豐富，麵質幼滑，份量足好大碗✨豆漿呢度嘅豆漿好香豆味，唔係死甜嗰種，忍唔住再叫多一杯