影片
更多
2019-05-30
710 瀏覽
今晚同屋企人去試下新開的上海姥姥，知道佢係大家樂集團，都知道可能係快餐店水平。我地大概8:15pm去到，奇怪見到好多人排隊，但其實望入去係有好多位。（因為成間餐廳都好開放式，好似快餐店咁）原來呢度係冇自助排隊攞飛系統，而係靠門口帶位果位哥仔去逐個客問幾多位，然後用人手寫低落張紙度。但望下同佢同一集團的米線陣，同隔離添好運，都有自助擺飛系統，變咗就慳返門口帶位果位哥仔的時間，唔會做到好多人排隊，然後入面又大量吉位的情況。我唔明點解要咁？製造排隊人潮？好啦，講下啲嘢食，老實講唔算差，但又唔講得特別好食，可以自己睇相。至於講到服務差勁，啲侍應每次上菜嘅時候，都會「掟碟」。我明白啲碗碟係有啲重，但係都唔使掟碟，個人認為咁樣做有啲冇禮貌。第二，侍應大概9pm開始收起浙醋同辣椒醬。我明白餐廳係10pm閂門，但係明明佢哋9:30pm先 last order，點解咁早要收起佢呢？我見有啲9pm入座嘅食客，係連浙醋同辣椒醬都冇嘅。第三，好多時候啲侍應都會問你：「呢碟嘢仲要唔要呀？」然後先拎走你個碟。但係頭先我哋都未食完，侍應就走嚟想拎走碟點水餃小籠包嘅醋，仲要冇問就想拎走。我地提出要保留的時候，佢仲問「
我地大概8:15pm去到，奇怪見到好多人排隊，但其實望入去係有好多位。（因為成間餐廳都好開放式，好似快餐店咁）
原來呢度係冇自助排隊攞飛系統，而係靠門口帶位果位哥仔去逐個客問幾多位，然後用人手寫低落張紙度。
但望下同佢同一集團的米線陣，同隔離添好運，都有自助擺飛系統，變咗就慳返門口帶位果位哥仔的時間，唔會做到好多人排隊，然後入面又大量吉位的情況。我唔明點解要咁？製造排隊人潮？
好啦，講下啲嘢食，老實講唔算差，但又唔講得特別好食，可以自己睇相。
至於講到服務差勁，啲侍應每次上菜嘅時候，都會「掟碟」。我明白啲碗碟係有啲重，但係都唔使掟碟，個人認為咁樣做有啲冇禮貌。
第二，侍應大概9pm開始收起浙醋同辣椒醬。我明白餐廳係10pm閂門，但係明明佢哋9:30pm先 last order，點解咁早要收起佢呢？我見有啲9pm入座嘅食客，係連浙醋同辣椒醬都冇嘅。
第三，好多時候啲侍應都會問你：「呢碟嘢仲要唔要呀？」然後先拎走你個碟。但係頭先我哋都未食完，侍應就走嚟想拎走碟點水餃小籠包嘅醋，仲要冇問就想拎走。我地提出要保留的時候，佢仲問「下你地仲要㗎？」未食完仲要有咩問題？
我哋今日嚟食，其實已經距離新開張有幾個禮拜，但佢地啲人手安排同服務態度，好似啱啱營運同未有足夠訓練，感覺上大部份員工都係好新手，希望遲啲會有改善。
最後都講下有咩好：老實講張凳都坐得幾舒服，同埋雖然有茶飲，但係唔使計茶錢。
不過以同區將軍澳，其實上海菜有好多選擇，有翡翠拉麵小籠包、金滿庭、樂天王朝，價錢都唔係差好遠，呢場仗上海姥姥應該係挨打。
招牌小籠包
$40
25 瀏覽
0 讚好
0 留言
雪菜鮮魚湯拉麵
$58
24 瀏覽
1 讚好
0 留言
姥姥家鄉粗炒
$74
25 瀏覽
0 讚好
0 留言
生煎鍋貼
$40
16 瀏覽
0 讚好
0 留言
古法香蔥芝麻餅
$40
22 瀏覽
0 讚好
0 留言
酸辣湯雲吞
$56
19 瀏覽
0 讚好
0 留言
張貼
