上海姥姥 (PopCorn 2)

營業中

休息中

其實一些集團式嘅餐廳，酒樓，中菜館，會越做越差！每況愈下！今時今日，上海菜館，越開越多！味道也越來越差！這間同樣是集團式嘅上海菜館，可以叫做還可以 keep 住水準！希望可以繼續保持！

母親節前夕，路經姥姥不用等位，又突然好想食小籠包，一於決定食上海嘢。同Honey左諗右諗終於Order兩款冷菜：鎮江肴肉和醉雞。還選心愛嘅小籠包、菜肉雲吞，紅油五香牛肉伴麵和豆漿。先講鎮江肴肉，有標準和輕盈size我選擇輕盈，原來有5件$50我個人稍嫌淡口，不夠濃味，但可以接受。當家花雕醉雞上碟排放好靚，可惜碟底放了好多雞的下欄嘢，例如：雞肚位置肥膏，雞爪對上一段的雞腳骨，整碟雞骨多個雞肉，花雕酒沒有花雕酒的香濃味，雞有陣陣雞腥羶味，雞皮厚，令人非常失望。小籠包，皮太厚，汁不夠多，肉沒有肉鮮味，假如你一心一意因吃小籠包先幫襯，你會完全失望而回。菜肉雲吞一樣皮厚，用黃色雲吞皮包，不是用白皮，賣相像鮮蝦雲吞製作，有長長的雲吞尾巴，菜肉雲吞兩端沒有向中間屈摺，雲吞湯中規中矩，沒有驚喜。紅油五香牛肉麵，麵質硬，用紅油，生蒜蓉（有點辣）葱粒撈麵，五香牛肉帶不出五香鹵水味，味道淡口，撈麵醬油一般味道。整體食物質素務及侍應服務態度可一不可再，徹底對姥姥失望。還有收$6元一位茶錢，只給你半杯茶，渴完再叫喚侍應加茶，但都沒有侍應理會，只聽到兩個字、等等的反應。令人氣憤😡快快結帳回家。

剛剛去完將軍澳上海佬佬分店，全店職員態度超差。尤其問口掛住*K男職員。黑口黑面 ，叫佢哋浸水更加不在話下。老細請咁概員工等於倒米。我仔仔有帶自備水但仍要收茶錢，問佢點解，佢話計人頭，唔通BB都要計茶錢嗎？絕對不會再去😡

翻到將軍澳搵野食，本身小編之前已經食過幾次架啦，印象唔差，今次帶b🐷過嚟食嘢醫下肚。我哋2點鐘去到都有唔少客人食緊，嗌左4樣嘢都唔差，又夠飽肚。🫣🫣雞絲粉皮 4.2/5 $44叫左個輕量版既黎食，花生麻醬汁好香濃，又唔會太濃稠撈唔到，清爽既青瓜絲🥒，雞肉絲🐓，伴上掛曬汁既涼粉皮食，好c伏😌😌。香煎素鵝 4/5 $36又係輕量版，有5舊都幾抵食，腐皮卷包住冬菇絲蘿蔔絲🍄🥕，再煎香外皮，食之前點一點喼汁，提升層次既享受。紅油抄手 4.3/5 $59酸辣汁既豬肉雲吞🌶️🥟，一啖一個，食唔停呀。b🐷仲好滿足咁話好好食，個汁撈麵好正。鱻魚湯魚肉餛飩拉麵 🐟🥟🍜3/5 $69原本對魚湯好大期待，以為好夠魚味又香又乘，但飲落好啖，對比其他菜真係比下去，但4粒雲吞都幾大粒，手打拉麵又有誠意，擺盤幾令既😊😊。個湯淡到搞到小編要溝紅油落去😂😂。地點:位於Popcorn二期既地下食市區，附近有米線陣，大家樂，成個集團放咗係個到。環境:入面都幾大又舒服，枱面都幾大，同隔離都保持距離，有私隱度。價錢:240蚊食到質素幾好既菜式，好滿意🤭🤭。茶位6蚊，加一。服務:自助式手機落單，埋單要出去counter搞，叫人黎先

今日突然之間好想食上海嘢，所以嚟到屋企就近嘅Popcorn度食兩個人嗌咗4樣餸雞絲粉皮，素鵝，兩條小黃魚，小籠包小籠包一籠四隻，佢個皮好薄，個湯鹹鹹地，應該普通雞湯，不過不失，唔會話好好食，但係個皮已經好過出面好多嘅地方，唔會一夾就穿小黃魚🐟之前喺第二度食過，好熱好滑，嚟試佢呢度，係會有少少辣椒蒜頭喺上面都幾惹味，不過就唔係特別熱唔係特別脆呢度嘅小食都係可以揀半份或者一份，我就叫左半份5舊，裏面餡料都係木耳素為主，入口好熱，但係都幾油應該就唔係即炸雞絲粉皮，個人好鍾意食粉皮，醬好多然後配有青瓜雞絲，除咗麻醬嘅香味仲有少少嘅鹹味，個鹹味好少少奇怪，佢同麻醬一啲都唔夾，你食入口食到最後先有一種鹽嘅味整體來講唔算好難食，但都唔係特別好食，佢最大嘅賣點係啲嘢嚟得快

服務態度又差，餐廳食物質素又一般，同銅鑼灣分店有太大差別。叫左杯熱飲，拎著隻全部都係白色粉末的玻璃杯同我講係個杯用得耐，第一次聽用得耐會有白色粉末仲要係拒面前抹得粒。都算啦，企係我面前問我想點？？服務生唔識上菜都算了，又無著制服，請問是貴公司特色？拎著菜企係台隔離叫顧客幫拒上菜，請問是否合理？雖然貴公司算不上高質量餐廳，但服務質素真的是不能再差。難怪沒有生意，越做越差。貴公司真係「太高檔」，相比起其他上海菜，尼間真係唔得，服務質素同埋食物質素有很大空間的提升。「不會有下次」

上海菜做下午茶是我最喜歡的，和家人去了PopCorn II下午茶，非常滿足，家人吃得開心四川擔擔麵$68味道香有麻醬味而不會太辣，麵質做得好好厚切排骨手制拉麵$68名符其實超級厚切、排骨炸得熱辣辣，非常香脆，湯底比較請、減退排骨的油膩老上海炒飯$78👍🏻👍🏻這個炒飯很好吃，配以榨菜和豬肉鬆，十分特別，而且很香口，在其他地方沒吃過這種炒飯，甚為喜歡嫩雞煨麵$68很大碗，雞柳做得真的很嫩，而且多菜、清清地幾好味下午茶包小食及飲品豬肉蒸餃子皮薄餡很豐富，腐皮卷好脆鮮蝦炸雲吞大推👍🏻👍🏻，超級好吃。飲品有豆漿和酸梅湯。

「得個咸字，唔鮮又唔香，食完口乾 爆濕疹😕對味精反影大或濕疹患者嚴重不建議食用。」我係一個對味精反應好大既食客，因為我有濕疹底，如果啲菜式係落咗味精或者比較多添加劑，食完好快會有反應。今次仲要係叫咗兩樣嘢：1. 煎魚魚湯雪菜拉麵首先我對佢嘅幻想係白雪雪嘅魚湯好鮮好香；現實係，底味魚腥味不能去除，湯頭重味精味，偏咸，帶苦，雪菜未能提鮮，整體來講，係好失敗既魚湯。煎魚方面，無咩特別，似係龍脷柳，有雪味。食完濕疹爆發，味精/添加劑嚴重。2. 酥炸排骨上海湯麵排骨比較肉質較為dry同厚粉，雖然份量好足好大嚿但食唔晒，因為食唔落；湯底好咸，無層次、得個咸字，食多幾啖真係食唔落因為真係得個咸字 唔鮮 又唔香，好難下咽。 同樣地，味精重，食完非常極度口乾，相信好高鈉。

疫情嚴峻關係，已有三個多星期沒有外出食午餐。路經一間上海舖，心血來潮便入去食個午餐，煮飯實在有啲奄悶。我們大概到達時間未到12點，因此沒有其他食客，可以用包場來形容。小籠包：一蒸籠四件，尺寸放入嘴裏剛好一口一粒，肉汁juicy，好味道唔錯。雞絲粉皮：花生醬汁非常濃郁，但是廚師可能落得太多花生醬汁緣故，喉嚨感覺有啲確喉。擔擔麵加牛展：擔擔麵個湯底濃沃嘅花生味，又不油膩和好飲，唔口渴，唔似有味精，麵都幾彈牙，正。牛展同出面一般冇分別。齋素鵝 ：腐皮鬆脆唔油膩，但是內裏的餡料只有一種菇菌，沒有紅蘿蔔絲和木耳。比較寡。舖頭環境：座位寬敞，都幾光猛同乾淨企理。服務員態度：服務態度都幾好，反應好快。今天是星期六，沒有午餐，價錢比較貴。整體嚟講，食物質素都ok嘅。

話說我今個月已經食幾餐上海野，真係食到唔想再食，但屋企人偏好，無辦法啦🥴今晚食左：🔥招牌小籠包 $42🔥鎮店酸菜深海鱸魚 $158🔥蟹粉賽螃蟹 $148🔥黃金魚塊 $90🔥鎮江黑醋骨 $92🔥姥姥生煎包 $40🔥雪菜鱻魚湯拉麵 $68🔥嫩雞煨麵 $64🔥鹹肉菜炒飯 $75🔥桂圓紅棗薑茶 $25（買一送一）味道正正常常，反而酸菜鱸魚有驚喜，🐟🐟肉質嫩滑👍🏻====================推介度：❤️3.5/5CP值：👍🏻3.5/5好味指數：👅3.5/5====================

星期日同屋企人一起外出食飯 人流唔算好多 有位坐便選擇呢間上海嘢食物選擇多 我地都叫左好幾款佢嘅招牌菜式小籠包味道正常 皮較乾 但內裡都多汁雞絲粉皮麻醬味道濃郁 不夠定價頗高一小碟叫價60幾蚊🥲🥲乾煸四季豆 唔知係未走辣緣故 總感覺差咁啲嘢 🤣味道普通 黑醋骨呢個黑醋骨都幾好味 唔會太酸 幾開胃 份量都足夠 而且排骨來講都算多肉🙂🙂糖醋魚塊呢個都係另一款好味嘅菜式 魚肉實但唔會老 甜酸甜酸幾開胃 好送飯四川擔擔麵追加排骨擔擔麵好彈牙有口感 見到係師傅自己手拉嘅麵👍🏻排骨都ok 不過相較其他食物 肉質則較老開洋蔥油拌麵配雲吞湯呢款似係用左拉麵 麵底冇擔擔麵咁好食 而且蔥油味唔算濃 較乾身 麻麻地😝落單5分鐘都冇 大部分菜已經到左🧐🧐感覺提早整好🥲🥲都凍得快 熱食較好食😋

今日想食啲辣野，所以去咗上海姥姥，佢嘅午市套餐$89再加一服務費 ，包左一個湯羹，可以選酸辣羹或者宋嫂魚羹，再加一個主菜配菜飯，另外仲包一杯飲品，飲品可以揀豆漿或者酸梅湯我選咗宋嫂魚羹，佢嘅魚羹材料都好豐富，有冬菇、魚肉、筍絲、蛋白、蔥花，主菜每一款我都覺得好吸引，最後我要咗一個老壇酸菜牛肉，除咗酸菜同牛肉之外仲有豆皮同粉絲，酸酸辣辣好開胃呀，牛肉都好軟滑，用嚟送飯一流，因為佢嘅份量都好多再加埋一碗菜飯超級飽

星期六12/12/2020下午2:30 我同我先生叫左2個下午茶餐，而其中一個係楊州炒飯落單唔夠30秒炒飯已經送到我檯面，我一食發覺d炒飯係涷完全唔熱，簡直想爆粗好肯定他係一早炒定炒多左無客要咁啱我又係叫呢個飯所以比左我避免該员工用微波爐叮熱最後我更改左要左上海粗炒但發覺果粗炒又濕又喊作為一間大企業公司希望貴公司可以多培訓員工⋯

今日太忙碌，午餐時間也要順延，但肚子太餓，見到有下午茶套餐（主食+小食+飲品=$68），覺得幾吸引，所以便試試！最失望是日沒有雞絲粉皮（好像不太完美）！我以為下午茶的size 會象徵式細一啲，但原來和lunch 的size 一樣份量姥姥家鄉粗炒不知道是否一次過炒太多碟，今日的粗炒偏向「琳」及多碎濕濕（但以價錢，我尚可接受）！楊州炒飯我好辛苦才找到一粒🦐，而且很少餸，比茶餐廳炒得更差菜肉雲吞拉麵這個拉麵是唯一一個保持水準，菜肉雲吞大大粒又好味！ 香蒜手工豬肉蒸餃有食小籠包的感覺，一口咬下，香蒜湯好好味😋香煎素鵝&紫菜鮮蝦春卷細細碟，但好有口感，比主食做得更出色！

招牌小籠包 (4件) $40紅油抄手(6件) $48蔥油餅(2件) $34生煎鍋貼 (3件) $44大部份都幾好食 小籠包皮薄多汁 而且價錢唔貴特色上海菜 款式幾多 有冷菜，湯， 拉麵，小菜，甜品 價錢唔算好貴 午市套餐會抵食啲