上海姥姥 (PopCorn 2)

營業中

休息中

為迎接呢個夏天，上海姥姥推出一份夏日清新寶盒，以蔬菜、水果做主題，部分點心更造型可愛，食完飲完都覺得很清新，完全不會感到肥膩。夏日清新寶盒包括：雞絲粉皮、南瓜小籠包、荔枝蝦球、黑糖啤梨酥餅各一件，封門牛柳蕃茄湯拉麵，配鮮果茉莉凍花茶，如果要（荔枝味爆爆珠）就另加6元我非常喜歡那碗蕃茄湯拉麵，有2大塊封門牛柳，而且蕃茄湯都很濃😋。而那杯凍花茶加了荔枝味爆爆珠，口感當堂唔同晒，很香荔枝味，飲落很清新👍👍另叫了一份 "姥姥點心四式‘’ 包括：姥姥小籠包、姥姥生煎包、上海糯米燒賣、熊貓🐼奶黃包各一件，配飲品一杯，我們叫了巨巨檸檬茶。我覺得那件熊貓奶黃包，造型做得很可愛😄😄👍現在做緊優惠：優惠1：凡惠顧午市套餐或下午茶套餐，即送巨巨凍檸茶，或豆漿／酸梅湯優惠2：17：30前入座，免茶位費另外，我埋單發現仲有一個優惠，就是下午茶第二客可享有$20折扣😄，你哋都快啲去試下啦！

今日午餐同同事試一起叫外買上海姥姥，整體相當滿意好食，糖醋魚塊外脆內嫩，酸甜味， 令人更加開胃無窮， 每一啖都充滿甜酸嘅味道。黃金蝦仁炒飯飯粒分明，蝦仁爽口彈牙，蛋香濃郁，帶出一份濃厚的家常風味， 我本人好鍾意 鹹蛋黃炒飯我覺得 兩者好match， 食落去好開胃。姥姥家鄉粗炒則火候恰到好處，蔬菜保留爽脆，醬汁入味不過鹹， 每一啖 都感受得到 想我嘅味道， 面好爽口。蔥油雞皮薄肉嫩，蔥油香氣四溢，味道清爽而不膩。整體而言，這頓飯菜式豐富，味道正宗，令人回味無窮，下次一定會再試其他菜色

情人節周圍多人，見到上海佬佬不太等位可以一試食品叫左個鴨㷛，一個木須肉粗炒，一碟菜。等左20分鐘先上第一道菜，好彩鴨煲味道都正常。又再等多10分鐘先上到碟菜。但係等黎等去唔見咗碟粗炒….問左追左又話炒緊又話下碟係，但係親眼見到碟粗炒成品去左下張枱…算啦，咁叫取消啦，ok今日情人節都已經唔想同佢講。跟住另一經理行過嚟仲問你last order仲有無野加單，同佢講碟粗炒無黎仲叫人加單，不過佢只係重覆問你使唔使加單，完全無意思表達任何唔好意思，態度亦十分之乞人憎。自己餐廳做錯事，唔反思，只係做自己事啋你都傻，咁樣既前台服務態度，真係替後面d食品師傅同其他待應唔抵。（食品質素o k，其他待應忙碌中都有主動斟水）

🎉大年初一 先祝大家身體健康，開開心心🥰新年期間，很多食市都無開，今日我和家人選擇去食上海菜。我去過很多分店食上海菜，唯獨這間將軍澳的上海姥姥我最喜愛，光線充足，環境舒適，主管/店員主動有禮，服務態度非常好！😊飲品方面，有不同選擇，雪梨紅棗茶（很細心，已去核，不太甜），菊花蜜糖茶（清甜，潤喉）👍🏻食上海菜，一定要食招牌小龍包，我喜歡它的爆汁小龍包，皮不太厚，不太薄（不會太易穿皮），賣相一流的松子魚（甜甜酸酸）很美味，牛展拉麵，四川擔擔麵（辣度自由選擇），嫩雞煨麵（夠熱，雞很嫩），雷沙湯丸和很香口爆多豆沙的豆沙鍋餅，每款食物真的很美味😋😋😋今晚叫左太多野食，好滿足的晚餐😍🎉

經過將軍澳Popcorn 無意中發現上海姥姥又推出呢個二人餐 $198 一次過有晒湯，前菜，主菜，甜品同飯！ 酸辣湯同魚肚羹，味道不錯，亦夠濃郁雞絲粉皮入味，粉皮爽口獅子頭入邊隱藏咗鹹蛋黃有驚喜酸菜魚魚爽口！底下亦有紅薯粉藕片！酒釀丸子亦不錯！桂花口味，小丸子煙靭

於2024年10月4號晚上7點多光顧對於店內一名穿深藍色衫戴眼鏡舖中年男員工的服務跟態極度不滿！佢服務位置於收銀機附近我們用電話落單 落單後發現有4款數量重覆了訂單我查單後立即通知此員工 佢立即跟我說落單後就不能取消原因係唔係經佢地人手落單 之後佢拖左一段時間後再跟我說會到廚房查看如果未開始煮試下幫我取消之後佢再同我確認邊樣重覆咗我逐樣同佢講 呢度都無左幾分鐘最後佢從廚房拿出4張單出來有兩張是錯的 明顯在拖延我們時間 又用多幾分鐘如果佢有心既話 用呢段時間都足以幫我取消錯既訂單好笑既係 最後係取消左4樣野但其中一樣並不是我要求取消的記憶力又差 態度又差 又唔識同客人溝通另外 都要表揚其他女侍應 佢地態度同服務都十分好但對呢位男服務員真係好失望！同好憤怒

小籠包肉汁唔算多 唔可以話好食 只可以話食得下炸銀絲卷好食 入面都係好分明一層層炒四季豆一啲都唔辣 有小小油 唔記得叫咩名鬼馬咕嚕肉炒麵汁太甜 千祈唔好搗哂 麵好脆肉 無味 墨魚丸幾好食

在popcorn搵Dinner。發現這個二人餐牌，有湯有小食有小菜有飯有甜品，可以解決選擇困難症，所以全家在此晚餐。餐湯先上干貝魚肚羮       小米點的宋嫂魚羮     魚肉碎碎很少，主要是蛋白。扮魚肉? 再配菇菌類。雲吞雞湯    小米之父點的。小食     雞絲粉皮 麻醬勁多香煎素鵝      腐皮金黃色很平均，但好多油，也許是炸出來的。  入口熱辣辣，加熱的油溫很高，小心！要攤凍少少先至好食。老壇酸菜鯛魚片   小米表示這個辣度帶有苦味。花椒過度加熱就變苦辣了。酸菜，不是平一般酸菜魚的酸菜，感覺不協調。幸好鯛魚肉爽脆滑滑。糖醋魚塊      魚肉容易咬，方便咀嚼 ，但又想有少少花款，所以點糖醋魚。應該係果隻魚柳，沾包漿再炸。紅燒黃金獅子頭 只有二粒,    肉丸口感不彈牙，中間有蛋黃。青蒜回鍋肉   本以為是青蒜苗炒回鍋肉，原來是椰菜炒回鍋肉。青蒜在哪裡？   剛嚐過酸菜魚，所以覺得回鍋肉辣度不高。豆沙鍋餅    特地在系統中選擇＜後上＞。 金黃外皮的色澤十分平均勻，沒有煎過的焦焦位。熱辣辣上枱，很燙口，以何方式來加熱，心照。  豆沙不太甜，外皮脆口。但實在需要一杯熱茶解膩。

今晚陪友人過來買野, 之後去吃晚飯, 揀左上海姥姥, 喜歡食上海菜的我倆😅 望住餐牌真係有d選擇😂困難症, 之後揀左黑🐷醋骨, 松🐟子魚, 欖菜肉鬆🫛四季豆, 上海肉鬆🍚炒飯, 鍋貼🥟擂沙湯圓, 友人用QR code落單, 等左一陣炒飯先上, 炒得唔錯唔算好油, 佢加左d豬🐽肉鬆, 所以食落幾香口, 之後來黑🐷醋骨, 原來一碟都幾多, 不過我覺得炸得太乾又骨多, 食落感覺好硬😅, 再來松🐟子魚, 真係N年前無食過, 份量真係超大😜下次二個人都係唔好叫, 炸得來都食到d魚味, 個汁酸酸甜甜幾開胃👍👍, 幾好食, 但適宜3-4人吃較好, 亦叫左🥟鍋貼, 又係好少食, 平時食蒸或湯餃多, 佢食落真係熱辣辣, 入面d肉餡😍都多, 食落都唔算好油, 欖菜肉鬆🫛四季豆, 食落好🤩野味, 豆亦無渣唔老, 不過就咸左dd同油左dd, 最後友人想吃甜品, 叫左擂沙湯圓, 又係好耐無食, 入面芝麻餡都唔係太甜🤭 大家喜歡上海菜都可以去其他分店試下😸

天氣開始和暖，又係時候品嚐輕盈清爽嘅中菜。最近「上海姥姥」推出咗春日餐牌 – 姥姥江湖行，故事來源於姥姥由南到北磨練廚藝嘅經歷，最終成就今次嘅春日餐牌。上海姥姥春日餐牌– 姥姥江湖行繁花排骨年糕香脆嘅排骨配搭煙煙韌韌嘅年糕，年糕吸引哂醬油濃厚嘅味道，令到味道更加豐富。翠玉鮮蝦小籠包(4件)好嘅小籠包一定要皮薄餡靚，翠玉鮮蝦小籠包輕易夾起都唔會漏汁，內餡有鮮蝦和上湯，每一啖都係蝦嘅鮮味。姥姥肉棗配士多啤梨醬如果食個潮州菜，一定會見過蝦棗和蟹棗，今次大廚就配搭咗士多啤梨醬，充滿肉香又唔會油膩。姥姥辣椒炒肉驚喜嘅地方係大廚用上湖南螺絲椒，營造出湖南傳統嘅香辣味道。熱鍋上鋪滿肉片，辣中帶香。黑糖芝麻湯圓流心酥(3件)雪白嘅湯丸包含流心嘅黑芝麻，甜中帶芝麻香。番石榴茉莉花茶番石榴和茉莉花茶嘅清香，啱晒夏天消暑解渴。六款菜式都好適合同屋企人又或者朋友一齊試，呢個夏日一定唔可以錯過啦。

屋企人鍾意食上海菜，經過上海姥姥見佢新出咗個春日menu「姥姥江湖行」，入面啲菜色都幾特別。餐廳有卡位，環境都算坐得舒服，價錢大眾化。翠玉鮮蝦小籠包(4件) $48呢款新推出嘅小籠包，外皮加咗翠玉瓜汁所以帶綠綠哋色，非常特別。入面嘅餡料都非常有特色，用咗翠玉瓜同鮮蝦，比一般嘅小籠包更加有口感，皮薄多汁。姥姥肉棗配士多啤梨醬 $68呢味肉棗以潮州名菜蝦棗蟹棗為基礎，將豬肉混合馬蹄泥炸到香脆，配上酸甜士多啤梨醬，非常有特色。繁花排骨年糕 $88年糕同炸排骨嘅配搭非常夾，年糕吸收哂濃郁嘅醬汁，口感煙靭黏糯。厚切排骨肉質腍嫩，食落啖啖肉。姥姥辣椒炒肉 $88用咗嚟自湖南嘅青螺絲椒去炒肉，味道香辣惹味。鍋上滿滿嘅青螺絲椒加上入哂味嘅豬腩肉片，色、香、味都有十足嘅湘菜風味。黑糖芝麻湯圓流心酥(3件) $49甜品就叫咗呢道非常特別嘅湯圓流心酥。入口先係食到雷沙，跟住係酥脆嘅外層，同埋雪白軟糯嘅湯圓皮，最後就有香甜嘅黑芝麻流心餡，口感層次非常豐富。番石榴茉莉花茶(熱/凍) $28飲品方面我哋就叫咗番石榴茉莉花茶，有買一送一優惠非常之抵。飲落有香濃番石榴果味，配搭茉莉花茶同原片番石榴果肉，味道清香。。。

春暖花開，呢排更係品嚐清爽小菜嘅好時機。上海姥姥新推出春日餐牌—姥姥江湖行😉源於姥姥對烹飪的熱誠，🧑🏻‍🍳決心遊歷四方，一路北行拜訪名廚，經過日以繼夜地苦練，成就出過人的廚藝，其中就包括呢道春日餐牌——姥姥江湖行🫶🏻🐷繁花排骨年糕香脆排骨🍖醬汁濃厚入味，加上軟糯的年糕，口感豐富。🥢翠玉鮮蝦小籠包每季都會有新品小籠包，小籠包皮薄餡鮮，具有：手、薄、鮮、滴的特點。🦐鮮蝦小籠餡，小巧可愛。🍓姥姥肉棗配士多啤梨醬靈感黎自潮州名菜蝦棗及蟹棗。肉棗帶出潮州風味，士多啤梨醬香甜清新。🔥姥姥辣椒炒肉為咗保留當地風味，指定採用湖南螺絲椒，令味道&賣相同湖南食到嘅一模一樣🤩鍋上滿滿青螺絲椒同肉片，香辣開胃。💗黑糖芝麻湯圓流心酥外層香酥，入邊包住雪白粘糯嘅湯圓，輕輕咬開，湯圓中烏黑嘅芝麻餡，絲滑濃香。🍹番石榴茉莉花茶(熱/凍)熱花茶上檯後等幾分鐘先飲用，番石榴嘅清香會更出😙凍飲味道清甜，果茶連番石榴巧妙融合，倍感清涼。每一道新品都可以讓食客感受到姥姥對美食的熱愛和用心，快啲去上海姥姥試下啦！🤓

✨繁花排骨年糕✨濃厚嘅醬汁將年糕嘅味道變得豐富，年糕嘅黏糯同排骨嘅香脆非常合拍！✨翠玉鮮蝦小籠包(4件)✨上海姥姥每季都會出新嘅小籠包，特點：手、薄、鮮、滴。今次亦好令人期待！翠玉鮮蝦小籠包皮薄餡鮮，帶有少少家鄉味道，皮下係若隱若現嘅鮮蝦小籠餡，一咬開就爆開鮮甜湯汁，濃汁濃味，的骰又可愛！✨姥姥肉棗配士多啤梨醬✨靈感黎自潮州名菜蝦棗及蟹棗。肉棗配甜醬，係潮州一貫嘅食法。✨姥姥辣椒炒肉✨為咗堅持當地嘅味道，師傅指定採用湖南螺絲椒，務求喺味道及賣相上都同湖南食到嘅一模一樣。鍋上滿滿青螺絲椒同肉片，一上檯份量十足，啱晒各位大胃王！✨黑糖芝麻湯圓流心酥(3件)✨酥酥嘅外層內係雪白粘糯嘅湯圓，咬開湯圓後流出烏黑絲滑嘅芝麻餡，黑白相融，甜入心坎。✨番石榴茉莉花茶(熱/凍)✨石榴裙下，果香繚繞！味道清甜，果茶連番石榴一併享用，倍感清涼。

@shanghailaolao meticulously crafting dishes 🥟 with love and dedication as Lao Lao (grandmothers) 💗 launches a new spring menu 🌸 features signature dishes and diverse flavours 💫 across the vast regions of China 🥢上海姥姥 @shanghailaolao 寓意好似「姥姥」一樣精心製作菜餚 🥟 秉持「 手製 · 心造 」理念 💗 新推出春日餐牌：姥姥江湖行 🌸 特色菜餚 地道風味 💫 食遍大江南北 🥢 🥟 翠玉鮮蝦小籠包(4件) HKD$48steamed pork and shrimp dumpling with jade melon (xiao long bao)上海姥姥每季都推出新款小籠包 手工製造 外皮薄軟肉餡加入翠玉瓜 🥒 原隻鮮蝦 🦐鮮嫩爽滑 滿滿鮮甜湯汁🍖 繁花排骨年糕 HKD$88rice cake with pork ribs in shanghai style

分享吓，一行三人嚟食晚餐，叫咗個套餐，首先嚟咗個迷你雞絲粉皮，第二隻餸竟然係甜品酒釀丸子，我哋問甜品嚟㗎喎，店員就話電子落單冇特別註明’甜品後’，所以全部同一時間出，係喎！電子QRcode入單冇註明甜品後上，真係我唔啱喎，店員鬧得我啱。感謝店員解釋攞返入去，仲話一陣間都係攞返出嚟。 食物味道非常一般，其他服務還可以，商場冷氣唔夠。