上品火鍋料理

營業中

休息中

之前曾到銅鑼灣分店，質素服務好，所以今次來天后幫襯，由天后地鐵站步行大約8分鐘便到，店舖有兩層，有卡位也有房間可預訂！我們一行10位，點了好多嘢食，分别有：加拿大象拔蚌(2磅)：肉質彈牙鲜甜爽口，每塊都大大件，斤両十足！花足蝦（刺身)：肉質結實帶爽，蝦味鮮香清甜美味！除了刺身外，湯底點了兩款，有蕃茄薯仔牛粒湯和 長壽布袋乌雞窩，也點了金井脆豆腐、台灣鴨血、本地花甲公、芝士腸、韭菜餃、脆鯇魚、蜂巢冰豆腐、鮮蝦水餃拼雲吞和稻庭烏冬等等！所有食物用料新鮮，親友聚會一定到這間店！

朋友今日帶我去佢最愛既火鍋場食生日飯聽佢成日推介呢間餐廳，就順下佢意試下咩傢伙啦首先黎到係佢最愛既櫻花刺身 (即係牛肉刺身)我都係第一次試牛肉刺身...入口都係唔係想像中咁難接受既...不過個人都食唔慣...但同行既朋友們都讚不絕口叫左個豬骨湯底、牛肉、響鈴、水餃雲吞等等火鍋料試左好幾款唔同既牛肉，手切安格斯肥牛係最正，真係做到入口即溶但又不失牛味，超有水準佢地大部份食物都有得揀半份或者例，咁就可以試多幾款唔同既食物水餃同雲吞都好出色入面有大大隻蝦肉，仲要係好爽口個種，唔係俾啲梅左既蝦肉去包，食得好滿足另外我地都有叫D佐酒小食椒鹽鱔片、咸蛋王鮮魷同埋炸大腸真係每樣菜式都咁香口好食，特別係咸蛋王鮮魷，超級惹味!鮮魷炸完都保持到柔軟彈性，唔會變成橡膠咁既質地唔怪得個老友成日叫我地去呢間打邊爐，食完之後終於明點解啦!

我地一班嗜辣姐妹又出動啦，今次我地嘅主題係打邊爐，我地淨係叫咗正宗四川麻辣鍋一個湯底，但有個姐妹雖然中意食辣，但太辣又接受唔到，所以我地都只係揀咗中辣。我地仲叫咗一款刺身，冰鎮泰式鮑魚撈，用嚟解辣同降溫。麻辣湯底配海鮮同肥牛就至夾啦。我地就叫咗頂級本地鮮肥牛仲有鮮滑牛。叫咗一份海蝦，日本蟹柳，鮮魷，仲叫咗台灣鱔片，豬紅同豆卜。樣樣嘢都湯底都好夾，食得好滿足。其實有好多餐廳都有麻辣火鍋，但有啲湯底OK但配料唔掂，但呢間湯底味道唔錯，配料又多選擇，海鮮同肥牛都幾新鮮！

無論冬天夏天 打邊爐都係必須品😂學完車係附近 本身又想食上次間邊爐 但無折見到呢間有折 但唔記得左幾多折🙈就同寶寳衝左入去試下~佢嘅火鍋配料選擇有好多好岩醬怪嘅朋友 但對我黎講就無咩特別😂食物選擇其實都幾多 但價錢都唔特別平可以揀小份或者大份因為我地只係得兩個人 所以就全部都叫左小份我地一個食辣一個唔食得辣所以就加左$20 轉鴛鴦鍋 一邊係麻辣鍋 令一邊係醉雞鍋個鍋黎左 碟醉雞係分開上嘅~都幾重酒味配料就叫左黃金響鈴 係脆嘅好食嘅咸蛋醬都幾多然後黑柏葉 但食落就麻麻而且都細份凍豆腐 好吸味 普通肉類 有肥牛 牛腩同埋韭菜餃牛肉都好食嘅 除左小份真係幾小份所以最後兩個人都叫左好多配料因為實在得幾粒仲有鬼馬油條 皇帝菜同埋鳥冬邊爐必須酒！佢啲酒又唔算好貴 不過原來除左Asahi 其他係細支黎嘅 叫之前要睇清楚~整體黎講 如果無折嘅話一定好貴因為太小份兩個人配料都叫左9樣🙈可以試到唔同嘅野 食物質素就一般喇~

秋風將我吹去食火鍋。打邊爐地方一定要開揚，咁先通風，食得舒服。我地入到去都覺得呢間地方都OK闊落，湯底我地叫咗雙拼，鮮奶桂花豬骨鍋拼秘製馬來沙嗲鍋。一個清甜一個惹味，正！睇MENU睇得好開心，不過選擇困難症可能就會覺得煩惱，因為真係好多選擇，有幾多特別嘢，我樣樣都想試，先叫碟鹹蛋黃鮮魷，飲返杯先。鹹蛋黃好香，鮮魷彈牙。叫咗兩款牛：本地鮮肥牛同雪花肥牛肉，我就中意食本地鮮肥牛多啲，覺得嫩滑啲，牛味濃啲。叫咗啲之前打邊爐無食過嘅配料：明太子釀冬菇，墨魚釀蓮藕夾，不同食材嘅組合，豐富咗口感和味道。唔錯。另外都推介海藻芋絲，蜂巢冰豆腐，野菌什菜盆，索晒啲湯汁食真係好正！

Mom wanted to have hotpot for her birthday dinner, but she had no idea as to which place to go for the meal. We knew she had a big craving for seafoods, so we gone to browse the internet to find a good seafood hotpot restaurant. We decided on Top Grade Hot Pot as they have got live seafoods on their menu. We ordered the seafood platter since that was the main attraction to us. This luxury set include oysters, a whole crab, razor clams, shrimps and a live fish. The bonus is the soup base was incl

打完tennis一行4人去打邊爐，已經預早訂位，唔係要等好耐都唔定冬瓜豬骨湯底，一拎到嚟已經見到係奶白色，令人覺得係好正宗豬骨湯，味道濃郁叫了碟刺身，有2個唔食生嘅朋友都可以淥熟嚟食，象拔蚌肉質爽脆，好鮮甜，必食之選炸魚皮夠新鮮，好夠脆，又無隔夜油味，咁大碟好抵食本地肥牛，牛肉夠淋，油花平均，淥到半生熟啱啱好。牛味略嫌不足，不過脂肪搭救，入口即溶鬼馬油炸鬼好好味呀，本身炸過好香口，再浸落湯度索味，推介唐生菜同油墨菜都新鮮，味道就當然係正常啦仲有其他打邊爐配料，芝士腸、午餐肉、炸響鈴等高熱量但滋味嘅選擇個個食到超飽，本來話食甜品都食唔落，咁就散水，下次再食過

上品聽好多人推薦過，今次終於來吃啦！上品位於鄰近天后地鐵站只有五分鐘路程， 相當方便！ 一入場，員工就拿12宮格的醬料擺到面前，十分震撼，醬油，辣椒，葱，芫茜這些都少不免， 店內有一個是「醬皇」！ 味道像是xo醬，但內𥚃的蝦乾真的是數不盡！ 炸薑蓉也十分出色呢！火鍋配料每一樣都好新鮮， 但最令小編驚豔的是手工餃子有素餃子，為素食人士準備得很好呢，而且是蕃茄 （近日至愛！） ，本來也不是特別的期待，但咬下去的一下，和友人對望決定再多點一客， 灌湯的效果做得十分好，而且入面是滿滿的蕃茄汁加蕃茄蓉，口感豐富，好滿足 ～ 推介大家可以來試一下，有驚喜！

約咗人去天后交收，難得去一轉天后，就順路約埋住附近嘅朋友去天后食埋飯先走。去之前就Open rice search咗果邊有咩食，碌咗幾轉都無見心水，於是朋友就話帶我去打邊爐，唔駛唸梗係好啦，最鐘意就係無腦跟人行噶啦，哈哈。去到我覺得裝修都幾有特色，有別於一般嘅火鍋店，燈光仲要係紅色為主。呢邊秋天好乾，人又燥熱，我地就叫咗芫茜皮蛋湯底，最啱我呢啲芫茜控噶啦！我打邊爐同食燒肉一樣，都只係食牛肉，今次我地肉類都係叫咗兩碟牛：雪花肥牛肉，鮮滑牛，質素唔錯，牛味濃郁，夠新鮮。仲叫咗魚皮餃，海蝦滑，炸芋片，流沙汁墨魚丸。睇MENU嘅時候大概就知點解朋友話呢間火鍋店都幾HIT，因為佢地湯底同火鍋配料嘅選擇真係多，又有幾多特別款。炸芋片，流沙汁墨魚丸我都係第一次食。雖然味道都真係唔錯，但價錢就頗貴咗啲。

依家火鍋店開到周街都係，想打邊爐真係行到邊度都有得食但又唔係間間都掂架啵...有時都會中下伏...今日我又同個老友約埋打邊爐，今晚想試下小店，揀揀下就揀左上品火鍋餐廳環境有少少中國風，空間感足夠，唔洗逼住咁坐，幾好上品火鍋係單點式既，價錢中等，食物內容豐富，好多野食揀除左火鍋料之外，刺身同小食好似都幾受歡迎，見到隔離枱叫左個刺身拼盤同幾款小食坐低研究左一陣，終於決定到食咩好我地叫左一份上品牛肉拼盤、麻辣湯底、龍蝦刺身、鱔片、炸魚皮、水餃皇等等...小食就叫左脆皮牛腩同脆皮芝士蝦丸食物質素幾高~超出我預期特別係牛肉拼盤，每個部位都好好食，亦都帶有唔同既質感麻辣湯底都好惹味，唔會辣到食唔到個種龍蝦刺身都好新鮮爽甜，正!而其他火鍋料都同樣好出色，基本上無中過伏小食都好唔錯~脆皮牛腩唔會令肉質變un，仲係咁鮮嫩易入口，脆卜卜既牛腩真係好少有得食~幾新奇脆皮芝士蝦丸就簡直正中我下懷，本人係超級鐘意食芝士蝦丸同煎炸野，呢個小菜簡直係為我而設咁蝦丸入面既芝士非常濃郁，同蝦丸好夾，加上香脆外層，我真係搵唔到有咩位係有得輸正到我想order多一碟自私食添呀!!!

放工後跟幾位朋友來到天后由於7點前已到，所以有空位，好快可以坐下有1位朋友唔想淨係食打邊爐所以都點咗D小食椒鹽九肚魚 - 夠香口口水雞 - 個汁好惹味呀脆炸豆腐 - 最好食係佢，真係內軟外脆湯底點了麻辣鍋打邊爐唔食辣總係覺得唔過癮要咗小辣，咁樣就唔怕蓋過咗海鮮嘅原味啦點了海鮮拼盤有蝦、蠔、蟹、魚等等樣樣有 唔洗煩全部都新鮮，都好難唔好食啦點咗黑毛豬被唔食牛嘅朋友其他人就食個牛肉拼盤大推呢個有6-7款唔同部位再點咗少少其他配料已經好飽除開每人都係$3xx又有海鮮又有咁多牛肉真係抵食

秋風起又到打邊爐嘅季節🍲圍住個爐暖笠笠既感覺真係好爽🔥今次來到天后呢間火鍋店，一入到去覺得真係好大😲兩個人食坐個張檯大到坐六個人都得😂真係未試過打邊爐坐得咁舒服🤣不過服務就真係一般，唔知係咪因爲唔夠人手呢🤔〰️手卷炸腐皮（半份） $34四川粉皮（半份）$29竹蔗茅根 （酌）$42自製鮮四寶丸 （半份）$48西生菜 （半份）$19油麥菜 （半份）$24炸魚皮 （半份）$29清熱芫茜皮蛋湯 $98雪花肥牛肉 $98稻庭烏冬（半份） $29其實半份比我地想像中大份好多😱所以如果2-3個人去食既話小編建議叫半份就夠了👍我地叫咗個芫荽皮蛋湯，個湯底好足料，入面有好多菇同豆腐，啲豆腐仲好滑😋小編好欣賞佢個響鈴係自製新鮮炸，好少見到火鍋店會自己炸，佢仲跟埋會甜酸醬唔駛淥就咁食都得👍另外佢地既四寶丸都係自製的，好彈牙，唔好見佢半份得四粒好少其實好大粒，我地將啲丸一分為二之後先同平時正常既丸size一樣😂另外個竹蔗茅根入面真係有埋條竹蔗，貨真價實🤪至於其他料都正正常常，係上面幾樣特別啲🤣👍

由於我朋友特別沉迷於上品啲湯底，次次講親打邊爐都話要嚟呢間，次次都要叫日式海帶鮮螺頭鍋。佢話呢個湯底第二度無，每當我建議佢試下其他火鍋店，佢都表示好抗拒。雖然我對佢中意果隻湯底麻麻，但我地可以叫雙拼湯底，同埋我都幾鐘意佢啲刺身，因為佢地自設魚池，保持到新鮮度。仲有每次必叫嘅牛肉拼盤，雪花靚又新鮮。食物方面保障到質素之餘價格都經常會有優惠，特別係生日會有折扣！所以逢親佢生日我地都會嚟食。我地真係都算係上品嘅忠實Fans啦。

去到餐廳已經差唔多9點，仍然係好多食客~睇黎餐廳都幾受歡迎餐廳裝修幾特別，好有古色古香既味道座位寬敞坐得舒服今次點左四川麻辣鍋，因為朋友俾隔離食客個陣麻辣香味吸引左另外仲叫左活魚刺身、牛肉拼盤、海蝦滑、花雕醉雞件等等...活魚刺身真係好生猛，上枱個時個咀仲郁緊...刺身入口幾鮮甜，薄薄一片點Wasabi豉油食都幾正，份量好多麻辣鍋底夠哂辣...我地唔想食到太熱氣，所以只係叫左中辣，辣度啱啱好牛肉拼盤就真係超級推介啦~~一個拼盤有七款唔同既牛肉，每一款都咁好食特別係邊爪位同埋牛柳粒，牛柳粒唔會un同鞋口，反而幾軟淋海蝦滑用既蝦肉好新鮮，好彈牙，真係好食到想order多一碟花雕醉雞件都係意想不到咁好食，雞件應該係用新鮮雞，肉質滑得黎好有雞鮮味，花雕味唔會太搶，反而增加左香味

鮮花係指排盤嘅花，雪花係指牛肉嘅雪花紋。排盤排得靚，肉質又靚，呢餐打邊爐就當然食得心情靚啦。聚會揀打邊爐就最開心啦，人多可以揀多啲配料啊嘛。一向打邊爐我都唔太在意啲擺盤，但今次呢間餐廳啲排盤又幾吸引我嘅注意喔。啲海鮮擺盤幾靚，有啲鮮花陪襯睇落都好似新鮮啲。另一個吸引我注意嘅係牛肉拼盤啲雪花，一睇就知好食果種。我地叫嘅鴛鴦湯底，鮮茄薯仔牛粒鍋拼秘製馬來沙爹鍋，我就中意鮮茄多啲，番茄味幾濃郁，但又唔會太鹹，唔錯。一齊都叫咗十幾樣嘢，打邊爐啲配料都唔錯，無出現唔新鮮嘅情況，質量都算中上。仲叫咗一款小食：四川口水雞，味道都唔錯，啲雞幾嫩滑，醬汁惹味香辣。