三點三冰室

營業中

休息中

青衣城新開咗間三點三冰室，呢間港式冰室都算選擇豐富，而且環境都幾清潔，有好多卡位幾好坐。幾乎枱枱都嗌芝士蝦多士 ，一碟有六件，賣相唔錯，要襯熱食會比較香口，中間有流心芝士非常邪惡，多士夠酥脆，咬落彈牙，有滿滿蝦膠°哈哈哈炒飯炒飯份量滿足，用咗蝦膏、蝦乾、蝦仁、櫻花蝦去炒，入口層次豐富，炒得夠香口乾爽。南洋喇沙充滿椰香味湯底微辣，色澤吸引，用油麵同粉絲做麵底，配料有蝦仁、豆卜、熟蛋及芽菜，非常豐富。三點三冰室青衣青敬路 31-33號青衣城1地下 G24-G25號舖

身為香港人也對香港飲食業失望，原因係發現9成餐牌圖片與食物不符🤦🏻‍♀️这间茶室向青衣开了分店，今早试了他们早餐，起初以为碗面嚟错，点知三个字去形容：好求其难怪咁多人北上😌注意：用饍時間60分钟！好彩服務態度还可以😌

青衣城新開左間冰室，晚上都幾好生意～一行4人平日晚上都需要等位～～睇到餐牌都有幾多特式美食，好似乳鴿、蝦多士等簡直係酒樓先點到ge菜式呢度都點到～～三點三雜扒餐 $108 豬扒、雞扒、 司華力腸、 煙肉 份量挺多鐵板扒餐都算呢度招牌，揀左蒜蓉汁配焗薯太耐無食過煙肉焗薯又覺得幾好味跟埋粟米濃湯，非常濃稠!沙嗲牛肉西多士 $52 沙嗲牛滿滿填滿西多士空間，沙嗲牛肉大大片有嚼勁薄荷朱古力 少冰 凍 $28 飲朱古力呢類必然少冰，朱古力味真係夠晒香濃薄荷亦足夠狂牛 少冰 +$19係雜果、七喜、利賓納、士多啤梨雪糕溝埋點會唔好飲，小朋友實開心三眼仔雞扒飯$72對三眼仔 （三蛋）情有獨鍾因為可以好放心甘撈蛋汁，食到最後都仲有蛋雞扒仲要超大塊～海南雞飯 $83雞肉係好嫩滑，配左油飯同排骨湯都係足料大份

今日有事到青衣一趟，青衣我不熟，同伴們去哪裏開餐我就去那裏，青衣地膽不會錯的。餐廳位於青衣城地下，光猛闊落，坐得舒服。打開餐牌，除了一段茶餐廳的午餐、常餐、下午茶等等之外，還有不少特色小食和食品，看得出店主相當有心思。好像這碟🏅懷舊鴛鴦炒飯真是好耐無見過了，記得從前是叫太極鴛鴦飯，具有香港中西文化匯聚的特色。鴛鴦飯即是茄汁雞絲拼白汁蝦仁，用料雖不特別，但工夫多。一邊酸甜一邊香滑的燴汁，你們會先吃一邊再一邊，還是換來換去，甚至拌勻才吃呢？與懷舊相反的是創新，這份🏅鰻魚滑蛋炸熱狗可說是代表作。鰻魚加滑蛋通常配白飯，現在放在炸包上，既特別又好味道。鰻魚和滑蛋有水準，而炸包更是驚喜，外面脆皮內裏軟熟。其它同伴還點了🏅招牌沙嗲牛肉麵常餐和🏅焗牛舌芝士意粉。常餐除牛肉麵外，還有蔥花火腿炒蛋、丹麥酥多士和熱奶茶，另加$3有老火湯。我吃了他一片牛肉，很軟滑，沙嗲也香濃。焗牛舌芝士意粉有4塊又厚又大又腍的牛脷，意粉用茄汁焗，味道很好，就是意粉烚得較腍。最後不得不贊杯熱奶茶，香濃順滑，非常好飲。

公眾假期都唔滿座係有原因嘅，全店4-5個侍應，但就只會圍埋傾偈，夢遊般係餐廳行下先行下後，你有你伸手，佢有佢眼望天眼望地，總之唔望你，傾得開開心心一於話之你！本人第一次幫襯，唔知原來全店自助式服務，你問佢邊度拎叉拎筷子，佢就冷漠敷衍話你知係自己枱櫃桶拎，但個櫃桶既設計好似唔預你開到咁，水當然又係人客自己斟啦！食物價錢唔係平，食物味道質素一般，呢類茶餐廳，幫襯過一次就夠，飲食業嘅競爭，服務態度係不可忽視嘅一環，難怪香港人寧願坐多一頭半個鐘車都要北上消費，起碼食得開心又感覺被尊重。

聽屋企人話有間青衣城有間新嘅茶記，所以就嚟左試下🫡坐低啲侍應就咁扔低個QR code餐牌話有午餐餐平就行開左🫨嚟到就叫左沙嗲牛同雞翼撈丁，用手機落單叫沙嗲牛，有得揀爽啲，但佢送餐嘅時候求其放低碗野就行開咗😅唔係爽都冇問題🫥Memu話係佢係招牌沙嗲牛，但其實都冇咩特別，但個湯就一啲味都冇，要專登撈啲沙嗲醬落個湯先有味😛碟撈丁份量係唔少，但味道係甜嘅，同埋啲雞翼係冇味的。🙂‍↔️叫常餐係有包有蛋🍳但煎蛋好似變左焗蛋咁，煮到過熟，個蔥炒蛋都還好。😓三個人食，三個常餐，$210🙏🏻價錢太過分了，明白青衣城地租高，但都期望食物同服務態度有相對質量🤌🏼🤌🏼

今日係青衣收工，想喺附近搵啲嘢食，行行吓見到呢間好光鮮嘅冰室，現場都有好多侍應同埋食客，就決定入去試吓啦。睇餐牌見都係冰室種類嘅食物，比較特別就有妙齡乳鴿同芝心蝦多士（6件），我哋都有叫到嚟試下。另外要左個鐵版西冷牛扒餐(配焗薯，黑椒汁，日式粟米湯)同一個焗牛舌芝士意粉。兩份小食就上枱先，蝦多士有六件，上枱都好熱辣辣，大大份，另外有啲配菜同沙律醬可以點，食落好香口。個乳鴿我哋有要求到一開二，一人一半都好多肉食，個皮又香膽，仲有椒鹽點。之後就到主菜，個焗意粉上枱先，蕃茄醬好香，牛舌就又厚又大片，送意粉真係一流。鐵版餐就有跟個粟米湯，又大碗又熱。個鐵版上枱都好熱，仲可以自己倒汁，塊牛扒我地揀左五成熟，上枱都無過熟到，食落啖啖肉，另外仲有個焗薯，好少何喺鐵板餐會見到有焗薯揀，個焗薯都好好食，入邊夠腍。最後我哋叫左兩杯嘢飲，紅豆杏霜同菠蘿冰。紅豆杏霜喺出邊比較少見。兩杯飲品都好大杯好足料，好飲！#青衣美食 #香港美食 #香港必食 #香港探店 #香港打卡 #香港旅遊 #香港必喝 #青衣探店 #香港日餐 #香港好去處 #青衣推薦食品

同朋友逛青衣城，買咗衫同褲，行經附近三點三冰室歇腳，見到餐牌好多菜式，入去餐廳食嘢，必點杏霜同紅豆冰。邪惡西多士最經典又邪惡嘅港式美食。西多士厚身，用了厚多士加入蛋漿，油炸到黃金色黃，食落好香脆，點了煉奶食，甜絲絲嘅味道，喺冰室必點之選。瑞士雞翼撈丁瑞士汁味道夠鮮，麵吸收瑞士汁精華又有色澤，撈麵乾身爽彈， 瑞士雞翼入味，yummy 😋芝心蝦多士原隻蝦肉餡料好爽脆，炸多士酥脆可口，食落有半融芝士嘅微微焦香，食到停唔到口！二世祖撈丁豪華牌撈丁，有鮑魚同帶子又有冬菇，鮑魚夠彈牙，再加入好大粒帶子，配搭加入醬油嘅撈丁，真喺二世祖級嘅享受。妙齡乳鴿簡單嘅菜式，要花上3小時才完成，感覺好抵食。鴿皮金黄色，外皮脆嫩，骨軟肉酥。

✿╮❤╭✿✿雜感女生   好味日記✿˚*•✰。三點三冰室．創意好食的茶記。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤去青衣城除左買野睇戲，就是食飯今次試了一家新的冰室食品都加了心思與創意味道也不錯賣相很港式經典的特飲美祿暴龍 + 薄荷朱古力朋友最愛美祿此店大推美祿暴龍，重量的美祿粉，加上忌廉好香，好濃，真的美祿粉FANS必食 我比較喜歡薄荷朱古力聞說中意薄荷朱古力的人勁中意討厭的人就要借過了因為足料香濃，我飲得很滿意！粟米濃湯 (跟扒餐配)濃湯是堅濃，多粟米非常融為一體而有粒粒粟米可吃 西冷牛扒餐肉厚多汁惹味牛扒是燒的剛剛好所以保留肉汁與五成熟的效果粉嫩易咬，牛味夠香 扒餐配了焗薯有煙肉碎與沙律醬加持所以都好好食 配的蒜蓉汁，亦非常香建議是點來吃  避風塘炒麵非常香辣惹味怕辣的朋友可以點走辣我就吃得津津有味朋友掃走辣粉，一樣讚麵夠彈牙這隻大蝦是炸香的，肉厚爽口軟殼蟹就是滋味，有蟹香體整水準有85分 妙齡乳鴿經典的港式英食炸得香脆可口可以選擇切半或不切2個人分1隻剛剛好   黑白多士

生炸雞脾薯條🍗🍟雞脾好大隻，皮炸得好香脆，味道香濃又夠入味，肉質嫩滑且多汁，真喺抵食！配搭曲型薯條，有濃郁薯香味，點茄汁就yummy!海南雞飯海南雞用走地雞入饌，雞肉結實且脂肪較低，以上海浸雞，肉嫩滑鮮美，雞嘅香味，配搭雞油飯就好夾！鰻魚蛋包飯鰻魚大塊塗上醬汁，咸甜味道適中，且焗至表面酥脆，吃一口鰻魚，再嚐一口蛋包飯，感受鮮香味道。葡汁鴛鴦扒上枱時聞到香噴噴嘅葡汁，厚切雞扒同埋豬扒真喺啖啖肉，配飯一流。鴛鴦(少奶)冰室必點飲品，聞上有咖啡嘅香味融入奶茶嘅濃滑，味道敦厚，苦中帶甘。三點三冰室青衣青敬路31-33號青衣城1地下G24-G25號舖

想去青衣城搵食,無意間看到这一間新開的餐廳,大部分食評都唔錯,所以專門去幫襯,由於兩點半才有下午茶,所以逛了一下商場、看見都有很多不同類型食店,既然專門前來,當然要入去一試.这裡是掃碼點餐,一掃碼已有提示說60分鐘用餐時間,下午茶時段並不多人,為何有比提示,感覺已很不好,叫了一個咖哩焗豬扒飯,豬扒雖然是厚切,但一點味道都沒有,完全沒有腌制過,飯雖是炒底,但也是冇味而且很硬,咖哩也是淡的,下午茶份量虽然很少,但我也只吃了一半便吃不下了,雖然是55元也不值得,如果不是下午茶,普遍都要7,8拾元一碟飯,一點都不便宜,如果水準如此,很難阻港人北上消費,希望香港食肆能反思一下.

去完青衣探朋友BB，之後再落青衣城食飯，發現地下個層有間新開新派茶餐廳「三點三冰室」大排長龍，於是一試究竟。三點三雜扒：媲美扒房既質素，呈菜時滋滋炸炸聲，充滿回憶感，煙肉🥓煎至金黃焦香，豬油滋豐腴，外脆卜卜。司華力腸脆卜卜，𠝹好曬花紋美觀得很。重頭戲係大過我手掌既豬扒，食得出沒有鬆肉粉，很容易撕開，豬肉呈一絲絲質感，偶爾塔配肥膏部分，層次豐富。仲有毫不吝嗇的巨大雞扒，重到差點拎吾起。芝士蝦多士：口痕想叫小食，蝦多士用上蝦膠燴入香脆多士中，帶有蝦粒顆粒感，一對半切開，流心芝士溢出，喜歡蘸上沙律醬解一解細膩，不俗。二世祖撈丁：呢盤根本係新年菜，有香菇、軟嫩帶子、仲有鮑魚仔，加埋邪惡撈丁，根本無輸，加埋辣椒油就更上一層樓，喜歡佢撈丁吾會太干柴太重口味，坊間有時會太多味精，不過呢到無，比較淡口味版。妙齡乳鴿：估吾到茶記都有乳鴿食，一開二慢慢LUN，有點驚艷是乳鴿到做到酒樓質素，外脆保持多汁，肉質嫩滑可一絲絲撕開，怕吾夠味又可以蘸上准鹽。黑白多士：用上毫不吝嗇的香濃芝麻醬，加上煉奶、真是黑白配，芝麻醬帶顆粒感，幼滑煉奶配合得相得益彰。雪糕紅豆🫘冰：雪糕🍦是香草味，質感帶黏性，玩上煲焾曬的紅豆🫘，

三點三對於香港人來說是吃下午茶的時間。不過我們來到青衣這間 三點三冰室 是為了吃晚飯。晚上6點半去用餐，不用排隊可以直入，但卡座位就坐滿了。有實體餐牌，不過下單就是使用 QR Code。先選了一個鐵板餐，因為入座時路過別人桌子時覺得好吸引。西冷牛扒餐 (HKD 147) 這個價錢是加配了一杯菠蘿冰。還另外點了一杯 檸檬百香果茶 (HKD 38)  要將底下的糖漿攪勻，喝起來酸酸甜甜。鐵板餐包了一碗 日式粟米湯 就是罐頭湯那種味道吧。不會太稀。西冷牛扒選了五成熟，因為這鐵板確實是超熱，加黑椒汁時會聽到滋滋聲。而且靠邊的位置會比較熟一點，吃落帶焦香，中間部份會較軟嫩，汁也很惹味。配的是焗薯，不是很粉糯的那種，是我喜歡吃的爽口感。避風塘海鮮炒麵 (HKD 78) 很大一碟。絕對不能看輕這間的「避風塘」，那辣度連吃得到辣的朋友都只能吃到一半左右。海鮮的話則是炸過的魚、蝦和魷魚。

📍今晚放工就係去搵朋友🎁朋友屋企附近呢間餐廳環境唔錯👍裝修好時尚又夠寛躺✅座位亦都坐得好舒服添🥳🐣海南雞飯 $83🌈有冇人同我地一樣咁鍾意食海南雞飯❓😋呢度嘅海南雞飯啲雞肉夠嫩滑👍配埋油飯✅水準唔錯🥳🥪芝心蝦多士 $72/6件🌈呢個絕對係一定食嘅小食呀💯芝心蝦多士上衣面鋪滿蝦膠🦐咬落口中間有芝士🧀多士炸得仲好鬆脆添✅正呀喂🥳🦐XO醬虎蝦炒公仔麵 $83🌈超惹味嘅XO醬炒公仔麵🍜公仔麵炒得好香仲有好有鑊氣添♨️公仔麵嘅質地好爽口✅唔會太腍又有咬口👍仲有幾隻爽口彈牙嘅大蝦🍤好食又抵食🥳🍡鹽酥花枝丸 $42/6粒🌈新鮮炸嘅鹽酥花枝丸🍡熱辣辣又大夠大粒😍好香口呀🥳🧋凍紅豆奶茶 $38🌈紅豆冰本身已經係好好味道👅但係原來將會紅豆加多落去奶茶入咗面係別有一番風味噃👍呢個好推介比又喜歡紅豆冰又喜歡奶茶嘅朋友仔喔🥳🥤凍紅豆杏霜 $38🌈加咗紅豆嘅杏霜加埋真係各有特色👍大家都唔會搶咗大家嘅味道❤️好夾呀🥳

同家人喺呢度食晚餐自己掃code落餐叫咗一個扒餐，一個意粉，一個焗飯先唔講好唔好食個扒餐一嚟到薯條嚟嘅？？ 即刻睇返張單唔係喎，明明真係落咗焗薯搵個人嚟問吓佢話 哦 我地無晒焗薯跟住就頭也不回走咗唔好講話態度有無問題根本係邏輯有問題其實有邊間食肆會係咁㗎？如果客人自己落咗單然後嗰樣嘢係冇嘅時候唔係會問返個客嘅咩？你咁樣上到嚟焗我要呀？我就係想食焗薯先叫如果冇，其實我可以考慮食其他餐掛？點解要逼我食薯條？食物方面，中規中矩唔會係好食，但又未至於入唔到口意粉都幾淋 會碎扒餐相對有啲咸飯都係偏淋點都好啦 呢間野永遠都唔會再去食睇到嗰啲讚嘆嘅食評真係好搞笑不過我相信大家會識分