三點三冰室

營業中

休息中

叫左個鴛鴦焗飯，份量比較少，雞肉片韌既，有別於其他餐廳。比較失望。其實住宅區茶餐廳都限時60分鐘，香港人食餐飯都真係好辛苦。食餐飯都要趕住食。凍飲要加6蚊都真係嚇親，一般茶餐廳都係加3蚊，要多一倍既價錢係啲冰好特別，用雪山水做？中環都未見過呢個價，反而係一個住宅區見到，真係孤陋寡聞。如果係商場租金太高而有咁既定價，我諗你唔係好適合進駐大型商場。如果要同區再開，考慮搵下附近啲屋邨或者其他地方啦。真心唔明點解有咁多好評。

今日下午茶時段，坐在中間位置，但不知道何故，內子突然身上有些白色粉末，職員懷疑是座位上方的出風口噴出不明粉末。遂協助我們換枱，由於食物未上，但餐茶已到，職員也特別換回兩杯餐飲。食物質素就比較一般，福建炒飯唔夠熱，炸雞髀也太乾，熱鴛鴦沒有奶茶味。但是職員因為事件再額外在結算時提供折扣，這也是很有誠意的服務。不過要長久經營，食物質素真的要加把勁。

星期一是我的家務日，整理完家裡已是下午茶時間，和另一半走到青衣城地下的茶記吃個茶餐。三點三剛開幕的時候光顧過一次，印象中味道不賴但價錢偏貴，一個份量普通的常餐都收六十多，想要凍飲更要七十。公司三文治配紅豆冰 $52三文治有烘底，炒蛋嫩滑，中間雞扒偏細，有一件根本完全不見其影踪，和我想像中啖啖肉的三文治有少許距離。雖然坊間的紅豆冰已經好少再用碎冰，但上桌時見到是用原粒冰還是有點失望，成杯也是花奶，紅豆不算綿密，超級甜。黑椒汁肥牛撈公仔麵 $52望落好普通，食落也是完全可以想像的味道。吃罷不禁在想，為何有些茶餐廳可以做得有如此有聲有色大排長龍，為何有些總是浮浮沉沉，高下的確立見。

青衣城地下有間冰室，早午下午茶同晚餐有唔同食物供應，晚市主打鐵板餐同港式小炒，另有粉麵飯、炸物、小食可以選擇。店內環境唔大，半開放式，主要做街坊生意，一家大細嘅多，價格合理，地點方便，住喺附近嘅不妨試試。私心推介煲仔菜式，款款惹味又香口，適合配飯。魚香茄子肉碎煲醬汁濃郁且濃稠，茄子煮到好腍，清甜無渣、鹹魚雞粒豆腐煲配料十足，雞粒大件啖啖肉，豆腐內裏軟身、馬拉盞啫啫通菜煲吸飽醬汁，唔辣，入味，菜品新鮮。另外有經典嘅咕嚕肉，外層薄身，醬汁唔多，肉質偏瘦唔粉，果然真材實料，菠蘿酸甜，份量適中。椒鹽豬扒味道清淡，唔肥唔油，淡淡香氣，感覺幾健康，建議食埋蒜粒，會令到整體味道同口感都昇華咗。

係青衣城想坐得舒服食茶記？就要試下呢間！大大卡位坐得舒服😌選擇好多價錢又合理.今次點左幾款，全部大大碟又好味😋香燒羊架餐鐵板上，大大件羊架啖啖肉，仲有好多薯菜和薯條😍焗牛舌意粉蕃茄口味，好多芝士好拉絲🧀星洲炒米港式口味，大大碟又多餸相當惹味👍🏻咕嚕肉酸酸甜甜，送飯好開胃🤤再飲杯雪糕紅豆冰，正🥳.想食茶記，又想多選擇，又想坐得舒服，好肚餓，又想勁大碟，呢度絕對係平靚正之選！！來開青衣城想食港式一定要試吓

今日放工係附近既冰室食飯， 三點三冰室既食物種類幾多， 價錢亦相宜， 份量更加冇得輸！平日放工6:30入位已經好多客，入位率好高鹽酥花枝丸花枝丸好彈牙， 外皮有炸過， 配上椒鹽， 好惹味妙齡乳鴿乳鴿外皮炸得香脆，內裏肉質嫩滑juicy鐵板黑椒脆支鹹豬手一上枱已經聞到好香，用鐵板熱住拎豬手更加保暖， 食到最後一塊都係熱辣辣， 豬手外皮酥脆，做得好出色，而且黑椒汁係分開上， 可以令豬手脆啲， 唔會淋哂， 推介！頭抽乾炒牛河牛河炒得乾身， 唔會成口油， 而且味道岩岩好， 唔會太鹹海鮮雜菜煲份量好大， 用料上乘， 有蝦， 帶子，青口，十分有誠意！

滿滿的人群，青衣城的三點三冰室門庭若市，原來餐牌闊度非常廣🥩鐵板牛仔骨餐$118.0滋滋作響的鐵板，稔軟的牛仔骨，還有一大顆入口即化的忌廉焗薯，是典型的港式西餐🐷焗豬扒飯$75.0我最愛的炒飯底，加上芝士跟茄醬，還有豬扒；是非常正宗的港式豬扒飯！🐟涼瓜炆䱽魚$98.0大大條䱽魚跟大量的涼瓜同炆，口感爽脆，份量充足！🥬魚湯鮮枝竹浸菜遠$78.0意料之外地大份的菜心跟炸枝竹，還有紅蘿蔔🥕，給予這餐充足的膳食纖維！🍋珍寶檸檬茶+$19檸檬超級多！超抵飲的巨型檸檬茶！三點三冰室 (青衣)青衣青敬路31-33號青衣城1地下G24-G25號舖

位於青衣嘅三點三冰室以地道港式風味吸引眾多食客。呢度嘅菜式多樣，價錢公道，係一個食飯好去處。鐵板牛仔骨餐🥩優質嘅牛仔骨再加上香濃嘅醬汁，同鐵板嘅香氣互相交融，牛仔骨夠內嫩妙齡乳鴿🕊️乳鴿經過精心烹調，外皮香脆，內裡肉質鮮嫩多汁法蘭西多士🍞西多士外層炸至金黃酥脆，內裡鬆軟香甜，配上黃油同楓糖漿，口感豐富且香甜魚香茄子肉碎煲🍆茄子煮得軟嫩入味，再加上肉碎嘅鮮味，每一口都充滿濃郁嘅風味，非常下飯。奶油多士🧈鬆軟嘅多士片，塗上香濃嘅牛油，再烤至金黃，外脆內軟

香港茶餐廳飲都幾多元化今晚來到青衣城用膳, 三點三冰室炒粉麵飯中西餐俱備, 還有特色小食、小菜和鐵板扒餐等, 包羅萬有。點了幾款中式小菜, 吃個家常便飯。咕嚕肉 無骨嘅一口肉, 炸得幾香口, 配菜有三色椒和菠蘿, 甜甜酸酸幾醒胃。蠔皇牛肉炒菜遠碟頭幾足料, 牛肉夠嫩滑, 菜遠翠綠香脆, 蠔油醬汁味道調教得好, 鹹度適中, 好有家庭小菜感覺。海鮮雜菜煲 湯底奶白色, 味道濃郁鮮甜, 帆立貝大隻厚肉, 海蝦和青口好鮮味, 蔬菜有菜心和白菜, 味道清甜, 上湯用嚟泡白飯吃, 又是一個美味配搭。沙薑雞（半隻） 雞件嫩滑有雞味, 掛滿沙薑獻汁, 有一種鹹中帶鮮嘅味道, 雞肉夠入味又有質感。

偷得浮生半日閒, 行完公司購物後, 去茶餐廳吃個自在下午茶。位於青衣城嘅三點三冰室, 食物款式多元化, 有套餐和多款中西餐點, 任君選擇。xo醬叉燒炒腸粉 炒得幾有鑊氣又入味, 腸粉香滑掛滿xo醬, 叉燒腍滑不會乾柴, 香口得嚟又不會有油膩感。邪惡西多士 西多士好厚身, 外層香脆, 包身軟熟, 内饀是雙層花生醬, 配以牛油和煉奶, 甜滑充滿油香。自選雙併公仔麵選配午餐肉和煎蛋, 午餐肉幾香口, 煎蛋流心香脆, 公仔麵煮得爽口, 湯底不濃味。吉列魚柳薯條 魚柳外層脆香, 肉質滑而不會柴, 薯條炸得香脆, 熱辣辣點配沙律醬最合適。海南雞飯雞件好嫩滑, 肥瘦適中, 份量都唔少, 雞油香飯熱暖又惹味, 唔會有油膩感。蠔皇牛肉炒菜遠碟頭份量十足, 炒得好夠鑊氣, 蠔皇牛肉鹹香嫩滑, 菜遠翠綠鮮甜, 送飯好合適。

早排放工番到青衣同朋友搵野食，今次就去左間位於青衣城嘅冰室食dinner，裝修以卡座為主，坐得舒服，Menu選擇都好多，食物份量比較大，最岩叫多啲同朋友開心share芝心蝦多士一份有6件 多士香脆，內有芝士夾心🧀面頭有層蝦膠爽口彈牙🍤沾上沙律醬更美味印尼姐姐撈麵撈麵份量多，平時食開既印尼撈麵加上蝦片、雞串及魚蛋夠曬豐富，最岩同朋友開心share咖哩脆脆豬扒飯值得一讚咖哩香甜，豬扒大大塊外脆內鬆化，沾上咖哩汁秘制辣瑞士雞翼睇雞翼咁黑色已經知好入味，食既時候真係幾辣下，香口惹味法蘭西多士好邪惡，牛油係厚厚的金黃香脆多士上慢慢溶化，沾上糖漿一齊食大滿足迷你炸饅頭（6件）細細粒一口可以食掉，外皮內軟，沾上煉奶/黑糖一齊食香甜滋味

同朋友嚟青衣城影相打卡，行完就順道來這間「三點三冰室」吃頓晚飯。門面以開放式作設計，環境光猛，座位寬敞，感覺悠閒舒適。食物選擇非常多元化，由炒粉麵飯、秘方咖喱、地道小食，以至鐵板扒餐等，應有盡有。妙齡乳鴿 ($62@)  乳鴿新鮮即炸，皮脆肉嫩，香口得嚟又有肉汁，入口不油不膩，唔使點淮鹽食都已經好夠味。二世祖撈丁 ($102)  豪華版丁麵，用上彈牙鮑魚、鮮甜帶子同入味冬菇做配料，再配搭加入左醬油嘅撈丁，絕對係二世祖級嘅享受。鮑魚蛋白素翅炒飯 ($82)  米飯炒得夠乾身，粒粒分明香噴噴；素翅鮮嫩有嚼勁，加埋面頭隻爽彈鮑魚，真係冇得輸，轉個頭已經清碟。法蘭西多士 ($48)  西多外脆內軟，夾層塗滿粒粒花生醬，配金黃牛油同糖漿，邪惡又美味！飲品點左熱奶茶 (跟餐+$8) 同 龍鳳檸樂 ($28)，奶茶順喉香滑；龍鳳檸樂酸酸甜甜，非常醒胃。

平日很少出青衣，今天跟朋友到青衣城逛街，偶預「三點三冰室」。我之前去過啟德分店，覺得食物質素不錯，而且款式又多，於是帶朋友去試試。這店的店員也親切友善。鐵板脆皮黑椒鹹豬手（$118）原隻鹹豬手送來時已切件起肉在鐵板上，十分細心的安排。豬手的外皮十分香脆，咬落去卜卜聲。脆皮下有層滑滑的脂肪包着嫩滑的豬肉，口感一流。鹹香的豬手加上微辣的黑椒汁，十分惹味。西冷牛扒餐（$128）五成熟大大塊的牛扒，很香牛肉味，而且肉質軟嫩。套餐有香濃的粟米湯，也可選擇薯蓉或薯條。份量十足，性價比高。魚湯鮮枝竹浸菜遠（$78）主菜吃了很多肉，這個魚湯菜遠很合適。這菜清淡而不失魚湯的香味，以紅蘿蔔、什菇、枝竹、薑片來調色調味，色香味俱全。薄荷青檸梳打（跟餐+$14）清涼的薄荷，配青檸梳打，甜度適中。檸檬百香果茶（跟餐+$19）檸檬和百香果的味道很夾，酸酸甜甜配搭得很好。

第二次夜晚黎3.3食飯，今次同朋友黎食，但係今次黎幫襯真係好嬲囉，自助落單吾緊要啊，但我地想點個樣食物鎖左機😓咁舉手問一問個侍應有冇存貨係度，個侍應反應真係無禮貌到 ，佢答反我吾知喎 鎖咗無架啦食第二樣啦⋯⋯着黑色衫戴眼鏡同事😓😓真係差到

嚟青衣城一定要食呢間性價比高嘅冰室😚 今日帶爸爸媽媽食，叫咗三個主食、一個小食同一個甜品，人均大約$118食到好飽，食物質素高好好味😋😋🥢避風塘炒麵超！正！😍 鍾意食辣一定要試🔥 炒麵香氣濃郁，搭配香脆炸蒜蓉及炸大蝦及軟殼蟹，風味獨特，香辣味十足 好惹味😋😋🥢鰻魚蛋包飯令人驚豔的日式風味料理，大大條鰻魚鮮嫩多汁，搭配滑蛋，超吸引🤩 米飯吸收了鰻魚醬汁的香氣和蛋的滑嫩，好滋味～🥢三眼仔豬扒飯3隻太陽蛋😍😍 好大塊豬扒！外焦內嫩，肉質鮮美，米飯搭配香濃的甜豉油，好吸引🤤鹽酥花枝丸（6粒）外皮酥脆，內餡彈牙，搭配鹽酥味調味粉，鹹香味十足，適合作為開胃小食😋雪糕西多士必食甜品😍 外層酥脆，配搭香甜雲呢拿雪糕，又凍又熱口感好豐富