影片
以上資料只供參考, 請與餐廳確認詳情
今日經過一間好多人排隊嘅小店，見到咁多人排隊，心諗應該唔錯，於是跟住排隊試吓。我叫咗個粟米湯餃同生煎包，結果兩樣嘢都令我大失所望。首先，粟米湯餃個皮勁厚，湯底味道奇怪，酸酸地，完全唔知係咩味，食落去真係有啲難頂。而生煎包個皮同樣厚到離譜，完全冇咩口感可言，餡料亦都唔夠香，整體水準真係令人失望。更令人無奈嘅係，收錢嗰位阿姐態度極差，語氣躁底，完全冇禮貌。排咗咁耐隊，最後竟然叫我哋去第二度等，指示又唔清晰，搞到人好混亂。俾錢買嘢仲要受氣，真係買難受。其實呢間嘢又唔係特別平，食物水準又差，服務態度更加係扣分。總結嚟講，真係唔值得特登去試，慳返啲時間、金錢同個胃好過。
繼續閱讀
今次體驗係深水埗店，店舖格局長長窄窄，在街的轉角位，一間少店分三個位排隊，分別售賣，店家出名的生煎包，湯包點心同飯麵，因為在街不方便食三個生煎包，第一次只能試食，出名的名叫三津湯包，招牌都寫三津湯包，食一個仲想食，買一個承惠6蚊，size 比較傳統茶樓叉燒包細，又比生煎包大少少。開始分享試食，第一口，裡面肉汁味濃，包面唔乾，唔黐口喉，軟熟，但沒有爆汁，第二啖，繼續肉包味，第三啖就食完，但最後一啖有汁，真係有點Juice 同滿意，有D 似生煎包有汁咁，但依個包個汁偏濃同咸。
繼續閱讀
好耐都無食, 見佢有早餐套餐, 所以先去買個外賣 (之前試過覺得唔好食, 又唔抵).. 原來都係唔抵. 要個早餐 B. 熱豆漿. 點解豆漿唔滿 ? 如果以哩個價錢, 唔值. 唯一好食係隻蛋.
繼續閱讀
想寫食評好耐了……雖然唔係成日幫襯，但是由去年一開舖到現在嘅感想可以做少少總結。說實話，這個舖位已經轉過好幾手了，得知即將有新食店再開張，當初係幾有期待。記得開張嘅第一日，大鑼大鼓，甚至有舞獅，場面實在誇張，還有免費試食湯包一個。可惜雷聲大雨點小，試食嘅第一刻已決定以後不會幫襯買湯包。原因很簡單，就是湯包裏根本冇湯汁！有冇試過其他舖頭嘅湯包？就係有試過，人哋賣成10幾蚊一隻，但係真係明碼實價地有湯汁有質素，食完仲想再食。三津湯包啲包竟然冇湯汁，我完全無法理解點解可以這樣命名？還是有欺騙成份？不過，佢還有賣點心、蒸飯等，這些都不過不失，價錢算係實惠。我見最多人買嘅就係茶葉蛋，小籠包、粟米等都抵食。其他就不予置評。最後，曾經有一段好短嘅時間發現突然之間有賣兩餸飯，但這個時期真係短到唔知有冇一個月就突然間又冇得賣。簡直不倫不類，唔知佢嘅定位係乜嘢，好似好隨意地變更。至於服務方面，有時覺得佢哋都幾亂，效率麻麻哋，不過我覺得最緊要都係啲食物質素，呢樣如果都唔達標，其他唔使講。講真，賣包嘅舖頭唔少，例如包點先生、唐記包點等，質素都優勝，希望三津湯包努力少少，起碼符合自己嘅招牌，賣啲有湯汁嘅湯包。唔該晒！
繼續閱讀
買過2次，每次都夜晚11點幾買，食物還可以，女員工態度差比面色人睇，睇佢個款，好似係店舖管理人員，加上排隊唔知佢想點，明明排緊隊，另外有客冇排隊，比人插隊！真係冇下次，附近冇嘢食都唔會買！
繼續閱讀