三希樓 (利舞臺廣場)

營業中

休息中

今日嚟到銅鑼灣利舞臺廣場嘅🪄三希樓，試一試佢哋嘅川菜同涼拌小食，十分期待呢😊🖤涼拌海蜇雲耳｜海蜇本身口感Q彈，加上雲耳夠脆爽，食起嚟清爽爽口，非常適合當開胃小食😚🤎夫妻肺片｜有蒜泥、花椒、辣椒油等調料，口味麻辣❤️‍🔥賣相紅亮，肺片口感柔軟嫩滑，辣度十足，讓人胃口大開😋❤️麻辣口水雞｜辣味十足，雞肉嫩滑多肉，忍唔住一嚿接一嚿咁食🤭🧡麻辣豆乾絲｜豆腐乾同豆皮絲索哂麻辣汁嘅味道，有豆香又有麻辣嘅刺激，好有層次👄🤍蝦腸｜鮮蝦夠鮮甜，腸粉軟滑有米香，淋埋甜豉油無得輸🤩幾道川菜同點心都有返咁上下質素，🪄三希樓果然係值得期待嘅餐廳，大家嚟銅鑼灣記得唔好錯過💕

💥今日放工同屋企人出去食飯💥我哋揀咗成日去嘅三希樓❗️嗰到嘅食物非常好食，仲要價錢唔貴，啱晒我哋😍💥麻辣豆乾絲💥開胃菜我地揀左麻辣豆乾絲，切得幼細不過口感爽脆，好似食麵咁一株株爬入口其實都幾爽，雖然我地叫左小辣🌶️但其實一啲都唔辣，唔食得辣既人都一定食得到😂💥招牌燒賣皇💥黎到又點可以唔叫佢哋好出名嘅燒賣，燒賣大大粒，十分足料👏🏽蝦肉同豬肉嘅比例啱啱好👍🏽👍🏽咬落去勁多肉汁流出來😋一個字正❗️💥乾鍋豬大腸💥麻辣既豬大腸，份量十足，肥腸都大塊，好有嚼勁😂🤣💥水煮滑牛肉💥我哋選擇了少辣，微微的辣度，增添食欲感，牛滑溜細膩，吸盡精華，好正❗️💥木桶即撞豆腐花💥岩哂無乜牙既婆婆食🤣婆婆大讚好似佢細個係香港食既味道😂豆腐花好香豆味，仲非常之滑👏🏽好似山水豆腐花咁好味👍🏽呢間餐廳食過咁多次嘅質素都係咁好❗️值得推薦俾朋友🤩

今日同同事去左我地最愛嘅三希樓到食lunch。呢間餐廳嘅食物非常高質，而且坐位同環境都好舒服，岩哂我地lunch hour 嘅時候放鬆下。💜涼拌海蜇雲耳🧆海蜇雲耳都有好香嘅麻油味同陳醋味，口感爽脆。每一啖都好清爽，食完有一種開胃嘅感覺。🧡夫妻肺片🐮麻辣🌶️嘅味道完全滲晒入🐮牛肉同牛肚入面。但唔會覆蓋左牛嘅味道。反而令牛肉味更加突出。👍🏻❤️瓦罉焗胡椒海蝦🦐呢個絕對係餐廳嘅特色菜，廚師用胡椒🫑去焗海蝦🦐。所以每一隻蝦都有好香嘅胡椒味。味道唔會好辣🔥。呢個絕對係會食唔停口！💚馳名樟茶鴨🦆🦆鴨肉鮮嫩無比。加埋自家製嘅醬汁🫕。令到鴨嘅味道更鮮更濃，調味啱啱好，唔會太鹹。正😋

💚三椒豬手係一個好惹味好岩送酒既小菜，豬手切佐一粒粒，皮連肉，好煙韌好有嚼勁，有青椒紅椒花椒，又麻又辣又鮮味，豬手炒到好香，亦都爽爽地，口感幾好，好香口好豐富既味道！🧡瓦罉焗胡椒海蝦用瓦煲整出黎既果然有獲氣啲，用佐海量胡椒，好熱辣辣㷫烚烚，啲蝦好彈牙好鮮，炒香晒，啖啖胡椒味，好熱氣但好食到停唔到！❤️咕嚕肉主角既豬柳整得好好，有炸香佐先拎去炒，但都仲好有肉汁，好鮮嫩，紅椒青椒果啲道好新鮮，仲有新鮮既菠蘿，特別甜，加埋洋蔥，全部炒香，加埋酸甜汁，開胃美味！💛酒糟桂花小丸子呢個甜品岩岩好，唔會太甜，丸子好煙韌，有啲酒味但又唔會過分，加埋桂花既清香，好味道呀！

♨️馳名樟茶鴨，雪白香糯嘅麵包，呈貝殼形，非常之有趣，配埋醬茶鴨，非常好食。♨️水煮滑牛肉，牛肉非常之滑， 麻辣麻辣味，愈食愈停唔到口。♨️三椒豬手，非常之嘢味，味道調節得非常之好。唔錯！♨️瓦罉焗胡椒海蝦， 幾乎枱枱都有叫呢個，因為係佢嘅特色菜， 海蝦索曬胡椒嘅香味，真係好食到不得了！♨️咕嚕肉，酸酸甜甜，有肉嫩！♨️三希樓招牌炒飯， 唔錯呀！炒得非常之乾身，一啲都唔油。♨️麻辣豆乾絲，正正常常！

發掘公司🏣附近的美食是上班的一大樂趣。特別身在銅鑼灣，好吃的當然不乏啦~今天同事說帶我去一間佢同屋企人成日食的三希樓，幾條友獨享美味港式點心。本身以為棗茸千層糕係果d紅棗糕好煙韌嘅質地🤩原來口感幾鬆軟！棗茸千層糕香氣獨特且營養豐富Happy~招牌燒賣皇粒粒都好大粒😳餡料多，不過有少少實，但整體表現都不俗。適合同幾個朋友開心share～黑松露野菌水餃內餡豐富超紮實😋加入黑松露的水餃，讓整體鮮味提升，完全顛覆你的想像，不需沾醬就很有鮮味！Great叉燒包熱辣辣🔥好鬆軟嘅感覺，呢個絕對要encore！要趁熱食 ♨️中間餡料多且豐富見佢好多點心都好有特式，眼見枱枱都差唔多會叫牛肚，我地都唔執輸啦🌝果然味道同口感都好抵讚🌞三希樓招牌炒飯上桌時，粒粒上色的飯粒很吸引！熱辣辣的炒飯，不禁說了一聲「係好食既！」食得出鑊氣，份量都唔少bor😏在餐廳硬體、地理位置、服務與訂位上，三希樓真係無得頂👏🏻中午都可以優雅地享用珍饈佳餚美味薈萃，下次一定再帶多啲人嚟試🫶🏻

♥️馳名樟茶鴨，配上白滑軟糯嘅刈包， 用手拿著食更加有別一番滋味。♥️三椒豬手， 媽媽最鍾意呢一個，因為呢一度煮得最好食。🖼♥️瓦罉焗胡椒海蝦，一打開瓦罉蓋嘅時候，那一股胡椒香味，傳播到每一個人都可以聞到，非常的濃郁，所以每一隻海蝦都非常之入味。推介必點！♥️夫妻肺片，辣得過癮。♥️涼拌海蜇雲耳，幾好，幾爽脆！♥️三希樓招牌炒飯， 炒飯粒粒分明， 豆角又多， 作為飯局結尾，墊底一流！♥️野山椒泡鳳爪， 等緊主菜食呢一個，就是最好消磨時間。♥️麻辣豆乾絲，作為飯前小菜就最好。

前排同屋企人食完三希樓嘅小炒，大家都好滿意🙆🏻所以今日晏就又book咗枱，今次主打川菜同點心，一於試吓係咪都咁正先🤟🏼川菜方面🌶️我哋叫咗麻辣口水雞，雞肉本身外皮帶著一層薄薄嘅油脂，雞肉好滑多汁，麻辣汁辣味濃郁，香氣四溢👃🏼涼拌海蜇雲耳調味酸甜適中，食完重口味嘅口水雞食呢碟涼拌小菜就Perfect👍🏼點心方面🥡叉燒包一定要食🙊 包皮薄薄軟熟帶彈性，內餡嘅蜜汁叉燒肥瘦均勻👏🏼另一籠牛肚用咗柱侯醬調味，大塊得嚟又軟腍，一咬就斷👅綜合之前食過嘅小炒，同埋今日食嘅川菜加點心，再一次證明三希樓嘅出品keep住都係咁高👍🏼👍🏼相信我哋好快又會再嚟食飯㗎喇😎

懶洋洋既中午唔想煮野食，👨‍👩‍👧‍👦就同屋企人去三希樓醫肚黑松露野菌水餃✨水餃皮好薄，完全可以望到裏便啲野菌👍🏽再加埋黑松露😻真係香到不得了🤤瓦罉焗胡椒海蝦✨呢度既瓦𦉘焗胡椒海蝦都係好出名🥳好重油香，外層薄薄一層煎到微微焦香，真係連🦐殼都食埋😹麻辣口水雞✨我地揀左中辣，初初以為會好辣但好彩沒想像中辣，雞🐔肉既肉質嫰滑，好好味😋三希樓招牌炒飯✨我地都唔係好食到辣，叫佢地落少d辣，蝦頭先爆香，再拿去炒飯🍚，炒飯炒得好香，炒得好乾身，但唔會太硬😻估唔到呢間餐廳除左裝修好，食物質素都係一流👍🏽👍🏽👍🏽食完真係大滿足😻😻

屋企冇煮飯，於是同屋企人一齊去三希樓食晚飯，餐廳位於銅鑼灣波斯富街利舞臺廣場17樓，侍應安排我地坐窗口位，一路食一路望住樓下嘅街景。野山椒泡鳳爪，清涼嘅泡椒鳳爪，泡椒味超級香，酸酸地冰冰涼涼好開胃，而且鳳爪住得好腍，好容易食！涼拌海蜇雲耳，非常爽口的一道菜，涼拌海蜇雲耳冰冰涼涼，做前菜真係非常適合！夫妻肺片，呢個夫妻肺片配飯食，真係非常一流，牛腱同牛肚入晒味，其他亦都好好食！水煮滑牛肉，你話想儲或牛肉上面布滿晒紅卜卜的辣椒🌶️，未食已經聞到好香嘅辣椒味。入邊嘅牛肉非常鮮嫰，牛肉味濃郁，好味！麻辣豆乾絲，好香豆味嘅豆乾絲，用醬汁辣椒油香蔥炒到非常之惹味！

今日同屋企人黎間利舞臺呢間中菜館試下，中午黎到，試佐勁耐野食！點心我地都叫佐幾款，招牌燒賣皇好大粒，入面又有大大蝦仁，半肥瘦豬肉，好好食；紅油抄手都辣得好過癮，細細粒好足料，好豐富呀；黑松露野菌水餃都蒸到晶瑩通透，皮薄餡靚，濃濃黑松露味；春卷亦炸得好好，唔會太油膩，好好食😋🤤另外主食叫佐三希樓招牌炒飯同埋青椒清香魚，炒飯好有色水，有啲帶子粒肉粒，好香，炒飯粒粒分明，醬油炒得好香；另外既魚係有啲麵放底，啲魚放湯，魚片幾大塊，加埋花椒辣椒，麻麻辣辣，正呀😜😚我地仲叫多個小菜，瓦罉焗胡椒海蝦，海蝦好大隻好新鮮，焗完後仲有手掌咁大，用佐好多胡椒粒，啲蝦有炒過再焗，好鮮味，好彈牙，食完成個人暖曬😆🤣

湯底～三希樓麻辣火鍋/鮮果香湯鍋🫶🏻我地一試試佐兩個湯底，整佐個鴛鴦鍋，麻辣湯底真係鮮紅色架，好多辣椒，全部炒香過，啲辣油炒到晒黎，辣椒炒完出晒味，湯底亦有啲花椒，幾麻，唔錯呀，夠晒辣！另外係鮮魚湯再加梨，好滋補，好香魚味，亦有果香，岩晒想養生既朋友呀！火鍋配料👍🏻炸魚皮同響鈴都炸得好好，新鮮炸起，完全唔油膩，唔會有油益味，配火鍋岩晒！魚頭就新鮮既，睇得出好靚，好鮮味，完全唔腥，好滑，配魚湯一流呀！唐生菜同雜菇拼盤都好新鮮呀，好清新，打邊爐點可以無，辣菇好惹味添！三椒豬手🫰🏻呢個豬手切好晒一粒粒，超易入口，用佐青椒辣椒花椒去炒，又麻又辣，豬手皮煙煙韌韌，啲豬手都炒得好入味，香口美味！咕嚕肉✌🏻啲豬肉炸完再拎去炒，肉汁鎖晒係入面，好嫩，咕嚕汁整得好好，酸甜味岩岩好，加埋新鮮既紅青椒同菠蘿洋蔥，好開胃，好正！

忽然間婆婆呢排好想去酒樓食飯，我又見今日放假，所以專程帶佢來到銅鑼灣裡面的三希樓飲茶，因我都驚呢個時間好多人，所以我預早前來等位，差唔多到時就叫婆婆同公公一齊前來，職員姐姐親自帶位，入到去原來咁大，環境上都是以中式酒樓一樣，空間感十足，上面掛著少少既七彩燈，而且旁邊係透明玻璃，望到出面靚景添阿‼️💯💯牛肚婆婆最鐘意食牛肚，呢度送餐都好快趣，呢度既牛肚好大塊，已經分好晒一份份，上面仲有青椒同紅椒添‼️💯💯叉燒包黎到酒樓又點少得食叉燒包，呢個係公公至愛，每次去酒樓都會叫架‼️💯💯三希樓招牌炒飯試下呢個招牌炒飯，份量都好多喎，我地幾個一齊分，都食到好飽，呢度既飯炒得好香，同埋唔會有味精‼️💯💯麻辣口水雞睇上去真係好紅，色澤好紅潤，但食落去又唔會太過刺激，見到上面既料都好多，同埋啲雞肉真係好好食阿‼️💯💯瓦罉焗胡椒海蝦海蝦成日都食，胡椒海蝦就第一次，呢度既胡椒勁多阿，同埋海蝦都好多，裝到成兜都係，咁樣做原來啲蝦咁好食，食到好濃既胡椒味道，同埋啲蝦好大隻好新鮮‼️

這間酒樓很寬敞，碗碟都很新淨。服務員態度非常好，和客人們都有說有笑的。♨️春風得意腸每個腸粉都整得一模一樣的，咬落是外林內脆的。⛄️雪山叉燒包白雪雪的叉燒包內裡充滿叉燒咸料，叉燒都不是肥的，啖啖肉。🦐蝦餃很特別的有5粒，蝦都幾彈牙。♨️小籠包普普通通。♨️燒賣都算彈牙。🍲擔擔麵麻醬味濃，麵條分明有咬口，略嫌細碗咗啲，若然可以大碗一點會更好。🥟韭菜豬肉水餃有很多粒，8粒左右，粒粒皮薄咸靚，多韭菜，算新鮮。♨️即撞豆腐花店內會有分碗服務，把豆腐花分成一碗碗再上。另外會有糖漿及紅糖自己加嚟調味。豆腐花第一啖有啲粉，可能係未溶既石膏粉，但整體來說都重豆味，而且都滑溜的。總的內說，整體餸菜都偏咸既，本身喜歡食偏甜既，所以如果不喜甜味既人，都可以幫襯呢間。店有限時1個半小時，上菜速度都算快。#春風得意腸 #雪山叉燒包 #蝦餃 #小籠包 #燒賣 #擔擔麵 #韭菜豬肉水餃 #即撞豆腐花

一早約好一齊黎到三希樓食點心，打完牌點都要搵個地方醫肚，貪佢地方就腳，又見到咁多好評，今次就試下呢間，環境上都好闊落，燈光上光猛，好多員工在工作，人手好足夠，枱上已經有Menu準備好，送餐時間也不錯，不用侯時太久乾鍋豬大腸🏮呢度有豬大腸，仲要咁香，🙌🏻味道上好惹味，豬大腸落足料有好多，豬大腸既肉都好肥美，用乾鍋來作烹調果然係好青椒清香魚🏮好香既清香魚，裡面既肉魚量都好多㗎，青椒同時好豐富，味道真係好食有水準春卷🏮夠晒香脆，同埋好大卷，咬落去裡面既料可以爆開，成口都係，太好食 叉燒包🏮新鮮滾熱辣☝🏻一碟唔夠仲要食多碟紅油抄手🏮超好食，麻辣酸甜鹹香的平衡到位既味道，再有辣椒油辣辣地既口味，直頭係食唔停口 估唔到呢間三希樓咁好食，🤞🏻食物質素如此好，碟碟都可以做到咁香，好難搵到一間食店可以如此水準，✌🏻不是誇大，真是十分好食，可以在此評分～