三不館車仔麵 (廣福道)

營業中

休息中

每次經過呢間車仔麵店，都見好多人喺店外等位，今晚唔知食乜好，就決定一試！第一次試，梗係要試吓啲「大廚推介·必食之選」啦！就揀咗滷水鮮豬大腸、鮮沙薑豬手，麵底就揀咗鮮製油麵，再配上小小辣嘅古法辣汁。先試湯底，個古法辣汁完全唔惹味，真係冇乜特別！而鮮製油麵都有別於平時食開嘅油麵，麵質偏腍身，唔係我鍾意嘅質感。豬手有少少燶燶哋，賣相唔太討好⋯唔緊要，味道至重要！咬一啖，口感偏硬，味道淡，完全唔入味，同我想像嘅沙薑豬手有好一段距離。個滷水豬大腸比較好少少，雖然滷得入味，但個滷水汁完全唔夠香⋯總括嚟講，真係試一次就夠！

最近呢間餐廳俾前cctvb 炒熱晒講到個咖喱魷魚話全香港最好食咁啱去開大埔梗係試吓佢啦位置好少都係要排隊叫咗兩碗麵 一碗麻辣少少辣一碗清湯加腩汁.送就試咗孫齋,鳳爪,咖喱魷魚大腸蘿蔔鳳爪好大隻個人認為好抵食亦都好夠麻辣味咖喱魷魚俾人吹大咗,水魷係有咖喱味但係味道好入味不過魷魚好爽.孫齋正常發揮冇咩特別蘿蔔夠林同好甜最正係個大腸冇臭味,大條，滷水味好入味，仲要有啲高一口落去成口都係大腸嘅香味如果俾我再去食我一定會叫大腸×3😂豆漿正常發揮冇特別

早幾日YouTube有個藝人介紹車仔麵，其中一間就係呢間，咁岩去開大埔就過黎試下～店舖座位應該唔多於20個，我哋平日12:10黎到，好彩等左五分鐘就有位👍⭐️秘製香醬鳳爪，咖喱魷魚，冬菇配鮮製油麵，古法辣汁(小小辣) 💰4️⃣2️⃣鳳爪夠淋，味道唔錯～咖哩魷魚夠味，爽口👍冬菇偏厚身，幾香，口感帶少許淋，也不錯👍唔套肯定鮮製油麵同平時普通油麵有咩分別，但我反而覺得呢個鮮製淋左啲唔夠平時好食😅車仔麵黎講個汁好重要，但呢個似係普通咖喱，有啲失望…..😶⭐️滷水鴨腎，蘿蔔配粗麵，金牌麻辣汁 (小小小辣) 💰3️⃣4️⃣鴨腎夠味唔會太鹹，唔係爽口果種口感，正正常常～蘿蔔尚算清甜同無乜渣粗麵比平時食到既幼身同無咁爽口，但同時都唔會有鹹水味～麻辣汁算香，但個人認為配車仔麵有啲唔岩feel🫣整體黎講餸嘅質素OK，但係唔算特別，汁就…..比較普通，又要排隊，服務又一般，我同朋友都覺得試過就算😂

食品差，服務差，其他都唔使講。原本一開頭食得開開心心品質出品冇問題，呢個月開始垃圾到一個點。個湯頭同水無分別，加個自家辣椒醬同我講話係古法辣汁？好啦叫個麵，黎到硬到牌子都分唔開。好聲好氣同你講，轉頭個廚房佬攞返出黎同我講要淋啲喺張單度寫明，你張單有得揀軟硬度我就揀左啦。同佢溫馨提示返平時食開唔係咁成個麵餅痴住左夾都夾唔開點食，即刻發老脾話得啦有咩寫落張單度。強烈建議三不館可以增加菜單乾燒湯浸油麵等我有得揀。另外建議大家如果第餐單上食材烹飪方法有所懷疑可一併寫落餐單。例如魚片頭切割角度，牛腩要幾腍。

等咗50分鐘，期間每隔15分鐘就話冇面，再隔幾分鐘牛腩，再隔30分鐘就話冇咖喱魷魚，點解唔可以一次過講要分咁多次😡😡😡😡，最慘係喺門口等食塵都食飽啦，最後點解要食因為想知係唔係真係咁好味，所以迫於無奈等落去，但係最後都食唔到想食嘅嘢

麵類先係主食既我，今次就黎到試下哩一間人氣車仔麵店🍲，究竟有咩過人之處令到門口成日聚集排隊買外賣既人群。三餸一麵(醬燒豬頸肉･金牌麻辣豬手･秘制香醬鳳爪･米粉･金牌麻辣汁) $42睇落就好似好清，撈均左中間既麻辣醬🌶之後就唔嘢少，麻味辣味都好出，食到條脷痺痺地🥵，好重口味。豬頸肉🐷有三片，肉感比較重，外皮就乾左少少，但就好入味。麻辣豬手有兩件，隻麻辣入哂皮，慢慢吮下吮下，好惹味。鳳爪🐤都有兩隻，同樣入味，但咸左少少。值得推介係每張枱上都有提供既辣菜圃🫙，甜甜辣辣，好易令人食上癮。總括而言，整體味道都唔錯又夠飽，唔會驚好似有啲車仔麵咁食完唔飽🙊。

好耐無入過大埔 每次搭車經過呢間車仔麵店都覺得裝修好特別 今次終於可以入店參觀同品嚐喇😆店內裝修全部都係懷舊風 平時懷舊比人既感覺係好污糟 好多塵 但呢到既懷舊基乎係一塵不染 睇得出店主用心經營 清潔衛生方面做得好足👍🏻👍🏻👍🏻每人叫左一碗車仔麵 再加兩碟小食豬紅,懷舊牛腩,蝦條卷配油麵加古法辣汁小辣每款送既份量都合理不過牛腩再肥D就會更正醬燒豬頸肉,清甜蘿蔔,咖哩魷魚,瑞士雞翼配油麵加牛腩汁原來加左腩汁 成碗麵既味道會提升左 同埋色水都唔同D炸虎皮尖椒滷水豬大腸檯面既辣菜脯好出色👍🏻鍾意食辣既朋友一定要加食唔到太辣既朋友 個湯底可以唔叫辣 再加呢個辣菜脯 碗車仔麵會昇華左😋😋

住開大埔嘅我，其實經過廣福道好多次，已經係好留意呢間餐廳但係一直未有機會入去食。今日抽倒時間好好彩又唔係點洗排隊嘅情況下，就入咗餐廳食飯。呢間車仔麵係參照80年代嘅裝修，地方雖然唔係好大但係都容納到好多枱。拎住張點餐只覺得有啲驚訝原來都幾多餸揀喎，咁我就點左打咗粒星星嘅豬頸肉同埋我食車仔麵必點嘅通菜，最緊要試埋佢哋秘製辣汁。上菜上得好快，試一試佢個辣汁，嘩真係好嘢味呀！個豬頸肉又好入味，米粉又唔會煮得太林湯底唔會喊飲完都唔頸渴👍🏻👍🏻會再嚟食

呢間小店次次去都塞滿曬人係門口😵‍💫 好旺場，不過我個日去就好多係外賣客🥡 所以好快入得💛醬燒豬頸肉+日式粟米豚肉餃子+讚岐烏冬+招牌鮮茄湯底+小小小辣 ($46)呢度餐牌最輕嘅辣度係小小小辣，可以比食辣新手頂下癮🌶 🍅茄湯好足料，會見到啲番茄蓉係度，建議最盡配小辣，之前試過嗌中辣，但佢好容易冚咗啲茄湯味😿豬頸肉必食✅ 佢薄切，咬上去淋淋地，冇肥膏，一碗有4片😋而餃子🥟一碗有兩件，佢係匙羹嘅size，味道就中規中矩💛鮮沙薑豬手+流心蛋+蝦條卷+鮮製油麵+牛腩汁 ($42)🐡：腩汁好香，油麵煙煙韌韌🍜 豬手嘅沙礓味即使浸咗落湯都仲好入味，蛋好流心而個蝦條卷好似墨魚丸卷咁樣，冇乜蝦嘅感覺🤔 唔知係比湯底遮咗少少蝦嘅味定點💭可以出面拎紙圈咗食乜先，有位就即刻交💭筷子同口罩套係每枱靠牆嘅位，自己拎

突然間好想食車仔麵，於是拉埋同事叫外賣食🤭因為實在太肚餓啦，所以叫左四餸車仔麵同小食，食飽飽就要繼續工作🥹✾ 四餸車仔麵車仔麵用錫紙碗裝，分湯！今次叫左金牌麻辣汁（小辣）、滷水豬大腸、蘿蔔、時菜（油麥菜）、醬燒豬頸肉同河粉湯底幾鮮味，小辣唔係好辣，下次可以試大辣🤣🤣豬大腸處理得好乾淨，冇異味，滷水味都突出；蘿蔔冇渣，清甜，唔會甜到好假咁；醬燒豬頸肉邊邊位有 Lon 邊，好香脆👍🏻👍🏻河粉係最底，加湯之後攪勻河粉碎曬🥹✾ 脆辣小皮蛋小皮蛋好爽彈，個醬汁香辣惹味👍🏻比麻辣汁小辣仲辣

今次用whatsapp落左單之後過黎拎外賣番去食，去到門口勁多人，最後等左5個字先到手，期間仲有個foodpanda車手等太耐燥底罵間鋪😂😂出餐速度有進步空間😂間鋪頭裝修好復古，用懷舊香港做主題員工態度友善，見到佢地都好努力拎啲外賣出黎，可能真係太多單落order要跟次序，先叫麵底，再叫餸，最後叫湯底今日試佢鮮製油麵，配蘿蔔，豬大腸，雞翼，金牌麻辣湯小辣佢個外賣兜入面係用錫紙？唔知係咪為左保暖，幾得意啲餸好入味，湯底亦夠濃，鮮製油麵真係唔同啲，咬落彈牙不過食得辣既朋友可以叫辣啲，下次我會試下佢中辣

曾幾何時香港喺未興食米線之前，車仔麵可以話係香港人嘅不二之選，任選配料，任選面底。都係佢其中一個好大嘅賣點。老實講啦自從興咗食米線之後，我自己都好耐冇再食車仔麵啦。而呢間三不管亦都開咗一段時間。適逢今日朋友話想食車仔麵。咁就帶佢嚟三不館試吓啦。餐廳行走懷舊風格，好有舊香港嘅味道。我點咗豬手鳳爪牛腩河粉，朋友點咗豬手豬紅大腸油面。先講豬手呀，忟得非常入味，而且冇乜骨。食落充滿淡淡的骨膠原味，牛腩亦都肥瘦均勻，咬到肥膏之外亦都唔會覺得漏。反而鳳爪就比較一般。河粉更加索晒啲湯汁嘅精華。令我食到最後嘅時候感嘆左一句原來已經食晒啦。朋友嘅豬手豬紅大腸油面。同樣地豬手亦都相當出色。豬紅亦都唔會話一夾就散。大腸我就真係唔敢試啦。整體來講三不館係值得再回頭嘅餐廳。有時喺度諗。與其食米線不如食返車仔麵叫做保留返香港舊有嘅特色。

曾經有幻想過，如果要畀我揀開一間食店，首選一定係車仔麵店。富濃厚香港特色嘅車仔麵，源於50年代尚未發展，居民謀生艱難嘅香港。小販以木頭車在街頭設置流動麵檔，以價錢低廉嘅食材，顧客只需便宜價錢，就可以自由配搭一碗心儀麵食，因此多年來都廣受歡迎😋時至今天，已經不再存在街頭流動小販。而車仔麵都已經入舖成為熱門港式美食之一。望落其實簡單，但要煮岀一碗好食嘅車仔麵，由湯底、麵線、食材、預製等工作都不能馬虎，所以真係每道微少，迸發岀偉大😌🍜靚料四餸車仔麵 $➎⓿ 近排發覺大埔呢間車仔麵店，門面光鮮十分吸睛👀所有餸同樣價格任你揀，叫左個4餸車仔麵，每款餸都畀得幾足料🤩嗌左佢推介嘅醬燒豬頸肉又幾爽口、魷魚濃郁咖哩汁味鮮味爽口、午餐肉同紅腸預先煎香食落更滋味🤭麵底揀左佢地推介嘅鮮製油麵，食落的確係零舍有口感。嗌左外賣加1蚊幫你分湯，個外賣兜仲有隔熱塗層，行15分鐘拎到翻屋企食都唔會淋哂凍哂十分抵讚👍🏻濃香沙嗲湯底 +$➏平時食車仔麵都會揀辣汁，今次睇佢order 紙見佢有推介嘅沙嗲湯，真係無推介錯。沙嗲汁濃得好適中，唔會濃到好似火鍋湯底咁又不會太淡。而且見到入面有花生粒，令到湯底更加香，食過翻尋味，值得

平時都會留意吓邊度有啲有質素嘅車仔麵，車仔麵一次過可以嗌幾個餸，啱晒我呢啲貪心嘅人🤭呢間車仔麵喺大埔都開咗一段時間，平時經過都見到好多人堂食外賣排晒隊咁，我同朋友今日都等咗陣先入到去，又肚餓又想食呢間就要預返少少時間😌🤍三餸一麵 $42醬燒豬頸肉，懷舊牛腩、蝦條卷鮮製油麵、牛腩汁今次嗌咗三餸一麵，油麵底食落好彈牙，好好味👍🏻豬頸肉嘅份量同每一片嘅厚度都好足，咬落好juicy🐷牛腩亦都好香，肉質軟腍，好味🐮而蝦條卷都幾驚喜，圓條狀，腐皮包住蝦肉碎嘅餡，有少少台灣風味🦐🤭

搬咗入新界，間唔中都會過去大埔搵食大埔都幾多嘢食但好多餐廳都要等位有時都懶得等今日突然間諗起想食車仔麵去到門口見到一堆人原來好多人都係嗌外賣我哋可以即時入去，好好彩😆舖頭入面嘅裝修都幾特別喺舊香港嘅環境落單就係自己喺紙仔上面圈所有嘢都係自己揀落咗單10分鐘左右，啲嘢食就到豬頸肉豬腸咖喱魷魚(古法麻辣中辣)古法麻辣，味道有少少咖哩咁辣味就無乜，可以香辣少少更好豬頸肉好好食，好香豬腸就普通發揮，都好好食豬頸肉豬腸牛腩（秘製麻辣大辣）呢碗個湯真係夠香夠麻辣揀咗一向嘅至愛粗麵，好好食另外要咗個虎皮尖椒有兩條份量，不過唔辣嘅，較香甜如果係可以辣啲就好好食呢度嘅嘢食物嘅質素都幾好姐姐嘅服務態度都好好👍🏻