影片
更多
2023-09-15
2862 瀏覽
今次去咗食間都幾出名嘅車仔麵🍜，以前好似好多人會慕名而來嚟大埔人食，但宜家佢多咗幾間分店🎉，就好似少咗人專登嚟。不過我嗰日一點幾到，都有好多人喺出面排緊隊。喺出面排緊隊嘅時候，就可以拎點餐紙圈定一陣要食咩。睇張紙嘅時候，見到啲好特別嘅餸，例如鳳爪、咖哩魷魚🦑，呢啲喺酒樓先會見到點心🥟，但就喺車仔麵檔到出現😂，咁我就緊係要試吓啦‼️最後我叫咗 秘制香醬鳳爪 + 咖哩魷魚 + 秘滷雞翼尖 配 鮮製油麵 + 金牌麻辣汁。🍴三餸一麵 $45 8/10嗌完先發現，啲餸全部喺佢個榜「十大必食推介」入面🤩。一上到嚟餸份量都幾多吓，雞翼尖有5隻、鳳爪有2隻、魷魚份量如圖，係食到最後仲有，仲配咗條菜🥬。油麵就同出面食個啲冇乜分別，但唔係間間車仔麵鋪有得叫🥹。佢個金牌麻辣汁🌶️，幾好味、好有層次，唔係香精個啲味，個口係會feel到麻麻地，如果撇開啲辣油咁飲個湯底係甜甜地，清甜嘅感覺，值得一讚嘅係食完唔會頸渴👍🏻。🍴秘制香醬鳳爪 6.5/10本身以為寫住秘制香醬，味道會有特色啲，但就同平時喺酒樓飲茶食到嘅味冇分別，鳳爪唔係特別淋個種嚟。但喺車仔麵到食到都幾特別吓🤣。🍴咖哩魷魚 7.5/10都係平時飲茶食到嘅
喺出面排緊隊嘅時候，就可以拎點餐紙圈定一陣要食咩。睇張紙嘅時候，見到啲好特別嘅餸，例如鳳爪、咖哩魷魚🦑，呢啲喺酒樓先會見到點心🥟，但就喺車仔麵檔到出現😂，咁我就緊係要試吓啦‼️
最後我叫咗 秘制香醬鳳爪 + 咖哩魷魚 + 秘滷雞翼尖 配 鮮製油麵 + 金牌麻辣汁。
🍴三餸一麵 $45 8/10
嗌完先發現，啲餸全部喺佢個榜「十大必食推介」入面🤩。
一上到嚟餸份量都幾多吓，雞翼尖有5隻、鳳爪有2隻、魷魚份量如圖，係食到最後仲有，仲配咗條菜🥬。
油麵就同出面食個啲冇乜分別，但唔係間間車仔麵鋪有得叫🥹。
佢個金牌麻辣汁🌶️，幾好味、好有層次，唔係香精個啲味，個口係會feel到麻麻地，如果撇開啲辣油咁飲個湯底係甜甜地，清甜嘅感覺，值得一讚嘅係食完唔會頸渴👍🏻。
🍴秘制香醬鳳爪 6.5/10
本身以為寫住秘制香醬，味道會有特色啲，但就同平時喺酒樓飲茶食到嘅味冇分別，鳳爪唔係特別淋個種嚟。但喺車仔麵到食到都幾特別吓🤣。
🍴咖哩魷魚 7.5/10
都係平時飲茶食到嘅味，但因為唔係間間酒樓都有得食🥺，所以對於我呢個魷魚愛好者嚟講，喺車仔麵檔到食到，就已經加咗好多分💯。不過佢啲魷魚唔係爽口個款，係偏淋。
🍴秘滷雞翼尖 3/10
Um…. 唔知點解有陣羶味，同埋好多毛🥴，可能係我唔識欣賞啦，因為我係第一次食齋雞翼尖呢個餸，下次應該叫其他餸。
💰 翻兜指數: 8/10
如果我喺大埔諗唔到食咩，應該會食呢間。性價比幾高吓，平時食譚仔叫啲好普通嘅兩餸，都要💲四十幾蚊，呢個啲餸咁特別、份量又多，三餸先$45，如果經過可以一試，但我覺得未到要專程嚟食嘅程度。
張貼
