七福神和食亭

營業中

休息中

這家位於佐敦的日式料理店,地理位置便利,鄰近地鐵站,環境整潔雅致,讓人倍感舒適。這天晚飯時段,特意前來品嚐精緻的日式料理。壽司拼盤(東山)24件,色彩豔麗動人,擺盤精緻入眼。我細細品嚐每一件壽司,每一口都讓人驚喜連連。新鮮的生魚片口感紮實,融化在口中,海味十足。特色的玉子燒鮮嫩柔軟,蘊含濃濃的甘甜,令人難忘。小卷、扇貝等食材的搭配更是絕妙,層次豐富,讓人流連忘返。茶碗蒸,溫潤如玉,散發出淡雅的茶香。我輕輕一口,滑嫩潤滑的口感立即征服了我。細心研製的高湯恰到好處,讓整道菜品香醇滋潤,猶如置身靜謐的茶室。香桃荔枝梳打,清新怡人。汽水的微甜與荔枝果肉的鮮甜交織,恰到好處,既解渴又醒胃。一杯麒麟生啤,清爽順口,恰好搭配這頓日式大餐。

芥末八爪魚首先嚟到前菜，芥末八爪魚真係好驚喜！八爪魚煮得剛好，肉質鮮嫩，咬落去唔會韌，配上少少芥末醬，味道正正好，既有海鮮嘅鮮味，仲有芥末嘅淡淡辛辣，令人食完之後唔禁想再嚐多一啖。火炙壽司接住嚟係火炙壽司，先講講火炙三文魚腩。表面微微焦香，肉質肥美，入口即化，煙燻味同海味完美結合，實在係一口接一口，停唔落嚟。而火炙左口魚裙邊則係另一番風味，魚肉鮮甜，火炙後更加凸顯咗魚肉嘅鮮香，口感層次豐富，令人印象深刻。八品刺身盛合最後嚟到八品刺身盛合，真係好滿足！海膽、八爪魚、帶子、北寄貝、三文魚、季節魚、油甘魚同甘蝦，每一樣都新鮮得出奇。海膽滑溜，帶子彈牙，三文魚的油脂分佈得恰到好處，北寄貝味道清甜，甘蝦更是鮮美無比，簡直係食海鮮嘅最佳體驗！

我哋見呢間餐廳喺OpenRice有好多笑哈哈，加上Menu嘅相影得幾吸引，於是一心諗住入嚟試吓佢，點知食完好失望！！首先嗌咗佢個鰻魚炒飯($90)，味道還好。之後嗌咗佢個串燒拼盤($108)同幾串串燒，完全唔合格。完全唔似燒過既感覺皮燒得唔夠乾身，肉又鞋，重點係完全無味，唔知食緊乜咁，求其一間串燒店都好食過佢。最後嗌咗個刺身盛($208)，上到枱份量少得可憐。冰多過刺身，得中間幾片仔刺身。尤其深海池魚，得半片同薄到透光。完全覺得比人揾笨。相都廢事影！成餐最後食左$500左右，食咗個空虛咁，完全唔飽。店員又有啲奇怪以後唔會再去

西京燒銀雪魚個個都話去旅行，唔通個個都有錢去旅行咩？去唔到日本旅行，就揀左佐敦地鐵站旁#七福神和食亭 ，睇睇價錢系尖沙咀區相對便宜，即使平日晚上光顧，亦旺場！ ✅少爺啤$55.00啤酒表面有一層似雪糕既泡沫，入口凍冰冰夠曬涼快。✅西京燒銀雪魚$178.00心水推薦，用心製作，肉質肥美嫩滑，沒魚腥味，入口即溶，點埋沙律醬熱辣辣勁好食。✅大板燒醬油豚肉炒麵$90.00賣相幾靚，成個大板燒嘅模樣，撈起酸甜醬嚟食，增加了口感，炒麵唔乾，啲蔬菜同豚肉亦好爽脆。味道好豐富。✅脆皮煎餃子60.00有薄薄一層煎膜的，外皮煎至金黃，入口香脆。再沾汁帶微酸味，幾惹味。✅海膽蟹肉茶碗蒸$38.00拎上手熱呼呼，入口滑溜溜，蟹肉夠晒足料，海膽夠鮮味，口感很豐富，都頗有驚喜。✅牛油焗帶子$88.00被鐵板燒到兩邊都金黃色，帶子新鮮肥美，大粒彈牙，亦掛住濃香牛油味。✅三文魚壽司（特長）$35.00 & 池魚壽司$48.00 & 火灸三文魚腩壽司$40.00池魚肉色透明潔白，十分肥美，而三文魚切片薄身，長度比壽司飯還要長，再加了芥茉，味覺超滿足!✅麻辣風溫泉旦冷豆腐$45.00✅柚子生忌廉吉士芭菲$58.00軟雪糕

今日放工老公帶左我到日式餐廳食晚飯。我之前都食過，覺得幾高質。餐廳環境闊落，有卡位，坐得幾舒服。食物主要有刺身、小食、炸物、牛排同麵類等主食。1三文魚刺身刺身切得好厚，好新鮮，色澤好靚。三文魚食落肥美，有點油香。2墨魚咀唐揚炸墨魚咀外皮好香脆，香噴噴，墨魚咀有咬口。3芝麻雞翼芝麻雞翼表面有微微炸過，帶少少脆。雞肉好滑，好juicy。表面嘅芝麻好香口。4海膽蟹肉茶碗蒸茶碗蒸好滑，有濃濃嘅高湯位。另外，仲配有海膽同蟹肉，兩者都好新鮮，令茶碗蒸更鮮甜。5鹿兒島鰻魚飯糰(一本)鰻魚好大條好足料，魚肉好香，配搭上甜甜嘅醬汁真係好滋味。6綱燒牛扒牛扒大大塊，都幾厚，燒得好香好惹味。牛排肉質軟淋，帶有肉汁。7芝士焗天火蠔(1隻)熟蠔表面佈滿好多芝士，充滿奶香，仲會拉絲～ 蠔肉好鮮甜，脹卜卜。8石鍋香辣海鮮手打烏冬 烏冬配料有蝦、青口、蜆、带子、蟹柳，材料豐富新鮮。手打烏冬好彈牙，好滑。湯底辣辣地，幾惹味。9生忌廉吉士銅鑼燒最後甜品我地食左餐廳較少見嘅銅鑼燒。Pancake皮充滿蛋香，吉士醬好滑。另外仲有士多啤梨同紅豆蓉作配搭。

週未假，約了喜歡吃日本野的朋友飯聚，之前行過見到這間樓梯裝飾特別，看了梯上食物介紹吸引，決定午餐在這間吃，裝修好有日本感，看了一會餐牌叫了二人前A-蜆肉味噌湯  味噌本有甘甜味，配上了蜆肉，多一份清香鮮甜味，增添湯味感二人前A-刺身三品盛盒  (三文魚，季節魚，甘蝦)  另叫-海膽刺身 (1板)三文魚同季節魚有厚度，彈滑爽口，好新鮮海水魚鮮味，蝦厚身，爽滑彈牙，好新鮮海水蝦鮮味，配有飯糰，好香飯味，海膽好滑身，濃鮮海膽鮮味，放入紫菜吃，另一種口感   二人前A-清泉蛋慢煮雞沙律 (2款任選一款)  蛋身特別嫩滑，好鮮蛋香味，厚片雞肉身，特别軟霖爽滑，雞味鮮香，沙律好新鮮鮮菜鮮味，爽脆身二人前A-煎雞扒  原本係和風磯燒漢堡扒，我們都不吃牛，餐廳細心同我們轉了雞，煎過雞身，肉質脆滑嫩口，濃鮮香雞味二人前A-香川鹽燒鯖魚  少見魚質感，烤過魚脆身，肉味好嫩滑爽口，放了鹽烤過魚有另一種獨特魚鮮香味二人前A-和風珍珠拼盤  海哲，條條幼滑爽口脆身，螺肉細細粒，彈牙爽脆，海哲同螺肉好鮮海鮮鮮味二人前A-醬燒豬軟骨湯拉麵 （2款任選一款)  麵身幼滑爽口，豬軟骨軟霖，一口嘴嚼到，濃郁醬燒香味同豬香

開業18年嘅和食居酒屋，每樣都大份抵食，啱哂同屋企人或者朋友一齊嚟食多幾款🤣 .嚟到必食嘅巨型蟹籽沙律，份量十足爽口，4個人都食唔晒🤣 大過塊面嘅吉列大雞扒炸到外脆內juicy，啖啖肉🤤清酒煮蜆大大隻，加入指天椒🌶️ 微辣，連湯飲都得！刺身款款鮮美，拼盆仲有半板海膽真係超抵食🤓.鰻魚西京燒串都係好大串勁厚肉！蟹味噌甲羅燒勁濃，配鱈魚干食，而且份量俾得好足😋咩都想試就最啱嗌個串燒拼盤share，有齊雞翼、金菇牛肉卷等5款串燒，火候掌握得好好👍🏻最啱嗌番杯啤酒🍻.蟹籽沙律 細$60 大$72八品刺身盛盒 $468麻辣風吉列大雞扒配他他醬 $88鰻魚西京燒串 一本$68清酒煮海蜆 $95串燒拼盤 $108蟹味噌甲羅燒 $68生忌廉吉士銅鑼燒餅 $45

今晚同朋友去咗一間佐敦的居酒屋，就在佐敦站行1分鐘，交通方便。店內以卡位為主坐得舒服，以木係為主調，有好多日式佈置，可見心思。柚子胡椒豚肉炒野菜清清地炒椰菜，豚肉份量多，加咗柚子胡椒提升味道。鐵板牛柳粒粒憢用鐵板上枱，保證熱辣辣，，牛柳粒整得好鬆化，又不失口感。西京燒銀雪魚煎得好香口，有少許燶邊，銀鱈魚肉質軟綿。芝士焗蠔加咗芝士增添嘢味，新鮮焗起熱辣辣，蠔超大隻，芝士冚不住鮮味。味噌甲羅燒雖然加咗味噌，唔會太鹹，配咗紫菜飯一齊食，互相中和。石鍋燒香蒜牛肉飯石鍋上熱辣辣，飯焦十分惹味，牛肉份量多，醬汁惹味，混合一起吃，非常惹味。生忌廉吉士銅鑼燒店主推介，QQ彈彈，賣相可愛，銅鑼燒軟綿綿中間加咗吉士醬，但唔會太甜太漏。楓糖蕨餅楓糖漿分開上，可以自行決定甜度，蕨餅煙靭Q彈。綠茶雪糕綠茶味濃郁，我會同其他甜品一齊食，超好味。非常滿足的一餐。

由朋友介紹到而家過開來 佐敦油麻地都一定會食嘅七福神和食亭， 都認識了他們超過三四年， 難能可貴的是無論服務和食物質素都依然保持如初， 值得推介。感觸的說話講完了，都係講返食物:刺身拼盤(4號)拼盤包括了海膽， 甘蝦，三文魚，黑鯛和帶子。 主角當然係半板海膽啦， 味道非常濃滑甘香， 不是說笑，因為剛剛到過日本旅行， 到個魚市場，覺得這裏的海膽比當地的有個過之而無不及。 其他刺身都新鮮到帶有海鮮甜味，正！ 網燒牛扒 刀切下去一刻已經知道非常軟淋多汁， 牛味非常香濃， 配搭日式燒汁 好搭配。 鹿兒島鰻魚飯團 一早已經知這裏的鰻魚非常出色， 為咗試多幾款食物，所以今次冇叫鰻魚飯，叫了這個飯團頂癮， 鰻魚表面香脆內裏軟綿，真係好正呀！ 脆皮煎餃子香脆的羽根皮下藏著多件肉汁鮮甜的餃子， 兩者 夾起來一次個放入口， 外脆內軟的完美演繹。 石鍋香辣海鮮手打烏冬 石鍋用料十足，當中包括大蝦，帶子，蜆，青口等， 全部新鮮而且辣汁滲曬入去， 鮮甜香辣。 烏冬係屬於比較幼身，有點像讚岐烏冬， 可能手打關係，零舍滑身同埋彈牙。今次叫的兩杯飲品荔枝香桃梳打和芒果活乳酸沙冰 都非常醒神， 非常適合 夏天， 冰凍香

今晚約咗朋友喺佐敦行街 同朋友行到大概19:30左右見到有間喺裕華國貨 隔離條巷仔 食日本嘢嘅 見到個Menu價錢唔會太貴 餐廳名叫做#七福神所以上一樓入去試吓 入到去餐廳都幾大 幾光猛 有卡位 🌸嗌左個刺身（刺身盛3號）有帶子 三文魚 深海池魚 活赤背 黑鯛 - 刺身好新鮮 有鮮味 黑鯛口感好特別🌸清酒煮海蜆🌸七味魷魚🦑🌸蟹子沙律🥗🌸鹿兒島鰻魚飯團🍙呢個飯團好好味 鰻魚好厚身 夾埋個醬汁飯團 😋😋👍🏻🌸信州蘋果梳打🌸芒果活乳酸沙冰🌸柚子生忌廉吉士芭菲

今日和朋友慶生，我揀了佐敦七福神和食亭，簡單、好吃又實惠😍。內裏裝修簡潔，我今日早到有窗口式卡座🤭。Kirin 泡沫啤酒面層是沙冰泡沫，認真消暑解渴 👍三文魚腩刺身（4切）甘蝦刺身（5本）厚切三文魚腩，顏色鮮艷、魚帶點點油花，細滑無筋。新鮮甜蝦，一口一隻，爽🤭綱燒牛扒充滿濃郁牛味，調味、保持肉汁都剛剛好，而且份量十足👍蟹籽沙律 * 小店員上菜的時候，我們異口同聲是否搞錯了，我們點的是小份，送上來的居然大大碟😍，店員回覆真的沒錯，滿滿的沙律菜、青瓜絲、蟹籽.. ，真的兩個人都好難食得晒。🤭🤭蟹味噌甲羅燒蟹殼內滿滿的蟹膏，烤過後香氣不斷湧出，鹹香蟹膏搭配夾餅送食，真係絕配。柚子生忌廉吉士芭菲不愧為人氣之選，豐富配搭，真的要啟動另一個甜品消化系統😋😋充滿愉快、滿足、笑聲的一晚😂😂😋👍

之前有朋友食過覺得抵食，今晚就同我的他嚟試吓😋今晚我倆都好肚餓，所以叫咗好多款試吓😍雜錦魚生冷麵沙律$80。上到枱，已覺得，嘩乜咁大碟，好多魚生刺身、青瓜配料，加埋芝麻醬嘅冷麵，魚生好新鮮，令我倆好開胃🤤忌廉蟹肉餅$52。做乜份量都咁大，竟然有4件，開始有啲擔心食唔晒🤣嘩！蟹肉餅係即炸，超酥脆、熱辣辣，好多餡漲卜卜👍鮮柑結青提子梳打$38、柚子檸蜜$22。天氣咁熱點都點返啲清新凍冰冰飲品refresh吓🥰網燒牛扒$138。點咗5成熟，真係夠生👍個牛好有味，又唔會過靭，同埋好大塊😋所以係抵食😋蟹味噜甲羅燒（鱈魚干) $68。呢個極力推介喎，蟹糕份量好多，好香，配上脆脆嘅鱈魚干好夾，純味覺享受🥰海膽海鮮炒黃金飯$120。他今天好肚餓，以為日式料理都唔會太大份，所以點咗2個飯，但呢個一上枱，好大碟🤣但呢個飯超香，加上鮮味鰻魚大大粒有口感，令我不其然地食晒🤣石鍋蒜香牛肉飯$85。又嚟多個飯，石鍋令到飯有焦香，脆脆飯焦加上香濃日式照燒牛肉，太享受了😎柚子生忌廉吉士芭菲$58。無錯，甜品係另一個胃，呢款唔錯，上面柚子味雪糕酸酸的又令我倆開胃返🤣吉士質感好好，濃得嚟好香滑又唔會過甜👍生忌廉吉士銅鑼燒

呢間居酒屋之前都有食過，中意佢坐得舒服，同埋食物款式好多，刺身、小食、串燒、主食都有好多選擇，而且價錢都實惠，所以同朋友又相約收工黎呢間食飯😎刺身盛- 海膽半板・三文魚・黒鯛・甘蝦・帶子刺身種類好齊全，我地呢個刺身盛全部都好新鮮👍🏻甘蝦同帶子都好鮮甜！重有飯團同紫菜配埋一齊食👍🏻酒盗七味魷魚見到佢寫新推出就試下🙆🏻‍♀️魷魚煮得剛好，好易咬到。七味粉都好夾，帶到魷魚鮮味😋雞泡魚乾居酒屋必食！好香口，又甜甜地，食幾多都唔會膩😛鹿兒島鰻魚飯團鰻魚都幾大份。飯團有用醬油煮，同燒左一燒，所以好香口，一啲都唔單調🙆🏻‍♀️甲羅燒配鱈魚片煮香左既蟹膏配上鱈魚片，鮮上加鮮😆鰻魚西京燒串燒得好香，鰻魚都好爽口，用西京燒方法都好夾👍🏻雞翼一客有兩串，一共4隻😋燒完外皮好香脆，但雞肉肉汁重保留到😋牛舌燒得剛剛好，爽口，牛味又夠濃😋