七福神和食亭

營業中

休息中

記得多年前在補習中心時工作，和前同事都食過set lunch 。今次在附近做完野後，同老公食晚餐，都依然好抵食又好好食。東山壽司拼盤 24件好有份量的壽司拼盤，非常豐富。有赤貝，油甘魚 深海池魚 口感清爽有吞拿魚，竟然有鮟鱇魚肝軍艦，油脂柔嫩香醇三文魚有6件，都算肥美， 有鮮甜的帶子，蛋味濃的玉子蛋金龍蝦反卷的炸蝦勁有口感。芝麻雞翼原來是雞中翼連翼尖，炸雞皮炸至金黃，雞肉嫩滑，灑上白芝麻，非常惹味又脆口。網燒牛扒牛扒燒至微焦，肉色嫩紅，肉味香濃，可以伴以炸蒜片進食，仲有新鮮沙律菜，味道唔錯。芝士焗天火蠔有3隻，蠔身飽滿，面層有很多香濃的芝士，熱辣辣，勁惹味又鮮甜。少爺生啤生啤很清爽，麥味淡淡的，上層仲有啤酒沙冰，使啤酒保持冰凍的口感。香桃生薑梳打生薑微酸帶些甜辣，香桃味比較淡，飲起來覺得很清爽。