一起食堂 (威利廣場)

營業中

休息中

之前經過見到幾吸引，但因為未開所以無食到。今日同朋友專程到訪位於觀塘工業區嘅一起食堂，餐廳座位闊落舒適，主打台灣料理。古早滷水拼盤 $68台式料理點少得滷水拼盤，有牛𦟌、雞翼、豬耳及滷水蛋，煮得好入味，牛𦟌肉厚軟腍👍🏻花雕麻油雞湯麵 $78藥膳雞湯加少許麻油更香濃，飲第一啖湯已有少許酒香味，旁邊仲送上一小杯花雕酒俾客人自行加添，喜愛酒香人士啱晒，雞卷好抵讚，肉質好嫩滑👍🏻鰻魚飯 $98鰻魚肉嫩肥美，仲附有溫泉蛋，蛋黃加鰻魚汁拌飯好美味，不過鰻魚汁多啲就更好喇😁仙草奶茶 $24愛玉荔枝綠茶 $24可選甜度，無糖/半糖/正常，半糖比起出面台飲店偏低甜度，下次選正常會開心啲😆

今日我同事帶咗我去近觀塘碼頭一間台式餐廳食晚飯，平日晚市時段過嚟好彩唔洗等位，但見到好多人買外賣！餐廳裝修偏復古風，牆上仲掛咗台灣電影海報，深色系木枱木凳企理乾淨，員工超友善又talkative，用餐氣氛輕鬆！肉燥貢丸湯米粉＋鹽酥雞（$68）見到有米粉當然要點，肉燥嘅油香鹹香撈埋落煮到剛好嘅米粉，香菇貢丸肉味香濃，鹽酥雞炸到好香口，如果有更多鹽酥粉應該更惹味！肉燥花枝丸湯米粉＋鹽酥雞（$68）呢碗份量感覺更多，湯底比較清，香蔥增加香氣，大大粒花枝丸彈牙，仲要配埋鹽酥雞，幾抵食。府城蝦卷（$28）呢款小食幾有驚喜，薄薄豆皮皮包住彈牙鮮甜魚漿同蝦肉，炸到外皮香脆，肉餡口感豐富食落好過癮！滷牛腱（$38）份量幾多，厚切牛腱每塊都軟嫩入味，送米粉或者麵食都別有一番滋味！燙青菜（$24）今次食咗清燙油麥菜加上蒜粒，口感爽脆帶微甘。愛玉鳳梨綠茶（$24）綠茶夠香夠濃，飲落回甘，香甜鳳梨汁，特別加入愛玉增加口感！黑糖薑母茶（$18）冬天飲返杯足料黑糖薑母茶，驅寒暖身又暖心，女士必點！芋圓燒仙草（$32）呢度仲有台式甜品供應，超大碗燒仙草加上煙韌芋圓，兩個人share夠曬滿足！

觀塘美食多, 今晚就到左呢間#一起食堂 ，餐廳地方大設計得很精緻，卡位坐得很舒適。點左2個主食同埋小食大家分享，分別是花雕麻油雞湯麵, 雞卷調味得很好, 肉汁豐富且嫩滑，花菇厚身兼煮得入味, 湯內有紅棗，桂圓同杞子，飲落感覺滋補，花雕酒香配藥膳口味很夾，烏冬麵質煙韌，推介👍👍。黑糖豬軟骨飯，配上清湯、青菜🥬跟流心蛋。黑糖豬軟骨煮到剛好，唔會硬又不會過淋，軟骨有咬口， 將流心蛋跟米飯拌在一起食很美味可口。麻辣豬耳， 這是老友至愛， 我本身是不吃的，但見個樣都唔錯，就試左一舊，麻香味濃，豬耳爽口，都唔錯啊！肉燥燙青菜🥬，燥肉半肥瘦不覺油膩，醬汁配合青菜味道剛好。老友點左熱仙草奶茶☕️，說都很爽滑好飲。飲品選了愛玉鳳梨綠茶，味道清新唔會太甜，愛玉口柔滑很爽口。芋圓燒仙草凍，芋圓口感Q彈又軟糯，仙草凍味道清新不會太甜☺️。

沿開源道直行到差不多尾段，比較近海濱公園，食飽可以去散步。🔸豆乳雞烏龍麵 $78少見既湯底‼️呈奶白色，中間有絲絲腐竹，飲落順滑。雞卷厚切，皮薄肉滑，中間帶脂肪位，咬落軟嫩。🔸花雕麻油雞湯麵 $78 ‼️推薦‼️好岩冬天食‼️ 另湯底加入唔少藥材去煮， 如：杞子、桂圓同紅棗，但飲落唔會好苦。另附上一杯花雕酒，花雕加麻油就係香氣十足，飲落滋潤暖胃。麵底同樣係烏龍麵。🔸酥炸地瓜條 $38 ‼️推薦‼️有別一般美式蕃薯條，比較挺身帶脆。台式炸法令炸衣酥脆而且薄，入面好似變左蕃薯蓉咁，入口即溶。🔸府城蝦卷 $28黃豆外皮卜卜脆，饀料魚漿軟彈，證明冇加好多麵粉，但如果可以比多條就好🥹🔸芋圓燒仙草 $32都幾大碗，兩人都夠分。煮熱仙草到快溶狀態，飲落温暖甘甜。芋圓份量多，超級煙靭😂最中意芋頭味，食到芋頭顆粒，原材料味道較出。🔸黑糖薑母茶 （熱）$18薑味適中，容易人口，仲加入桂圓去煲，又係冬天必飲。🔸仙草冬瓜茶（凍） $24仙草佔左三分一杯🤤冬瓜茶唔會過甜，仲要成杯冇冰，只係雪凍，勁抵飲。

禮拜日約咗好耐冇見嘅中同，我哋嚟到觀塘揀咗呢間台灣餐廳食嗰dinner~呢間餐廳幾出名~黑糖薑母茶好適合冬天飲嘅薑母茶，好暖胃，甜甜地又唔會覺得辣，幾好飲台灣腸我哋好鍾意食台灣腸，一碟切成一片片嘅台灣腸，食落好香，鹹鹹地，仲有啲蒜頭🧄呢個配搭幾正滷味拼盤大碟滷味拼盤，有豬耳，滷水雞翼同牛展肉，好大塊嘅牛展肉，食落幾香，滷水豬耳食落煙煙韌韌，幾爽口，雞翼同樣都好好味😋豆乳雞烏龍麵好特別嘅烏龍麵，豆乳味有啲creamy嘅感覺，湯汁幾濃郁，烏龍麵好爽口～幾鍾意佢嘅質感餐廳嘅職員超級好人！服務周到，好Nice好friendly，嘢食又好味😋幾值得嚟試吓～

【一起食堂】是良心餐廳，主打台日式便當，在中環和觀塘皆有分店。是日到觀塘看傢俱，順道來威利廣場店支持一下。紅燒三寶牛肉麵 ($88)有牛丸、牛𦟌、牛筋、紅蘿蔔、白蘿蔔和小棠菜非常豐富。牛筋滷得入味，牛𦟌炆至軟腍，牛丸彈牙。紅燒湯底微微辣度，麵底用上烏龍麵掛湯力強。三杯雞飯 ($68)是冬日限定系列，三杯雞醬汁偏紅橙有點像咕嚕雞球，酒味和麻香不算重，雖然和心目中的三杯雞有些分別，但味道倒也不俗。飯麵定食包括三款前菜，中華沙律、一口紫甜番薯及蕨餅，很有日式風味。府城蝦卷 ($28)蝦滑及魚滑以豆皮包裹，外皮炸得香脆，咬下還吃到馬蹄粒。烤台灣香腸 ($28)預先切成8片方便食用，夾著蒜片吃特別滋味。酥炸地瓜條 ($38)粉漿薄薄一層，炸得金黃酥脆，內裡香甜綿密，放得久了也不易變淋。燙青菜 ($24)用上油麥菜，翠綠爽口，加上炸蒜更加香口。珍珠奶茶 ($24)可自選冰度和甜度，珍珠Q彈，如果茶味可以濃郁些，定更美味。

係觀塘同同事食lunch幾推介呢間台灣小店，選擇多又唔貴，不過lunch Time就要等下位😭。主食60-70蚊左右都有交易，幾鍾意佢個「豆乳雞烏龍麵 $78」帶香濃豆味既奶白色湯底，清清地又好清新。烏龍麵彈牙爽口，豆乳雞係雞卷，爽爽地幾特別。。小食類都幾抵食架，好似「鹽酥雞 $38」份量多又酥脆；「古早滷水拼盤 $68」有雞翼、蛋、豬耳、牛展，入味夠淋。「肉燥燙青菜 $28」青菜好嫩，配半肥肉燥好惹味。「炸花枝丸 $38」脆口Q彈。。主食加配$24以下飲品只需加$12，加左杯珍珠奶茶🧋都唔錯，茶底濃珍珠QQ。冷泡四季春茶就比較淡味啲。。個甜品都好鬼抵食「迷你芋圓仙草凍」+$12 蚊就有，話就話迷你，但都好足料，有齊3種款芋圓，又有仙草。

近排過嚟觀塘整身份證，見到呢間一起食堂個Menu好吸引，於是入咗去食🤩餐廳空間感十足，而且上菜速度好快，價錢又唔貴，整體嚟講食得好開心❤️麻辣雞肉乾拌麵微微地辣，大部份人應該都接受到，而且拌麵質地嫩滑，配搭埋紮實嘅雞肉，越食越上癮😋豆乳雞烏龍麵都係我第一次試，湯底豆乳味非常之濃郁，而且飲落口好滑身，雞件又夠大件紮實，配搭埋烏龍麵☺️古早滷水拼盤款式多樣，所以叫咗，最鍾意牛腱，老得好入味，而且肉質一啲都唔老，雞翼都好唔錯，呢個小食要叫一碟滿足到四個滷水餸👍🏻愛玉荔枝綠茶同埋愛玉鳳梨綠茶兩杯都好refreshing，甜甜地，又有啲愛下可以咬下，好解膩🥰

發現觀塘一間台式小店，食物質素唔錯，服務幾好，座位充足～木系裝修同黃燈比人一種好溫暖嘅感覺～原條鰻魚飯 $118原條鰻魚好長一條，魚肉軟嫩多汁，仲配有一隻溫泉蛋，有蛋汁同鰻魚汁撈飯好正😍 古早滷水拼盆 $684款滷味分別係牛展，雞蛋，豬耳，雞翼，都好入味好香滷水味🧡燙青菜 $24青菜冇落太多調味料👍🏻 味道清淡好健康👍🏻日式咖喱唐揚雞飯$68炸雞粒外脆內多汁，配日式咖喱係天作之合😍黑糖薑母茶（熱）$18個底有好多薑絲好足料，天氣凍飲完暖粒粒🥰

朋友喺觀塘收工，話聽同事介紹所以一早對呢間餐廳好有興趣，呢日就約埋我過來呢邊試一試。餐廳裝修主要用木同埋燈籠為主，非常有台灣特色。花雕麻油雞湯麵（＄78）：花雕係另外自己倒入湯裡面，鍾意落幾多都可以自己控制，湯底聞落去有麻油味，飲落去有花雕嘅香味，湯底亦有紅棗。雞肉係卷身，而且係雞髀，本身亦有用花雕去調味，好入味，而且肉質非常嫩滑，誠意之作。紅燒三寶牛肉麵（＄88）：有牛腱，牛肋條同牛丸，份量好多好抵食，牛丸好juicy,咬開望到一粒粒嘅有牛筋，亦都好彈牙。牛肋條同牛腱都好入味，啖啖肉，牛味豐富。鹽酥雞（＄38）：份量好多，而且炸得非常脆口燙青菜（＄24）：呢碟係油麥菜，雖然係寫燙，但並唔係就咁白烚，都加左例如蝦乾去調味，非常有誠意，菜亦都好新鮮。府城蝦卷（＄28）：這道蝦卷非常有驚喜，不得不讚，皮炸得非常酥脆，用筷子夾的時候直情聽到脆口嘅聲響，而且蝦肉亦都夾雜左馬蹄增加口感。珍珠奶茶（＄24）：朋友揀左少甜，茶嘅比例較多，能夠飲到茶香，珍珠都好Q彈。黑糖薑母茶（＄18）：呢排天氣凍，飲呢個就啱哂，甜味適中，薑味偏重，飲完暖笠笠。呢間餐廳唔貴，環境舒服，職員服務良好，而且食物質素高。臨

佢嘅環境好靚，上面有好多唔同燈籠比人有一個台式嘅感覺.今次小編叫咗❇️花雕麻油雞湯麵 花雕麻油雞嘅花雕味唔係太重，但係都食得出有酒味而食落仲有一陣香香嘅麻油味啲雞都幾滑.❇️花枝丸肉燥粉本身跟餐會送三個小食，綠茶糕，中華沙律，小番薯小編幾欣賞綠茶甜品，食完之後好滿足湯麵個湯好濃郁，但係湯就比較少，麵嘅份量好足.❇️小鹽酥雞鹽酥雞外脆內丸.❇️珍珠奶茶唔推介大家飲珍珠奶茶，比較冇茶味叫完少甜之後，好似飲緊牛奶咁

今日母親大人懶懶地冇煮飯黎接我收工一齊食，我地近近地搵左間評價唔錯號平民餐飯試試。餐廳係觀塘廣場一直向海濱走，走到最尾果條街就見倒。餐牌種類有大部分都係台式料理，少部份係日式。原條蒲燒鰻魚飯 - 原條嘅鰻魚我諗冇咩人可以拒絕！傳統燒汁鰻魚嘅味道，配搭半熟溫泉蛋，十分滋味！鹽酥雞 - 好大一盤好抵食！岩岩炸起熱辣辣好酥脆，食個唔停口。麻辣香滷豬耳朵 - 唔係超辣嘅調味，香香辣辣咁，軟骨爽脆，送飯一流。芋圓仙草凍-裡面有紅豆、仙草、芋圓，份量好大，兩個人都夠食，性價比高！

一起食堂 (威利廣場) (觀塘)觀塘開源道48號威利廣場地下G5號舖喺觀塘開完會，親愛嘅同事去食飯，冇得去台灣，唯有食台灣嘢望梅止渴。肉燥貢丸湯米粉68＋鹽酥雞肉燥夠多，貢丸夠彈牙，湯米粉咸味剛剛好，米粉，又唔會太飽，咁就可以食更多小食啦。蝦膏豚肉櫻花蝦麵 78蝦膏味香濃，豚肉細滑，櫻花翠翠，令到口感非常豐富，烏冬麵質彈牙爽口炸花枝丸（4粒） 38炸得外脆內軟，爽口彈牙，就係夜市嘅味道，一啖一粒，好快清晒啦。珍珠奶茶🧋 24食台灣嘢必飲，毫無懸念，珍珠都係好彈牙嘅，珍珠甜已經足夠令奶茶跟住甜。冷泡白桃烏龍茶（冷） 24清香嘅白桃烏龍茶係燒製嘅。四季春茶（熱）18喺呢度坐得實在太舒服，吹水吹耐左要調多杯嘢飲🧃冬天到飲番杯熱嘢，都好養生。

今日去觀塘揾friend食飯近觀塘碼頭有間一起食堂台日式便當企企理地方唔算大，觀塘返工朋友lunch相信都係一個好選擇紅燒牛肉麵~兩大舊好入味嘅紅蘿蔔同白蘿蔔幾件大大件牛肉同小棠菜重點係個麵質好滑又Q彈👍😋黑糖豬軟骨飯~豬軟骨入口即溶充滿膠質好味👍重有一隻流心蛋撈飯😋古早滷水拼盤~牛腱,雞異,豬耳,滷蛋全部都好入味一次可以試齊👍😄愛玉鳳梨綠茶~香濃綠茶味配上滑溜溜嘅愛玉👍熱芋圓燒仙草~芋圓夠QQ不過仙草底稍甜少少凍食就應該會好好多

整體食物味道都夠哂地道，可以解決一下想念台灣食物既思鄉之情🤣，職員服務態度超級好👍🏻，勁Nice勁親切友善🥰古早滷水拼盆 $68有牛腱、雞翼、豬耳同滷蛋，每一樣食物都滷得勁勁勁勁入味，好似由細到大都浸住滷水汁長大咁，牛腱勁厚身，啖啖肉既口感，仲勁軟腍入味，雞翼又係，入味嫩滑得黎仲有雞肉肉質應有有既咬口，整體滷水都非常出色😋😋肉燥貢丸湯米粉＋鹽酥雞 $68米粉份量都好多下，肉燥半肥瘦，口感味道都好夠味，貢丸味道非常好，咬入口咀嚼幾下會有回香味出，仲鹽酥雞都非常嫩滑多汁，配菜都唔會hea，有枝豆、小蕃薯同小麻糬，味道都完全有相應既水準🤩日式咖喱豬扒飯 $68🍛咖哩味道好正宗日式，味道偏甜甜地咁，好好送飯，豬扒炸得好脆香，炸物都非常出色，配菜除左枝豆，小番薯同小麻糬外，仲有一碗勁清甜既湯，0味精感👍🏻👍🏻燙青菜🥬 $24吉列炸蠔（4件）$48炸粉唔厚身，入面既蠔肉都大大粒，仲勁有水粉好juicy，炸得真係外脆內軟，完全無油感，都好好食🤤⭐️午市升級組合(只限11:30-15:00)＋$12 仲可以自選$25以下飲品凍 愛玉荔枝綠茶 +$12荔枝味果香味十足，綠茶🍵更加襯托得整體味道更加清香凍