影片
更多
2022-12-10
293 瀏覽
朋友喺觀塘收工，話聽同事介紹所以一早對呢間餐廳好有興趣，呢日就約埋我過來呢邊試一試。餐廳裝修主要用木同埋燈籠為主，非常有台灣特色。花雕麻油雞湯麵（＄78）：花雕係另外自己倒入湯裡面，鍾意落幾多都可以自己控制，湯底聞落去有麻油味，飲落去有花雕嘅香味，湯底亦有紅棗。雞肉係卷身，而且係雞髀，本身亦有用花雕去調味，好入味，而且肉質非常嫩滑，誠意之作。紅燒三寶牛肉麵（＄88）：有牛腱，牛肋條同牛丸，份量好多好抵食，牛丸好juicy,咬開望到一粒粒嘅有牛筋，亦都好彈牙。牛肋條同牛腱都好入味，啖啖肉，牛味豐富。鹽酥雞（＄38）：份量好多，而且炸得非常脆口燙青菜（＄24）：呢碟係油麥菜，雖然係寫燙，但並唔係就咁白烚，都加左例如蝦乾去調味，非常有誠意，菜亦都好新鮮。府城蝦卷（＄28）：這道蝦卷非常有驚喜，不得不讚，皮炸得非常酥脆，用筷子夾的時候直情聽到脆口嘅聲響，而且蝦肉亦都夾雜左馬蹄增加口感。珍珠奶茶（＄24）：朋友揀左少甜，茶嘅比例較多，能夠飲到茶香，珍珠都好Q彈。黑糖薑母茶（＄18）：呢排天氣凍，飲呢個就啱哂，甜味適中，薑味偏重，飲完暖笠笠。呢間餐廳唔貴，環境舒服，職員服務良好，而且食物質素高。臨
花雕麻油雞湯麵（＄78）：
花雕係另外自己倒入湯裡面，鍾意落幾多都可以自己控制，湯底聞落去有麻油味，飲落去有花雕嘅香味，湯底亦有紅棗。雞肉係卷身，而且係雞髀，本身亦有用花雕去調味，好入味，而且肉質非常嫩滑，誠意之作。
紅燒三寶牛肉麵（＄88）：
有牛腱，牛肋條同牛丸，份量好多好抵食，牛丸好juicy,咬開望到一粒粒嘅有牛筋，亦都好彈牙。
牛肋條同牛腱都好入味，啖啖肉，牛味豐富。
鹽酥雞（＄38）：
份量好多，而且炸得非常脆口
燙青菜（＄24）：
呢碟係油麥菜，雖然係寫燙，但並唔係就咁白烚，都加左例如蝦乾去調味，非常有誠意，菜亦都好新鮮。
府城蝦卷（＄28）：
這道蝦卷非常有驚喜，不得不讚，皮炸得非常酥脆，用筷子夾的時候直情聽到脆口嘅聲響，而且蝦肉亦都夾雜左馬蹄增加口感。
珍珠奶茶（＄24）：
朋友揀左少甜，茶嘅比例較多，能夠飲到茶香，珍珠都好Q彈。
黑糖薑母茶（＄18）：
呢排天氣凍，飲呢個就啱哂，甜味適中，薑味偏重，飲完暖笠笠。
呢間餐廳唔貴，環境舒服，職員服務良好，而且食物質素高。臨走前職員比左優惠券我地，我地都打算下次會回頭再吃。觀塘小店果然多，用心發掘必定能找到美食。
張貼
