一起食堂 (域多利皇后街)

營業中

休息中

去中環買完野覺得有點肚餓，行經街市附近見到呢間台式店。朋友話想食就入去食。花雕麻油雞湯麵 $92花鵰係另有一個杯仔裝住，根據自己喜好落多定少，雞肉嫩滑多汁，麻油味香濃。紅燒牛肉麵 $92牛肉炆得十分入味，口感軟林，筋位煙靭爽口，我覺得味道咸左少少。跟餐會有個小食送埋，蕃薯仔香甜，綠茶厥餅煙煙韌韌。烤台灣香腸 $32香腸甜甜地，外皮脆身，加埋蒜片一齊食惹味。紅豆奶茶 $24紅豆粒粒飽滿，香甜濃郁，奶茶茶味好香。愛玉鳳梨綠茶 $24鳳梨酸酸甜甜，愛玉十分Q彈。

中午食飯時間 好想食台灣野😆有朋友推介 決定一試黎左一個花雕麻油雞湯麵湯底好清 好香 再加埋花雕 超好味😋份量好多有四大塊雞卷食得好滿足🥰🥰另外再叫左一份鹽酥雞同炸𤐶好香脆😙😙 唔太鹹唔夠喉再黎多一份迷你仙草芋圓仙草好夠味 帶微甜 🥰芋圓非常煙靭 煮得剛剛好 值得一讚👍🏼👍🏼

一起食堂 中環域多利皇后街2號地舖台灣米飯及麵食, 到BUBBLE TEA及芋圓糖水, 都可以在一起食堂找到。原以為是日本餐廳, 因名叫"食堂"是日本的漢字, 有2層的,上閣樓都布4、5張檯, 因男朋友是台灣滷肉飯的鐵粉, 所以一起入去了食DINNER$69 滷肉飯，如果午市仲有優惠加跟配飲品，所以雖然價位貴少少都ok ，滷肉切得大大粒，入口油香十足在口中化開，有冬瓜湯附送。作為小食當正餐派的始創人，我就點了幾款小食同男友share $32 烤台灣香腸 ,台灣腸加了肥豬肉，咬下爆汁，仲有生蒜片，正宗食法。新推出$58 淨鹽水雞，鹽水雞比炸的鹹酥雞健康，雞肉卷起，厚切滋味，有層肉汁jelly 。更有好多燙青菜,健康飽足。$34 滷肉青菜 ,很多滷肉呀慷慨呢！$28 珍珠奶茶 $24冷泡四季春茶

喺中環漫無目的咁樣遊走嘅時候，路過呢間次次經過都硬係滿人入唔到去食嘅小店舖，難得見到啱啱有兩位朋友仔離場立即入去試試🫠入到鋪面裏面的而且確係好逼夾吓，台台都滿晒人，雖然啱啱有兩位食客離開，但係侍應都係指引到我同其他人搭枱，仲要係人哋一家四口，真係手踭撞手踭.可幸嘅係當我仲苦惱緊食咩嘅時候，啱啱清潔完嗰張雙人枱，侍應竟然主動叫我問我有冇興趣搬過去，果然小店也有小店的溫情🥹呢個柚子冷汁吉列海鮮烏冬係期間限定，點解我會將柚子汁放喺頭係因為個汁先係撐起成個餐嘅靈魂😋個柚子冷汁好似食蕎麥麵嗰啲沾麵汁，但係有好濃嘅柚子味，啖啖都有清香嘅柚子味，而且鹹度恰到好處，雖然份量唔多但足夠食晒成碗烏冬。講真嗰啲炸蠔同埋炸蝦喺個柚子冷汁嘅面前根本就唔算得係乜嘢，我覺得即使冇咗佢哋，個面一樣咁好食，畢竟個炸蝦蝦肉唔算多，炸粉唔算簿，炸蠔就好少少，咬落仲有d汁咇出黎，但個柚子冷汁實在太無敵所以啲海鮮根本就唔重要飲品方面杯菠蘿蜂蜜愛玉實在有啲淡淡地，唔鍾意飲咁甜又口痕嘅人可以試吓。啲愛玉就偏淋冇咩咬口，鳳梨味亦都較淡，我覺得唔值嗰$28 😥加埋已經預先整好晒，冇左剛剛做起果種咁冰涼嘅狀態😰

呢間餐廳即使平時lunch time 食野都無提供套餐，或者加錢💰可以加配飲品，全部都要單點大約要等🔟分鐘就可以入座，入座前，店員會比定餐牌📋諗食咩，可以叫定先入座，就唔洗等好耐先有得食，唔錯既安排👍🏻🔸麻辣雞肉乾拌麵 除左雞肉之外，仲有小棠菜&滷蛋，雞肉好嫩滑，夏天食清清涼涼😌仲有配菜一齊食🔸愛玉鳳梨🍍綠茶 餐廳係一早整好一杯杯，再放入雪櫃雪凍❄️佢，鳳梨既甜同綠茶🍵既澀味，中和味道，加埋啫喱食下

呢間台式餐廳食物水準都幾好，成為咗我哋近期嘅飯堂，主食、甜品、小食類都有，近近地，放學去食下野都唔錯！魯肉飯、滷水雞翼兩款嘅滷水汁有啲相似，入口甘甜。魯肉飯賣相簡單卻十分誘人，米飯上鋪滿了滷肉，肉質柔軟多汁，散發出濃郁肉香，鹹甜適中。滷水雞翼相對冇咁濃味，比較鮮嫩。鹽酥雞外皮金黃，略略覺得皮有啲厚，勝在都keep到酥脆。台式香腸台灣嘅傳統小吃，質地細嫩多汁，好有肉香，口味甜蜜蜜。芋圓仙草凍仙草清新，不得一讚，店家真心大方，超多芋圓，而且入口Q彈有嚼勁，夏天來一碗，十分舒爽！

呢晚老婆有聚會，所以，捉個老死出嚟陪我食餐晚飯，就番我收工方便，揀咗晌中環嘅「一起食堂」快閃一餐。大家傾開近排身邊都有好多朋友中新冠，不過，我哋兩個托賴就仲未做，但講笑咁講，都喺只不過遲早嘅問題。 其實從門面都見到，鋪內格局窄而深長，一室天空藍配以木系枱櫈，天花掛上特色嘅竹籮燈罩，牆上又有唔少台灣電影海報作點綴。始終小店格局，人多起上嚟就有少少逼，不過，見店員都盡量做到啲客人分開坐、隔住坐。 點菜紙就喺餐牌，一頁睇晒各種食物同飲品，包括麵類、飯類、小吃、台式飲品、甜品；另外，更有幾款夏日嘅季節限定新品，而小弟就睇中其中柚子風味嘅冷烏冬。仙草冬瓜茶、愛玉鳳梨綠茶 @$28老死就揀咗杯冰涼嘅仙草冬瓜茶，因為佢都幾鍾意飲冬瓜茶，夠清潤，加上滑嘟嘟嘅仙草，味道又無過甜，合晒佢心意。因為早幾日先飲完珍珠奶茶，所以，小弟今次揀杯清爽啲嘅愛玉鳳梨綠茶，綠茶茶底幾清幽，滲出陣陣鳳梨香氣，添加一份清爽感，再加上裡面有好多愛玉，飲下、啜下、夠過癮！蒲燒鰻魚飯 $112老友原本諗住揀原鰻魚飯，但都驚會食得「漏」得滯，所以，改要個正常版，但其實呢一款嘅鰻魚份量一樣唔少，佢覺得咁仲啱啱好。確實啲鰻魚燒得好香濃，

琴日同朋友去完長洲，於黃昏乘船出中環，我哋揀咗一起食堂食晚餐，想食吓啲台灣嘢食，好似去咗台灣打卡咁。紅燒三寶牛肉麵係佢嘅主打食品，三寶有牛腩、牛腱、牛丸，個牛腩一層肉，一層肥肥地嘅肉，好好味，好有肉味，炆得好琳。個牛腱好林好滑，煙煙韌韌，好多骨膠原，牛丸都好有牛肉味。啲紅蘿蔔同白蘿蔔炆得好甜，好香。啲面係台灣烏龍麵，佢好似烏冬咁，但又好煙靭好滑，啲湯帶微辣，又甜甜地，係啲牛肉同啲蘿蔔帶出嚟嘅，味道好濃，超好飲，個texture好有質感，飲完又唔會口渴，真材實料。吉列炸蠔有四隻，份量好充足，啲蠔都好大隻，咬落好Juicy，啲皮又脆，又有啲沙律醬伴碟，係好好味嘅小食。炸花枝丸好彈口，佢嘅花枝丸好多魷魚肉係入面，好有質感，好惹味，值得推介。我哋又叫咗仙草冬瓜茶同愛玉鳳梨綠茶，個仙草冬瓜茶，味道比較清甜，真係小確幸，好清新嘅感覺。愛玉鳳梨綠茶味道比較濃，但係始終係綠茶，仍然俾人好惹味清甜嘅感覺，為我今個禮拜日帶來喜悅嘅感覺，呢場真係食得好開心，佢嘅價錢唔貴，位置又好，交通方便，值得一去再去。

中環依間台灣菜裝修得很有特色，星期日的下午6:30，已經坐咗八、九成客，叫咗特濃豆乳雞烏龍麵$89、花雕麻油雞湯麵$92、燙青菜$30、府城蝦卷$32、黑糖薑母茶（熱）$20，府城蝦卷我覺得好好味，外脆內軟，雖然份量唔多，得四條，平均$10多啲一條，但又真係幾好味，推介，花雕麻油雞湯麵，花雕酒另上，自己調節酒嘅份量，酒味幾重，特濃豆乳湯底我自己幾鍾意，濃豆味，烏龍麵幾滑，好似稻庭烏冬咁，雞卷也做得幾好，夠紮實，肉質也不錯，服務態度也幾好，雖然可能地段關係價錢唔算平，但值得支持.#中環#台灣#花雕#酒#豆乳#麵#yunmy#蝦卷#晚飯#dinner#chicken#雞

✨日式清酒蜆烏龍麵一上枱，我哋就真係哇咗一聲😂一大碗，爆多卜卜蜆，蜆嘅份量，多到遮住哂啲麵，而且每隻都幾飽滿，好正！烏龍麵有啲似稻庭烏冬，麵條通透有彈性，搭配清酒湯，味道清新。✨紅燒三寶牛肉麵三寶即係牛腱、牛丸和牛肋條，橙棕色嘅湯底濃郁，帶有甜味，有少少八角香，牛腱和牛肋條好入味，味道濃郁，唔錯。✨酥炸地瓜條同薯條一啲都唔同㗎，賣相金黃，口感酥脆，瓜條香甜，質感綿密，外酥内脆，好容易就一條接一條食哂😄

今日收工經過中環街市附近，見到有間台式料理，未飛台北黎食個台灣野先～餐廳有唔同既台灣電影海報貼係牆📽，以木做枱凳🪑，燈籠掛燈🏮，好有傳統台灣料理小店既感覺。🐔淨鹽水雞（小食）（$58）同小編平時食開既鹽水雞有啲唔同，佢唔係用雞絲撈青瓜木耳個種，而係醃好左既雞肉卷，凍食既，配菜有西蘭花、甘筍、木耳同埋粟米芯。呢個係小食冷盤咁既，雞肉好夠味，啖啖肉咁，幾特別～🍝麻辣雞肉乾拌麵（$79）配料有炸蒜粒、花生碎、麻辣醬、肉燥、香蔥，仲有鹵水蛋同埋好多雞肉，一黎到已經急不及待撈勻哂佢地。雞肉雖然唔算好嫩滑，但好夠味，係醃過的，少少咸味。麵係粗身彈牙，撈埋所有配料，好有口感，而且仲有掛麵效果。重點係麻辣味好香好出，食落唔會覺得辣但夠哂惹味，正！👍🏻👍🏻👍🏻另外跟麵有碗胡椒清湯俾你清清味蕾。🍜紅燒三寶牛肉麵（$102）三寶有牛展、牛丸同埋牛肋條，牛展牛肋條都炆到好入味好淋，份量亦好多，牛丸幾彈牙。紅蘿蔔同白蘿蔔都煮到幾清甜，個湯底唔會好咸，剛好，麵係彈牙有口感😋🍡芋圓燒仙草 （$38）（熱）好誇張，超級多芋圓，有地瓜、香芋和紫薯，全部都大大粒，Q彈Q彈的，煙煙韌韌，目測有20粒；而燒仙草好有傳統台灣風

一直book mark咗呢間位於中環既《一起食堂》，趁住去開中環呢頭，機會黎啦！😜餐廳裝修帶點台灣古早味道懷舊風，牆壁掛上台灣經典電影封面照，加上店內播放既台灣歌，風味十足！🤭餐廳以單點形式落單，有各式飯、麵、小食、甜品、飲品等等。以中環黎講都算性價比高〰️**+++**+++**+++**+++**+++**+++**+++**+++**+++**紅燒牛肉麵一場黎到，食台灣野離不開點都會叫碗紅燒牛肉麵試吓🤣 牛肉份量都幾多，肉質軟腍，湯底尚算濃郁。入口帶點微辣加上蘿蔔既鮮甜，唔錯喔！👍🏻特濃豆乳雞肉烏龍麵(必試!!)初嘗豆乳湯底既麵食，豆乳味十分香濃，烏龍麵煙韌有咬口，亦都幾掛湯👍🏻雞肉方面，小店好細心地已幫忙去骨，將雞髀肉整成卷狀，入口嫩滑。絕對值得一試！😜滷牛腱(推薦!!)牛腱大大件，厚得嚟又夠軟腍，而且滷得夠入味👍🏻芋圓仙草凍💜🧡🤍仙草凍份量十足，本身諗住應該一碗仔既份量，點知一上枱個portion令我好surprise😳 用拉麵碗盛載😯 我哋兩個人share都食唔哂🫣 比出面坊間既甜品鋪食到既更加抵食！♾️作為芋圓仙草控♾️既你，唔好錯過啦😍 有三款唔同既芋圓，大粒煙韌，完全無粉感

最近好鍾意嘅嘢呢你一間台灣餐廳 真係中環人嘅恩物呀 因為地點方便 價喺中環嚟講可接受又有質素 坐得舒服 充滿台灣特色感覺真係好似去咗台灣咁呀 啲嘢食又好味 今日放工約咗朋友嚟唔使book枱都有位坐原條蒲燒鰻魚飯啖啖肉夠曬份量 簡直回曬本喇 燒到好好味上面鋪滿紫菜 仲有珍珠飯流心蛋 送飯一流賣相真係好吸睛另外點咗個個貢丸湯有三粒貢丸湯底好清甜好好味加上啲香蔥 湯好有層次坐得舒服 食完可以去隔離中環街市行一陣happy hour搭地鐵又方便 所以一直係我放工約朋友食飯嘅首選

喺中環做咗嘢咁耐，都冇機會食到呢間台式小餐廳，因為次次無論係外賣或者堂食都有好多人排隊。今日收得早，就同咗同事即興過嚟食個early dinner。我哋六點半前到，所以唔使排隊。三杯雞飯啖啖雞肉，醃得入味，加上有炸過嘅九層塔同埋蒜頭，好香好可口。啲飯仲要大大碗，我哋最終係食唔曬。鹽酥雞🐤🐦🐦我好鍾意食雞 ，鹽酥雞基本上係我去台式餐廳必嗌嘅菜式。呢度啲鹽酥雞上枱嗰陣我又嚇一跳，因為又係好大碟，熱辣辣，食落去又係啖啖雞肉，炸粉薄薄的，件件都十分之酥脆入味。肉燥燙青菜🥬呢個係同事想食嘅，因為我其實唔係好好生菜。但係我一試，嘩！生菜好爽甜啊！ 加埋好香嘅肉燥喺面頭，但係佢又唔會油冧冧或者加好多味精，所以咁簡單嘅菜式又大大碟真係食得舒服。芋圓燒仙草（熱）其實呢樣嘢係我第一個落單剔嘅，因為我都係一個超級芋圓控。熱辣辣端上，芋圓好大粒，好飽滿，我哋不極都仲有，目測應該超過 25粒。咬落去口感十足，真係會咬到粒粒粉芋頭，同埋紫薯／番薯嗰種質感。燒仙草甘甘地，唔會太甜，同芋圓好夾。我哋食到好飽， 但係實在太好味，所以得返６粒（其實好大粒）我都要外賣裝返屋企。珍珠奶茶🧋🐦🐦我都係一個珍奶控，我要咗凍嘅同埋

收工行完中環Donki，見到附近有間台灣菜就走入去試下！見到入面都幾人頭湧湧，不過等左幾分鐘就好快安排入座啦😉👍😆呢度d食物好有去到台灣夜市feel，花多眼亂，最後揀佐呢幾款🤤🐮紅燒三寶牛肉麵🍜碗麵上黎已經聞到淡淡藥材味，入面材料都好豐富，有牛腱、牛肋條、牛丸、蘿蔔😆最出色係牛肋條炆到好入味，軟䧔得黎口感啱啱好！👍🐥麻辣雞肉乾拌麵🍜朋友話湯麵食得多，都想試下拌面！拌面既醬汁好濃厚，麵既質地爽口彈牙，撈勻曬每條麵都沾上麻辣醬好惹味！隨餐仲有一碗小清湯，一濃一淡幾特別🤤🧂鹽酥雞🐣份量好足料，而且新鮮熱辣辣！個口感啱啱好，唔會太多粉，好推薦大家試下😍😀古早滷水拼盤♥️呢盤滷水好入味，個豬耳好有口感，份量2個人share啱啱好😘🥰🥰芋圓仙草凍🍡身為芋圓控，呢碗甜品係必食！芋圓同仙草好煙韌，有口感！配合埋紅豆泥，簡直美味！📍一起食堂 (域多利皇后街)📍📍中環域多利皇后街2號地舖📍