一起果醬 (已搬遷) 新店位置

星期六相約沙田友一齊入西貢又Jam一Jam！沙田友都好鐘意食依度既All Day Breakfast！賣相：睇到都流口水食物：All Day Breakfast好豐富，平時唔多鐘意食香腸既我都覺得兩款香腸唔錯！厚多士我揀左「熱帶風情」果醬，感覺比較夏天，so refreshing！茶我揀左「桂花雪梨」，有雪梨粒，同綠茶好夾!果醬同茶分開上，咁就可以自行調教甜度。茶仲有蠟燭熱住，讚！服務：後生仔女，有禮貌環境：地方唔大，有戶外位，可帶狗仔。鋪入面設計都幾有特式泊車：附近有錶位泊車，我地上午11點左右入到去，等一陣就等到位泊喇！休閒之選，一個weekend既好開始！會介紹多啲朋友黎！

tvb节目相继推荐的一家小店，主打天然果酱，大部分食物和饮料都放了果酱，点了个九宫格，切成九格，上面是就九种不同味道的果酱；饮料是玫瑰苹果苏打放入二氧化碳打得气泡，还有一个果酱雪糕蜜糖吐司，吐司是脆的，里边又很松软，表面有些砂糖，甜甜的；总的来说，吃完真的甜腻，不舒服，而且还要收取服务费！

入東壩睇完流星雨，返出西貢食早餐。見呢間咁多好評，就揀呢間試下。小店只有大約20個座位，環境算舒服，木枱椅有悠閒感。既然店舖以果醬作自家招牌，當然要一試。點咗九宮格多士，其實佢餐牌的果醬味道有超過九款，但我冇問侍應生可否自選味道。話明九宮，厚多士分成九格，每格塗上不同果醬，包括士多啤梨，玫瑰蘋果，桂花雪梨，黑糖四物，肉桂蘋果，菠蘿蛋黃，和其他幾款，恕我嚐不出來，玫瑰味算濃郁，較特別嘅係黑糖四物，有薑味嘅jam第一次食，怪怪地。如果唔係有薑，根本唔知果隻係四物，因為食唔出其他三物。以$48這價位，覺得完全唔值囉。真紅豆冰用嘅豆係現貨，並非自煮，味道尚算可以，不同之處是沒有冰粒。餐廳用紙飲管，管身較幼，紅豆會塞在管中，雖則紙飲管比膠飲管環保一點點，但其實唔太適合用嚟飲沙冰之類。

星期六下午5點 帶埋狗仔入黎食brunch出面兩張台甘岩淨返一張 唔洗等每人叫左一份all day breakfast set有幾種果醬比你揀 (toast 上面)仲包一杯30蚊內既飲品厚多士烘到幾脆 配上🍓果jam 幾好食略嫌唔夠熱 熱d就perfect 菇有菇味 蛋都好有蛋味最鍾意有甘大舊焗左既番茄配料都比較岩我口味 而且份量好夠飽野飲夠大杯 揀咗玫瑰蘋果茶入面有d果醬同蘋果蓉，唔係好甜 幾好飲。包埋飲品價錢唔算貴 Cafe位置比較偏僻 不過假日黎食個brunch 再係西貢碼頭行下 感覺都幾relax 對於我呢d養狗人士 返食嘅程度好高呀不過就算餐廳出邊有把大風扇 其實都有d熱建議狗主太熱既日子都係夜少少先黎

很久以前已路過let's jam，但當時人太多，便把這擱置了。直到之後再聽朋友說起，便打算到西貢一試。有一段時間很流行homemade jam，而我也是滿喜歡吃果醬的。這天我們11時多到店子，當時基本上只有幾位客人，所以不用排隊直接坐下就是。店子以Mint green為主色，配上歐式配搭，優閒感滿滿，還有自家多款味道的果醬售賣。Let's Jam以英式早餐和甜點作主食，還有多款飲料提供，而當中有很多都會加入果醬製作。這天我們選擇了all day breakfast set和cream tea set，還心癢癢的多點了九宮格多士。All Day Breakfast Set標準的breakfast set，有多士(可選牛角包或scone)，炒蛋，肉腸，煙肉，炒蘑菇，蕃茄和焗豆。我們選了蛋黃菠蘿醬配牛角包，果醬內有菠蘿碎，蛋黃味突出，也算滿特別的。牛角包鬆脆，炒蛋滿滑的，分量也算不小。Cream Tea Set 英式鬆餅配上奶油和果醬。果醬口味就選擇了雜莓醬，內有雜莓碎，味道不過不失。但不得不提scone滿好吃的，烘得外脆內軟，不會過硬也不易散開，牛油味濃郁，配上奶油和果醬是不錯的，也很飽肚

好耐之前已經黎過一次，嗰時有一陣home made 果jam嘅熱潮，吹到我呢個港女都去左試下，嗰陣仲要大排長龍🙈唔知而架係熱潮已過定係咁啱簡中星期一下晝，竟然唔使排隊😍😍呢度最吸引我嘅除左係靚景之外就係果jam😋每次都起碼要試2隻味☺️今次order左個all day breakfast 同burger餐All day breakfast set $ 92強烈建議要試下佢自家嘅果醬，有好多種味🤤除左drink menu有果醬之外，多士嗰度都會加，仲有好多隻味☺️如果想試多幾款果醬可以order九宮格多士，上面每格都有唔同味嘅果醬，但可惜今次食到所以無相，但上次試過的確係很不錯😍另外果醬仲可以一樽樽咁買返屋企食🤤Wagyu burger set $ 116Burger 餐最特別嘅係個薯角係超級脆😋鋪頭依舊係好舒服好啱放假輕鬆下嘅心情，但d staff嘅態度無以前咁好，有d扣分😕

落雨落左成個禮拜，星期日終於有太陽，於是決定帶兩隻毛孩🐶去西貢玩水放電。玩完水大約三點就去左行下搵好野食。一早已經聽聞過唔少朋友提過Let's Jam，但唔知exactly係邊個位置，兜下兜下竟然俾我見到，又咁岩有露天area可以俾兩隻毛孩🐶入，就擺攞左飛等一陣。門面感覺好優閒，好自家經營小店feel。門口仲有自家製果醬賣，可以俾人試食，有十幾款不同味道，$48-$68一樽，果醬仲要標榜無添加同純天然，每樽果醬都唔係淨係得醬，入面仲會有好多果肉，感覺好健康，會成日係屋企食多士麵包做早餐既朋友值得一試👍🏻Menu都幾多食物既選擇，已甜品同all day breakfast為主，好多食物都係用自家果醬烹調，好有餐廳自己既特色。等左15-20分鐘左右，終於都有枱，天氣雖然好熱好曬☀️💦，但餐廳好貼心咁安排左好多風扇係户外既座位，所以一d都唔覺得熱。餐廳既座位唔多，連埋室內我諗大約都只能容納30人，假日大家可能要耐心d等位✨黎到Let's Jam，當然要叫杯用果醬黎整既特色飲品啦，可以揀紅茶或綠茶底。我揀左綠茶底，Server推介桂花雪梨、玫瑰/玉桂蘋果🍎、熱帶風情，話果味濃d會同綠茶match

講左要黎jam好耐 一直的吾起心肝黎 最後要去完游船河 順手jam 1 jam3個人 叫左1個all day breakfast 🍳 2個 egg Benedict All day breakfast 有驚喜 應該係出色在於佢個蛋黃菠蘿醬 我覺得係必食！因為對比起其他果醬，蛋黃菠蘿醬係最出色！ 配埋+8蚊既scone絕配！至於個egg Benedict...我覺得不過不失 並吾係我想食個種出面好硬淨但一切落去就流蛋汁出黎個種😂😂 佢只係好似温泉蛋咁😓再黎係個芝士條要熱食呀否則無拉絕絲效果😏

佢個多士係即叫即整攞出黎嗰陣仲係熱辣辣架！九宮格多士即係一舊多士劃分咗九格，然後每一格都有唔同味嘅果醬係上面。小編覺得呢一個超級適合未食過佢哋鋪頭D果醬嘅人，因為可以一次過試晒九隻味。1️⃣士多啤梨醬佢嘅味道食落就有啲似能得利嘅士多啤梨糖味，另外佢都有一粒完整既士多啤梨喺度。2️⃣桂花雪梨醬食落雖然就冇咩雪梨味，但係就超級重桂花糖味。另外佢哋嘅雪梨係一粒粒所以食落口都幾有咬口架！3️⃣雜莓醬小編覺得食落口超級似利賓納嘅味道，而且係果醬入面仲有啲雜莓既皮係到架！4️⃣丁香香橙一開始食落口嗰陣小編覺得有少少薑嘅味道，不過食食吓啲橙味就即刻擁晒出嚟，而且佢仲有啲橙絲喺裏面添。5️⃣蛋黃菠蘿醬裏面有一粒粒嘅菠蘿喺度，不過小編就唔係好食得出佢有蛋黃味係到。6️⃣黑糖四物醬佢裏面係有黑糖、桂圓、紅棗、薑喺度。食入口真係feel到好薑。雖然黑糖、桂圓、紅棗嘅味道就唔多覺，不過小編都見到上面有啲一塊塊嘅紅棗皮係度。7️⃣玫瑰蘋果醬小編就最鍾意呢一個雖然都係冇咩蘋果味但係玫瑰味就真係超級重，而且將蘋果打成蓉都唔錯架！8️⃣玉桂蘋果醬佢呢一覺得樣都係蘋果蓉尼，不過就加左啲肉桂喺裏面。佢呢個嘅玉桂味真係超級無敵咁重啊！不過就唔算話太特別。

這天寶貝女要打年度針，又再次來到西貢打了針，吃了個brunch，再去了草地跑跑三點多開始肚餓，就前往去吃個late lunch每次都有選擇困難症的我們走著走著，就看到這店這店平常都很多人在等位，剛好這天有點毛毛雨，可能因為這樣沒人既然這樣，就決定試試這間常常想試但又太多人的餐廳吧因為帶著狗狗的關係，理所當然地被安排坐在露台的位置看看餐牌，點了份all day breakfast及和牛漢堡飲品叫了桂花雪梨茶及黑糖四物的特製梳打因為厚多士沒貨，所以不用加錢被轉為鬆餅不用一回，all day breakfast送上all day breakfast的配料不介紹太多，都是些現成品蛋炒得香滑，果醬選了熱帶風情，味道帶酸，十分清新鬆餅沒驚喜，份量偏細，如果要加錢不會選擇，感覺厚多士會飽肚點接著和牛漢堡也到了那份漢堡扒應該也是超市貨，中規中矩唯獨是漢堡裡加了果醬這點不太合個人口味，還是普通漢堡適合我們多點飲料方面原來是用上了果醬製作，滿有新鮮感很可惜，這杯桂花雪梨茶除了有點桂花味外，就只喝出是甜、甜、還有甜老婆喝了一口就整杯推給我了（明明就是她自己點的啊！）特製梳打不知是否因為用上梳打而中和了點甜度

員工態度傲慢！服務質素零分！上菜極其慢再追單時冷笑回應：嘿！我唔會記得你地叫咩個喎！...完全無法接受！絕對不會再去！上菜時就咁擺低完全無講係咩，問佢放低個啲係乜，十分唔耐煩再走去問其他員工係咩！咁既服務態度真心要祝佢地生意興隆！長做長有！

Holiday 難得好天氣，陽光普照當然唔可以呆在家中發霉約左好朋友閒遊科大附近既農場睇風車，之後就入西貢市中心無目的咁亂逛。放假就是要放鬆，有時太有計劃，樣樣跟schedule, 避免對自己太harsh 了腦袋放空玩樂，但肚餓總要諗下食咩好。經過「一起果醬」，cafe入面好多人，menu 都吸引, 同朋友就決定食依間。好彩仲有一張台，唔駛等All Day Breakfast 賣相同份量都吸引炒滑蛋同炒蘑菇 正厚多士好香脆，有多款自家製果醬任君選擇我選擇左桂花雪梨好清甜好滿足

今日天氣咁好，就入咗西貢放狗，沿路好多Cafe揀，咁我哋就揀咗依間有戶外又可以帶狗狗入去嘅地方。嗌左個egg bendedict配大菇，可惜蛋整得大生，一切落去就漏晒出黎，做唔到半生熟既效果，不過菇係幾juice幾香，如果隻蛋熟返d就好

之前嚟過食幾次，覺得環境ok，食物都唔差，所以今日再去。Long weekend多人預咗要等，拎9號飛，當時叫到6號。等咗三四個字，其間入咗7號8號同10號（因為三人檯），見到露天位有二人檯埋單，諗住準備入去，點知店員一嗌就嗌12號！Are you kidding me？我冇離開過冇miss咗個number喎！上前理論，佢話因為12號位女士帶住隻狗，而隻狗唔可以入舖頭所以佢可以優先入去露天位？下！下！下！我等咗成三四個字，帶隻狗嗰位女士一拎飛就可以入去？成間店冇一個位寫住養狗優先喎！真心，我咁大個人都冇試過等位等到咁嬲。年中遇過唔少餐廳唔好食態度差，但都真係未試過要嬲到打咁大段食評。希望大家以後唔會遇到相同狀況啦！

由沙田行去西貢，行完山落到市中心，大家都好肚餓，在網上搵咗呢間餐廳，睇落有啲特色，去到見到好有田園感覺，一個白色架空露台，外面有架單車放滿果醬制品！入面放咗木戶外木桌椅，環境唔錯，要等位，等咗10分鐘可以入，店員安排我哋坐露台位食物西式簡單食品！款式幾多，好多食品都要揀果醬味！黑松露什菌酥+沙律（$78）黑松露盒子細細個，好香菇菌味，菇菌好香好煙韌，酥皮香牛油味，幾香口！沙律碎上，蔬菜款式好多，以紅生菜同火箭菜，加油醋汁酸酸地開胃，好味！蛋榚套餐（$58）千層蛋榚，揀咗丁香香橙果醬，點知班戟千層好乾好粉，加咗果醬雖然好香橙味，但太甜太漿！因為本身蛋榚嘅皮太差！所以唔好味！蟹肉沙律（$48）同跟套餐嘅沙律一樣，只係多咗蟹肉，蟹肉幾鮮嫩，幾夾啲沙律菜同油醋汁味！好味！桂花雪梨茶（跟餐加$2）好靚嘅玻璃樽，加花紙飲管，味道唔覺甜，雪梨味都唔覺！夠凍解暑，如果加梳打會更清新！特調果醬紅茶（跟餐加$10）朋友飲加果醬嘅食物太甜，唔係咁啱口味，店員有禮斯文，幾親切！喜歡呢度嘅餐具，好靚好田園！好夾個主題，服務好，環境舒服！西貢風味！只收現金！