一芳台灣水果茶 (中環街市)

營業中

休息中

前兩日行開中環街市，見到一芳台灣水果茶做緊優惠，甘蔗青茶第二杯半價，於是同朋友一齊試下。原來預計甘蔗會好甜，但加左青茶，唔會係原本甘蔗汁咁甜。而青茶味好重好香。如果鍾意青茶味道，值得試飲。但如果喜歡甘蔗既甜，就要調整一下期望，因為青茶味會蓋過甘蔗味。

前日（9-3-2024 Sat）晏晝，同老公喺上環完成咗Pigsman嘅任務後，就向中環出發，行到中環街市又要買返杯嘢飲吓，見到呢間，佢隔離就係長洲角酪，兩間都想幫趁，老公話咁每間買一杯。但我見到呢間新開張，正價買一杯，買第二杯就半價，咁唯有喺喥買兩杯先啦，半價嘅就一定係用平啲嗰杯做，最後我哋買咗$39.00中嘅芋頭鮮奶綠，同$31.00中嘅甘蔗鮮奶，呢杯半價就$15.50。俾完錢都等得幾耐吓至做好，我哋搵個位坐低飲。我先試甘蔗鮮奶，佢唔係好甜，啱啱好，味道特別，好味。用天然甘蔗嘅甜代替砂糖，相對起嚟比較健康，聰明。5分芋頭奶綠呢？要先搖勻至飲，呢個唔太甜，都飲到綠茶嘅甘味。4分價錢:應該係$54.50，但佢哋自動減咗$0.50。其他:買完至見到有薑汁甘蔗鮮奶，呢個應該都唔錯。