一糖 (屏山)

營業中

休息中

今次嚟到呢間近天水圍西鐵站嘅甜品店。呢間店係一個停車場定係村屋改建而成，幾特別，出面有啲塗鴉，入到去幾warm嘅feel,有啲去左人地屋企嘅感覺。餐牌上特別有好多紫薯嘅甜品，諗住應該係呢度嘅招牌吧，所以最後都點左兩個有紫薯嘅甜品。首先係我揀嘅棉花糖紫薯 （$32）燒到棉花糖個面燶燶地再灑左啲紫薯粉喺上面，就係個賣相吸引左我。棉花糖下面其實就係一啲紫薯蓉，紫薯冇乜甜味，而棉花糖就熱辣辣同超甜，兩者夾埋甜度就剛剛好了。不過呢度嘅紫薯本身都唔係太特別。呢個甜品有成八舊燒烤嘅棉花糖喺上面都幾漏，最好就有幾個人 share 。薑汁紫薯雪耳糖水 ($32)係一個正常嘅蕃薯糖水，一樣都係個紫薯唔係幾甜，所以都係靠個糖水先有味。麻糬窩夫配朱古力雪糕（$50）最後呢個甜品大家一致認為最好食。呢度啲窩夫烘得唔錯，外脆內軟剛剛好，裡面有煙韌嘅麻糬，令到個窩夫嘅口感更高層次。雪糕方面有唔同味可以揀，另外仲配有綠茶忌廉同紅豆呢個穩陣嘅組合。三個人分呢三個甜品其實都飽左一半。總括黎講，一糖嘅甜品會推薦麻糬窩夫，紫薯系列唔太出色，環境幾好，幾寧靜，算係一個傾偈嘅好地方。

食完飯，梗係嚟個飯後甜品㗎啦！今晚揀咗呢間《一糖》！鋪頭前邊有一大片嘅地方，可以泊車！好方便👍🏻不過好多人😹都要等左一陣先有車位😆呢到有室內同室外可以揀，我就揀咗室內啦！入到去裝潢有日系嘅感覺喔～今晚分別叫咗：*紫薯窩夫配綠茶雪糕$50（賣相吸引！窩夫裡面有紫薯蓉，紫薯甜味十足！熱辣辣窩夫配埋凍冰冰嘅綠茶雪糕，無得輸👍🏻）*朱古力心太軟配Cookies & Cream$50（一切開心太軟熱辣辣，食落去朱古力味好濃好滑，外脆內流心！呢個心太軟唔會太甜，配埋雪糕簡直一流。伴碟仲有新鮮生果，色彩繽紛之餘亦都夠曬健康👍🏻）*宇治抹茶芭菲$48 （抹茶控必叫，單是賣相已經夠靚靚，每層配料也不同，我最鐘意抹茶配紅豆，仲有最底好有口感嘅抹茶蕨餅啊～～我至愛😍😍）

If not for friend’s referral, I wouldn’t get a chance to taste this well-hidden, yummy dessert place!Located at a rather remote location, we came here by car on a fine Saturday night. We saw the Tin Shui Wai MTR station sign before we drove to the small road leading to the restaurant so it should be within walking distance from the MTR. This charming little store was filled with customers despite its remote location! It has even got its private parking lot for customers which made me feel as tho

這天晚上在泰聚吃過晚飯後，友人建議到附近吃糖水再續， 一糖在社交平台有不少好評，想不到它跟泰聚是如此靠近，正好有緣試試一糖的水準。就像不少屏山的食店一樣，以村屋搭建而成，門前一片廣闊的空地，對外區人士來說很有新鮮感。怕熱的可以坐到室內，基本上新式甜品店的糖水都有，也趕上甜食的潮流，供應窩夫、芋圓、綿綿冰等，也有咸食可以選擇。芋圓大熱令不少糖水紛紛分推出芋圓糖水， 但能做得好的實在是寥寥可數。 這家的黑糖芋圓仙草挫冰($55)配搭十分豐富，  配小瓶黑糖讓客人自行添加， 畢竟芋圓、仙草是沒有甜度可言的。 芋圓算是Q彈蛋蛋但味道極淡， 燒仙草亦然，挫冰更是溶化得厲害，論質素而言定價是偏高了。芒果雪糕窩夫($50)表現較有驚喜，份量十足二人共享剛好，新鮮即做外層十分香脆，內層煙煙韌韌的有點像麻糬，抹上蜜糖醬配薄荷雪糕，再配新鮮甜美的芒果，味道算不錯了。甜品的水準都是其次，地段、環境該會是到訪的理由， 既然有華嫂冰室和泰聚在左近，一糖確是吃飯後甜品的方便之選。

10點左右同朋友去食甜品其實而到食過好多次同朋友叫左2個一樣甜品但杯嘢飲係唔同既每次黎都係食芝士撻而到芝士撻我認為係好食過某知名芝士撻專門店😂杯紅棗茶係熱左啲但杯紫色特飲味道有啲古怪😂

最近HK01報道這小店 - 一糖。從相片中，覺得這店子很特別，食物圖片美麗。本人特別喜愛綠茶味道的食物，所以點了綠茶心太軟和綠茶蜜糖梳打飲品。賣相一流但綠茶味道就不見得出色。

鋪頭就係天水圍西鐵站旁邊，由西鐘站行過去唔洗3分鐘，鋪頭門口都有位，夏天咁熱當然坐入面啦。內面位置有16-20個，有洗手間，裝潢都靚今日係為左窩夫而黎，一共有七款口味既窩夫，全部都配雪糕有6款口味可以自己揀-抹茶麻糬窩夫配抹茶雪糕窩夫黎到外脆內軟，抹茶味唔算太濃，亦都唔會好甜，而紅豆就一般般，冇咩味亦都唔綿，抹茶雪糕好快溶抹茶味唔重，都ok啦，整體黎講$50非常抵食因爲太肚餓仲叫左腸粉燒賣魚旦，貨錢合理。腸粉十蚊四條，魚旦燒賣各8蚊。下次黎要試下其他味窩夫

收工收到咁夜，都唔知去邊度食糖水。。。天水圍西鐵站隔離就有一間糖水舖叫做一糖。。佢嘅價錢唔算好平。。。但係食落去都OK嘅今次叫咗四個甜品。。。最下面呢個係抹茶綿綿冰。。。佢附送埋丸子同埋紅豆。。。至於最上面就係涼粉。。。涼粉側邊會跟埋紅豆。。。佢嘅紅豆好甜。。。配埋唔甜嘅丸子都OK。。但我比較鍾意嘅都係佢嘅綿綿冰。。。因為本身綿綿冰入邊有少少牛奶嘅香味，同埋甜味所以就咁食綿綿冰都已經可以。。上面仲有少少抹茶粉。。。感覺自己好似健康左。。。哈哈最右手邊都係綿綿冰。。。但係佢附送嘅係布甸。。。呢個係焦糖布甸。。。佢嘅焦糖超甜。。。佢會比一個細細的杯仔，裝住焦糖。。其實唔使倒晒佢成個焦糖，都已經夠甜50幾蚊食一個甜品。。。我諗四周圍都係呢個價錢。。。所以呢間鋪唔算話好特別。。。價錢又唔係特別平。。。不過賣相都幾好。。。而且綿綿冰，仲會配丸子同埋紅豆，噱頭都唔錯

我地有一段時間經常食甜品，身體嚴重發漲，最近雖然少食左，但天氣太熱(姓賴)，不得不搵甜品食，換換心情。我地喺附近食完午飯，就過來食埋甜品先走。由於太熱，個個都坐哂室內喇。入面位置唔算好多，可能星期日，都好好生意，近乎滿座，最主要好多客人係一家大細，好好彩，近門口位有張二人枱可以搭，拿拿聲坐低。餐牌都好多選擇，而且應天氣都加入好多冰類。唔貪心一人點左一款甜品，再加杯西瓜汁解解暑，如果減番少少糖更好唔會加太多冰，但已經十分爽！焦糖布甸牛奶冰：冰類款式多，仲有綠茶、芒果等口味，可以on top追加配料，例如布甸、仙草、雜果、紅豆、脆米等。我地揀左焦糖牛奶冰，一上枱，賣相都幾靚架，幾賞心悅目，用小木盤裝住，幾日系感覺。另外附上焦糖醬，牛奶冰上面有少少脆米，口感唔錯。牛奶冰嘅質地幾綿，當然入口即溶，奶味唔會話十分重，實於幾清爽嘅甜品。我幾鐘意附上嘅焦糖醬，原本係加落布甸度，但我加左d落碗冰上面，其實又幾好食，甜甜地，味道幾搭布甸都幾大件，蛋味重，質地實淨，視乎個人喜好囉，有d人鐘意食滑d動L。仙草芋圓沙冰：底下以刨冰墊底，都幾大份，兩個share都夠，面頭放左一大份仙草，芋圓、地瓜圓、紫薯圓三款

食完正餐同男朋友遊車河..想去遠d..就決定去天水圍食甜品好遠揸左差唔多成個鐘先去到..一糖係個停車場入面..唔知係咪俾黎食糖水既人泊車定係邨入面既停車場..我地唔敢泊坐低食野果陣聽到職員係咁討論入黎既車. . “揸咁入應該係月租” 😅咁可能係佢地租俾人既車位😆好彩無揸入黎。細細間鋪..我見到有9個staffs .. 本menu勁重勁厚好多選擇..不過等緊野食果陣聽到佢地話有曱甴揀左Bailey's心太軟 $58比較特別..其他鋪頭暫時未見過..因為即叫即整，所以等左一陣先有得食。要有耐性先好叫..心急既人可以揀其他可以配搭自己鐘意口味既雪糕..但係我都係覺得朱古力夾d..上檯果陣朱古力已經流緊出黎😋心太軟上面既mousse好重Baileys味相反心太軟就無咩Baileys味。隔離既生果好多款式，有火龍果，西瓜，香蕉，哈蜜瓜。 我都係覺得食過既心太軟之中，最好食都係九龍城小店，無得輸不過Baileys心太軟真係幾特別。蜂蜜綠茶梳打 $32左邊係蜂蜜中間係綠茶右邊係梳打普通😊因為口渴..叫黎解渴

星期日突然想食甜品, 就立即約朋友出來, 落雨天唔想行太遠, 最後決定去天水圍西鐵站附近的一糖。以前都有食過, 覺得款式及味道也不錯, 今次去發現多了新款式當然要叫一大堆開心share啦~新出了幾款綿綿冰, 點了其中一款試, 另外加了$12日式布甸, $8雪糕, 芒果汁與乳酸冰很配~ 乳酸冰夠晒綿~朋友最愛吃心太軟, 每次約食甜品見到都會點, 一糖的心太軟有好幾款口味, 我們點的抹茶味味道很濃我好鐘意切開心太軟，然後抹茶醬流行來的時刻另外點的焦糖燉蛋口感結實很滑，跟乳酸冰另加的布甸很像，但配合面層的焦糖吃，更是美味！我最喜歡是芝士蛋撻套餐！芝士蛋撻很細滑，濃濃的芝士味，我可以把兩份撻都吃掉～吃完再食水果就唔會覺得膩朋友最愛是抹茶芭菲，但看外表已經被吸引,每層也有不同配料，我贊同抹茶同紅豆是絕配可能因為是下雨天，難得來到一糖是不用等位，約好下次再來吃其他新款甜品，當然我要再點我的芝士撻

前排食完一糖都一直好懷念D度既高質甜品咁岩一個住天水圍既FD想揾我聚一聚, 我即刻提議去一糖!朋友都好驚訝點解我會識D間甜品店睇相會以為D度係好唔就腳, 但事實係西鐵站行5分鐘就可以到入到黎想食D咸野再食甜野, 我地叫左咖哩汁燒賣, 魚旦, 同埋腸仔, 因為個咖哩汁唔錯, 所以咁平凡既食材中都食得出美味焦糖燉蛋-$28D個係凍的, 得上面燒完果PART係熱, 岩晒SUMMER食, D個焦糖燉蛋食落好有質感, 蛋味濃得黎好香, 而且唔會過甜, 高質百利甜酒朱古力窩夫-$50因為我好鐘意百利甜酒, 所以D度D個窩夫係必叫得, 簡直係為我度身而做咁, 個甜酒味好夾個窩夫, 個窩夫係即叫即做, 蛋味香, 而且做得好鬆軟, D個真係必須要叫的!榴槤皇子-$60我係榴槤公主, 就一定要叫D個榴槤皇子黎試下, 食落榴槤味好濃好香, 榴槤肉都唔少, 而且入面既椰肉係已經起好架啦, 混合榴槤肉食好MATCH, 而且仲食得好方便!白桃/抺茶活乳酸梳打-各$32因為食完甜品想再吹多陣水, 每人叫杯野坐多陣, 支梳打水係另上的, 加埋落入唔會過甜, 而且仲有D活乳酸味, 唔錯的清新選擇總結一糖冇令我地失望,

我們分別點了百利甜酒朱古力窩夫配曲奇雪糕和綠茶心太軟配朱古力雪糕。百利甜酒朱古力窩夫：窩夫外脆內軟，而且熱烘烘的，雖然吃不到百利甜酒味，但朱古力味很重，朱古力忌廉及雪糕配窩夫一冷一熱很配合，而且很美味。綠茶心太軟配雪糕：綠茶心太軟奶味較重，流心部份做得很好，而綠茶忌廉茶則味較濃，朱古力雪糕比想像中好吃，雪糕內的朱古力片很美味，紅豆蓉亦不會太甜，整體來說很不錯!

窩夫與蝦子餅又去了一糖吃東西。先點飲品，窩夫喝的是蜂蜜白桃梳打($32)，要自己動手將梳打水加進杯子，再按個人口味加入適量蜂蜜，有得玩又有得飲。蝦子餅則點了菠蘿沙冰($38)，放上一大片菠蘿點綴，賣相很吸引，沙冰的菠蘿味十分香濃，夏日推介。一糖最近推出了全新冰之系列，窩夫與蝦子餅點了芒果乳酸冰($58)，益力多冰不會太甜，芒果粒非常香甜，加了Q果令口感更加豐富。還點了一客抹茶麻薯窩夫($50)，水準依舊，窩夫外脆內軟，帶抹茶香味，配料紅豆大大粒，味道偏甜。窩夫裡面加了麻薯，口感更加軟糯。

睇左好多食評，專程去試。夜晚8點到，諗住食甜品當dinner ，入到去侍應笑容滿面，得一枱情侶幫襯。叫左兩份窩夫，兩杯沙冰，雞翼尖，腸粉魚蛋腸仔。先講雞翼尖，完全唔係辣味仲有少少怪味，或者唔岩我個人口味。腸粉熱辣辣無問題。（不過好多豉油好咸）腸仔唔似係廚師腸，唔知佢係第二隻腸定烚得太耐。魚蛋一咬落去係散既，相信佢都係拎貨唔會係自製，建議搵過第2間入貨。窩夫因個人問題凍左少少先食，正常熱食應該係ok既，凍左都唔算太差。沙冰都正常，有d粒粒果咬下，同埋個益力多沙冰個造型真係幾搞野。成晚最令人反感既係我2個人叫左呢d野食, 都要d時間食架嘛，全程食左你1個鐘，食左$246都唔算話白坐霸住你張枱，如果爆場有客等，你用眼神表情想我快d走都理解，但你又無人等又有吉枱，都要咁樣令我食得唔安樂，仲要埋尼收野一句聲都唔出，其實有d腸粉仲未食完囉。小弟比較少周圍食甜品糖水，但好肯定呢間唔係我覺得最好食既一間，但肯定係我暫時遇過服務態度最差既一間。😤😡😠