一糖 (屏山)

營業中

休息中

話說天水圍沒有像元朗般多的甜品店，但小編最近在聚星樓(西鐵站後方)附近找到一間以日式風格佈置的甜品店 ～ 先説説它的環境，店外牆壁上塗鴉了相信是自己創作的圖案，充滿著日式風格，猶如置身於日本市場般喔！店外擺放了一定數量的桌椅，喜歡一邊享受食物一邊享受戶外環境的你不妨試試。店內的排列工整，整體風格也是偏向東洋風味，十分柔和舒適。接下來介紹一下食物，一糖Idou Dessert餐單的甜點種類廣，除了西式的心太軟和窩夫等等之外，中式的芝麻糊等相關食物亦有供應，甚至連港式的芒果腸粉也有。此外，一些小食如腸粉、燒賣和雞翼尖等如此種種也有啊。以下有幾款美食是小編認為必點的：1.蒜香香辣雞翼尖未吃甜的先吃鹹的，雞翼尖醃得充滿蒜香，並帶有一點點的辣，雞翼尖控必定愛上。2.鮮芒果腸粉小編原先擔心芒果汁會過甜，幸好這道甜點的甜度剛好，而且腸粉很滑，亦不會吸收底下的芒果汁，避免「甜到漏」。芒果肉鮮甜，加上冷冰冰地吃，尢其吸引！3.榴槤心太軟 配 薄荷朱古力雪糕這是榴槤控必點的一道的甜點。切開心太軟有吸引的流心效果，榴槤漿夠濃郁，吃到真正榴槤味道。薄荷朱古力雪糕勝在夠滑，薄荷味重，朱古力碎增加口感。4.蕉脆森

這間在屏山開去一間甜品店，裝潢還不錯，光亮舒適，讓人感覺乾淨。跟朋友一起又點了飲料又點了甜品。整體都不錯，要是在蛋近想想坐下聊聊也不失為一個好地點。畢竟女性愛吃甜，所以甜點店是必須。

返到天水圍，夜麻麻想搵個地方食少少嘢同埋一班人傾下計，見呢間鋪喺西鐵站隔離，近近地就去試一試紫薯食落去好香蕃薯味，天氣涼涼地，食返個暖笠笠嘅蕃薯糖水都幾好，店員話冇晒黃薯得返紫薯，有黃薯可能個色會好d用木桶裝豆腐花雖然唔係第一次見，但睇落又幾靚，糖係分開上，可以按自己喜好落糖，整體唔錯突然想食芋圓，但呢到淨係得一個選擇，所以就揀咗呢個。就咁食冇乜味，要落埋個黑糖汁先有少少甜味。芋圓數目唔多，得幾粒，d剉冰溶得好快，想食冰嘅話要食快d，如果唔係就會變咁做水。因為冰同仙草都係冇乜味，所以要連埋紅豆一齊食先有味第一次試麻糟窩夫，食落口比起普通窩夫多咗少少煙韌，雖然係抹茶窩夫但食唔到抹茶味，有少少失望。窩夫加埋雪糕同紅豆食更好味，加左雪糕同紅豆令窩夫增加咗甜味

食完正餐仲未係好飽於是去左一糖食甜品♡一糖係天水圍區內少有既甜品店好早之前已經試過一次 個陣覺得甜品味道並唔差但今次可能因為叫錯野既關係 有點失水準令人大失所望我地叫左兩樣甜品 分別係宇治抹茶芭菲同生磨芝麻窩夫  宇治抹茶芭菲層次同口感都較單一忌廉同紅豆既份量過多 食落易感膩滯而且忌廉質感欠缺應有既輕盈感 不但厚重 更較甜膩 加上紅豆蓉亦偏甜 食落可謂甜上加甜 令人有種吃不消既感覺唯一較可取係芭菲間中有些許脆米 令芭菲有番少少口感同埋最底層部分有少許寒天寒天抹茶味甘香 而且軟糯 味道較為清新 正好解膩  生磨芝麻窩夫同樣出現過甜既問題擺盤雖然好吸精 但味道卻令人大失所望窩夫雖然標榜用芝麻製成但芝麻味並唔明顯 而且亦缺乏芝麻香 令佢純粹變成一盤染黑既窩夫而面頭既燒棉花糖亦俾人一種畫蛇添足既感覺 食落過份甜膩 至於配既朱古力雪糕球亦無甚朱古力味 質感亦未見濃稠雖然食甜品係為左「吃甜」 但甜得如此過火亦本末倒置了吧?!希望小店睇到後能作出改善!

朋友介紹一間天水圍的特色甜品店，要來這裡的話，必定專程過來，不會順路路過石屋仔設計相當有特色，適合駕車人士到來，鄰近天水圍站，就算坐西鐵行過來都不算太遠門口外牆設計又幾吸引店內的牆壁已看圖識點，梗有一款合你心意黑糖芋圓紅豆仙草冰，配上黑糖上面，仙草和剉冰配合那甜度剛剛好，芋圓和紅豆，加加埋埋，恰到好處香蕉🍌奶昔是什菓、蛋撻餐更改的特飲，原先這個餐是配薑茶，但朋友加$12 改了奶昔。抹茶麻薯窩夫配綠茶雪糕，將雪糕、紅豆、Cream 加在窩夫上，一啖放入口，依種感覺，甜蜜滋味湧上心頭，超愛抹茶窩夫$50和這個生磨芝麻窩夫$62相比，後者就是多了一些圓圓的棉花糖，烤焗之後那棉花糖，切開一絲絲⋯⋯這個甜品，小朋友一定相當喜歡💕芝士蛋撻，一上枱芝士香噴噴，但一啖食落口，超甜蕉糖森林，濃濃的朱古力味，甜度適中，可自行加棉花糖及焦糖，不單只小朋友喜愛，我也被吸引著店舖外貌吸引之外，甜品也舉特色，難怪會吸引到食客專程到來

中秋節團圓夜緊係要食返個甜品啦，今晚去咗天水圍食飯，順便去天水圍西鐵站側食埋個「一糖」😍位於天水圍西鐵站側，行5分鐘就到，超方便有室內室外，任君選擇睇相已經好吸引😍除咗甜品外，仲有些熱食鮮什果西瓜盅雪巴$70（限量供應）鮮果好新鮮，入面係用西瓜打成既西瓜冰，十分消暑解熱👍🏻阿女就指定要食香蕉船$45呢間既香蕉船好特別，條香蕉加咗蕉糖燒，令香蕉更香甜，仲要有三個雪糕球麻薯脆脆窩夫$60呢個好好食，窩夫中有麻薯做夾心，令個窩夫好有口感，加埋朱古力醬，好好食呀👍🏻

同朋友食🍰飯後 大家滿心歡喜去試新嘢 (難得天水圍有間睇落是是正正糖水舖)點知 #服務態度何其差😠 唔使再去食糖水食到把幾🔥🔥🔥服務態度好到呢👎👎👎#朋友們真係唔好去食 #食到一肚🔥1。 #太熱想掉位 #真係冇風🌀 #出晒汗😅🤷: 1個侍應本來話👌另1個就話🙅話我哋已叫晒嘢 規矩唔掉得(講咗1大輪嘢 有D都唔記得了)😤: 朋友(🔥🔥哋)就話咁取消啦🤷: 落晒單lu喎 🙅可以取消😤: 算唔掉就唔掉 (🤦真係唔明白 可以咁死嘅 唔識靈活變通 大把位 都唔比掉 叫咗可以送上第2張枱姐 又唔係多客)2。 #埋單中激氣😤: 食食吓行埋離擺低張單(我哋冇理到 一般都係食完先比錢)🤷: 跟住就話 上齊晒喇 要收錢(明嘅 有D會係咁做法 但妳態度真好唔掂囉 👊)😤: 我哋話得 等陣先💢🤷: 企到唔走 串串供要快😤: 我慢慢check 🤷: 啱嘅可以check 吓 不停講嘢 💦 係到挑釁 佢把口真係唔停咁講 (當時🤷企係我後面)😤: 我哋真係頂唔順 就回禮幾句呵😳 佢真係唔識收👄個喎我忍唔住😡 背著同佢講: [#你可唔可以靜少少 #靜一靜呢] 佢先識🔇朋友比錢 叫佢找錢要快喎回來時潤佢 哎喲 你找錢找慢

下次再吃其他的下班覺得很夜，但又想食甜品。所以下班之後，就和同事們一起到天水圍西鐵站附近的一間甜品吃甜品。這間甜品店的名字叫一糖。店舖內外都可以讓人坐的。我這一次是坐了門口外邊。這一次我叫了抹茶棉棉冰。這個抹茶棉棉冰還附送了糯米小丸子，和紅豆。抹茶棉棉冰，上面有一點點抹茶粉。棉棉冰有牛奶味。我將抹茶棉棉冰和糯米小丸子，以及紅豆一起吃，味道覺得很夾。糯米小丸子不甜，但紅豆和抹茶棉棉冰就甜的。三者一起吃，甜度剛好，個人覺得不錯喔。

我覺得呢間野唯一做得好嘅就係餐牌上面嘅相影得非常吸引，但係出到嚟就走晒樣，芒果窩夫啲芒果得張相嘅三成，楊枝甘露沙冰張相係橙黃色出到嚟幾乎係白色嘅完全冇芒果味仲要唔係沙冰啲金柚又苦又澀，$42杯仲要差過七仔買嗰啲好多，投訴完再做出嚟都冇乜大分別咁樣做生意發睇你捱得幾耐！榴槤心太軟個樣就似啦但係苦嘅！死未！都唔明點解有人會幫襯距，對住啲相嚟叫出到嚟完全貨不對辦，跟本就係欺詐，絕對冇下次！點解OpenRice次次都要迫人哋寫八十字呢，希望你哋檢討一下我哋冇收人工的！

今天來到一間高質隱世甜品小店，說它隱世，因為它遠離塵囂，自成一角，靜靜的經營，給人寧靜的感覺，但它其實只是在天水圍西鐵站旁邊的停車場裡，落車步行2分鐘左右便到。一糖的裝潢透露著點點的日本風味，店外一幅鯉魚壁畫相當引人注目，落地大玻璃窗，自由空靈，灰牆木枱吊燈，簡約休閒。一到晚餐時間，客人接踵而來，一時間坐滿了內堂，不要緊，外面還有露天座位，吹吹晚風，也別有一番風味。女人對甜品是沒有抵抗力的，望着琳琅滿目的餐牌，從中式到西式，應有盡有，真想每樣都點一點來嘗嘗。榴槤皇子榴槤愛好者一定不能錯過榴槤皇子，榴槤配椰皇燉奶簡直絕配！椰皇十分大隻，內全是滑滑的燉奶，充滿椰香，加上一大堆的鮮榴槤蓉，霸道的香氣，瞬間佔據口腔，加上小許西米增加口感。吃過燉奶，記得要挖光裡面的椰子肉，輕輕一挖就能挖到一大片，肉質鮮嫩香甜。鮮芒果腸粉朋友最愛芒果腸粉，來到一糖不用想也來一客。腸粉皮是蒟蒻製成，冰涼滑溜，爽口彈牙，包裹著大大舊的芒果肉，浸泡在滿滿的芒果汁中，毫不吝嗇，每一口都是芒果的鮮甜，吃完腸粉還剩下了一大碟芒果汁，真想直接喝掉。朱古力心太軟配曲奇雪糕心太軟製作麻煩花工夫和時間，所以不是間間甜品鋪願意整，一糖

第一次在天水圍食甜品，特意來到在openrice排行第1的「一糖」。揸車來的人可是十分方便，因為入面有個免費泊車的地方，都幾多位。這樣格局的甜品舖，是很有特色的。💛來到店內已坐滿，外面卻有很多空間，放置桌椅供客人食甜品。雖然有個大風扇在外，但怕熱的朋友，還得忍受一下夏暑~😂我們坐在外面，一邊食一邊欣賞牆上的壁畫，都幾好feel架。在很多甜品的選擇下，我們三人不約而同選了心太軟，又很有默契的選了三款不同的味道 ~😁😁分別是- 榴槤心太軟❤ - 芝麻心太軟💙- 朱古力心太軟💜這樣一來，我就嘗試了三種味道了! 以下是芝麻心太軟: 出面很少食到這味道，有芝麻味，但不夠濃，和牛油味略略太重了~但流心效果是不俗的 😉一看顏色就知道這是榴槤心太軟，出乎意料，都幾夠榴槤味! 說真的，心太軟還是傳統的巧克力最夾~而這個真的做得不錯~最後三人合共花費$174~😙😙下次再來的時候，讓我們試試「非心太軟」類的甜品吧！

今日放工約咗朋友去一糖食甜品，個位置喺天水圍西鐵站附近，好方便易揾。離遠已經見到外牆有幅好靚既壁畫，好靚，好有特色。由於我同朋友都未食晚飯，所以見到有腸粉就即刻叫咗碟腸粉加燒賣同魚蛋，估唔到雖然一糖主打甜品，但小食都幾好食，腸粉滑，而且夠多醬，唔錯。另外叫咗幾樣甜品榴槤皇子一黎到已聞到好香榴槤味，榴槤肉分量多，味道香濃，而且仲可以刮啲椰肉食，好滿足，好好食。生磨芝麻窩夫加曲奇雪糕窩夫好正，外脆內軟，而且仲有好香濃既黑芝麻味，配襯曲奇雪糕一流，仲有cream同棉花糖，可以食到唔同配搭，而且每種配搭都好夾，值得一試。蕉糖布甸牛奶冰蕉糖布甸好滑，牛奶冰好濃牛奶味，唔會好快溶，夏天食完透心涼，好解暑，爽!菠蘿活乳酸梳打好靚，可以任由自己口味調配，好特別，好好飲。一糖甜品有好多款式，仲有好多未試，下次一定會再黎試埋其他甜品!

朋友力推的甜品店，一於試試。綠茶牛奶冰，超解熱，吾會過甜，怕熱人士必點。Bailey's 麻薯窩夫配曲奇雪糕本人是個麻薯窩夫的忠實fans, 香口的窩夫再加上in in un un 的麻薯，簡直係絕配。啲cream，一食入口，濃濃的百利甜酒味道充滿口腔，好此酒人一定不能錯過。另外，將小小牛奶冰放喺窩夫到食，感覺好清新，又有一種特別的食法。朋友果然無介紹錯，我食完都真心大推。

平時食親糖水都係落返元朗，喺朋友介紹下先知原來天水圍西鐵附近都有一間。店面採用日式刨冰店既風格，加上門口大落地玻璃，下午斜陽照住既時候俾人一種慵懶休閒既感覺，好RELAX見好多客人都專程揸車黎食，外面既大空地就有得泊車，非常方便。甜品選擇都好多，除左經典既中式糖水外，仲有唔少新式甜品，綿綿冰、心太軟、窩夫、特飲、雪芭、燉椰皇、芝士撻、刨冰等應有盡有。窩夫厚身脆口，粉漿唔會太甜，幾重芝麻味。但整體味道偏向淡香，面頭既綿花糖正好為窩夫增加左啲甜味心太軟即叫即製，上枱熱辣辣，已經聞到好香榴槤味。外脆內流心，一切開滿滿既榴槤漿流出，味道濃郁口感creamy，加上外圍焗得微焦，食起黎好鬆脆香口，好似食梗餅乾咁。建議大家黎到可以揀曲奇味雪糕，奶油味香得黎曲奇粒豐富又大粒，好有咬口 芝士撻係糖水舖比較少見既食物，見幾新奇當然試下。同樣即叫即焗，批邊好香脆，芝士味好重，但又唔膩，比起其他連鎖餅店好味好多！店家好貼心咁配上雜果同熱茶，既清甜又解膩，入口好順喉舒服。配料豐富既刨冰，旁邊有黑糖俾客人自由混加，因為除左紅豆外其他材料都無調味既。芋圓幾煙韌有咬口，夏天食呢個冰冰涼涼好舒服，但建議兩個人食一碗，因

週末期間，友人新界自駕遊，首先去屯門咖啡灣燒烤BBQ, 新墟街市買食物後即刻開爐，本想中午開始燒，搞到最尾黃昏先開始燒。 天公造美，天陰陰但全程無下雨：）接著，朋友話天水圍呢間糖水鋪「一糖」有車位泊，有特色飲品，另有出名即製waffles， 種類繁多。到埗後，出面都坐滿人了， 店內位子不多，裝飾日本風，簡潔木色為主。 我們點左3款， 首先係芒果乳酸冰， 乳酸味道突出，芒果醬甜度適中， 沒有蓋過乳酸味道。 沙冰令人即時消除熱氣騰騰， 乳酸帶來開胃消臍感覺。益力多沙冰， 原來整支益力多可以這樣子冰製成冰，仲有QQ 粒，彈牙有趣！ 生磨芝麻窩夫， 芝麻香味四溢，窩夫熱哄哄香噴噴，鋪係面有大大粒棉花糖，火槍燒後燶燶地， 香甜延綿，再加上雪糕，冰火二重奏，夏天消暑一流推介。