一糖 (屏山)

營業中

休息中

Happy Friday食完飯後又唔想咁快返屋企所以就同男朋友特登揸車過一糖嘆下甜品喇雖然筆者今次就揸車去嘅 但其實佢隔離就係天水圍西鐵站同輕鐵站所以無車都一樣方便嘅見到呢個大大嘅車場 唔駛猶豫行入去就啱㗎喇室內座位唔多 亦都有少量室外座位嘅俾定心理準備大家 繁忙時間有機會要等位嘅餐牌係有超多款甜品嘅無論流質類啦固體類啦新式舊式都有嘅 筆者最開心呢就係仲有少量小食添✨榴槤皇子 $60入面有椰子凍啦 椰汁啦 同埋一大嚿嘅榴槤蓉一食呢係超濃嘅榴槤味 濃到其他味完全食唔到😂直到食晒嚿榴槤蓉 就食到淡淡嘅椰子味喇係一個幾有層次嘅甜品✨芋泥小丸仔西米露 $38唔知關唔關食咗榴槤皇子事 所以成碗都係比較淡嘅✨蘋果肉桂窩夫 $60呢個超級驚喜阿蘋果味超香 鍾意食蘋果批嘅人真係必點阿✨Bailey’s 心太軟 $58佢嘅份量真係超級大 無論係個蛋糕同啲水果都啲bailey味就係喺上面啲泡泡嘅所以唔算話好濃 但有種錦上添花嘅感覺朱古力味都唔會話好濃好甜 食完都唔會好滯嘅✨咖哩魚蛋腸仔 $8+8食咗咁多甜野就忍唔住食啲鹹野hahaha😆魚蛋係陳皮魚蛋嚟嘅 唔好睇少個咖哩汁 都有啲辣下不過辣味呢就搶過個咖

朋友介紹喺天水圍西鐵站後面有一間隱世嘅甜品店，佢話嗰度嘅氛圍直情好似去咗日本咁，呢輪因為疫情餓咗咁耐，就即刻去試下，離開天水圍西鐵站行經一條小路之後就係一糖，都只係需要幾分鐘，十分方便，去到見到呢一幅咁有日本 feel 嘅水泥牆就係喇。一糖除咗窩夫、綿綿冰、即撞豆腐花、香蕉船、心太軟同沙冰等等之外，仲有好多款中式傳統甜品， 帶埋屋企嘅老人家嚟都啱食。抹茶椰汁紅豆冰，呢個椰汁紅豆冰絶對勾起我嘅童年回憶，但係一糖加入咗抹茶同埋雪糕，傳統之餘亦帶點創新，紅豆煮得夠腍而唔會太甜，係我最鐘意嘅味道。由於有少少肚餓，食甜品之前嗌少少鹹嘢嚟頂下肚，估唔到呢度連魚蛋燒賣腸粉都咁有賣相，呢度嘅魚蛋相當高質，有陳皮味之餘亦都好有咬口，腸粉亦都好滑溜，淨係嚟食呢碟小食都已經值回票價。 Mocha 脆脆麻薯窩夫，呢度嘅窩夫最大嘅特色係窩夫裏面係有麻薯夾心嘅，外層脆卜卜嘅窩夫裏面包住嘅係軟糯煙靱嘅麻薯，唔係咁多地方食到窩夫有咁嘅雙重口感，淋喺面頭嘅朱古力糖漿、棉花糖同白色嘅糖霜都為呢個甜品生色不少，一啖脆脆嘅麻薯窩夫，一啖曲奇雪糕，夫復何求。

由於受疫情影響， 台灣之旅被迫取消， 放大假要放放電， 唯有近近哋去位於天水圍站隔離嘅《一糖》 食個甜品， 滿足一下。呢一間《一糖》非常之有旅行感覺， 地點既方便( 隔離就係天水圍西鐵站) ， 亦帶點隱秘。 餐廳係一間小石屋內， 感覺就好似去咗台灣鄉郊嘅小店， 平時好多單車友嚟食甜品。呢度最出名嘅除咗有麻薯窩夫之外， 仲有各款心太軟同綿綿冰。 天氣咁熱， 最啱就係叫番個涼浸浸嘅綿綿冰消消暑。 今次試咗雪白純潔嘅牛奶冰， 牛奶冰充滿奶香， 入口即溶， 非常綿滑。 喜歡焦糖入朋友亦可以加上焦糖漿， 鮮奶同焦糖嘅香氣非常匹配， 一齊食亦唔會太甜。 加埋滑捋捋的焦糖布甸， 充滿蛋香， 入口即溶， 非常美味。另外的baileys心太軟亦同樣係招牌， 熱辣辣嘅心太軟入面有溶岩朱古力漿， 上面鋪滿咗baileys泡沫，酒味濃郁。 baileys和朱古力本身就是極度匹配， 甜中帶甘， 苦中帶甜。 加埋凍冰冰的朱古力雪糕， 一冷一熱的口感實在令人回味。除咗有甜品之外， 這家小店同樣提供咗港式小食， 有軟滑的豬腸粉， 彈牙的魚肉燒賣， 實而不華的雞肉腸 ，以及充滿陳皮味的魚蛋，各種小食都充滿童年回憶， 除

聞說天水圍區最好味嘅糖水舖係屏山嗰邊，我自己不嬲食開新北江嗰啲糖水舖，經過朋友介紹一糖之後，今日朋友就帶我去試吓啦。其實佢嘅位置都只不過係天水圍西鐵站行過去幾分鐘，都好就腳，亦都比其他糖水舖坐得舒服。因為我同我朋友都未食嘢嘅關係，所以我哋諗住甜品同鹹點都照嗌。先食咗鹹嘢先，我哋叫咗一份嘅腸粉同埋魚蛋，仲有雞翼尖。魚蛋幾彈牙，同埋雞翼尖辣得好過癮。跟住太口渴嘅關係，我哋每人都嗌咗一杯飲品我就要左芒果汁，消一消暑。我朋友就推介別係呢度嘅窩夫，所以我哋就帶咗一個焦糖Oreo窩夫啦，果然冇介紹錯個窩夫超好食，佢外面係好脆嘅，食得出係即叫即整。另外我朋友好想食榴槤嘅甜品，所以我哋就叫咗個榴槤心太軟，一切開個心真係即刻流晒出嚟，榴槤味亦好夠，我朋友都讚不絕口。見到餐牌上面有桃膠嘅選擇，又忍唔住叫咗，叫咗個椰王桃膠燉蛋白，對女人養顏補身好啊。味道唔會太甜，好啱我口味。另一位朋友就帶咗一碗黑糖芋圓紅豆仙草。見到都好足料，好好味咁。

榴槤王子 $60榴槤迷必試，榴槤蓉味道非常濃郁，食到有一絲絲既榴槤肉， 真材實料。下面係牛奶蛋白布丁加左椰汁好滑，淡淡椰子香，食埋側邊的椰子肉， 成個清曬。桃膠紅棗木瓜燉雪耳 $49好多桃膠，女士們的恩物，可以保保膠質，養顏。木瓜好甜，雪耳好爽脆， 值得一試。芒果窩夫配綠茶雪糕 $55其實一入到餐廳已經聞到一陣好香牛油同雞蛋味，應該係窩夫味。 果然冇叫錯，外脆內鬆軟， 而且加咗麻薯，有點煙韌，有驚喜，絕對值得一試。川貝圓肉燉雪梨 $48川貝潤肺，啱曬而家呢段時期食，原隻雪梨燉好少見，好考功夫同花心計的甜品。榴槤心太軟 配朱古力雪糕 $58即叫即整，一上台已經香噴 噴，熱辣辣脹卜卜咁， 切開少少，榴槤漿已經流曬出嚟，非常邪惡，流心效果同味道都做得好好，但略嫌有點過甜。 雜果芭菲 $48上面係芒果雪糕，滿滿的雜果， 朱古力脆脆，下面係牛奶布丁，一層一層食到底。

成日喺IG見到friend po story 都係一糖啲窩夫，今日終於有機會帶女朋友嚟食啦！紫薯窩夫配曲奇雪糕 $58見到舖頭入面啲poster都有啲紫薯feature既product相，相信都係好受歡迎同好好食☺️ 雖然而家紫薯越嚟越普及，但係唔係間間都整得好食，一糖果然名不經傳，窩夫好鬆化，用咗啲蜜糖墊底，蜜糖嘅甜味同紫薯好夾，啲紫薯蓉處理得一啲都唔馬虎，好香滑，又唧晒花咁樣打卡一流呀！仲有紫薯脆片，同埋自己揀味嘅雪糕，一次過滿足你四個願望！

原來女仔食甜品係用第二個胃，係真嘅！今日上完瑜伽，朋友話帶我去食甜品，依個位置確實係隔涉， 我住喺呢個佢咁耐，都唔知原來呢個位置有糖水舖。10:30嚟到竟然仲要等位，咁睇嚟呢間糖水舖真係好好食。坐低之後見到佢真係好多嘢揀，心大心細嘅我樣樣都想食，於是做咗一個挑戰，就係隨心所欲咁揀晒自己想食嘅嘢。因為以我理解，一般糖水舖嘅甜品都唔會好大份。首先其實我好鍾意食心太軟，而加左Bailey s嘅心太軟都係第一次食。佢個味道會比普通朱古力心太軟香啲，佢仲會配埋新鮮水果同埋一個雪糕球，如果抹茶雪糕都唔會太甜，而且都仲有淡淡的抹茶香。而最重要嘅係呢度嘅心太軟嘅size係出邊普遍嘅Double。然之後我哋仲帶咗個焦糖燉蛋，同樣地呢度嘅焦糖燉蛋嘅size係出邊嘅1.5倍，確實係另外意想唔到。而且佢都做到好Creamy,每一啖都好似食緊cream 咁，佢本身嘅味道唔會好甜，所以加埋脆卜卜嘅焦糖就啱啱好啦。至於我朋友就揀咗個榴槤王子，佢呢個其實係椰皇燉奶，不過就加咗榴槤雪糕。我自己本身就唔食榴槤嘅，不過個味道令我唔係太抗拒，已朋友都話食到榴槤香。另外佢啲燉奶都好滑，椰子肉都好清甜，而且椰子嘅味道唔會比榴槤蓋

話說今日一班朋友晏咗食晏晝飯😅， 到夜晚食飯時間，唔想又食飯😂😂，所以就話不如去食 甜品🤩，醒起天水圍西鐵站附近有間甜品舖🧈(之前同車會朋友一齊嚟過)，所以特登帶自己啲朋友嚟食多次🤤，我哋坐低冇耐，就叫咗好幾樣嘢，包括有一堆魚蛋燒賣腸仔🍡，雞翼尖🍗呢d 既熱食，另外當然唔少得梗係叫甜品啦😆， 我哋叫咗嘅甜品包括有榴槤奶凍🍮， 呢間舖主打嘅黑芝麻窩夫🧇配薄荷朱古力雪糕🍨， 榴槤王子🥥， 同埋黑糖芋圓紅豆仙草剉冰🍧， 由於我哋係share食，所以我每樣試咗少少，其中最推薦嘅係黑芝麻窩夫，因為個窩夫真係好脆🎉，而且有好香嘅黑芝麻味👌🏼，另外我亦都推薦榴槤奶凍，因為個榴槤好濃味🤪，鍾意食榴槤嘅你千祈唔好錯過😜，整體每一樣甜品都非常之唔錯，所以經過天水圍記得要你試下

疫情因素原因都無得食甜品一段時間，平時啲糖水舖都係舖頭入面都好高風險，但又食去食下甜品，就決定去一糖因為舖頭出面都有好大地方可以用。收工約埋4個人一齊去，晚飯都唔食就直接去食可以試多幾款甜品。去到當然係坐出面啦，睇定叫先叫左啲小食打打底先，有腸粉夠滑又多醬、燒賣、陳皮魚蛋、雞尖$20但份量都好多幾抵食辣辣的幾好。因為我都幾鐘意食榴槤所以叫左兩款榴槤甜品。榴槤心太軟 好少地方有得食，多數都係朱古力心太軟，一切開好多榴槤漿流出黎充滿哂陣陣榴連香味，食落都好濃榴槤味。榴槤奶凍榴槤蓉加奶凍，真係用榴槤肉打成蓉出黎，而家啲榴槤都好貴自己都唔捨得買黎食，所以去甜品舖食都食返榴槤既甜品滿足一下。另外再叫左一個百利甜酒窩夫黎食，窩夫外脆內軟仲要係即叫即整，加埋baileys味既Cream都幾好味，唔會好似只係得cream 食落咁肥膩。整體都唔錯，每次食甜品都好開心，下次再唔食晚餐甜品當飯食，正呀!

要問天水圍最出名高質既糖水鋪，應該都會答你一糖呢日同朋友去左一糖食糖水小聚一番，由西鐵站行過去五分鐘就到，唔難搵我地因為冇食晚餐，所以叫多少少小食首先叫左碟腸粉 加燒賣魚蛋份量都幾多，麻醬同甜醬都會比足你，腸粉夠滑，燒賣魚蛋都幾大粒另外叫左個蒜香香辣雞翼尖，味道同YL某間鋪唔同，但都好夠蒜香同辣味，都幾滿意甜品方面，我地叫左個抹茶麻薯窩夫配朱古力雪糕同一份蕉脆森林抹茶麻薯窩夫有4大塊，配以抹茶cream同蜜紅豆，窩夫中間真係有麻薯，少少煙un，窩夫上面都灑左少許抹茶粉同糖霜，除左賣相好睇，同埋d配料一齊食口感十足因為辣尖真係幾辣，所以叫份蕉脆森林平衡下蕉脆森林其實就係一款朱古力沙冰，上面灑上華田脆脆粉，提升左口感層次。配料有香蕉、綿花糖粒同朱古力漿，可以跟據自己喜好落幾多就幾多，朱古力漿令到沙冰朱古力更濃，但落哂會好糖，最好逐d食逐d落就唔驚一次過重手左

👫女人有兩個胃，食完正餐緊係要食埋甜品啦😍 呢間位於天水圍西鐵站附近嘅甜品鋪睇落好似好難搵，其實從西鐵站落車沿途都有店家嘅旗仔指示🤘🏻 露天停車場直入就係㗎啦，門口仲有鯉魚壁畫，小平房設計，同埋室外同室內都設有雅座㗎😋一一一一一一一一一一一一一一#榴槤心太軟 <$58>到咗榴槤當做嘅季節啦，一定要瘋狂食榴槤🙈一望到有心太軟就即嗌🤤賣相唔錯，聞落有陣陣嘅榴槤香❤️除左有主打心太軟外，仲有雜果同一球雪糕🍦 口味可以自選㗎😳切開心太軟，雖然無爆漿，但都見到流心嘅效果，外皮少脆食落又唔太乾☺️仲有好濃郁嘅榴槤香，入面嘅漿好似食緊拖肥糖咁😆整體嚟講甜得嚟又唔會好膩，三兩下就KO曬😋鍾意食榴槤嘅朋友仔不妨試下💓.#榴槤皇子 <$60>椰皇內有啖啖嘅榴槤果肉同燉奶🌈味道清甜又帶榴槤嘅濃香，口感同味道異相地夾💕西米令成個口感更添層次感😚食完燉奶同榴槤肉，一定要食埋椰皇嘅椰子肉，夠曬香甜😝.#焦糖布甸牛奶冰 <$65>牛奶冰就算唔落糖漿都好夠味，口感軟綿綿入口即化😳焦糖布甸加埋牛奶冰一齊食係另一番感覺🍮不過整體嚟講偏甜，食咗兩啖就好漏，可能唔落糖漿會更好🤔一一

想吃一吃甜品，又想去散下心，於是去了天水圍西鐵站位於屏欣的甜品店。甜品店位於較郊野的停車場內，很貼近大自然。.🔥鮮芒果腸粉好特別，是必點之一！Yes 腸粉都可以是甜品！腸粉包著的是芒果果肉，腸粉皮當然不是麵粉的那一種，而是很有椰香味，質感似啫喱有咬口的。今次食腸粉就不用加豉油，而是加上芒果汁。整個甜品十分有趣有Cross Over的感覺，既豉油腸粉的賣相又是香濃的芒果甜品。一共有三條切開一半可以給六個人吃。.🔥紫薯窩夫🧇綠茶雪糕窩夫果然是招牌，外脆卜卜，又不會太硬，香脆軟熟。入面放有不少紫薯，滿口薯薯好幸福呀！賣相都好好，有紫薯薯蓉。一共有4塊窩夫，食完都可以當一個晚餐了。另外還附送一個雪糕球，有不同口味可以選擇，綠茶味就很香濃抹茶的味道，我就把它用來沾窩夫食，更加好味。.🔥鮮雜果奶凍如果怕肥，但又想食甜品，this is a good choice!因為新鮮生果好多，當食生果杯。另外也有奶凍及麻薯，都不會太甜，整杯食晒都好輕盈。.🔥榴槤皇子必食之一！原隻椰皇上，入面的燉奶好香滑，加上上面的榴槤蓉，好正。食完之後還可以刮椰肉來食，豐富！.🔥蜂蜜菠蘿梳打梳打原瓶上，refreshing~

最近天氣不停下雨🌧️，使人感到鬱悶，情緒低落，所以想起吃甜品使人有一種幸幸福感，而且已經很久沒有出外吃，更加想放肆一次！這次來到妹妹經常去的天水圍甜品店，因為價錢實在，質素不差，不怕吃到「荷包」穿袋。最厲害是甜品店竟然有鹹的小食，可以中和甜味，真是聰明的做法。咖喱魚蛋$8及腸粉4條$10這個價錢真是好抵食，醬料好像不用錢而淋上，魚蛋比較實淨較小，腸粉滑而份量足，是吃甜品前的墊胃「前菜」！蒜香香辣雞翼尖$20這是必食推介，我妹妹自己一個人就可以吃完，每次她來必點一份，因為夠辣和蒜香味重，如果可以轉單骨雞翼就更好！楊枝甘露$33、燉蛋$32我覺得這兩款甜品的質素較普通，味道跟大眾的甜品店差不多，可叫可不叫。榴槤皇子$60、榴槤心太軟$58如果你是一個榴槤迷，這兩款甜品值得一試。首先不多店會整榴槤心太軟，而且是整得好吃！其次是榴槤香味比冷食更濃烈，所以一定要趁上碟時熱辣辣切開，一切開心太軟，流出的榴槤醬好像朱古醬般稠些，好有飽感。榴槤的味道完全蓋過了其他味道，所以我覺得配上雪糕有點多餘，只是忌廉配上榴槤醬已經令人好滿足。而榴槤皇子是燉蛋白加上榴槤肉，再淋上椰汁，簡直是完美配合。我吃完這兩款甜品

一糖 依間一食再食，因為門口有個大空地所以好多車友黎食，價錢合理 綠茶心太軟紅豆配綠茶雪糕  心太軟是人見人愛的甜品，上次食bailey’s今次已經無了，今次就叫綠茶味道，蛋糕濕潤，內裡流出的綠茶，味道帶少少苦，配上幼滑的綠茶忌廉，伴碟有甜甜紅豆及清新的綠茶雪糕，小編最喜歡雪糕🍦 鮮雜果蛋撻配紅棗茶定食 依個係小編推薦，上次已經介紹過，撻好有芝士香味，記得黎到要叫👍🏻👍🏻 芒果腸粉 上台勁多芒果汁，腸粉皮做得好薄，應該係椰奶外層，粉皮滑溜👍🏻👍🏻下次黎又有必叫啦🤣🤣芒果果肉甜不帶酸

今日就去完屏山，順便去朋友推介的甜品店搵食，係天水圍西鐵站E出口，向左行一陣就到，都好易搵，如果揸車都好方便，有大大個停車場。店鋪門口有一大幅壁畫，有點日本風格。見到份menu靚到呢!忍唔住點了兩款窩夫生磨芝麻窩夫($62)啖啖芝麻香味，好特別，外脆內軟，配上棉花糖增加層次感。蘋果🍎玉桂窩夫($60)賣相勁靚，玉桂味的醬蘋果粒酸酸甜甜，仲有脆脆玉米片，配搭好有創意，窩夫有麻薯夾心，超好味!宇治抹茶巴菲杯($48)大大粒日本紅豆，甜度剛剛好，配上濃濃綠茶雪糕，正！蒜香雞翅尖($20)雖然係甜品店，估唔到雞翅尖十分有驚喜，少少辣，整得好入味，十分推介，必點!香滑腸粉($10)麻醬係自家製作，好香花生味。下次再來要試埋其它糖水。