一糖 (屏山)

營業中

休息中

呢日去左天水圍探朋友，食完晚飯之後當然就直落食甜品啦，佢帶左我去天水圍站附近既糖水店，呢間鋪頭真係要地膽先識去，雖然佢好近地鐵站，不過就要喺唔起眼既小路到行過去。佢入面既環境唔錯，亦都有幾多選擇。我地點左好多甜品，首先係啲養生啲既甜品，呢個桃膠椰皇燉蛋白好滋潤，女仔食就perfect，而且唔會太甜，正！另外焦糖燉蛋都唔錯，面頭烤到脆一脆，底下係濃郁既燉蛋。咁熱既天氣食呢個鮮雜果西瓜盅雪芭就岩哂，好消暑。最正既係呢個即製抹茶麻薯窩夫，外脆內煙韌又有好香抺茶味！仲叫多兩杯野飲，好飽啊！

好耐都冇食甜品啦！所以我同男朋友今日去咗天水圍呢一間一糖食甜品。距離天水圍站都只不過係3分鐘嘅路程。嚟到一糖既門口，我就俾間鋪出面嗰幅超大嘅壁畫吸引住左！上面有佢哋嘅店名，好有設計感同埋特色，啱晒各位鍾意打卡嘅朋友仔拍照留念。你可以選擇坐室外或者室內，無論你係一個人食定一大班朋友一齊去食，都坐得落。咁我哋今日就揀咗坐入邊。我哋因為夜晚冇食到晚飯，所以叫咗啲小食填下肚先，有魚蛋，燒賣，腸仔，蒜香雞翼尖。魚蛋中分彈牙，燒賣都唔錯。最中意既係雞翼尖同腸仔。腸仔唔似出面食到個啲死咸，雞翼就非常腍，好入味！食到有啲口渴，我地一人叫左一杯乳酸梳打，梳打水同乳酸喺分開，要自己將梳打水倒落杯度，非常有gimmick！食完咸野喺時侯要食甜野啦！我地叫咗一個桃膠椰皇燉蛋白同一個梳乎厘紫薯。個桃膠椰皇燉蛋白超滑！食完都覺得自己皮膚滑咗好多哈哈！梳乎厘紫薯上面個層蛋白好香好軟，好似舊雲咁。下面個層喺紫薯蓉，好香紫薯味，紫薯控必點！最後我哋叫咗杯蜂蜜玫瑰茶，食完凍嘢，飲返杯暖嘢暖下胃。叫咗咁多嘢食，連未食晚飯嘅我哋都食飽咗，埋單都只係$251，十分抵！下次會再嚟！

今日去咗天水圍探朋友，睇吓朋友個初生BB，好可愛，探完之後都費事阻住人哋啦，就睇吓附近有咩食啦。見到呢間評價幾高嘅糖水舖，又喺附近，就同老婆一齊行過去，其實佢嘅位置就係天水圍西鐵站樓下，雖然佢好似喺村入邊咁，但其實係天水圍站大概三四分鐘嘅路程已經行到，所以實質其實都好方便，如果揸車人士嘅話更加方便添，側邊有啲路可以泊車。其實我今日都冇乜食過嘢，所以都有啲肚餓，除咗糖水之外，我第一時間先嗌咗一個腸粉魚蛋燒賣，老婆話想試吓啲雞翼尖，所以我叫咗一份雞翼尖。啲魚蛋同燒賣可以揀咖喱汁，我哋亦都加咗咖喱汁，都辣辣地嘅。然後腸粉d醬勁多，所以都好好味。之後每人叫咗一杯飲品，因為啲雞翼尖都辣辣地嘅，老婆就要左芒果汁，我就要左荔枝梳打。本身我好怕個荔枝梳打會好甜，但係原來佢係糖水分開上嘅，自己可以調校自己喜歡嘅甜度，呢個好值得一讚。之後見到隔離枱食個窩夫同埋心太軟都好似好吸引，真係好少糖水舖有咁多款式嘅嘢食食，基本上你諗得出嘅甜品都有，所以我哋要嗌左一份窩夫同埋心太軟。窩夫係包埋一球雪糕嘅，然後窩夫入邊有麻薯，成個組合超級夾。只要個心太軟可以再熱多少少，咁佢個流心會再突出一啲。點知我老婆仲話未夠飽，想試

今日同朋友特登過去天水圍食糖水，呢間甜品店賣點係出面有一幅好大O既塗鴉牆，成為ig打卡勝地，至於食物方面就上網睇過d食評亦唔差，價錢亦唔貴，所以同朋友都唔介意特登搭車入o黎試一試!!!! 而且甜品店位置O係西鐵站旁邊，行幾分鐘就到，都幾容易搵到….由於我同朋友都唔想一次點哂D甜品，怕食得太甜，所以我地都點O左D腸粉同魚蛋食下…意想唔到O既係連小食都整得唔錯，腸粉夠滑，魚蛋入味，最吸引係D醬料多!!!!!  至於甜品方面，我地試O左生磨芝麻窩夫配薄荷朱古力雪糕，食落好香芝麻味，窩夫即點即整，所以外層夠脆口，好美味，另外，朋友點O左朱古力心太軟，呢款係必點推介，除O左即點即做，令到個心太軟可以做到外脆內軟之外，一切開D朱古力係湧出O黎，睇見好治療，可惜O既係冇拍低video…..值得一提係d朱古力唔係好甜，o岩哂我口味!!!!! 雖然食完咁多o野，但我同朋友係熱愛榴槤o既忠實fans，見到隔離檯點o左個榴槤皇子，我地又忍唔住點，呢個真係冇後悔點O左…..好重榴槤味之餘，仲好滑口，仲要有埋榴槤肉，真係一啖放完入口，完全唔捨得吞!!!!!! 大家不妨一試….

自從天水圍開咗一糖，終於唔洗落元朗都有甜品食🤪🤪特別係近期呢種時不時落雨嘅日子，出去食嘢更加注重就唔就腳。記得初開業嘅時候只有室內廖廖幾枱座位，依家擴充到室外車場範圍，輪候時間大大刪減；加上有瓦遮頭同風扇，唔洗等位又唔怕熱同淋雨。甜品種類多到成本相簿咁厚，中式、西式、特飲、時令水果、綿綿冰，基本上你諗到嘅都有。私心推薦椰皇燉蛋白❣️蛋白椰汁各佔一半，比純燉奶入口輕盈不膩，甜度適中、唔死甜；加上啖啖桃膠，滋潤又養顏，啱哂女仔飲～椰殼上嘅椰子肉一刮就甩，真係可以食哂啲果肉🤟🏻日式芭菲雖然無日本正宗嘅多料，但雪糕、脆米、紅豆、忌廉同啫喱幾種不同口感層次嘅食材同樣帶嚟充分滿足✨抹茶味偏淡香不甘澀，抹茶控可能會覺得唔夠濃郁。心太軟有多種口味選擇，身為酒鬼當然係揀Bailey’s🙉但食落無咩酒味。心太軟即叫即製，火候恰到好處外脆內軟，配上面頭帶淡奶油香嘅輕忌廉，感覺比起配雪糕更合適；選用咗偏濃嘅苦甜朱古力，食落唔會太甜漏。窩夫中規中矩，可能擺碟耐咗嘅關係，上枱微溫、唔夠香脆；除咗加入砂糖煮過嘅蘋果粒，仲有幾片爽脆嘅蘋果薄片同粟米片提升口感，都算幾有心思。

門口好有特色，門面嘅牆刻咗「一糖」兩字，旁邊仲有塗鴉牆，可以任影相，呢個位簡直係呃like位！入到去，好寬敞嘅環境，感覺好warm,第一時間睇餐牌嗌甜品啦！好多款甜品選擇，樣樣都想食。首先，我同我個friend嗌咗一份生磨芝麻窩夫配薄荷朱古力雪糕，再叫多一份朱古力心太軟配芒果雪糕益力多沙冰，杯沙冰好可愛，入面有支雪咗造冰嘅益力多，仲有好多粒啫喱，一邊啜沙冰，一邊咬啫喱，雙重口感！西瓜汁清甜，消暑由解渴，夏日健康之選終於嚟咗兩份甜品，甜品賣相擺得好靚，生磨芝麻窩夫有四塊，其中上面兩塊鋪滿烤溶咗嘅棉花糖，咬落塊窩夫好煙韌，口感好似有啲似食緊麻糬咁，加上鬆脆嘅表面，正呀！而朱古力心太軟一切落去個外皮好脆，切開啲朱古力溶醬漏出嚟，好豐富喎！食落又唔會太甜，加上伴碟嘅生果，可以點落去朱古力醬度食，一款甜品，有兩種食法，夠特別！呢兩款甜品可以自選雪糕，薄荷朱古力雪糕唔太甜，芒果雪糕有驚喜，好香，好有鮮芒果味，果然無揀錯！估唔到嚟到天水圍屏山有咁好食嘅甜品，下次再嚟食過！

那間甜品店舖我又再次去食甜品！店舖需然唔係好大！坐落都幾舒服！四周圍都好寧靜！唔錯休閒的地方！店舖位於天水圍西鐵站落車行幾分鐘就到達！。甜品方面:梳乎里紫薯賣相非常吸引！好軟內滑味道都唔錯！食入口又有口感！紫薯方面食到入口又唔會好甜十分之軟綿綿！真係好正！。石板街窩夫(曲奇雪糕)！賣相真係好靚睇到都想食！😋😋😋！窩夫外脆內軟好有口感！味道唔錯！窩夫凍咗食一樣軟绵绵真係唔錯！。桃膠椰皇燉蛋白！非常唔錯又滋潤皮膚作用！1味道恰恰好！食入口感覺十分幼滑！同時熱同埋凍食一都好味！。朱古力心太軟、綠茶心太軟！外軟內滑味道又唔錯！食入口甜度恰恰好！朱古力味好香濃、綠茶味道好重！真係唔錯！。鮮雜果蛋撻配紅棗茶定食！這個套餐都唔錯！芝士撻味道好香濃芝士味道！食入口好滑口！紅棗茶味道唔錯！薑茶味道好重薑味十分之濃味！。至於價錢方面一般大眾化價錢！

這次與朋友幾個來吃甜品休息一會兒，去到的時間已經坐滿了一半人了，餐廳冷氣充很涼快😆。看看餐牌再選擇甜品吧，我們人多可以吃多幾款甜品感覺不錯😋。食甜品雖然邪惡，但幾個人吃又不用吃太多，又可以吃多款很開心耶🤩🤩。💥桃膠椰皇燉蛋白(凍/熱) HKD$56，這個很養顏的甜品😆，吃過一次覺得不錯所以再點來吃吃。味道不會太甜，靜靜喜歡吃熱的版本，因為味道更香又熱辣辣呢😋。💥梳乎里紫薯 HKD$49，這個甜品賣相不錯而且很飽肚🤭，面頭是梳乎里，而底下暗藏紫薯。甜度適中剛好，紫薯挻滑身的口感🥰。💥綠茶心太軟配綠茶雪糕 | 朱古力心太軟配朱古力雪糕 HKD$50，心太軟這個經典甜品很喜歡吃，最喜歡看到切開後的流效果🤩。吃完甜品之後再吃點水果來中和一下甜味挻不錯吧。另外點了鮮雜果配蛋撻定食配飲品和石板街窩夫配曲奇雪糕，這兩個甜品味道和賣相也不錯耶😆，與朋友分享來吃最好不過呢😝。

呢間位於天水圍西鐵站後面嘅一糖糖水舖好值得大家去試時間我已經喺網上見到好多人食過而且水準真係好首先叫左少少熟食 腸粉魚蛋燒賣香腸個人認為佢嘅咖喱汁帶微辣 香口 腸粉都幾滑 燒賣係魚肉燒賣 都幾好食 之後就叫咗個椰皇燉奶 配桃膠成個甜品整體上唔會太甜椰香足夠好適合老人家或者唔鍾意食太甜野食既人而且成個甜品都感覺好養顏同埋健康Oreo奶昔就比較淡味 冇想像中咁濃Oreo味不過或者咁都有佢嘅好處因為如果佢太甜嘅話成杯就會好膩抹茶芭菲杯 呢個如果再食一定會叫因為佢成杯野都好豐富首先最底層係有抹茶味嘅果凍在黎上面係一啲朱古力脆脆仲有抹茶味嘅cream、抹茶雪糕同埋好夾嘅紅豆蓉由於個人係抹茶控所以仲叫埋抹茶乳酸梳打唔單止餐點精緻自己調校乳酸嘅多少估唔到成個配搭會係咁好再嚟就係我最期待嘅窩夫！真係好食到叫咗兩份叫咗生磨芝麻窩夫🧇同埋朱古力脆脆窩夫佢嘅窩夫外脆內軟又大份如果佢配嘅雪糕可以分量多啲就更加好食因為每一啖窩夫我都會配雪糕食整體來講每一樣嘢食嘅質素都好特別最鍾意就係佢嘅窩夫系列如果再有下一次嘅話我一定會再試更加多唔同嘅甜品一定會試勻哂唔同味道嘅窩夫😘！

打完波又無到晚飯時間，食糖果啦老友。朋友帶我們去一間天水圍西鐵附近的糖品店。近村屋區又可以泊車，都好方便。👑榴槤皇子、桃膠椰皇燉蛋白女人唔補好易老，所以我兩位女仔朋友都叫椰皇燉蛋白。原隻椰皇上，好吸引。桃膠的份量多，鋪滿一整個椰子；榴槤蓉就捲成一個球，見到都想像到榴槤入口的香味爆發。蛋白就燉得好雪白，朋友話椰奶味香濃，有水準。我發現女人通常比男人大食，有個人連椰皇的肉都食到一乾二淨！👑黑糖珍珠仙草匯 這個糖品一人食太飽，仙草份量好多好多，吃極都仲有。相片照到無咁震撼，可能因為仙草黑色好”顯瘦”，實物好多。又有珍珠、薏米、紫薯蓉，豐富。👑鮮雜果蛋撻配紅棗茶定食有兩個白蛋撻，creamy 香蛋味的，又有鮮果及紅棗茶，性價比高。👑磨芝麻窩夫 綠茶雪糕 脆脆地又不硬，滿滿芝麻香，正喎！一共有4塊，其中兩塊焗有棉花糖，邪惡呀。仲有忌廉及雪糕球，非常邪惡。👑鮮芒果腸粉 - 一開始真的以為是酒樓的那一種蒸腸粉哈哈，以為我的朋友咁重口味。原來好好食，腸粉皮是滑啫啫的椰奶皮，入面包著芒果，又淋上芒果糖漿。作為芒果迷的朋友話超好食，等我下次又食先。

環境：👍👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:97%📝進入前要度體溫➖➖➖➖➖➖➖➖➖➖➖➖➖➖➖係天水圍食完刀削麵係回程嘅時候，發現到一間隱世糖水店為食嘅我地，決定直落埋糖水.🔸環境位於天水圍站行出去少少嘅停車場內位置相當隱蔽.🔸餐牌甜品種類好多，新式同傳統甜品樣樣有齊仲有好多款創新系列，都係前所未見嘅.🔸抺茶乳酸梳打 好有和風Feel嘅梳打木盤上有抺茶，乳酪同梳打按自己喜好加入材料咁樣DIY一杯飲品，又幾得意.🔸紫薯泥椰皇燉蛋白 紫薯泥配椰皇燉蛋白，呢個組合我第一次見紫薯係由沖繩直送架！所以味道非常濃厚，肉綿軟嫩以椰皇水燉出黎嘅蛋白，除左嫩滑Q彈仲帶有陣陣椰香，真係一流呀.🔸Bailey's 心太軟 朱古力味極為濃郁心太軟上面加配左Bailey忌廉，口感輕盈幼滑輕輕切開心太軟，濃厚嘅朱古力湧哂出黎朱古力吾會令到糕身太過濕潤，仲食到微脆嘅口感一set 配埋時令水果，同一個雪糕球雪糕球有六款味道可以揀有綠茶，芒果，曲奇，朱古力草莓同薄荷朱古力～.🔸蘋果玉桂窩夫 圓形窩夫有成個手掌般大約2cm嘅厚度，口感香脆而鬆軟，更帶咬勁！表面堆滿左脆片同蘋果果醬中間配

入嚟天水圍探朋友，同佢哋一齊食下午茶，佢介紹呢一間嘅甜品舖，位置有啲偏，唔識路都幾難搵到，揸車泊車比較方便。鋪頭外觀設計獨特，室內面積唔算大，但有好多戶外嘅空間。甜品選擇十分多，仲有咖喱魚蛋等小食，大人細路都啱。榴槤皇子，我最鍾意食榴槤有關的甜品，將榴槤肉放喺椰子入邊，兩種生果放一齊都幾特別，榴槤肉唔算特別多，但質素都OK，配上椰皇燉蛋白，強弱味到互相配合。朱古力心太軟配薄荷朱古力雪糕，我幾鍾意心太軟個脆皮，整體唔會太甜，賣相唔錯。生磨芝麻窩夫配曲奇雪糕，焗得酥脆，加棉花糖鋪面，賣相吸引，呢個窩夫可能係我食過最好窩夫之一，脆面薄身，食落似酥餅，因為皮薄，入口後馬上溶化，唔會癡喉嚨，亦唔會感覺太乾。梳乎厘紫薯的面有少少脆，唔會太甜，加紫薯軟硬配。

一糖依間糖水成日食，因為真係好好味今日放假當然又係有時間再次食糖水甜側邊既水泥牆上有一幅名為「大魚壁畫」既塗鴉綠茶心太軟心太軟剛焗好，熱力加快香氣散發綠茶香味比冷食更濃烈，所以一定要趁上碟時熱辣辣切開流出的綠茶醬好像朱古醬般稠些，好有飽感。伴碟的生果都有精心挑選過，不會太甜搶去心太軟的味道熱辣辣值得一試鮮雜果流心芝士撻配紅棗茶定食 芝士撻食，仲配搭了鮮雜果同飲品，芝士撻咬落是有流心的，芝味是有但不算很濃真係好好味白桃梳打杯底本身已經有白桃醬,再自己加埋梳打水同蜂蜜,飲起上嚟幾清新.蒜香香辣雞翼這是必食推介，夠辣和蒜香味重！馬路之友，駕駛人士搵停車場好方便

星期日行屏山文物徑，行到又熱又攰,想搵啲嘢食下。文物徑附近有間日式style的糖水舖，舖頭出面有幅日式塗鴉牆，都見有唔少人喺度打卡，就選了幾款甜品試一試。「抹茶麻糬窩夫配曲奇雪糕」窩夫個外皮好脆，裡面的麻糬好煙韌，食下去有淡淡綠茶味，果然是這裡的皇牌甜品。「抹茶心太軟配抹茶雪糕」一切開心太軟，綠茶流心流晒出來，很濃郁很香，再配上紅豆，味道很夾。「椰皇燉蛋白」蛋白燉得剛剛好，看來採用了3.6牛乳，再加上椰肉都幾易刮，食落有淡淡椰香同蛋白香味。「鮮雜果蛋撻配紅棗茶定食」個蛋撻係芝士撻，好creamy，水果都幾新鮮，紅棗茶有蜜棗的甜味，紅棗味道非常突出，成個組合可以消滯。「鮮芒果腸粉」造型別緻，而且芒果好甜好新鮮，腸粉好滑，加埋芒果汁一齊食，正正正!「鮮雜果奶凍」奶凍好滑，重奶味但唔會過甜。「焦糖燉蛋」面層以火炙燒，焦糖化火喉適中，外脆內軟，蛋香充足，口感較厚實。「蒜香香辣雞翼尖」雞翼尖蒜味濃郁，再加上辣油，好惹味，鍾意食辣的朋友唔好錯過。服務很好，有賓至如歸的感覺。而舖頭喺天水圍西鐵站附近，食完甜品行幾分鐘就到西鐵站，而行文物徑行到累又可以食返個甜品消下暑，享受美好的周末。

心太軟的Size比平時食個種大好多今次再有埋Bailey’s酒味真係夠曬特別個種感覺就好似食緊酒心朱古力咁但酒個味道又唔會蓋過中間好香濃的朱古力醬🤤而且係新鮮整起的關係，心太軟食落係外層鬆化內層鬆軟一個人食就會略為有啲飽肚，建議大家可以同朋友share食窩夫亦都係即叫即整，一上台個時仲係熱辣辣要讚下佢個內層整得好有心機，中間夾住啲芝磨餡芝麻味唔會過份地濃，配埋面頭燒到半溶的綿花糖一齊食真係幾夾同埋烘焙窩夫個時間控制得幾好，食落外層脆脆地再夾埋雪糕一齊食，一冷一熱個感覺係幾正一上到台個時就覺得佢整到好有心思而且果汁另上呢一點亦都可以照顧到唔同人士蜂蜜同白桃呢個配搭幾大路，酸酸尾尾咁，十分之開胃🤤榴連奶凍嘅中間有一粒榴連波波，由新鮮榴連肉壓制而成底下鋪滿了奶凍😋奶凍入口軟滑，味道清新魚蛋雖然我地叫左唔辣，但食落都有好小好小的辣味但就係因為咁反而令到佢個陳皮味幾出～