一糖 (屏山)

營業中

休息中

麻薯窩夫配薄荷朱古力。啲麻薯喺裏面一齊整埋，一上枱嘅時候熱辣辣，保持到外面脆身，內面煙韌口感。👍🏻可惜放到最後凍咗之後就好似普通格仔餅咁😔好嘢真係要趁熱食🌪配薄荷朱古力好似怪怪地，覺得下次可以選擇其他好似會夾啲。之後叫咗個芋泥小丸子西米露。裏面有一大粒芋泥同埋少少好煙韌既小丸子😍個底係椰奶底。都好香，唔會好假濃🥥芋泥內面有粒粒芋頭都幾好食，不過如果可以再大粒d/多一粒就好。好快就食晒🍧星期日下午茶時間去都有好多位。兩個人食大概$98

一糖|天水圍住咗係天水圍咁耐都唔知有間咁高質的糖水舖，係西鐵站行兩三分鐘的距離，話遠唔遠但從來都唔會經過呢個位，今日一去鍾意到不得了，晏晝5點幾已經坐滿晒人，可見有幾受歡迎✨🍵綠茶牛奶冰 $60牛奶冰清甜不會淡口，加上綠茶味道好夾，是兩個人share剛剛好的量。

真係好好食，賣相讚爆我同兩個朋友無食晚餐，叫咗十幾樣嘢食，埋單差唔多600蚊。食到停唔到口，重飽過正餐 🤤最鐘意係蘋果窩夫，我一開始聽到有肉桂係上面，以為會好大陣味。點知食落口就停唔到口。咖哩魚蛋嘅汁，好濃好惹味。我個人算係食得辣，但都辣到有d頂唔住。我朋友直情想拎個麵撈d咖哩汁食。出面個壁畫好靚，好有日本風格。打卡無得輸❤️ 另外店舖出面係可以食煙，如果唔食煙嘅人坐室內會比較好。下次去開天水圍絕對再幫襯！

第二次嚟呢度食，呢度嘅窩夫賣相靚、份量多、味道好，最抵食。其他甜品價錢都尚算合理，整體來講個人認為俾大x糖嘅甜品抵食，近門口嘅位比較唔舒服，因為趟門會一直撞到張凳。

天水圍本身甜品店唔多，高質甜品店更加5隻手指數得哂😂 呢一間隱世甜品就係西鐵站附近，價錢合理，味道高質，真係可以試一試。因為我係外賣拎返屋企食，味道同質素可能都會有少少影響，不過都分享下我嘅食後感啦！😄【抹茶麻糬窩夫】雖然拎到返屋企已經有少少冧咗，但係味道仍然好好，食得出個窩夫有好濃嘅抹茶味，紅豆好夠甜，窩夫入面嘅麻糬重好煙韌，而且都幾多麻糬，我諗現場食真係會覺得好正🤤🤤 【薑汁紫薯雪耳芋圓】我主要係好想食芋圓，但又想食熱嘅芋圓，就揀左呢個薑汁紫薯喇！平時好怕薑汁味太勁，會好辣咁，好彩呢個薑汁係啱啱好，唔會好辣，重有淡淡紫薯味，要讚下呢碗糖水真係好足料呀！紫薯都有成3-4舊，芋圓就有6-7粒到啦（好mean，我真係逐粒數😂），芋圓好煙韌，唔會好粉咁，好好味😋

西鐵站行三分鐘就到，唔洗特登行十幾分鐘都幾方便，比起其他村屋美食已經好好多，環境都好清幽，有郊遊感覺，無乜人幾舒服，有室內同室外㨂，宜家天氣涼涼地，坐出面吹下風都好唔錯。焦糖布甸牛奶冰，牛奶味唔濃，有啲稀，唔算特別滑，布甸正常無乜特別。mocha脆脆麻薯窩夫配oreo雪糕，窩夫唔脆，麻薯唔太Q，無咩咖啡味，雪糕正正常常，但好夠大份。總括黎講環境幾好，食物正常，用黎同朋友傾計唔錯，入到天水圍，就係要去下啲空曠既地方。

上次睇錯時間2:00嚟咗摸門釘今次終於比我同媽咪你知道啦一嚟到啱啱好有一張二人枱好彩有位如果唔係天氣咁熱等位都幾辛苦一坐低已經即刻叫咗個芝麻窩夫加曲奇雪糕 因為一早已經心思思想食呢樣嘢 然後望吓餐牌再加多樣芒果小丸子同埋菠蘿乳酸特飲芝麻窩夫❤️ 窩夫係即叫即做所以熱辣辣加埋冰凍嘅雪糕真係好正 下次一定要試埋紫薯同埋綠茶芒果小丸子❤️ 芒果有少少酸但係小丸子嘅口感就好好菠蘿乳酸特飲❤️可能因為食咗兩種甜品所以杯飲品變成有少少酸呀 我諗如果淨係叫飲品嘅話會比較好啲另外我覺得服務員嘅態度好好

依間甜品屋都真係幾偏僻，如果唔睇地圖真係唔會識行入去，天水圍本身唔多糖水舖，所以都叫做多個選擇！**********<抹茶麻薯窩夫> $55個窩夫係即叫即做嫁，落左單等緊嘅時候就聞到好香窩夫味，窩夫入面會有啲麻薯粒，旁邊配左綠茶忌廉同紅豆，如果平時鍾意食口感厚實嘅窩夫，一定要叫黎試下！🧇**********<黑糖芋圓紅豆仙草凍> $60依個相對下就唔抵食，最底係黑糖刨冰同仙草凍，上面就有芋圓同紅豆，芋圓好普通口感正常，整體唔太推薦😥**********<香滑腸粉(4條)> $10<魚肉燒賣(5粒)> $8<蒜香香辣雞翼尖> $20作為一個燒賣控，依度嘅燒賣真係唔合格，蒸得太耐所以好淋，口感成舊粉咁無魚肉味！如果想食啲小食嘅話，可以叫碟雞翼尖，味道都唔錯但會有啲辣🔥

今日襯放假天氣又好所以同朋友去左大西北遊歷下🤭😊, 之前有住係附近嘅朋友推介過一糖, 難得入到嚟就緊係要試試啦😝, 佢位於西鐵站附近周邊都會有路牌➡️指示點行去所以都好易搵! 餐廳環境都算大, 有分入面同出面, 出面可以同寵物🐶一齊食野添! 餐牌上嘅選擇都幾多, 甜品有凍🍨又有熱🥞, 清涼嘅滋潤嘅都有, 仲各式梳打🍹同咸食! 絕對可以食完咸再食甜再食番咸, 無限loop🔁!白桃活乳酸梳打🍑🍹白桃味道濃郁加埋活乳酸同梳打嘅刺激感非常解渴😊! 荔枝沙冰🍹入面除左有粒粒雜果仲有沙冰同荔枝肉, 甜甜酸酸, 清涼又消暑☺️!魚肉燒賣蒜香香辣雞翼尖雞翼尖份量幾多, 蒜味唔算好濃但辣得幾滋味🌶, 係屬於入口唔算好辣, 但係食完之後辣味會慢慢自己滲出嚟嘅果種😝焦糖燉蛋🍮燉蛋蛋味幾濃, 質感幼滑creamy, 頂層焦糖幾脆!蕉脆森林🍌🍫🍨綿綿冰嘅朱古力味好濃郁😯, 唔係死甜同假朱古力嘅味道, 甜度適中帶微苦, 所以唔會好膩, 上面仲有朱古力粉, 加埋同朱古力好襯嘅香蕉同綿花糖, 口感十分多層次, 整體唔錯😋!黑糖芋圓紅荳仙草剉冰紅荳圓潤飽滿, 芋圓口感Q彈軟糯☺️, 仙草口感順滑煙韌, 非常足量嘅甜品!鮮芒果

這夜特別感慨，可以泊車的甜品地方少之又少，大西北人來去都只有2,3間選擇，這家甜品店有停車場，讓屯元天一帶多了一個可泊車食糖水的好地方。👍🏻芒果甜品款式很多選擇，我們點了芒果西米露和芒果腸粉。芒果西米露 可選芒果汁底😋 識食一定食芒果汁底😎 芒果肉也不少，香甜滑溜🤤芒果腸粉 也是浸泡在芒果汁中，爽滑彈牙的粉皮略為厚身，包裹著新鮮芒果，一口吃掉一條😋👍🏻鮮雜果奶凍 有西瓜🍉芒果🥭密瓜🍈香蕉🍌和一顆雪米糍做toppings, 奶凍很濃奶味，口感香滑，目測份量明明很少，最後卻吃不完！🤭咖哩魚蛋是辣的，真的頗辣~ 要喝點別的解辣😂

位於天水圍西鐵站附近，走路約1分鐘，有一間隱世的甜品舖。牆上畫滿的壁畫，好有日式風情。「一糖」名字特別，究竟是何意？桃膠椰皇燉蛋白。$56桃膠養顏，為女士恩物！加上用椰皇燉，椰汁香滑，椰香味十足，蛋白以椰汁燉製，除香滑，還椰香滿滿的。食完還可用長匙把椰用刮出來！凍凍的吃起來非常醒神。蒜香香辣雞翼尖$20雞翼尖香辣惹味！濃濃的蒜香味，一試愛上😋桃膠紅棗木瓜燉雪耳$48桃膠養顏，紅棗補身，木瓜滋潤！三種大補品放在一起，真是女性恩物！不太甜，清潤可口。一放入口，清涼潤肺潤喉，塗膠本身沒有什麼味道但係等吸收了木瓜和紅棗的甜，十分吸引。朱古力心太軟鮮雜果配雪糕$50心太軟覺得剛剛好，內裏熱蓉蓉的朱古力漿！甜到剛剛好，以往食過的心太軟有些太甜，但這個剛剛好。蜂蜜荔枝梳打$32蜂蜜咁甜，荔枝味清爽，兩者是為最佳配搭，加上預先酸酸甜甜的，夏天非常適合。

久仰大名屏山有間糖水舖 啲嘢好好食，今日特登揸車入嚟品嚐一下， 朋友叫咗 紫薯 薑汁湯圓 ，因為見到佢貼曬大字報話喺沖繩直送應該冇死啦， 而我叫咗非常大路嘅 桃膠 燉椰皇 ，結論係 唔會再嚟 我試過朋友 嗰碗所謂沖繩直送嘅紫薯薑汁湯圓，果啲紫薯硬到好似樹皮咁 ，以我嘅桃膠燉椰皇 只係一般貨色 但係 埋單 係酒店嘅價錢真係唔多明白點解呢間嘢會有咁多好評咁嘅貨色埋單都要120蚊如果住喺附近嘅可以嚟試下 但係如果山長水遠揸車就千祈唔好嚟。

係openrice見到呢間糖水舖食評唔錯，特別係榴槤皇子，見到啲人介紹話呢款甜品好有層次好似好好味咁。我就專程去呢度試一試，果然一試難忘！榴槤皇子$60主要成份有：椰汁+燉蛋白+少少嘅榴蓮蓉組成。由於加左椰汁嘅關係，D蛋白好稀。我係問職員拿飲筒，飲曬成份甜品。好失望，第一次要用飲筒飲燉蛋白。之後我發現榴槤皇子，應該仲有一種配料「水晶珠」，但係我果份無左。我問職員「榴槤皇子係唔係有水晶珠嘅？點解我無嘅？」職員👨‍💼回應「係有嘅，可能唔記得俾你」。然後職員就走左去，一句道歉都無。呢間糖水舖嘅出品係精緻嘅，收費都唔算平。但係食物嘅質素同價錢完全唔成正比，建議各位去食前，除左睇好評，都要睇下差評。

今日一行五人夜晚到一糖，我地被告知戶外有大枱於是進去，後店員又說那邊是抽煙區域，被安排一張靠近門口的4人方型枱。由於靠近店門口，一坐下便發現室內有一張4人空枱，詢問之下店員只告訴我有6個人在等，於是只好作罷。在落單之際，有曱甴飛到我及我的家人身上及頭上，雖然食慾已大減，但在店員的進問下繼續落單。落完單我見6人已經入室內(又有一些客人已經走左)，但那張4人枱仍然是沒有人坐，於是再詢問店員能否進去坐。另一店員就同我說不可以，因為我無係落單前同佢地講，佢話如果我早d講就會係第一個等既人，但一落單就唔可以改坐位。他們並無同我講室內客人的用餐情況，其實如果他們留意到客人差唔多走，可以同我講需要等幾耐。其實一糖食物水準唔差，但經過呢一次既經驗，唔會想再去食。我明白weekend 人多，如果無曱甴迎面飛向我們，我們並唔會再次追問能不能安排入室內，但係店員既態度令我很失望。

我呢個螞蟻人又約人食甜品啦，最愛甜野❤️🤣😋今次又去左一糖，外面有得迫車，好方便架！📍桃膠椰皇燉蛋白（$56）本來想話最鍾意呢款，但係又覺得每一款都好好味🤣👍🏻 冰涼清爽，椰子味清香，燉蛋白好綿滑😋📍鮮芒果腸粉（$45）腸粉滑捋捋，冰冰涼涼，酸酸甜甜，勁啱夏天食！📍焦糖布丁牛奶冰（$65）牛奶味香濃，啲冰軟綿綿，布丁濃郁雞蛋香🍮📍石板街窩夫（$60）窩夫🧇內在鬆軟，外表酥脆，朱古力味濃厚🍫 雪糕有多款口味自選，唔錯整體質素唔錯，4款好好味😋，好鍾意❤️