一碗肉燥 (已結業)

今晚同朋友去一碗肉燥飯食，這間係食台式嘢。叫咗一個很讚紅燒牛肉套餐。賣相好吸引‼️熱辣辣嘅飯加上酸菜、多多肉燥，半隻蛋、紅燒牛肉好溫暖。紅燒牛肉好入味、好嫩口😍‼️

📍一碗肉燥沙田石門安群街1號京瑞廣場二期地下G01號舖🟠餐廳怖置顏色搶眼，於是就被吸引入去試試。但食後感覺得食物有點像傳統快餐店，質素一般。叫咗兩個套餐，一個係鹽酥🐔扒配原味肉躁飯，另一個鹽酥🐷扒配香辣肉躁飯。無論🐔扒或🐷扒，味道都好似一模一樣。個肉躁飯飯底有點凍同生骨，唔夠熱，無熱辣辣嘅感覺！🥣蛋花魚丸湯偏咸少少啊。🧋凍珍珠豆乳伯爵茶，偏甜。熱無糖豆漿，好香黃豆味，亦很夠熱，讚。🥬老干媽高麗菜，味道一般啊。

今晚同朋友去呢間餐廳食飯，叫咗一份起司雞肉蛋餅，好特別，外邊係蛋包住雞肉、肉鬆、青瓜絲，加入燒汁味道不錯。上次試咗芋泥肉鬆蛋餅，味道好得意，外面係蛋包住肉鬆、芋泥，起身鹹鹹甜甜，但係味道好夾，值得試下。

之前在屯門食過，見石門開了間新的，特意試下，叫了好似幾出名的炸雞扒肉燥飯配熱飲，外賣都是$44.5，好抵食！而看下包裝真的不錯，有誠意👍餐具質地不錯，有設計的包裝；食物質素以這價錢來說，十分不錯，雞皮還很脆、雞肉都幾嫩口，辣肉燥也夠辣，仲配有紫菜粉，整體感覺也很滿意，會再叫！😋

餐廳嘅裝修幾可愛適合一家大細入嚟食午餐嘅客飯系列係有好多碟小菜選擇豊富我哋今日揀咗鹽酥雞扒/金銀蛋娃娃菜/ 蒜香雙色腸/ 肉燥飯加咗個黑糖脆芋圓講真每一份嘅份量都好細叫得一碗肉燥對佢嘅期望相當高點知肉燥嘅味道偏甜肉汁亦都比較少至於娃娃菜同埋雞扒都只係正常發揮反而炸芋圓嘅味道香脆幾有新鮮感隨餐送嘅薏米檸檬桂花特飲都真係幾難飲同行叫咗麻醬鴨肉肉鬆冷麵反反而比肉燥好食啲夏天嚟食都算消暑喺台灣菜林立嘅香港呢間就比較失色

肉燥麵肉燥飯之餘，仲有精緻小菜，每次去都有d唔同。今日食既係炸魷魚，香口唔膩，仲有梅香炸蕃薯條，蕃薯條好甜，個人好甜，鍾意。另外加碗肉燥麵，小碗，唔會過飽，適合鍾意一次過食多種小菜既人。飲品有好多款珍珠奶茶、豆奶奶茶揀。岩哂鍾意本來鍾意掃街既為食人。

一碗肉燥 就是的台灣肉燥飯店，中午時都排了10分鐘到有得入座😂點了兩個lunch set 都係幾十元免加一😃⭐️好吃鹽酥雞扒加肉燥（辣）飯 $56，再連飲品😊 酥炸雞扒大大件，外皮極夠酥脆，而肉燥帶少辣，肉燥汁好濃，整體不錯👍🏻⭐️台式滷水套餐 $58 自選兩款滷水料，我就點了滷水雞翼和滷水牛肚，極度推薦這家滷水，好入味啊，又有一種麻油味，好香好正👍🏼👍🏼👍🏼兩款飲嘢都好飲，唔好因為係跟餐嘅而求其沖👍🏻

我叫左一碗很贊紅燒牛肉肉燥飯，牛肉雖然大大個，但好霖唔韌，幾入味，不過略為乾身。肉燥同酸菜撈埋d飯一齊食，好送飯！環境寬敞舒適，裝修得有d可愛！價錢適宜，分量都多，係一個唔錯選擇。

買左晚市外賣自取套餐：半隻鹽酥雞套餐，有半隻超細的炸春雞仔+細細碗青瓜+一杯野飲，72蚊。(好似係新餐，之前食過唔覺眼有)一打開見到都打左個突，下？就係咁多野？隻雞細到呢，15cmx10cm左右大的雞仔，仲係已經上晒粉的尺寸。你話超級無敵好食都算，但係就係正常台式炸雞味，收72蚊真係當堂嚇一跳，然後得啖笑！從來都無留過評論係openrice，都忍唔住過來留言，極不推薦呢個間野，希望餐廳見到可以改進下，你地咁樣真係好趕客。

去石門經過見到新開諗住試吓一見到個餐牌都覺得啲嘢食算幾抵本身諗住佢每樣嘢都細細碟啦點知上到嚟啲小食都好大碟好足料👍🏻👍🏻👍🏻叫咗個$62餐 有主食、蔬菜、小食同埋肉燥飯比起同類型嘅餐廳真係多好多椒麻肚絲係真係一碗唔係得幾條😨真係冇諗過咁大碗本身以為佢得幾條仲要好細條好幼嗰啲😂估唔到咁多 味道都唔錯，不過我覺得調味可以再多少少我個人比較重口味🤣肉操飯我叫咗香辣味不過其實識落同普通原味冇乜分別辣味唔突出 同埋飯多咗少少仲有個木魚乾蘿蔔有兩舊我覺得都算好抵都好入味好食！最好食我覺得係塊雞扒👍🏻👍🏻調味好足夠 口感好酥脆而且都幾大塊$62來講我諗出面淨係食到個雞扒肉操飯😂但係呢度竟然再有小食仲要包埋嘢飲！叫咗杯凍薏米桂花檸檬水 呢個特飲係唔使加錢嘅不過我略嫌甜咗啲

新開第三日就去試下依間新開既台灣菜。台式滷水套餐 - $ $58- 有5款滷水選擇，嗌咗雞翼同大腸（味道唔錯）- 自選面，嗌咗個肉燥湯面（味道可以，但份量有啲少，男仔就未必夠食喇🤔🤔）加配一個甜品（桂花仙草芋圓）味道太甜，芋圓唔夠煙韌麻辣干媽手撕雞拌麵 - $54味道一般，雖然係拌麵，但有啲乾。加配一杯泡沫珍珠伯爵奶茶，珍珠足夠，但味道就麻麻整體：地點就腳，方便返工人士。環境舒服，燈光明亮。雖然每款食物份量唔多，勝在可以嗌多幾款樣樣試😋