影片
上星期，舊男同事DN約我今日（10-3-2025 Mon）食晏，咁我唔帶飯啦，點知佢今朝突然話改聽日，咁改啦。於是今日我要自己食街外嘢，食邊間好呢？盔匠（https://www.openrice.com/zh/hongkong/r-%E7%9B%94%E5%8C%A0-%E6%B2%99%E7%94%B0-%E5%A4%9A%E5%9C%8B%E8%8F%9C-r807404)嘅燒餅？都係唔好喇，要買返公司食，呢間啦，其實想試好耐，奈何之前有同事話佢好油，有同事覺得唔好坐，所以一直都冇食過，咁趁今日自己食，就嚟呢間。我早啲嚟，嚟到時都冇乜人，店員叫我坐單邊位同掃QR code落單，都有好多選擇，最後我揀咗$69.00嘅鹽酥雞扒豬扒肉燥飯配餐飲，加$7.00轉原味肉燥湯新竹米粉，飲熱桂花薏米水。落完單，好快，食物就到嚟，睇見鹽酥雞扒豬扒份量好多，原味肉燥湯新竹米粉有半隻溏心滷水蛋，原味肉燥同酸菜。先食新竹米粉，佢係正常幼身，口感腍咗少少，湯就唔知咩湯，我唔識形容，但唔會難食；原味肉燥同酸菜唔多，肉燥唔算好肥，但我竟然食到有骨；酸菜正常，但又係份量太少，唔係好解到膩；半隻溏心滷水蛋夠味嘅。3.25分睇睇鹽酥雙扒，右邊應該係雞扒，左邊係豬扒，兩隻都炸到外脆內裡juicy，但雞扒食到似解唔夠凍嘅雪藏嗰陣膻味，係皮下脂肪太厚嘅緣故？ 4分豬扒都係鬆軟juicy，都見到脂肪部份好似佔咗一半，所以都覺得膩，而椒鹽味都幾夠嘅，不過見到啲肉帶粉紅色，而睇咗其他食評，有人反映過，但店員話係正常，我諗，我講嚟都冇用，就算真係生蟲，都冇證據話係佢，自求多福。3.5分至於杯熱桂花薏米水呢？味道淡又唔熱，淡到根本唔知自己飲緊乜，但見到有好多腍薏米。0.3分我覺得嘢食嘅份量比例唔好，餸多米粉少，而且餸嘅份量，足夠二人同食，最後我要俾$1.00用外賣盒拎走食唔晒嘅雙扒。建議調節返份量同價錢，餐飲只係冷／熱熱桂花薏米水免費，其他，就連普通嘅奶茶，檸水都要加$3.00。抵食係2.6分題外話：我落完單，繼續睇佢哋menu，至發覺原來有類似車仔麵嘅模式，可以自己揀要飯，米粉等等，要咩餸菜，不過我今次第一次嚟，都係試咗經典台灣嘢食先。
繼續閱讀
叫左個套餐 諗住加小菜同特飲我唔知頭唔知路揀咗張冇咁抵嘅coupon嚟用收銀姐姐明明見住都唔出聲咁都算怪我自己唔熟貴公司餐廳價錢用錯coupon後尾我睇多次餐牌發覺唔對路就問當值員工點知佢地你推比我我又推比你完全冇人願意幫忙解決問題作為顧客覺得好侮辱員工嘅善後態度真係非常惡劣冇下次
繼續閱讀
嘢食幾好食 價錢亦好優惠 但人流唔多嗌咗個豬扒肉燥飯加珍珠奶茶$42但令人不解嘅係 我15:25落單出埋單 等嘢食期間有其他客入座落單 遲過我落單嘢食都到埋 最後我食一間快餐竟然等咗20幾分鐘 需要改善🙏🏻🙏🏻🙏🏻
繼續閱讀
𖤐ˊ˗在石門這個多元化美食廣場，位於角落，醒目黃色門面，室內樓底高，面積大，採用落地玻璃採光，座位安排寬闊。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼麻辣湯新竹米粉+凍桂花薏米水 $67米粉掛湯好，口感不會太軟，很好吃，牛肉燉得軟爛，湯底的花椒籽味道重。✎ ̼鹽酥勁量爆炸王 $62鹽酥雞粒+鹽酥雞髀菇＋原味肉燥飯＋熱桂花薏米水朋友點叫，她們覺得一般，反而桂花薏米水好清甜解渴。✎ ̼鹽酥雞粒+鹽酥豆腐＄60原味肉燥飯＋凍桂花薏米水✎ ̼鹽酥雞粒+鹽酥魷魚鬚 $69原味肉燥飯+凍桂花薏米水
繼續閱讀
行開石門諗住搵間台灣野食下入到餐廳等都唔洗等就有位坐左喺有梳化既卡位🛋️餐廳環境唔錯衛生程度都ok既坐底睇下食乜好啦最後叫左🍅牛筋牛肉牛肚刀削麵🍜同鹽酥豬扒肉燥飯🍲食物上到黎賣相都正正常常既🍅牛筋牛肉牛肚刀削麵個牛肉就硬左D唔係我心目中果種台灣牛肉啦輪到個鹽酥豬扒肉燥飯喇首先，個肉燥唔係台灣果種啦都唔緊要，味道唔差就算喇但當我夾起塊豬扒🍖嘩……果舊粉嫩既肌膚，晶瑩剔透我見到咁緊係要搵經理搞搞佢啦點不知，經理居然話急凍肉熟左就係咁🤯🤬冇問題喎完全冇諗過換過或整熟啲先再比我🤬🤬好冇問題有咁好👎既服務有咁出色👎既經理我一定大大力推薦比朋友啦
繼續閱讀