一碗肉燥

營業中

休息中

𖤐ˊ˗在石門這個多元化美食廣場，位於角落，醒目黃色門面，室內樓底高，面積大，採用落地玻璃採光，座位安排寬闊。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼麻辣湯新竹米粉+凍桂花薏米水 $67米粉掛湯好，口感不會太軟，很好吃，牛肉燉得軟爛，湯底的花椒籽味道重。✎ ̼鹽酥勁量爆炸王 $62鹽酥雞粒+鹽酥雞髀菇＋原味肉燥飯＋熱桂花薏米水朋友點叫，她們覺得一般，反而桂花薏米水好清甜解渴。✎ ̼鹽酥雞粒+鹽酥豆腐＄60原味肉燥飯＋凍桂花薏米水✎ ̼鹽酥雞粒+鹽酥魷魚鬚 $69原味肉燥飯+凍桂花薏米水

行開石門諗住搵間台灣野食下入到餐廳等都唔洗等就有位坐左喺有梳化既卡位🛋️餐廳環境唔錯衛生程度都ok既坐底睇下食乜好啦最後叫左🍅牛筋牛肉牛肚刀削麵🍜同鹽酥豬扒肉燥飯🍲食物上到黎賣相都正正常常既🍅牛筋牛肉牛肚刀削麵個牛肉就硬左D唔係我心目中果種台灣牛肉啦輪到個鹽酥豬扒肉燥飯喇首先，個肉燥唔係台灣果種啦都唔緊要，味道唔差就算喇但當我夾起塊豬扒🍖嘩……果舊粉嫩既肌膚，晶瑩剔透我見到咁緊係要搵經理搞搞佢啦點不知，經理居然話急凍肉熟左就係咁🤯🤬冇問題喎完全冇諗過換過或整熟啲先再比我🤬🤬好冇問題有咁好👎既服務有咁出色👎既經理我一定大大力推薦比朋友啦

見到出左個 $228/3-4 人餐，仲有+$10 有隻炸春雞，就嚟食。個餐前菜叫左拍青瓜微辣、肉燥生菜，主菜叫左鹵水拼盤份量比較細而且滷得未夠時間，三杯雞好惹味料頭豐富，芫荽蚵仔蛋餅冇試，小食叫左手抓餅吾太熱所以變咗有啲硬，炸魷魚鬚細條而且炸得過左位，主糧加錢叫左辣同吾辣嘅刀削麵和新竹米粉，米粉吸左微辣嘅肉燥汁好食，刀削麵就一貫水準，飲品薄荷檸檬特飲、百香果特飲和黑糖珍珠奶茶都吾太夠味。+$10 慢煮炸春雞（原隻）反而吾錯，見到枱枱都有叫。因為麵食和飲品加左錢，埋單$310/5 位。

去石門取回鄉証， 選中此店食。12點冇咩人， 都覺有d奇怪， 冇人食？ 唔好食？。位置唔好？點知食完就知點解冇人食。 一個字［差］1）炸豬排， 炸雞扒， 肉燥飯加桂花薏米水炸豬扒好乾， 唔熱， 冇味炸雞扒， 唔熟， 有血水。肉燥，。冇特別， 沒有香蔥酥油五香。見炸雞扒唔熟， 同店員講， 佢取回入去廚房， 轉頭取回來， 我問做過咩？佢話取入去番叮。。。。薏米水又冇薏米味， 只有糖加水。2）鹽酥雞粒， 炸魷魚鬚全部炸物一個味， 炸粉又乾又硬。 全部預先炸起， 落單就夾食物上碗味精重， 食完好口乾炸物冇味， 像冰鮮肉3）加個宜蘭蔥餅勁多油， 油浸完出來咁饀冇味， 唔香。總評。炸物， 好差， 又乾又硬又冇味， 只有味精。炸物， 唔熱， 全部預先炸起。一d誠意都冇， 像快餐店。

［香港］一碗肉燥 (沙田)上班前去了石門午餐，看見這間店舖有台灣肉燥飯，裏面又有很多人，決定進去試一試。剛好有一個二人座位，一行兩人便進去坐下來，冷氣充足，十分適合現在炎熱的天氣。我們二人都很想吃「爆炸王」，於是點了：鹽酥雞粒+鹽酥雞髀菇 $62 和 鹽酥雞粒+鹽酥茄子 $59，每人也另外加了一個肉燥飯。鹽酥雞粒：份量很多很多很多，酥炸香脆，加上調味粉很惹味。裏面的雞肉多汁，很好吃。鹽酥茄子：份量有點兒少，外面的酥炸皮沒有緊緊的黏著茄子，散開了。鹽酥雞髀菇：這個份量也有點兒少，裏面的雞髀都沒有感覺鮮嫩多汁，有點兒失色。肉燥飯的醬汁還ok，不會太少！不想吃白飯的建議加錢改肉燥飯。建議如果多人不要全部都叫炸雞，有點兒太多了。

去到石門其實有好多選擇，大部份都係每人$40-70就搞得掂。今次入咗嚟呢間一碗肉燥，餐廳入面以黃白色為主，所以都比較清新舒服。入面亦都有好多卡位坐得都幾舒服。🌟爆炸王（鹽酥雞加炸雞髀菇）$70鹽酥雞幾好食，外皮都脆入面都有汁😊份量都好多！幾適合大胃口人士但係個菇外皮較硬，建議可以試吓其他。凍珍珠奶茶🧋🌟麻辣雞鍋 $69呢個麻辣鍋我食開辣嘅都覺得辣，要一路飲珍珠奶茶一路食🤣個雞中規中矩，雞唔會太滑，有雞味，呢個價錢呢個質素，我覺得合理。麻辣雞湯仲可以撈飯食，下次會試其他。🌟七味香脆魷魚鬚+$18正常味道，但份量較少。🌟黑糖脆芋圓+$9反而呢一個好有驚喜， 外皮脆入面煙煙韌韌，食完會想再食第二粒🌟熱黑糖珍珠奶茶+$12雖然見唔到啲黑糖珍珠，亦都冇叫少甜，但個黑糖甜度好適中，好好飲。總括嚟講我覺得呢度食飯性價高🌟*no special discount offered by the restaurant

有驚喜台式餐廳😍今日第一次試石門轉角呢間隱蔽台式餐廳嗌咗呢個蕃茄湯底牛肉牛筋刀削麵牛肉一咬就溶喺口中超級腍 醃得好入味 仲要俾咗好多舊😍每舊都大大嚿超抵食😋刀削麵食落正正常常蕃茄湯底好濃郁 雖然冇原粒蕃茄 但係飲落都幾順口 唔會係好假嘅罐頭蕃茄味$73以石門小店商場嚟講價錢算係小貴 但以質素嚟講可接受下次經過石門會再嚟食～😙ﾟ･ 𖥸──-ˋˏ  👣 ˎˊ-──𖥸 ｡ﾟ･抵食：🌟🌟🌟🌟回頭率：🌟🌟🌟🌟環境: 🌟🌟🌟🌟🌟

佢本身嗰個logo啲公仔好得意，經過已經比佢哋吸引咗，其實之前已經食過午餐，幾好份量十足，所以今日去咗食佢哋新推出嘅早餐，佢哋呢度座位好寬闊，坐得好舒服～我選擇咗沙嗲牛肉公仔麵早餐$35，性價比高，價錢唔貴份量十足，咖啡香濃，唔係好似一般茶餐廳咁好似飲苦茶咁～沙嗲牛肉公仔麵，沙嗲牛肉味道香濃，公仔麵麵質口感適中～套餐仲有火腿蛋卷，上邊有沙律醬，呢個配搭幾特別，因為平時食早餐多數都係食多士或者餐包～

去開石門行吓睇吓食咩好，見到呢間餐廳門口餐牌食物相片吸引，於是同朋友入去試吓。下午茶堂食物好味，而且價錢都算抵，我地叫咗鹽穌雞飯，沙茶牛肉麵，上湯娃娃菜，兩杯珍珠奶茶，整體都算唔錯。見到堂食不錯，決定叫兩碗甜品外賣，餐牌圖片吸引，點知回家後打開睇到後。。。真係好失望。。。唉…下次只好揀堂食了最後付上堂食相片及外賣甜品實物圖及餐牌圖

台式蛋餅 +奶茶巨雞蛋 +火腿蛋餅 +拍青瓜餐肉、滑蛋、香菇肉燥新竹米、熱台式奶茶雙拼餐餐肉、煎雙蛋、沙茶牛肉新竹米、熱台式奶茶、火腿蛋餅（半份）預約咗附近換證，位置鄰近石門地鐵站，過嚟食埋早餐都算方便，驚喜發現呢間好鍾意雞蛋嘅主題餐廳，餐牌大路，不要對食物質素過於講究，不過選擇還多，份量十足，不過店員態度友善，雖然電子自助下單，亦可以彈性配搭個別客人喜好，環境衛生方面感覺非常滿意，啱晒鍾情雞蛋餐嘅朋友。

平日在石門食午餐，見有位不用等便直入。環境光明，乾淨衛生，顏色鮮亮，是開心的顏色。服務人員有禮細心，價格尚可。肉燥一般稍鹹，酥雞扒就好難食，脆炸皮厚硬，肉質太乾，台灣奶茶的茶味淡多奶，不合我胃口。

本來見到下午茶套餐好似幾吸引，所以入去試吓啦。。。。。但係事實與幻想嚴重不符😓😓😓😓😓肉燥飯嘅肉燥⋯油到。。🤢但留意番呢度叫「一碗肉燥」-0- 出名油嗎？？？然後配菜嘅烏梅醬 排骨。。too dry.炸到柴皮咁。牙齒唔好嘅朋友要留意😑😑😑還有芝士火腿蛋餅。。點解係凍的。。入面嘅芝士同火腿。就好似啱啱喺雪櫃攞出嚟咁。。暖一暖都好吧？最後望落最正常嘅鹽酥雞。。係冇味的⋯omg.。。我不會再來了

一碗肉燥主打台式料理，全新早餐選擇多過之前，亦都豐富咗，價錢都加咗😗，不過最緊要係物有所值，咁咪諗住試一試佢。肉鬆蛋餅+煎雞扒 $48-滑蛋-香辣肉燥肉丸擔仔油麵（細）-熱台式奶茶+$6蛋餅都係同平時一樣足料好味，個滑蛋諗住佢普通但係出奇地好味😋夠滑而且蛋香夠濃👍🏻雞扒正常但稍嫌有啲細塊，男人食會爭啲😕然後個油麵就……有啲失望😞鹼水味太勁最後就係飲奶茶要加錢（之前就算係凍飲都唔使加錢）大腸麵線+白菜豬肉水餃 $43熱豆漿（唔使加錢）大腸麵線無比較無傷害，唔好諗住X宗米線嚟食😂白菜豬肉水餃就係白菜豬肉水餃，完。總結一句：要我俾呢個價錢食早餐，我情願食返舊Menu。另一個原因係飲奶茶竟然變咗要加錢🫠，同埋個油面可以比客人自己加減最好

外賣平台 叫外賣 $106，成杯豆漿倒瀉晒，個飯都有豆漿。發livechat 俾平台 ，問完我一大堆資料，平台問我同唔同意佢地俾返張$35 coupon 當補償我。我同平台 講，我俾咗$106 , 你俾張$35 coupon我，姐係叫我俾多$71 再叫個飯？跟主我話唔同意，個Agent 就關了個live chat ，跟住個Apps就跳咗個話事情已解決….間舖頭都有D無腦，俾咁大個袋，杯嘢飲單獨放，又冇cup holder。你起碼都係個杯蓋度兩邊癡膠紙啊….. 唔倒瀉先至奇。人生第一次食台灣豆漿泡飯……

餐廳嘅環境寬敞，而且光線亮度都啱啱好，冷氣都夠凍🤠🤠。⭐️ 辣肉燥豬軟骨拌麵 $54Noodles served with spicy meat sauce and pork cartilage呢碗麵偏向微辣嘅口味，唔食辣嘅朋友亦都可以試下😗😗。佢哋仲配埋半隻糖心蛋同埋鹹菜。肉燥嘅味道好香，好開胃。豬軟骨煮得好入味👀👀，軟軟地，真係好好食。拌麵嘅質地比較扁身，有啲咬勁😄😄，再加埋其他配料一齊食就非常夾。不過就係有少少油膩😢😢，食多嘅時候可能會覺得油多啲。⭐️ 檸檬桂花薏米特飲Hot barley drink with osmanthus and lemon呢杯特飲一般般啦😶😶，薏米煮得有啲太軟爛，唔太食到桂花嘅味道🙈🙈。整體嘅味道都好淡淡地🫠。📍一碗肉燥 Taiwan Bowl沙田石門安群街1號京瑞廣場2期地下G01號舖Shop G01, G/F, Kings Wing Plaza 2, 1 On Kwan Street, Sha Tin