一番日本料理

營業中

休息中

性價比高嘅日本菜以呢個價錢已經好抵黎元朗必定食大大件壽司剩食壽司已經好飽😂唔記得咗$8定$9嘅生蠔都幾大隻少少海水味都算ok唯一餐廳啲位置比較迫坐中比較無咁舒服😅

已光顧過無數次，食物保持水準價格實惠店內空間略小，座位略擠迫點學生贈送飲品，午餐時間經常有大批學生門外排隊，早已不是學生的我們盡量避開12-1:30lunch time去！ 「蒲燒鰻魚丼」鰻魚無骨厚肉入味，雜菜伴日本珍珠米香軟，首選！ $58 「滑蛋吉列朱扒鍋飯」皮脆肉嫩，滑蛋汁伴飯，一流！ $52可選多飯或少飯！每餐贈送麵豉湯及綠茶，茶杯自帶茶葉內層，衝泡方便又衛生！跟餐加$5有熱飲/涷飲，特色飲品加$8。

每月去到糧尾嘅時候，就會諗下邊度有平靚正嘅晚餐，即時諗起一番日本料理，叫埋同事收工一齊食好西。每台預先放好餐具，飲品杯是即棄茶包連在紙杯底的，感覺很貼心，自己加熱水就能有茶飲。餐牌最近有秋季推介，例如熱辣辣的鯛魚頭玉奶鍋、關東煮、煎羊架，又有採用季節性海產的廚師發板刺身拼盤。可惜同事唔食刺身，唯有自己點一份細的刺身拼盤$68,有吞拿魚、大甜蝦、翡翠螺、立魚、海膽。除了翡翠螺是一隻，和海膽是一片，其他刺身都有兩片。$68價錢超值，明碼實價無加一，刺身新鮮大片，海膽質感爽甜有海水味，下次要食一板啊！(都有特價$68一板) ，誰說糧尾無啖好食？鹿兒島豚肉蜆肉鍋， 天氣涼，點個鍋物扮打邊爐，暖暖的。這裏的鍋物是公認的美味又大份，非常推介！我還加$10配烏冬，怎麼不見了蜆肉？只見豚肉鋪滿鍋面，原來好物沉歸底，越挖越多寶，除了大量的蜆肉，還有粉絲、黃芽白、白菜、雜菌等，蜆肉和 蔬菜都令湯底增添甜味，而清湯精心淆製過本已很鮮甜，加埋一齊食令湯底超好味！整個鍋連湯也喝完，特別一提豚肉，帶有少許豬軟骨，咬下爽口有嚼勁，足料份量夠，大食如我都覺得超值！滑蛋雞扒飯$55,同事不吃刺身，點個熟食算了。鍋飯原來

《嘆一嘆下午茶》三點鐘 踏入這間在元朗區內開咗好耐既人氣日本平價料理食好西😚街坊生意 裝橫平實 食物價錢相宜實惠👍 👉星期一至五📍三點至六點有十多款下午茶餐價錢由 $11.00起 食物有日、 台 、港 、韓式都有~~ 👉另外📍三點至六點半優惠時段刺身/壽司價錢由 $6.00起自私食嘆咗~~八款刺身( 立魚 劍魚腩 八爪魚 油甘魚 甜蝦 赤貝 帶子 珍珠赤蝦) 新鮮冇雪味👍鮮茄牛肉湯烏冬🍅湯底香濃 幾多蕃茄蓉 天然嘅茄味🍅🍅烏冬都幾多下 牛肉正常 差唔多飲曬啲湯😆

8號風球在家悶了一天，落波後外出晚餐，可能打完風仲落緊雨，街上餐廳選擇不多 (未開門/休息)，見到呢間日本菜剛好有位，價錢ok又選擇多，就入去。 餐廳裝修以簡約和風為主，也有擺放不同牌子sake。食物方面選擇多，包括一般刺身壽司海鮮串燒炸物拉麵烏冬鍋物等等，而且相當抵食。 刺身拼盤 ($58)餐廳的刺身都做優惠，多款拼盤由$5x至$7x已有5，6款刺身，十分吸引。今次選擇了: 三文魚、油甘魚、鮮帶子、北寄貝及北極翡翠螺。刺身整體新鮮，三文魚和油甘魚的條紋清晰，魚油多又夠厚身。 貝類的刺身也鮮味十足，甘甜唔會苦。 牛油果反卷8件 ($62)牛油果控表示，由於不是很多日本菜有，一見到就必點這個卷物! 有蟹柳和玉子包在卷物內，加上牛油果，以蟹籽和千島沙律醬調味，牛油果是厚厚的和半熟的，配搭卷物口感豐富。 吉列豬扒烏冬 地獄湯底 ($58)辣味湯底值得一讚! 調味剛好，不會過鹹或太淡味，加上日本魚蛋，芽菜，雞蛋和昆布，每樣都十分入味。吉列豬扒是厚身，炸得外邊香脆內裏鬆化，不會炸得太乾，而附上沙律醬調味，配合烏冬食，滿足又性價比極高。 紙製茶杯很特別，原來茶葉已經在杯底，只要加入熱水，立即變日本

平日中午路過，見好多學生喺門口排隊，望一望午市定食，價錢真係好抵。最近減肥，佢地嘅巨大壽司我就唔啱了，不如就試少少刺身啦。入到去果斷揀左餐牌比較高價位嘅刺身，覺得質素很不錯。磯煮鮑魚 ($35)邊口香味更濃，肉質有韌性而不硬，有鮮甜味道。珍寶牡丹蝦 $40好大隻✨入口超滿足，肉質爽滑彈牙，鮮味十足❤️極上三文魚腩 ($62)五片都算厚切，肥美香嫩，入口即溶嘅嫩滑程度，好滿意👍🏻珍寶帶子 ($40)超大一粒，入口鮮甜無比，帶子係我食刺身之食首選✨牛舌串 ($22)想食啲熱嘢作結，牛舌不過不失，味道可以，但比較乾身。刺身鮮甜肥美，埋單只係200蚊多啲，以食左咁多珍寶size刺身來說，價錢好貼地！

成日晚市時間路過經常都排滿人，諗住平日中午嚟應該會好啲，點知都係好多人，好彩朋友一早來排位。辛苦晒😘廚師發板刺身拼盤（18片）$298採用日本季節性海產，各款刺身鮮味十足。極上迷你雜錦壽司配烏冬$88跟餐追加$10蟹子沙律 抹茶蕨餅$5凍柚子蜜啱晒又想食壽司又想飲碗熱湯嘅朋友👍🏼吉列豬扒定食$29跟餐追加$10雜錦沙律 泡芙$13巨峰提子乳酸超級抵食，吉列豬扒非常酥脆，分量十足，啱晒又想食好嘢又要飽肚嘅學生哥。另外佢哋嘅茶包好特別，係設置喺茶杯嘅杯底唔會浮上面，唔會喺品茶途中有茶葉或茶包黐住個口。

同朋友係元朗工作完好攰，想食餐開心啲嘅午餐，行行下見到一番，好似唔錯😁就入去試下。其實我地坐低都兩點幾，但餐廳仍然好多人，望下餐牌，嘩！平到😂 有啲嚇親，仲驚係伏。就係呢個平民超脆豬扒飯，必點！鬆脆，厚度足，咬落去仲有肉汁😍 最緊要係佢只係廿幾蚊！不得了！我就叫咗呢個壽司set，最好味係魚子😋 三文魚腩同吞拿魚都好出色。因為好平，所以忍唔住叫埋其他單點嘅嘢食。登登！廚師發板刺身拼盤，三百蚊唔洗就食到咁多款刺身，仲有海膽呀大佬！海膽我估係用加拿大（估架咋，我無問😂），因為食得出佢好甜，同母好大陣嘅海水味！真心推薦！抵食度：⭐️⭐️⭐️⭐️⭐️

元朗出名多好嘢食，撞啱最近做周年慶嘅一番日本料理，發現性價比真係唔係一般嘅高🤣店舖唔算好大，裝修唔係走精緻高檔路線，不過最重要就係食物質素係咪？呢間真係冇得輸。先來時令白身魚（$98/10片）開頭見到白新與但唔講名係咩魚類，有點卻步，但識落的確係非常新鮮，也許只是店舖想有走盞空間吧？用柚子醋漬嘅處理手法，配合新鮮山葵，試問而家仲有幾多間日本餐廳賣呢個價錢，但比咁樣嘅質素呢？😆☺️👍🏼再來日本宮崎和牛壽司（$48 ）油脂分布睇圖都見到，唔使多講，入口即溶👍🏼松葉蟹味增甲羅燒（$48 ）相信應該係自家製或真係入貨選料上乘，冇出面食嘅一般甲羅燒嘅死鹹味，反而上嚐到蟹膏真正嘅鮮味。一個人就食咁多嘢，飽肚又唔肥膩，真係好鍾意日本嘅飲食文化啊！🦪右邊係時令生蠔號（ $13 ）、🦐珍寶赤蝦刺身（ $9 ），全部都係非常新鮮，試想像仲有邊度可以搵到比呢間用料新鮮，價錢唔貴嘅日本嘢呢？🙈好喇，來到今晚嘅重頭戲，細節決定成敗，呢個位置值得我再去呢間餐廳食完再食👍🏼明明見到個底浪下浪下有茶葉，點知飲落從來未有茶葉渣，原來係餐廳入咗一批下面有過濾紙嘅茶杯🍵🤣👍🏼往往遇到性價比高嘅餐廳，有人會話餐廳好傻，有錢唔賺

🥉好鐘意食飯可以黎試😂.講真呢度啲刺身唔係話特別新鮮😂😂$9 珍寶赤蝦係腥既🤢$28牡丹蝦同帶子都係正常😛火炙左口魚裙邊壽司，個份量係足既：一舊有兩塊左口魚😆但係燒得唔夠耐唔夠透😂啲魚油都出唔到黎😛佢啲壽司飯就真係好大舊飯🤣🤣.叫到成枱都係有啲都唔記得影🤣🤣炸軟殼蟹同菇係正常🤣明太子雞翼出面燒得好靚但入面個明太子就麻麻地🙈覺得最好味既南瓜餅🎃就太好味，忘記左影🤣🤣佢哋個茶又幾得意，個杯係本身連有茶葉，老人家見識少🙈第一次見，感覺幾衛生同方便👍🏻最後佢會送一人一客雪糕😁我哋係openrice 訂仲有一客蟹籽沙律送😆總括嚟緊呢度係大大份成飽人之選😂但就冇話有想再黎既衝動👻

這次跟朋友再去到這家吃東西，發現環境裝修有點不同😆。店舖位於元朗教育路，午市時間有套餐供應，跟餐還可加購小食和升級飲品🙈。主餐牌的食也很多選擇，我們點了喜歡的相撲壽司，大大份賣相吸引🤤。店家的水杯更換了紙杯，裡面暗藏茶包🤣，打開又驚喜感到方便😆。-💥自選刺身 HKD$42起/份，我們選擇了三文魚魚腩和日本鮮帶子，這兩款一份也是有8片份量。刺身賣相新鮮味道鮮甜，簡單單配醬油吃就可以😆。-💥相撲壽司 HKD$11起/件，這個相比平常的壽司大一倍，我們選擇了辛辣三文魚碎、佐口群邊，海膽和鵝肝。辛辣三文魚碎味道帶微微辣味挺惹味的🤤，佐口群邊爽口鮮味。海膽味道鮮甜，鵝肝入口即化。-💥迷利雜錦壽司配烏冬 HKD$58，這個是午餐價錢，一份有8件壽司，包括：三文魚、吞拿魚、甜蝦、墨魚、蟹籽、立魚、仿鮑魚、玉子。壽司味道鮮甜新鮮，配烏冬吃吃到飽飽的😚。

應該冇元朗人唔識呢間大大件壽司我仲記得當初呢間夜晚長期排長龍，所以我每次都晏晝去食，抵食又唔錯。佢裝修完感覺舒服啲，而且茶都轉左用紙杯，最特別嘅地方係紙杯個底度有茶包格，而唔係一包包嘅茶包，保證衛生。三文魚腩刺身 （4片） $50識食一定係食腩，因為同我一樣咁肥美，但佢好鬼鼠匿埋晒喺個底🤣🤣鮮帶子刺身 （8片）$52食得出新鮮，而且厚肉。左口魚裙邊壽司 $22之前同朋友食佢成日食呢個搞到而家我都好鍾意食左口魚裙邊，嚟到嘅時候見到佢勁大件，足足等於人哋其他壽司舖嘅兩件。辛辣三文魚碎壽司 $28平時食壽司都冇諗過軍艦都咁大件，而辛辣三文魚唔係度度都有得食，當然唔可以錯過海膽壽司 $52又係海膽呀，作為海膽控又點會唔叫呢😋鵝肝壽司 $32嚟到嘅時候好香，雖然個賣相好似麻麻地，但個味道真係值，如果唔係太飽真係想encore。迷你雜錦壽司配烏冬 $58午餐時間極度推介叫呢個，雖然佢比起散叫嘅壽司細件，屬於正常壽司舖嘅壽司size，但配埋個烏冬其實好飽。壽司足足有八件咁多，仲可以加錢要野飲，真心平食。

近近地又去咗元朗覓食，今次同朋友嚟咗呢間一番日本料理，真心超級抵食，相信係全港最高CP值日本料理❣️🎌 環境唔錯，樓底高，寬敞舒適，裝修可愛日式風格🎌🤍午市定食：📌鯖魚定食$29😱好平📌三文魚壽司加$5📌龍眼冬瓜茶加$8定食包括了麵豉湯🍲，鯖魚煎得好夠香🐟，仲可以平價加購其他食物🍣和特飲🍹，相當抵食，質素好高！真係好推薦佢哋嘅龍眼冬瓜茶，咁平，但係質素超高，我諗算係全香港最好飲嘅版本！🤍卷物：📌加州卷六件🍥🍣$45超級巨型，超級大件，超級抵食，超級足料！！真係除咗超正真係唔識形容，點解可以咁抵，超大舊，蟹籽卜卜脆！🤍小食：📌凍豆腐$25喜歡呢個日式凍豆腐🤍，比較清爽的食物，芝麻醬的配搭令人好開胃🤍🤍串燒：📌汁燒帆立貝🐚🍢$22帆立貝鮮味濃郁，超級濃郁的燒汁，串燒超級好吃😋，真係冇諗過咁正！🤍刺身：📌三文魚$45/4片刺身好抵食， $45有四篇，仲要係好大片，好厚身，味道係相當新鮮的，值得叫來食🐟整體成間店舖真係超級好，不論服務，還是食物，真係超好，超級抵食，超級平，我哋食到超飽😋😋😋😋

三個星期前，難得住港島的朋友入元朗，又想食日本野，見到食評唔錯，就訂位了!一入到餐廳，員都都幾好禮貌，坐低之後，果然有驚喜，個杯綠茶d茶葉有個隔係底，點飲都唔會有茶葉入口，即刻想買幾個返屋企用。刺生好新鮮，份量好大，我哋差啲以為叫左兩set！呢個北寄背，下次一定會encore, 新鮮彈牙，加埋秘製汁，好夾！雞泡魚乾，每次去居酒屋都必食，燒得都夠乾身同脆，點埋沙律醬一流。芒果蟹籽吉列蝦卷，份量好大，最後同朋友每人一件，已經飽到食唔落了。呢個係我當晚至愛，有鍾意的蟹膏蟹肉蟹籽葱同蛋撈勻，配脆多士，無得彈！青酒煮蜆，酒味好愛好濃串燒茄子同翠肉返，加埋燒汁，幾開胃雞軟骨 加了椒鹽，乾身脆口燒安格斯牛肉粒，如果多兩舊就更好了😋最後有甜品送，原來係成杯雪糕，本身已經好飽嘅我哋，香滑又唔係甜，竟然忍唔住食晒成杯

今日放工約左住係元朗的朋友到元朗國食日式料理😋一番日本料理係一間性價比好高的日本餐廳，menu 非常多元化，日式餐廳應該有的菜式都有齊，和朋友叫左十樣以上的菜色，包括2 set刺身，甲羅燒，清酒煮蜆，炭燒北寄貝，芒果炸蝦卷，幾種串燒等等都不用400元！刺身都幾新鮮，卷物超大舊！🍱基本上一人一條其實都會飽🤣甲羅燒配上麵包食好香，炭爐仲可以用嚟燒埋北寄貝！清酒煮蜆都算清甜！串燒方面就叫左燒茄子🍆，燒翠肉瓜，和牛粒，都好香口！杯茶🍵值得介紹一下，啲茶葉係已經放在杯中！有一層隔層網隔住，一倒水就可以飲，又唔驚飲到茶葉，係一個好好的設計！想讚下店員非常熱情，而且態度好好，會主動幫忙加熱水🥰最後最令人驚艷的竟然係送的雪糕！🍨焦糖餅味，完全唔會太甜但好香好好食！可惜市面上比較少見有得買！食到好飽既我地都唔小心食晒成杯！😋😋😋