影片
以上資料只供參考, 請與餐廳確認詳情
食家推介
星期六中午，預定去楊屋道街市買餸菜，先到咗荃新天地醫肚，沒有特定的餐廳，隨便看看，被這間的龍蝦濃湯烏冬海報吸引住！就試咗這個套餐，要多汁，果然很豐富的汁！仲配個黑松露炒蛋多士，黑松露份量一啲都唔手緊！份量百分百足夠。飲品亦十分多選擇，叫了檸檬茶，恰到好處。最鍾意手機QR code落單，想點揀都得，幾挑剔都可以。很多選擇！食物即做熱辣辣👍🏻，味道適中，不會太鹹？整體來說，有點另類的茶餐廳，有下次！
繼續閱讀
之前食落幾好食 質素唔錯。最近係轉左1800就收檔。今日1月27號 不過我見見到17:30截單，17:22d店員 已經唔俾客人入去，是老細指示嘛？定係純粹d店員想收工，令到d客係冇得入去食餐？
繼續閱讀
這家餐廳轉型為茶餐廳後，多了很多客人幫襯。午市套餐由$56至$65不等、常餐$58起（沙嗲牛麵、雪菜肉絲麵、牛柳粒羅宋湯通粉、叉燒通粉粉 + 櫻花蝦炒蛋）今天，我倆試試他們的常餐雪菜肉絲麵。雪菜是新鮮的，味道甜甜酸酸，肉絲很新鮮嫩滑，帶點辣，算是有水準之作；櫻花蝦炒蛋多士，多士烘得剛剛好，雞蛋是炒滑蛋，不錯！這家餐廳開業時是走日式風格，有以日式咖喱、拉麵烏冬等菜式為主，價錢是中低檔，客人不多，反而轉型為茶餐廳後，稍微調低了價錢，更見吸引。
繼續閱讀
嗰日好想食常餐飲熱奶茶，雪菜肉絲米雖然唔係好出色，但都可以接受。而我最期待係炒蛋多士配熱奶茶，可惜杯奶茶勁多奶冇茶味，飲咗兩三啖都係頂唔順，問侍應杯奶茶太多奶可否加返啲茶，佢去問收銀個男人，跟住返返嚟話唔可以。。。。。。。。。。。。。。。。。。。。。。。。。。。。。。俾錢嗰陣我先生同收銀個男人講聲杯奶茶太多奶，佢回應一句: ”重手咗呀?!”。。。。。。。。。。。。。。。。。。。。。。。。。。。。。。
繼續閱讀
睇圖就知，唔想再講，小佢都嘥氣完全貨不對辦，相信影到好似好靚，仲以為係佢哋嘅招牌菜，但係嚟到成pat 螢光汁，一啲都唔開胃，啲汁完全冇蝦味，啲蝦都係白烚，完全冇味！啲汁仲要係杰 tart tart, 食咗兩啖已經放棄咗！ 真心難食！奶茶，多士，都還可以，但係真係唔建議叫黑松露炒蛋， 黑松露醬太多又冇乜黑松露味，得個鹹字！總結， 如果呢個餐係大排檔$36我覺得還可以！但係茶仔收我8兜嘢仲要質素咁差，我真係唔得囉！
繼續閱讀